Miqueas 7:18 - Li Santil hu

¹⁸ Ma̱ jun chic li Dios cuan. Caꞌaj cuiꞌ la̱at. La̱at nacatcuyuc ma̱c ut nasach saꞌ a̱chꞌo̱l lix ma̱queb la̱ tenamit Israel, li joꞌ qꞌuial chic li incꞌaꞌ queꞌsacheꞌ. La̱at incꞌaꞌ nacatjoskꞌoꞌ chi junaj cua. Nasahoꞌ ban saꞌ a̱chꞌo̱l chi uxta̱na̱nc u.

Q'eqchi Bible

¹⁸ Maajun chik junaq Yos jo' laa'at, at Qaawa', xb'aan naq laa'at nakakuy nakasach li xmaakeb' li rela' laatenamit. Laa'at ink'a' nakatjosq'o'k chi junajwa, xb'aan naq nakara li uxtaanank.

Miqueas 7:18 ပူးပေါင်းရင်းမြစ်များ

Isaías 43:25

Abanan la̱in li Ka̱cuaꞌ Dios. La̱in nincuyuc re le̱ ma̱c. Ninba̱nu aꞌan xban nak la̱in li Dios. La̱in tincuy le̱ ma̱c ut incꞌaꞌ chic ta̱julticokꞌ cue.

Isaías 44:22

La̱in xinsachoc re le̱ ma̱c joꞌ nak nasach li chok. Sukꞌinkex cuiqꞌuin xban nak la̱in xincoloc e̱re.

Jeremías 50:20

Saꞌ eb li cutan aꞌan eb laj Israel ut eb laj Judá ma̱cꞌaꞌak xma̱queb xban nak la̱in tincuy tinsach lix ma̱queb li joꞌ qꞌuial chic xeꞌcana, chan li Ka̱cuaꞌ.

Jeremías 32:41

Ta̱sahokꞌ saꞌ inchꞌo̱l chixba̱nunquil usilal reheb. Ut tinqꞌueheb chi cua̱nc saꞌ li naꞌajej aꞌin. Relic chi ya̱l tinba̱nu aꞌin chi anchal inchꞌo̱l ut chi anchal inmetzꞌe̱u.

Jeremías 3:12

Ayu ut ta̱ye reheb li tenamit li cuanqueb saꞌ li norte: Joꞌcaꞌin xye e̱re li Ka̱cuaꞌ Dios. Sukꞌinkex cuiqꞌuin, la̱ex aj Israel, usta xine̱tzꞌekta̱na. Incꞌaꞌ chic tincꞌut lin joskꞌil che̱ru. Texincꞌul ban saꞌ usilal xban nak la̱in nin-uxta̱nan u ut nim lin cuyum.

Éxodo 15:11

Ma̱cꞌaꞌ chic junak dios joꞌ la̱at, at Ka̱cuaꞌ. Ma̱ ani chic junak cuan xti̱quilal joꞌ la̱ ti̱quilal la̱at. Ma̱ ani chic junak nim xcuanquil joꞌ la̱ nimajcual cuanquilal la̱at. Ma̱ ani chic junak naru ta̱ba̱nu̱nk re li sachba chꞌo̱lej xaba̱nu la̱at.

Salmos 89:8

At Ka̱cuaꞌ, at nimajcual Dios, ma̱ ani chic junak joꞌ la̱at. Kꞌaxal nim la̱ cuanquil, at Ka̱cuaꞌ, ut numtajenak la̱ cha̱bilal.

Salmos 86:15

Abanan la̱at, at Ka̱cuaꞌ, at inDios, nim la̱ cuuxta̱n ut nim la̱ cuyum. La̱at incꞌaꞌ nacatjoskꞌoꞌ saꞌ junpa̱t. Kꞌaxal nim ban la̱ cuusilal. La̱at aj rahonel ut la̱at li ya̱l.

