Miqueas 7:13 - Li Santil hu

¹³ Ut xban li ma̱usilal li yo̱quex chixba̱nunquil la̱ex aj Israel, le̱ chꞌochꞌ incꞌaꞌ chic us ta̱cana̱k. Ma̱cꞌaꞌ chic ta̱e̱lk chiru.

Q'eqchi Bible

¹³ Ab'an nakirnak taakanaaq li xna'ajeb' li tenamit a'an xb'aan li maa'usilal xe'xb'aanu jo'k'ihaleb' li wankeb' aran.

Miqueas 7:13 ပူးပေါင်းရင်းမြစ်များ

Jeremías 25:11

Chixjunil li naꞌajej aꞌin ta̱osokꞌ ut ta̱cana̱k chi ma̱cꞌaꞌ chic cuan chi saꞌ. Xucuajel rilbal li cꞌaꞌru tixcꞌul. Ut eb li tenamit teꞌcꞌanjelak chiru lix reyeb laj Babilonia chiru laje̱b xca̱cꞌa̱l (70) chihab.

Jeremías 17:10

Caꞌaj cuiꞌ la̱in li Ka̱cuaꞌ li ninnaꞌoc re cꞌaꞌru cuan saꞌ lix cꞌaꞌuxeb. Ut la̱in ninqꞌue xkꞌajca̱munquil li junju̱nk aꞌ yal chanru lix yehom xba̱nuhomeb.—

Miqueas 6:13

Joꞌcan nak la̱in xinqꞌue li raylal saꞌ e̱be̱n. Xban li ma̱usilal nequeba̱nu, la̱in tinsach ru li cꞌaꞌru cuan e̱re.

Miqueas 3:12

Joꞌcan utan xban li ma̱usilal li yo̱quex chixba̱nunquil, li naꞌajej Sión ta̱becma̱nk chokꞌ xnaꞌaj li acui̱mk. E̱ma̱c la̱ex nak ta̱juqꞌuekꞌ li ni̱nki cab li cuanqueb Jerusalén. Ut li tzu̱l li cuan cuiꞌ li templo ta̱cana̱k joꞌ li tzu̱l qꞌuicheꞌ ru.

Jeremías 32:19

Kꞌaxal lokꞌ li nacacꞌu̱b ru ut sachba chꞌo̱lej li nacaba̱nu riqꞌuin xnimal la̱ cuanquil. La̱at nacacuil chixjunil li nequeꞌxba̱nu li cristian. Ut nacaqꞌue xkꞌajca̱munquil li junju̱nk aꞌ ya̱l chanru lix yehom xba̱nuhom.

Jeremías 21:14

La̱in texinqꞌue chixtojbal e̱ma̱c aꞌ yal chanru le̱ yehom e̱ba̱nuhom. La̱in tinsach e̱ru. Chanchan nak tinloch xxamlel li qꞌuicheꞌ ut tixsach chixjunil, chan li Ka̱cuaꞌ Dios.

Proverbios 31:31

Cheqꞌuehak xlokꞌal chiruheb li tenamit, ut cheqꞌuehak ajcuiꞌ xlokꞌal chixjunil li cꞌaꞌru naxba̱nu.

Proverbios 5:22

Li incꞌaꞌ useb xnaꞌleb, aꞌ ajcuiꞌ li ma̱usilal li nequeꞌxba̱nu nasachoc reheb. Chanchan bacꞌbo̱queb xban li ma̱c nequeꞌxba̱nu.

Proverbios 1:31

Joꞌcan nak anakcuan cꞌulumak chixjunil li raylal xchal saꞌ e̱be̱n xban li ma̱usilal xeba̱nu toj retal textitzꞌk riqꞌuin li cꞌaꞌak re ru incꞌaꞌ us xeba̱nu.

Li xHu LAJ JOB 4:8

La̱in ninqꞌue retal nak li ani naxba̱nu ma̱usilal, ma̱usilal ajcuiꞌ naxcꞌul.

Ezequiel 12:19

Ta̱ye reheb li tenamit li cuanqueb saꞌ li naꞌajej aꞌin: Aꞌan aꞌin li naxye li nimajcual Dios chirixeb li cuanqueb Jerusalén ut chirix li naꞌajej Israel. Teꞌtzaca̱nk chi yo̱keb xxiu. Ut chi yo̱keb xcꞌaꞌux teꞌucꞌak xban nak ta̱isi̱k saꞌ li naꞌajej chixjunil li cuan aran. Ma̱cꞌaꞌ chic ta̱cana̱k xban lix ma̱usilaleb li cuanqueb saꞌ li tenamit aꞌan.

Ezequiel 33:28

La̱in tinsach ru li naꞌajej ut ma̱cꞌaꞌ chic ta̱cua̱nk chi saꞌ. Tinsach lix cuanquileb li queꞌxkꞌetkꞌeti cuiꞌ ribeb. Ma̱cꞌaꞌ chic tincanab saꞌ eb li tzu̱l li cuanqueb Israel toj retal nak ma̱ ani ta̱numekꞌ aran.

Miqueas 3:4

Te̱ya̱ba raj chic xcꞌabaꞌ li Ka̱cuaꞌ, abanan aꞌan incꞌaꞌ chic texsume. Xmukbal ban chic rib tixba̱nu che̱ru saꞌ eb li cutan aꞌan, xban nak numtajenak li ma̱usilal ac xeba̱nu.

Miqueas 5:3

Joꞌcan utan li Dios tixcanabeb xjuneseb lix tenamit toj ta̱cuulak xkꞌehil nak ta̱yoꞌla̱k li Acuabej arin saꞌ ruchichꞌochꞌ. Ut ta̱cuulak xkꞌehil nak teꞌsukꞌi̱k cuiꞌchic saꞌ lix tenamiteb laj Israel li joꞌ qꞌuial chic queꞌcana.

Isaías 17:9

Saꞌ eb li cutan aꞌan, eb li tenamit li cauresinbileb chi us re xcolbaleb rib teꞌtzꞌekta̱na̱k joꞌ eb li tenamit li queꞌsacheꞌ nak xeꞌe̱lelic chiruheb laj Israel. Chanchanakeb chic li ru li cheꞌ li xcanaba̱c toj saꞌ ruꞌuj. Eb li tenamit teꞌcanaba̱k chi ma̱cꞌaꞌ chic cuan chi saꞌ.