Miqueas 7:12 - Li Santil hu

¹² Saꞌ eb li cutan aꞌan, nabaleb le̱ rech tenamitil teꞌsukꞌi̱k cuiꞌchic saꞌ le̱ tenamit. Cuan teꞌcha̱lk chak saꞌ li naꞌajej Asiria li cuan saꞌ releb sakꞌe. Ut cuan teꞌcha̱lk chak Egipto li cuan saꞌ li sur. Ut cuan cuiꞌchic teꞌcha̱lk chak saꞌ li norte cuan cuiꞌ li nimaꞌ Éufrates, cuan teꞌcha̱lk chak cuan cuiꞌ li palau ut cuan ajcuiꞌ teꞌcha̱lk chak cuanqueb cuiꞌ li tzu̱l.

Q'eqchi Bible

¹² Chalk re li xq'ehil naq te'chalq aawik'in naab'aleb' li tenamit chalen Asiria toj Ejiipt, chalen li nima' Nilo toj chire li Éwfrates, chalen chire li palaw jun toj chire li palaw jun chik, chalen li k'iche' jun toj chire li k'iche' jun chik.

Miqueas 7:12 ပူးပေါင်းရင်းမြစ်များ

Oseas 11:11

Chanchanakeb laj xicꞌanel xul nak teꞌcha̱lk cuiqꞌuin saꞌ junpa̱t joꞌ nak queꞌel chak Egipto. Ut chanchanakeb li mucuy nak teꞌe̱lk chak Asiria. Ut la̱in tebinqꞌue cuiꞌchic chi cua̱nc saꞌ lix naꞌajeb, chan li Ka̱cuaꞌ.

Isaías 11:16

Nak eb li joꞌ qꞌuial chic li teꞌcolekꞌ teꞌe̱lk Asiria teꞌnumekꞌ saꞌ jun li nimla be joꞌ queꞌxba̱nu eb laj Israel nak queꞌel chak Egipto junxil.

Ezequiel 37:21

Ut ta̱ye reheb nak la̱in li nimajcual Dios tincuisiheb chak chixjunileb laj Israel saꞌ eb li jalan tenamit li cuanqueb cuiꞌ chak. Tinchꞌutubeb ut tincꞌameb cuiꞌchic saꞌ lix tenamiteb.

Ezequiel 29:21

Saꞌ eb li cutan aꞌan la̱in tinqꞌue cuiꞌchic xcuanquileb laj Israel. Ut la̱at, at Ezequiel, tatinxakab re nak ta̱chꞌolob xya̱lal chiruheb. Ut riqꞌuin aꞌan teꞌxqꞌue retal nak la̱in li Ka̱cuaꞌ Dios.—

Jeremías 31:8

La̱in tincꞌameb chak lin tenamit saꞌ eb li naꞌajej li cuanqueb cuiꞌ saꞌ li norte. Tinchꞌutub ruheb chixjunileb yalak bar cua̱nkeb saꞌ ruchichꞌochꞌ. Eb li mutzꞌ ruheb ut eb li ye̱k rok teꞌcha̱lk rochbeneb, joꞌ eb ajcuiꞌ li yaj aj ixk ut li ac xeꞌqꞌuira. Kꞌaxal nabaleb li qꞌuila tenamit li teꞌcha̱lk.

Jeremías 23:3

Ut la̱in tinchꞌutubeb cuiꞌchic ruheb lin tenamit li joꞌ qꞌuial xeꞌcoleꞌ saꞌ eb li naꞌajej li xinjeqꞌui cuiꞌ ruheb. Tebincꞌam cuiꞌchic saꞌ lix naꞌajeb ut ta̱cua̱nk ralal xcꞌajoleb ut teꞌqꞌuia̱nk cuiꞌchic.

Jeremías 3:18

Saꞌ eb li cutan aꞌan, eb laj Judá teꞌxjunaji ribeb riqꞌuineb laj Israel saꞌ li naꞌajej li cuan saꞌ li norte. Ut cuotz teꞌxic saꞌ li naꞌajej li quinqꞌue reheb le̱ xeꞌto̱nil yucuaꞌ.

Isaías 49:12

Cuan li teꞌcha̱lk chak saꞌ najtil tenamit. Teꞌcha̱lk saꞌ li norte ut saꞌ li oeste ut teꞌcha̱lk ajcuiꞌ saꞌ li naꞌajej Sinim.

Isaías 43:6

La̱in tinye reheb li cuanqueb saꞌ li norte nak teꞌxcanabeb chi xic li cualal incꞌajol. Ut tinye reheb li cuanqueb saꞌ li sur nak teꞌxcanabeb chi sukꞌi̱c saꞌ xnaꞌajeb li cualal incꞌajol li cuanqueb chak saꞌ chixjunil li ruchichꞌochꞌ.

Isaías 11:11

Saꞌ eb li cutan aꞌan li Ka̱cuaꞌ riqꞌuin xcuanquil tixcol cuiꞌchic eb laj Israel li joꞌ qꞌuialeb li incꞌaꞌ queꞌsacheꞌ ruheb. Tixcꞌameb cuiꞌchic Israel eb li cuanqueb Asiria, ut eb li cuanqueb Egipto, Patros, Etiopía, Elam, Sinar, ut Hamat, joꞌ eb ajcuiꞌ li cuanqueb saꞌ eb li tenamit li cuanqueb chire li palau.

Jeremías 46:27

La̱ex aj Israel, li ralal xcꞌajol laj Jacob, mexxucuac. Michꞌinan e̱chꞌo̱l. La̱in tincolok e̱re usta saꞌ najtil tenamit cuanquex chak. Ut tinqꞌueheb cuiꞌchic chi sukꞌi̱c eb la̱ cualal a̱cꞌajol li cuanqueb chi pre̱xil. Texcua̱nk cuiꞌchic saꞌ tuktu̱quil usilal. Ut incꞌaꞌ chic texxucuak.