Salmos 65:3

Cuan nak li ma̱c nanumta saꞌ kabe̱n, abanan la̱at junelic nacacuy kama̱c.

Salmos 89:6

Ma̱cꞌaꞌ chic junak dios cha̱cuu la̱at. ¿Ma cuan ta biꞌ junak saꞌ choxa naru xjuntakꞌe̱tanquil a̱cuiqꞌuin la̱at?

San Lucas 24:47

Tzꞌi̱banbil ajcuiꞌ retalil nak ta̱julticama̱nk chiruheb chixjunileb li tenamit nak tento teꞌxyotꞌ xchꞌo̱leb ut teꞌxjal xcꞌaꞌuxeb re ta̱cuyma̱nk ta̱sachma̱nk lix ma̱queb saꞌ xcꞌabaꞌ aꞌan. Ta̱ticla̱k xchꞌolobanquil arin Jerusalén.

Miqueas 4:7

Rahobtesinbileb anakcuan ut najt cuanqueb. Abanan ta̱cuulak xkꞌehil nak tinqꞌueheb cuiꞌchic chi qꞌuia̱nc ut teꞌcua̱nk cuiꞌchic xcuanquil li incꞌaꞌ queꞌsacheꞌ. Ut la̱in li Ka̱cuaꞌ tintakla̱nk saꞌ xbe̱neb saꞌ li tzu̱l Sión chalen anakcuan ut chi junelic, chan li Ka̱cuaꞌ.

Miqueas 2:12

Chi ya̱l la̱in texinxoc cuiꞌchic la̱ex aj Israel ut tinchꞌutub cuiꞌchic e̱ru li joꞌ qꞌuialex chic li xexcoleꞌ. Chanchanakex li carner li cuanqueb aran Bosra nak texinqꞌue cuiꞌchic saꞌ li naꞌajej li quinqꞌue e̱re junxil. Ut texqꞌuia̱nk toj retal ta̱nujak cuiꞌchic li naꞌajej, chan li Ka̱cuaꞌ.

Ezequiel 33:11

Ta̱ye reheb nak li Ka̱cuaꞌ xye chi joꞌcaꞌin: Yoꞌyo̱quin la̱in li nimajcual Dios. La̱in incꞌaꞌ nacuaj nak texca̱mk saꞌ le̱ ma̱c. Nacuaj ban nak te̱jal e̱naꞌleb ut te̱canab xba̱nunquil li ma̱usilal ut ta̱cua̱nk e̱yuꞌam. Ex aj Israel, canabomak xba̱nunquil li ma̱usilal. ¿Cꞌaꞌut nak te̱qꞌue e̱rib chi ca̱mc xban le̱ ma̱c?

1 Reyes 8:23

Quixye: —At Ka̱cuaꞌ, at kaDios la̱o aj Israel, ma̱cꞌaꞌ junak chic Dios joꞌ la̱at, chi moco saꞌ choxa, chi moco saꞌ ruchichꞌochꞌ. La̱at nacaba̱nu li cꞌaꞌru nacayechiꞌi. Ut nacacuuxta̱na ruheb li nequeꞌcꞌanjelac cha̱cuu chi anchaleb xchꞌo̱l ut nequeꞌcuan saꞌ ti̱quilal cha̱cuu.

Deuteronomio 33:26

La̱ex aj Jesurún te̱nau nak ma̱cꞌaꞌ chic junak dios juntakꞌe̱t riqꞌuin li Ka̱cuaꞌ le̱ Dios. Li Ka̱cuaꞌ nachal chak saꞌ choxa re textenkꞌa. Chanchan nak nachal saꞌ xbe̱n li chok riqꞌuin lix nimal xcuanquil ut riqꞌuin lix nimal xlokꞌal.

Santiago 2:13

Li ani incꞌaꞌ naruxta̱na ru li ras ri̱tzꞌin incꞌaꞌ ajcuiꞌ ta̱uxta̱na̱k ru xban li Dios saꞌ li rakba a̱tin. Ut li ani ta̱ruxta̱na ru li ras ri̱tzꞌin, ta̱uxta̱na̱k ajcuiꞌ ru xban li Dios.

