Miqueas 7:16 - Li Santil hu

¹⁶ Ut nak teꞌril lix nimal a̱cuanquilal saꞌ xya̱nkeb laj Israel, sachso̱keb xchꞌo̱l teꞌcana̱k li jalaneb xtenamit. Ma̱cꞌaꞌ teꞌxye chi moco teꞌraj rabinquil.

Q'eqchi Bible

¹⁶ Eb' li tenamit junch'ol te'ril a'an, ut us ta q'axal kaweb' rib', te'kanaaq sa' xutaan. Te'memo'q ut te'tz'apxiko'q.

Miqueas 7:16 ပူးပေါင်းရင်းမြစ်များ

Isaías 26:11

At Ka̱cuaꞌ, nequeꞌxnau nak ta̱qꞌueheb chixtojbal xma̱queb. Abanan incꞌaꞌ nequeꞌraj xqꞌuebal retal. Chicꞌutekꞌ taxak xxuta̱neb nak teꞌxqꞌue retal nak nacaraheb la̱ tenamit. Chanchan cꞌatbil nak teꞌosokꞌ li xicꞌ nequeꞌiloc a̱cue.

Isaías 52:15

Abanan nabaleb li tenamit teꞌsach xchꞌo̱leb xban ut li nequeꞌtaklan saꞌ ruchichꞌochꞌ mem teꞌcana̱k nak teꞌril li ma̱ jun sut rilomeb ut nak teꞌxtau ru lix ya̱lal li ma̱ jun sut rabiomeb, chan li Dios.

Li xHu LAJ JOB 40:4

—At Ka̱cuaꞌ, xban xma̱cꞌaꞌil innaꞌleb xina̱tinac. Incꞌaꞌ naru tatinsume anakcuan. Ma̱cꞌaꞌ chic cua̱tin re tatinsume cuiꞌ.

Apocalipsis 11:18

Cꞌajoꞌ nak queꞌjoskꞌoꞌ li tenamit li xicꞌ nequeꞌiloc a̱cue. Abanan xcuulac xkꞌehil nak ta̱cꞌut la̱ joskꞌil chiruheb. Xcuulac xkꞌehil nak tatrakok a̱tin saꞌ xbe̱neb li camenak. Ut ta̱qꞌueheb xkꞌajca̱munquileb laj cꞌanjel cha̱cuu li queꞌyehoc resil li cꞌaꞌru ta̱cꞌulma̱nk. Ut ta̱qꞌueheb ajcuiꞌ xkꞌajca̱munquileb laj pa̱banel li queꞌqꞌuehoc a̱lokꞌal, usta cuanqueb xcuanquil usta ma̱cꞌaꞌ. Ut la̱at ta̱sach ruheb li queꞌba̱nun raylal reheb li cuanqueb saꞌ ruchichꞌochꞌ, chanqueb.

Romanos 3:19

Nakanau nak chixjunil li tzꞌi̱banbil saꞌ li chakꞌrab, aꞌan reheb li cuanqueb rubel xcuanquil li chakꞌrab. Aꞌan aj e nak cuan li chakꞌrab re nak chixjunileb teꞌxnau nak cuanqueb xma̱c ut ma̱cꞌaꞌ chic naru teꞌxye, re teꞌxcol cuiꞌ rib chiru li Dios nak ta̱rakekꞌ a̱tin saꞌ xbe̱neb.

Zacarías 12:9

Saꞌ eb li cutan aꞌan la̱in tinsach chixjunil li xni̱nkal ru tenamit li teꞌcha̱lk chi pletic riqꞌuineb laj Jerusalén, chan li Ka̱cuaꞌ.

Miqueas 5:8

Ut eb laj Israel, li joꞌ qꞌuial chic li incꞌaꞌ teꞌosokꞌ, aꞌanakeb li kꞌaxal cauhakeb rib saꞌ xya̱nkeb chixjunileb li tenamit. Chanchanakeb li cakcoj li kꞌaxal cau rib saꞌ xya̱nkeb chixjunileb li xul saꞌ qꞌuicheꞌ. Ma̱ ani ta̱ru̱k tixcol rib chiruheb laj Israel. Chanchanakeb li ral cakcoj nak na-oc saꞌ xya̱nkeb li carner ut naxchap jun ut naxpedasi ut ma̱ ani naru nacoloc re chiru.

Ezequiel 38:23

Joꞌcaꞌin nak tincꞌut chiruheb li xni̱nkal ru tenamit nak kꞌaxal nim incuanquil ut santin. Riqꞌuin aꞌin teꞌxqꞌue retal nak la̱in li nimajcual Dios.

Isaías 66:18

La̱in ninnau cꞌaꞌru nequeꞌxcꞌoxla. La̱in ninqꞌue retal cꞌaꞌru nequeꞌxba̱nu. Ta̱cuulak xkꞌehil nak la̱in tinchꞌutubeb chixjunileb li xni̱nkal ru tenamit li jalan jala̱nk ra̱tinoba̱leb. Nak teꞌcuulak Jerusalén, teꞌril lin lokꞌal.

Salmos 126:2

Coseꞌec ut cobichan xban xsahil li kachꞌo̱l. Ut eb li jalaneb xtenamit queꞌxye: Sachba chꞌo̱lej li xba̱nu li Ka̱cuaꞌ reheb lix tenamit, chanqueb.

Li xHu LAJ JOB 21:5

Qꞌuehomak retal li oc cue chixyebal ut mem texcana̱k xban e̱xiu.

Proverbios 30:32

Xban nak ma̱cꞌaꞌ a̱naꞌleb, xanimobresi a̱cuib ut xat-oc chixcꞌu̱banquil ru li incꞌaꞌ us. Cꞌoxla chi us cꞌaꞌru ta̱ba̱nu.

Miqueas 3:7

Quixye ajcuiꞌ laj Miqueas: —Xuta̱nal teꞌxcꞌul li teꞌoc raj xyebal li cꞌaꞌru ta̱cꞌulma̱nk. Ut talajeꞌsachk xnaꞌlebeb laj kꞌe. Ma̱cꞌaꞌ chic ta̱ru̱k teꞌxye xban nak incꞌaꞌ chic teꞌsume̱k xban li Ka̱cuaꞌ Dios.

Hageo 2:22

La̱in tincuisiheb saꞌ lix naꞌajeb li rey ut tincuisi xcuanquileb li xni̱nkal ru tenamit ut tinsach ruheb. Tinsach ru lix carruajeb re pletic ut chixjunileb li nequeꞌxic chi saꞌ. Ut tincamsiheb lix cacua̱y joꞌqueb ajcuiꞌ li nequeꞌxic chirixeb. Ut xjuneseb teꞌxcamsi ribeb chi ribileb rib.