Miqueas 7:17 - Li Santil hu

¹⁷ Chanchanakeb li cꞌantiꞌ li naxquelo rib saꞌ li poks nak ta̱cuisi lix cuanquileb. Sicsotkeb xbaneb xxiu teꞌcana̱k cha̱cuu, at Ka̱cuaꞌ at kaDios.

Q'eqchi Bible

¹⁷ Te'xlow li pojtz' jo'kaqeb' li k'anti', jo'kaqeb' li xul li neke'xjukuki rib' chiru ch'och'. Siksootqeb' naq te'elq sa' li xsokeb', ut parpotqeb' xb'aaneb' xxiw naq te'chalq aawik'in, at Qaawa', at qaYos.

Miqueas 7:17 ပူးပေါင်းရင်းမြစ်များ

Isaías 49:23

Eb li rey ut eb li reina chanchanakeb lix naꞌ xyucuaꞌeb la̱ tenamit. Eb li jalan tenamit teꞌxcubsi ribeb cha̱cuu. Teꞌxcuikꞌib ribeb cha̱cuu re xqꞌuebal a̱lokꞌal. Ut la̱at ta̱nau nak la̱in li Ka̱cuaꞌ ut eb li cauheb xchꞌo̱l cuiqꞌuin incꞌaꞌ teꞌchꞌina̱nk xchꞌo̱leb.

Salmos 72:9

Li cuanqueb saꞌ li chaki chꞌochꞌ, li xicꞌ nequeꞌiloc re teꞌxcuikꞌib rib chiru. Chanchan nak teꞌxrekꞌ li poks nak teꞌxcubsi ribeb chiru.

Salmos 18:45

Nachꞌinan xchꞌo̱leb ut nequeꞌsicsot xban xxiuheb nak nequeꞌel saꞌ li naꞌajej li nequeꞌxcol cuiꞌ ribeb.

Apocalipsis 3:9

Cuanqueb li nequeꞌxba̱nu li cꞌaꞌru naraj laj tza. Nequeꞌxye nak tzꞌakaleb aj judío, abanan incꞌaꞌ nequeꞌcꞌanjelac chiru li Dios. Yal ticꞌtiꞌ nequeꞌxye. La̱in tincanabeb toj retal teꞌxcuikꞌib ribeb che̱ru re nak teꞌxqꞌue retal nak la̱in ninrahoc e̱re.

Zacarías 14:5

La̱ex tex-e̱lelik ut texxic saꞌ li ru takꞌa li cuan saꞌ xya̱nk li tzu̱l xban nak li ru takꞌa aꞌan kꞌaxal nimak ut ta̱cuulak toj saꞌ li tenamit Azal. La̱ex tex-e̱lelik joꞌ nak queꞌe̱lelic le̱ xeꞌto̱nil yucuaꞌ nak quixqꞌue li hi̱c najter nak toj cua̱nk laj Uzías chokꞌ rey aran Judá. Ut nak ta̱cha̱lk li Ka̱cuaꞌ li kaDios, rochbenak chak chixjunileb lix ángel.

Lamentaciones 3:29

Chixcubsihak ban rib rubel xcuanquil li Ka̱cuaꞌ, xban nak toj cuan cꞌaꞌru naroybeni.

Jeremías 33:9

Cꞌajoꞌ nak ta̱sahokꞌ saꞌ inchꞌo̱l chirilbal li tenamit Jerusalén. Ut eb li jalan tenamit li cuanqueb saꞌ ruchichꞌochꞌ teꞌxqꞌue inlokꞌal ut teꞌxnima cuu. Nak teꞌrabi resil li us li yo̱quin chixba̱nunquil reheb, teꞌxucuak. Ut teꞌsach xchꞌo̱leb chirabinquil chanru nak xinqꞌueheb cuiꞌchic chi cua̱nc saꞌ tuktu̱quil usilal lin tenamit.

Jeremías 16:16

Li Ka̱cuaꞌ quixye: —La̱in tintaklaheb li jalan tenamit chixchapbaleb laj Israel. Chanchanakeb laj chapol car ut chanchanakeb laj yo̱ nak yo̱keb chixsicꞌbaleb li xul saꞌ eb li tzu̱l ut saꞌ eb li ochoch pec ut saꞌ eb li sako̱nac.