Sofonías 3:17

Li Ka̱cuaꞌ le̱ Dios cuan e̱riqꞌuin. Aꞌan nim xcuanquil ut aꞌan ta̱colok e̱re. Li Ka̱cuaꞌ sahak xchꞌo̱l e̱riqꞌuin ut riqꞌuin xnimal xrahom tixqꞌue e̱re li acꞌ yuꞌam. Ut ta̱bicha̱nk xban xsahil saꞌ xchꞌo̱l.

Miqueas 7:14

At Ka̱cuaꞌ, chacuil taxak la̱ tenamit riqꞌuin la̱ cuanquil, li ac sicꞌbileb ru a̱ban. Ut chaqꞌue taxak li cꞌaꞌruheb re joꞌ nak li cha̱bil aj ilol xul narileb chi us lix carner ut naxqꞌueheb chi cua̱nc saꞌ li tzu̱l cuan cuiꞌ li cha̱bil pachꞌayaꞌ. Chaqꞌueheb cuiꞌchic la̱ cualal a̱cꞌajol chi cua̱nc saꞌ li naꞌajej Basán ut Galaad joꞌ nak queꞌcuan junxil.

Jonás 4:2

Joꞌcan nak quitijoc chiru li Dios ut quixye re: —At Ka̱cuaꞌ, ¿ma ma̱cuaꞌ ta biꞌ aꞌin quincꞌoxla nak toj cuanquin chak saꞌ lin tenamit? Joꞌcan nak quine̱lelic raj cha̱cuu ut co̱in raj Tarsis. Ninnau nak la̱at jun Dios nim a̱cuyum. Nacat-uxta̱nan u ut nacattokꞌoban u. Elajic nacatjoskꞌoꞌ ut incꞌaꞌ nacaba̱nu li raylal li nacacꞌoxla xba̱nunquil.

Joel 2:32

Abanan chixjunileb li nequeꞌya̱ban re lix cꞌabaꞌ li Ka̱cuaꞌ teꞌcolekꞌ. Saꞌ li tzu̱l Sión aran Jerusalén ta̱cua̱nk li colba-ib joꞌ yechiꞌinbil xban li Ka̱cuaꞌ. Ut li joꞌ qꞌuialeb chic li ralal xcꞌajol laj Israel li queꞌcana teꞌcolekꞌ.

Isaías 57:16

Moco junelic ta yo̱kin chixcꞌutbal chiruheb lin tenamit lix ma̱queb, ut moco junelic ta yo̱kin chi joskꞌocꞌ riqꞌuineb. Cui junelic yo̱kin chixyebal reheb, ta̱chꞌina̱nk xchꞌo̱leb li cristian li quinyoꞌobtesiheb ut incꞌaꞌ raj teꞌxcuy rabinquil.

Salmos 86:5

At Ka̱cuaꞌ, kꞌaxal cha̱bilat ut nacatcuyuc ma̱c. Kꞌaxal nim la̱ cuusilal saꞌ xbe̱neb chixjunileb li nequeꞌxtzꞌa̱ma xtenkꞌanquileb a̱cue.

Daniel 9:9

At Ka̱cuaꞌ, at kaDios, la̱at nacat-uxta̱nan ku ut la̱at nacatcuyuc re li kama̱c usta ac xkakꞌet la̱ cua̱tin.

Jeremías 3:5

¿Ma junelic ta biꞌ yo̱k a̱joskꞌil saꞌ kabe̱n? ¿Ma chi ti̱c incꞌaꞌ ta̱numekꞌ a̱joskꞌil?” chanquex. La̱ex aj Israel, joꞌcan yo̱quex chixyebal. Abanan toj yo̱quex chixba̱nunquil chixjunil li ma̱usilal, chan li Dios.

