Miqueas 7:1 - Li Santil hu

¹ Tokꞌob xak cuu. Chanchanin jun li cui̱nk li naxsicꞌ li ru li acui̱mk saꞌ sakꞌehil abanan ma̱cꞌaꞌ chic ru. Ac sicꞌbil. Xinsicꞌ li ru li uva abanan ac sicꞌbil ajcuiꞌ ut la̱in aꞌ raj li xbe̱n ru xcuaj, abanan incꞌaꞌ chic xintau.

Q'eqchi Bible

¹ Toq'ob' xaq wu, chanchanin aj chik li nasakonink chirix xq'ehil li q'olok, ut ink'a' chik nintaw in'uub' chi moko in'iig; ink'a' chik nintaw ruheb' li awimq li q'axal nawulak chiwu.

Miqueas 7:1 ပူးပေါင်းရင်းမြစ်များ

Oseas 9:10

Joꞌcaꞌin quixye li Ka̱cuaꞌ: —Junxil kꞌaxal xsahoꞌ inchꞌo̱l riqꞌuineb laj Israel. Quisahoꞌ inchꞌo̱l riqꞌuineb joꞌ nak nasahoꞌ xchꞌo̱l junak chirilbal li cha̱bil uvas saꞌ tikcual chꞌochꞌ. Chanchan rilbal li xbe̱n ru li cha̱bil higos saꞌ xkꞌehil nak nau̱chin lix cheꞌel. Abanan nak queꞌco̱eb Baal-peor, queꞌxjal xnaꞌlebeb ut queꞌrisi ribeb cuiqꞌuin ut queꞌxtiquib xba̱nunquil li xuta̱nalil naꞌleb. Ut lix yibal ru lix naꞌlebeb, chanchan lix yibal ru li jalanil dios li queꞌxlokꞌoni.

Isaías 28:4

Ta̱sachekꞌ ru lix lokꞌal li tenamit Samaria li cuan saꞌ li ru takꞌa cuan cuiꞌ li cha̱bil chꞌochꞌ. Ta̱sachekꞌ ru joꞌ nak nachakic li utzꞌuꞌuj. Chanchan nak nasacheꞌ li xbe̱n ru li cheꞌ higo nak nasiqꞌueꞌ nak ma̱jiꞌ nacuulac xkꞌehil li sicꞌoc.

Isaías 24:13

Joꞌcan ta̱cꞌulma̱nk saꞌ chixjunileb li tenamit li cuanqueb yalak bar saꞌ ruchichꞌochꞌ. Chanchan nak nachikꞌchikꞌi̱c li cheꞌ olivo re ta̱tꞌanekꞌ li ru. Chanchan nak ac xeꞌrakeꞌ chixsicꞌbal chixjunil li ru li uvas.

Isaías 17:6

Incꞌaꞌ chic qꞌui li cristian li teꞌcolekꞌ Israel. Chanchan li cheꞌ olivo nak nachikꞌeꞌ. Natꞌaneꞌ chixjunil li ru. Cuib oxib aj chic nacana saꞌ li ruꞌuj malaj ut saꞌ eb li rukꞌ. La̱in li Ka̱cuaꞌ, lix Dioseb laj Israel, ninyehoc re aꞌin.—

Jeremías 45:3

La̱at xaye, “Tokꞌob xak cuu. Li Ka̱cuaꞌ xqꞌue xtzꞌakob li raylal li cuanquin cuiꞌ. Tacuajenakin ut incꞌaꞌ naru ninhilan riqꞌuin li raylal cuanquin cuiꞌ,” chancat.

Jeremías 15:10

Laj Jeremías quixye: —Tokꞌob xak cuu, at innaꞌ. Incꞌaꞌ ta cuan quinyoꞌla xban nak junes pletic nequeꞌraj cuiqꞌuin ut chixjunileb xicꞌ nequeꞌiloc cue. Ma̱cꞌaꞌ incꞌas riqꞌuineb chi moco eb aꞌan cuanqueb xcꞌas cuiqꞌuin. Abanan chixjunileb niquineꞌxmajecua.

Jeremías 4:31

La̱in xcuabi nak yo̱queb chi ya̱bac laj Jerusalén. Chanchan nak naxjap re li ixk nak oc re chi qꞌuira̱c riqꞌuin li xbe̱n xcꞌulaꞌal. Incꞌaꞌ chic nequeꞌxcuy musikꞌac. Nequeꞌxyeꞌ li rukꞌeb nak yo̱queb chixtzꞌa̱manquil xtenkꞌanquileb. “Tokꞌob ku. Incꞌaꞌ nakacuy saꞌ rukꞌeb li nequeꞌraj kacamsinquil,” chanqueb.

Isaías 24:16

Yalak bar saꞌ ruchichꞌochꞌ takabi nak yo̱keb chixbichanquil xlokꞌal li Ka̱cuaꞌ ut teꞌxye: —Lokꞌoninbil taxak li Ka̱cuaꞌ li ti̱c xchꞌo̱l.— Abanan la̱in ma̱cꞌaꞌ naru ninye xban nak li tenamit toj yo̱keb ajcuiꞌ chi balakꞌi̱nc ut numtajenak li ma̱usil nequeꞌxba̱nu.

Isaías 6:5

Tojoꞌnak quinye la̱in: —Tokꞌob xak cuu. La̱in jun cui̱nk aj ma̱c ut incꞌaꞌ us li na-el saꞌ xtzꞌu̱mal cue. Ut saꞌ xya̱nkeb li tenamit aj ma̱c cuanquin. Anakcuan tinca̱mk xban nak riqꞌuin xnakꞌ cuu xcuil ru li Rey, li Ka̱cuaꞌ li nimajcual Dios.—

Salmos 120:5

Kꞌaxal ra chokꞌ cue nak cuanquin saꞌ li tenamit Mesec saꞌ xya̱nkeb li ralal xcꞌajol laj Cedar.

Jeremías 24:2

Jun chacach li higo quixcꞌut chicuu li Ka̱cuaꞌ kꞌaxal cha̱bil. Chanchan li xbe̱n ru li acui̱mk. Ut li jun chacach chic aꞌan incꞌaꞌ cha̱bil ut incꞌaꞌ naru xtzacanquil xban nak incꞌaꞌ us.

Números 18:13

Chixjunil li xbe̱n ru li acui̱mk li nequeꞌxqꞌue cue chokꞌ xmayejeb la̱in tinqꞌue e̱re. Chixjunileb li cuanqueb saꞌ le̱ rochoch, li incꞌaꞌ muxbileb ru, naru teꞌxtzaca li mayej aꞌin.

Proverbios 20:6

Nabaleb li cristian nequeꞌxye nak cha̱bileb. Abanan junak li cha̱bil cristian, chꞌaꞌaj xtaubal.

Jeremías 5:1

Li Ka̱cuaꞌ quixye: —La̱ex aj Jerusalén, sicꞌomak saꞌ eb li be ut saꞌ eb li cꞌayil. Qꞌuehomak retal chanru lix naꞌlebeb li tenamit. Cui cuan junak li ta̱raj cua̱nc saꞌ xya̱lal ut saꞌ ti̱quilal, la̱in tincuy xma̱queb li tenamit aꞌin.