Isaías 65:25

Eb laj xoj ut eb li carner cuotz teꞌcuaꞌak. Ut li cakcoj teꞌcuaꞌak pim joꞌ li bo̱yx. Ut li cꞌantiꞌ teꞌxlou li poks ut incꞌaꞌ chic teꞌtiꞌok. Saꞌ li tzu̱l Sión li sicꞌbil ru inban, incꞌaꞌ chic teꞌtiꞌok li xul ut incꞌaꞌ chic teꞌxba̱nu raylal, chan li Dios.

Isaías 64:2

Cuben chak ut cꞌut la̱ cuanquil chiruheb li xicꞌ nequeꞌiloc a̱cue. Ut eb li xni̱nkal ru tenamit sicsotkeb teꞌcana̱k cha̱cuu. Chanchan nak naloch li xam ut nacuokxin li haꞌ xban xtikcual.

Isaías 60:14

Eb li ralal xcꞌajoleb li queꞌrahobtesin e̱re teꞌcha̱lk ut teꞌxcuikꞌib ribeb che̱ru. Chixjunileb li xicꞌ queꞌiloc e̱re teꞌcha̱lk ut teꞌxcuikꞌib ribeb ut teꞌxye nak la̱ex “lix tenamit li Dios”, la̱ex li cuanquex Sión saꞌ lix tzu̱l li Ka̱cuaꞌ, lix santil Dioseb laj Israel.

Isaías 59:19

Chixjunileb teꞌxxucua ru li Ka̱cuaꞌ xban lix lokꞌal. Eb li cuanqueb saꞌ li oeste teꞌxucuak joꞌ eb ajcuiꞌ li cuanqueb saꞌ li este. Eb li xicꞌ nequeꞌiloc re li Ka̱cuaꞌ kꞌaxal nabaleb nak teꞌcha̱lk joꞌ jun li nimaꞌ nak yo̱ chi butꞌi̱nc. Abanan lix musikꞌ li Ka̱cuaꞌ tixram xbeheb. Chanchan nak tixxakab jun li bandera chiruheb.

Isaías 25:3

Joꞌcan nak eb li tenamit li cauheb rib teꞌxqꞌue a̱lokꞌal. Ut eb li tenamit li kꞌaxal joskꞌeb teꞌxxucua a̱cuu.

Salmos 9:20

At Ka̱cuaꞌ, chaqꞌueheb chi xucuac re nak teꞌxqꞌue retal nak ma̱cꞌaꞌeb xcuanquil xban nak yal cui̱nkeb.

1 Samuel 14:11

Joꞌcan nak queꞌco̱eb ut queꞌxcꞌut ribeb chiruheb laj filisteo. Ut eb laj filisteo queꞌxye: —¡Ilomakeb! Eb laj Israel yo̱queb chi e̱lc saꞌ li ochoch pec li queꞌxmuk cuiꞌ ribeb, chanqueb.

Josué 9:24

Eb aꞌan queꞌxye re laj Josué: —La̱o xexkabalakꞌi xban kaxiu. Xkabi resil nak li Ka̱cuaꞌ le̱ Dios quixye re laj Moisés laj cꞌanjel chiru nak tixkꞌaxtesi e̱re li naꞌajej aꞌin ut te̱sach ruheb chixjunileb li cuanqueb arin. La̱o xkacꞌoxla nak toe̱camsi.

Deuteronomio 32:24

Telajeꞌca̱mk xban cueꞌej ut xban li caki yajel ut li tik. Tintaklaheb li joskꞌ aj xul chixtiubaleb. Ut teꞌtiꞌekꞌ xbaneb li cꞌantiꞌ li nequeꞌcamsin.

2 Samuel 22:46

Li jalaneb xtenamit nequeꞌchꞌinan xchꞌo̱leb ut nequeꞌsicsot xban xxiuheb nak nequeꞌel saꞌ li naꞌajej li nequeꞌxmuk cuiꞌ ribeb.

2 Crónicas 17:10

Li Ka̱cuaꞌ quixqꞌueheb xxiu chixjunileb li tenamit li cuanqueb chi xjun sutam li naꞌajej Judá. Joꞌcan nak incꞌaꞌ chic queꞌpletic riqꞌuin li rey Josafat.

Salmos 72:11

Chixjunileb li rey teꞌxcuikꞌib ribeb chiru ut teꞌcꞌanjelak chiru chixjunileb li tenamit.

Isaías 7:19

Chanchanakeb li raxya̱t ut li sak cꞌau nak teꞌxic yalak bar saꞌ eb li u̱l ut saꞌ eb li ochoch pec. Ut telajeꞌxic saꞌ eb li qꞌuix ut saꞌ eb li pachꞌayaꞌ.