Isaías 65:19

Joꞌcan ajcuiꞌ la̱in ta̱sahokꞌ saꞌ inchꞌo̱l riqꞌuin li Jerusalén ut ta̱sahokꞌ saꞌ inchꞌo̱l xbaneb li cualal incꞌajol. Ma̱cꞌaꞌak chic li ya̱bac chi moco teꞌxjap chic reheb xban raylal.

Isaías 55:7

Ut eb li incꞌaꞌ useb xnaꞌleb cheꞌxcanabak xba̱nunquil li ma̱usilal. Cheꞌxjal lix cꞌaꞌuxeb ut cheꞌcha̱lk riqꞌuin li Ka̱cuaꞌ ut ta̱uxta̱na̱k ruheb xban. Cheꞌcha̱lk riqꞌuin li kaDios li kꞌaxal nim xcuyum chixcuybal li ma̱c.

Isaías 1:18

Joꞌcaꞌin quixye li Ka̱cuaꞌ: —Quimkex. Abihomak ut chetauhak xya̱lal li cꞌaꞌru tinye e̱re. Cui tzꞌaj ru le̱ ra̱m xban li ma̱c, la̱in tinsakobresi nak tincuy le̱ ma̱c. Sak chic ta̱cana̱k joꞌ xsakal li ratzꞌam que. Cui le̱ ma̱c joꞌ li caki bon ma̱ jokꞌe na-el, aban la̱in tinsakobresi le̱ ra̱m ut joꞌ xsakal li nokꞌ ta̱cana̱k.

Salmos 130:4

Abanan la̱at nacacuy nacasach li kama̱c. Joꞌcan nak tento nak takaqꞌue a̱lokꞌal.

Salmos 71:19

At inDios, kꞌaxal numtajenak xti̱quilal la̱ chꞌo̱l. Incꞌaꞌ naru xbisbal. Sachba chꞌo̱lej li nacaba̱nu. Ma̱ ani chic cuan xcuanquil joꞌ la̱at.

Nehemías 9:17

Incꞌaꞌ queꞌraj xba̱nunquil li cꞌaꞌru caye reheb chi moco queꞌjulticoꞌ reheb li xni̱nkal ru milagro caba̱nu chak reheb junxil. Queꞌxcacuubresi ban xchꞌo̱leb ut queꞌxkꞌetkꞌeti ribeb cha̱cuu. Xban xcacuil xchꞌo̱leb queꞌoc xsicꞌbal junak re ta̱cꞌamok be chiruheb re teꞌsukꞌi̱k cuiꞌchic Egipto. Abanan la̱at, at Dios, kꞌaxal nim la̱ cuyum. Incꞌaꞌ nacatjoskꞌoꞌ saꞌ junpa̱t. Kꞌaxal cha̱bilat ut nacat-uxta̱nan u. Joꞌcan nak incꞌaꞌ catzꞌekta̱naheb.

Éxodo 34:9

Ut quixye: —At Ka̱cuaꞌ, cui tincꞌam cuib saꞌ usilal a̱cuiqꞌuin, ba̱nu usilal tatcua̱nk saꞌ kaya̱nk. Usta cau kachꞌo̱l, chacuy kama̱c. Ut choa̱cꞌul cuiꞌchic chokꞌ a̱cualal a̱cꞌajol, chan laj Moisés.

Romanos 11:4

Li Dios quichakꞌoc ut quixye re: —Sicꞌbileb ru inban cuukub mil chi cui̱nk chokꞌ cue. Eb aꞌan incꞌaꞌ queꞌxcuikꞌib ribeb chixlokꞌoninquil li yi̱banbil dios aj Baal, chan.

San Lucas 15:32

Abanan tento nak toninkꞌei̱k anakcuan ut ta̱sahokꞌ saꞌ kachꞌo̱l xban nak la̱ cui̱tzꞌin chanchan camenak nak xcuan; abanan xsukꞌi cuiꞌchic chi yoꞌyo. Quisach ut xtauman cuiꞌchic, chan li yucuaꞌbej.

