Miqueas 7:11 - Li Santil hu

¹¹ Ta̱cuulak xkꞌehil nak ta̱yi̱ba̱k cuiꞌchic li tzꞌac li sutsu cuiꞌ le̱ tenamit ut ta̱nima̱nk le̱ naꞌaj la̱ex li cuanquex Jerusalén.

Q'eqchi Bible

¹¹ At Jerusalén, chalk re li kutan naq taawaklesiiq wi' chik laasuttz'akil ut taayu'manq ru laateepalil.

Miqueas 7:11 ပူးပေါင်းရင်းမြစ်များ

Nehemías 2:8

Ut quinye ajcuiꞌ re nak tixtzꞌi̱ba junak li hu re laj Asaf li na-iloc re li qꞌuicheꞌ bar narisi cuiꞌ xcheꞌ li rey. Tixye re nak tixqꞌue incheꞌ re tinyi̱b cuiꞌchic xpuertil li oqueba̱l re li tenamit joꞌ ajcuiꞌ li tzꞌac li sutsu cuiꞌ li tenamit ut re nak tinyi̱b ajcuiꞌ li cuochoch bar tincua̱nk cuiꞌ la̱in. Ut li rey quixqꞌue cue chixjunil li quintzꞌa̱ma xban nak li Ka̱cuaꞌ Dios yo̱ chi tenkꞌa̱nc cue.

Isaías 54:11

Li Ka̱cuaꞌ quixye: —La̱ex aj Jerusalén, tokꞌob e̱ru. Kꞌaxal ra xecꞌul ut ma̱ ani xcꞌojoban e̱chꞌo̱l. La̱in tinyi̱b cuiꞌchic le̱ tenamit riqꞌuin li cha̱bil pec carbunclo ut tinqꞌue li cimiento riqꞌuin li cha̱bil pec zafiro.

Nehemías 4:6

Quicuulac yitok xteram li tzꞌac kayi̱b xban nak li tenamit queꞌxqꞌue xchꞌo̱l chi cꞌanjelac.

Nehemías 4:3

Ut laj Tobías, Amón xtenamit, cuan rochben laj Sanbalat. Quixye re: —Ilomak li tzꞌac li yo̱queb chixyi̱banquil riqꞌuin li pec. Cui ta̱takekꞌ raj junak yac saꞌ xbe̱n, yal aꞌan raj ta̱tꞌanok re, chan.

Nehemías 2:17

La̱in quinye reheb: —La̱ex nequenau li raylal cuanco cuiꞌ. La̱ex nequenau nak li tenamit Jerusalén juqꞌuinbil ut eb lix puertil cꞌataleb. Joꞌcan nak quimkex ut qꞌuehomak e̱chꞌo̱l re nak takayi̱b cuiꞌchic li tzꞌac li sutsu cuiꞌ li tenamit re nak incꞌaꞌ chic toxuta̱na̱k xban li katenamit Jerusalén.—

Daniel 9:25

Abi li yo̱quin chixyebal a̱cue ut qꞌue retal lix ya̱lal. Chalen nak xqꞌueheꞌ li chakꞌrab xban li Dios nak ta̱yi̱ba̱k cuiꞌchic li tenamit Jerusalén, toj retal ta̱cꞌulu̱nk li Mesías, li tzꞌakal rey, ta̱numekꞌ cuukub xama̱n ut cuib xca̱cꞌa̱l xama̱n. Ta̱yi̱ba̱k cuiꞌchic li tenamit Jerusalén joꞌqueb ajcuiꞌ li tzꞌac usta kꞌaxal nabal li raylal yo̱k xcꞌulbal saꞌ eb li cutan aꞌan.

Isaías 54:2

Chenimobresiheb le̱ muheba̱l li nequexcuan cuiꞌ. Nimak rok le̱ cꞌa̱m li nachapoc re li muheba̱l ut qꞌuehomakeb xcacuub li cheꞌ li nequeꞌchapoc re li cꞌa̱m saꞌ chꞌochꞌ.

Isaías 58:12

Eb le̱ ralal e̱cꞌajol teꞌxyi̱b cuiꞌchic li tenamit ut teꞌxcuaclesi cuiꞌchic li cimiento li juqꞌuinbil junxil. Ut naꞌno̱k chic e̱ru xban nak xeyi̱b cuiꞌchic li tzꞌac ut li tenamit li queꞌtꞌaneꞌ junxil.

Isaías 61:4

Teꞌxyi̱b cuiꞌchic li tenamit li ac jucꞌbil junxil. Teꞌxcuaclesiheb li cab li queꞌpoꞌi najter. Ut teꞌxcuaclesi cuiꞌchic li tenamit li quilajeꞌtꞌaneꞌ najter.