Miqueas 5:3

Joꞌcan utan li Dios tixcanabeb xjuneseb lix tenamit toj ta̱cuulak xkꞌehil nak ta̱yoꞌla̱k li Acuabej arin saꞌ ruchichꞌochꞌ. Ut ta̱cuulak xkꞌehil nak teꞌsukꞌi̱k cuiꞌchic saꞌ lix tenamiteb laj Israel li joꞌ qꞌuial chic queꞌcana.

Amós 8:2

Li Ka̱cuaꞌ quixpatzꞌ cue: —¿Cꞌaꞌru yo̱cat chirilbal, at Amós?— La̱in quinchakꞌoc ut quinye re: —Yo̱quin chirilbal jun chacach quiꞌil kꞌe̱n kꞌan. Ut li Ka̱cuaꞌ quixye cue: —Xcuulac xkꞌehil li rakba a̱tin saꞌ xbe̱neb lin tenamit Israel. Ac nequeꞌxnau xya̱lal. Joꞌcan nak incꞌaꞌ chic tincuyeb xma̱c.

Amós 7:8

Ut li Ka̱cuaꞌ quixye cue: —¿Cꞌaꞌru li yo̱cat chirilbal, at Amós?— Ut la̱in quinye: —Yo̱quin chirilbal jun li plomo cuan saꞌ a̱cuukꞌ. Ut li Ka̱cuaꞌ quixye cue: —Riqꞌuin li bisleb plomo, ta̱cꞌutu̱nk nak eb lin tenamit incꞌaꞌ nequeꞌcuan saꞌ ti̱quilal. Ut la̱in incꞌaꞌ chic tebincuy xma̱c riqꞌuin li ma̱usilal nequeꞌxba̱nu.

Jeremías 31:34

Moco tento ta nak toj teꞌxye re li ras ri̱tzꞌin “¿Ma nacanau ani li tzꞌakal Dios?” xban nak chixjunileb, joꞌ cocꞌ joꞌ ni̱nk, teꞌxnau nak la̱in li Ka̱cuaꞌ Dios. Ut la̱in tincuyeb tinsacheb lix ma̱queb ut incꞌaꞌ chic ta̱nak saꞌ inchꞌo̱l lix ma̱usilaleb, chan li Ka̱cuaꞌ.

Isaías 57:10

Nequetacuasi e̱rib riqꞌuin li cꞌaꞌru nequeba̱nu. Abanan incꞌaꞌ nequeqꞌue retal nak ma̱cꞌaꞌ rajbal li nequeba̱nu. La̱ex nequecꞌoxla nak quetau e̱tenkꞌanquil. Joꞌcan nak cau chic e̱rib.

Isaías 40:25

¿Cꞌaꞌru aj iqꞌuin tine̱juntakꞌe̱ta? ¿Ani aj iqꞌuin tine̱juntakꞌe̱ta? chan li Dios santo.

Isaías 40:18

¿Ani te̱juntakꞌe̱ta cuiꞌ li Dios? ¿Ma ta̱ru̱k ta biꞌ te̱juntakꞌe̱ta riqꞌuin junak li jalam u̱ch?

Salmos 103:13

Li Ka̱cuaꞌ naxtokꞌoba ruheb li nequeꞌxucuan ru joꞌ nak naxtokꞌoba ruheb li ralal xcꞌajol junak yucuaꞌbej.

Salmos 35:10

Chi anchal inchꞌo̱l tinye a̱cue, Ma̱ ani chic joꞌ la̱at, at Ka̱cuaꞌ. La̱at nacacoleb li rahobtesinbileb chiruheb li nequeꞌrahobtesin. Ut nacacoleb ajcuiꞌ li nebaꞌ chiruheb li nequeꞌmakꞌoc re li cꞌaꞌru cuan reheb.

Números 23:21

Ma̱cꞌaꞌ raylal yo̱queb chixba̱nunquil laj Israel li ralal xcꞌajol laj Jacob. Eb aꞌan cuanqueb saꞌ xya̱lal. Li Ka̱cuaꞌ lix Dioseb cuan riqꞌuineb. Ut nequeꞌxnau nak aꞌan lix reyeb.

Jeremías 38:8

laj Ebed-melec qui-el saꞌ li palacio ut co̱ chi a̱tinac riqꞌuin ut quixye re:

Isaías 62:5

Eb le̱ ralal e̱cꞌajol teꞌsahokꞌ xchꞌo̱l riqꞌuin lix naꞌajeb, joꞌ nak li be̱lomej nasahoꞌ xchꞌo̱l riqꞌuin li rixakil. Joꞌcan ajcuiꞌ nak ta̱sahokꞌ xchꞌo̱l li Dios riqꞌuin lix tenamit.

Génesis 4:7

¿Ma incꞌaꞌ ta biꞌ ta̱qꞌuehekꞌ a̱lokꞌal cui us ta̱ba̱nu? Cui incꞌaꞌ us ta̱ba̱nu, yo̱cat xqꞌuebal a̱cuib chi a̱le̱c ut li ma̱c ta̱numta̱k saꞌ a̱be̱n. Abanan cua̱nk raj a̱cuanquil re nak la̱at tatnumta̱k saꞌ xbe̱n li ma̱c, chan li Dios re laj Caín.

2 Crónicas 6:21

At Ka̱cuaꞌ, chacuabi taxak li cꞌaꞌru nintzꞌa̱ma cha̱cuu. Ut chacuabi ta ajcuiꞌ lix tijeb la̱ tenamit Israel nak teꞌtijok saꞌ li naꞌajej aꞌin. Toj saꞌ choxa taxak li cuancat cuiꞌ ta̱cuabi li katij ut chacuy taxak li kama̱c.

2 Crónicas 30:9

Cui texsukꞌi̱k riqꞌuin li Ka̱cuaꞌ, teꞌuxta̱na̱k ruheb le̱ rechꞌalal ut eb le̱ ralal e̱cꞌajol xbaneb li queꞌcꞌamoc reheb chi pre̱xil ut teꞌsukꞌi̱k cuiꞌchic saꞌ li naꞌajej aꞌin xban nak li Ka̱cuaꞌ le̱ Dios, aꞌan na-uxta̱nan u ut natokꞌoban u. Incꞌaꞌ textzꞌekta̱na cui texsukꞌi̱k cuiꞌchic riqꞌuin, chan li rey saꞌ li hu li quixtakla.

Isaías 33:24

Ma̱ ani chic tixye “yajin”. Ut li Ka̱cuaꞌ tixcuy tixsach lix ma̱queb li cuanqueb Jerusalén. Ma̱ ani chic ta̱yaje̱rk xban nak cuybil chic lix ma̱queb li cuanqueb Jerusalén.

Isaías 64:9

At Ka̱cuaꞌ, incꞌaꞌ taxak chinumta̱k la̱ joskꞌil saꞌ kabe̱n. Incꞌaꞌ taxak chicua̱nk saꞌ a̱chꞌo̱l junelic li kama̱c. Chacuil taxak xtokꞌoba̱l ku xban nak la̱o la̱ tenamit.

Jeremías 9:24

Li ani tixnimobresi rib, chixnimobresihak rib riqꞌuin nak naxnau nak la̱in li Ka̱cuaꞌ ut naxtau ru chanru lin naꞌleb. Nin-uxta̱nan u ut ninrakoc a̱tin saꞌ ti̱quilal saꞌ ruchichꞌochꞌ. Aꞌan li nacuulac chicuu, chan li Ka̱cuaꞌ.

Jeremías 31:20

Li Dios quixye: —¿Ma ma̱cuaꞌeb ta biꞌ cualal incꞌajol li ralal xcꞌajol laj Efraín? Aꞌaneb li kꞌaxal raro̱queb inban. Aꞌaneb li nequeꞌqꞌuehoc xsahil inchꞌo̱l. Usta ninkꞌuseb, abanan junelic cuanqueb saꞌ inchꞌo̱l. Nayotꞌeꞌ inchꞌo̱l xbaneb. Joꞌcan nak nacuuxta̱na ruheb, chan li Dios.

Jeremías 33:8

La̱in tincuisi lix ma̱usilaleb. Tincuy li ma̱c li queꞌxba̱nu chicuu ut tincuy ajcuiꞌ xma̱queb nak queꞌxkꞌetkꞌeti ribeb chicuu.

Ezequiel 18:23

Li nimajcual Dios quixye: —¿Ma nasahoꞌ ta biꞌ inchꞌo̱l nak junak ta̱ca̱mk xban li ma̱usilal li quixba̱nu? Incꞌaꞌ. Nasahoꞌ ban saꞌ inchꞌo̱l nak naxjal xcꞌaꞌux ut naxcanab xba̱nunquil li ma̱usilal ut ta̱cua̱nk xyuꞌam.

Oseas 14:2

Chexsukꞌi̱k cuiꞌchic riqꞌuin li Ka̱cuaꞌ ut joꞌcaꞌin te̱ye re: —Chacuy chasach taxak li kama̱c. Chasume taxak li katij. Li kamayej li takaqꞌue a̱cue, aꞌan la̱ lokꞌoninquil.

Amós 1:11

Ut quixye ajcuiꞌ li Ka̱cuaꞌ: —Nabal sut ac xincuy xma̱queb laj Edom. Anakcuan incꞌaꞌ chic tincuyeb xma̱c xban nak numtajenak cuiꞌchic li ma̱usilal yo̱queb chixba̱nunquil. Eb laj Edom queꞌpletic riqꞌuineb laj Israel ut incꞌaꞌ queꞌril xtokꞌoba̱l ruheb. Junelic ban yo̱queb xjoskꞌileb saꞌ xbe̱neb ut junelic xicꞌ nequeꞌril.

Jueces 10:16

Ut queꞌrisi eb li jalanil dios saꞌ xya̱nkeb ut queꞌxlokꞌoni li Ka̱cuaꞌ. Ut li Dios quirahoꞌ xchꞌo̱l chirilbal li raylal li cuanqueb cuiꞌ.

Salmos 65:4

Us xak reheb li sicꞌbileb ru a̱ban chokꞌ a̱cualal a̱cꞌajol re teꞌcua̱nk a̱cuiqꞌuin saꞌ la̱ santil ochoch. Ut chisahokꞌ taxak li kachꞌo̱l riqꞌuin li kosobtesinquil li ta̱qꞌue ke nak cua̱nko saꞌ la̱ santil ochoch.

Isaías 38:17

Lix rahil inchꞌo̱l xasukꞌisi chokꞌ sahil chꞌo̱lej chokꞌ cue. Xban nak xcuulac cha̱cuu, joꞌcan nak xina̱col chiru li ca̱mc. Ut xacuy xasach lin ma̱c.

Ezequiel 33:16

Incꞌaꞌ ta̱qꞌuehekꞌ saꞌ xbe̱n li ma̱c li quixba̱nu junxil. Quixba̱nu li us ut li ti̱quilal. Relic chi ya̱l ta̱cua̱nk xyuꞌam.

Oseas 14:5

Joꞌ nak li hab naxtꞌakresi li chaki chꞌochꞌ, joꞌcan nak tinqꞌue cuiꞌchic xsahil xchꞌo̱leb laj Israel. Teꞌcha̱bilokꞌ cuiꞌchic. Chanchanakeb li utzꞌuꞌuj nak na-atzꞌumac. Chanchanakeb li cheꞌ chacalteꞌ aran Líbano li cham naxic lix xeꞌ.