Miqueas 6:9 - Li Santil hu

⁹ Li Ka̱cuaꞌ yo̱ chi a̱tinac chi cau xya̱b xcux e̱riqꞌuin la̱ex li cuanquex saꞌ li tenamit Jerusalén. Ut cui cuan e̱naꞌleb, te̱xucua ru li Dios. Aꞌan yo̱ chixyebal e̱re chi joꞌcaꞌin: —Cheqꞌuehak retal li tojba ma̱c ut cheqꞌuehak ajcuiꞌ retal li ani quixakaban re.

Q'eqchi Bible

⁹ Li Qaawa' xjap re chi xb'oqb'al Jerusalén: “Ab'ihomaq, ex tenamit ut li nekexk'ehok na'leb'!

Miqueas 6:9 ပူးပေါင်းရင်းမြစ်များ

Apocalipsis 3:19

Li ani nequebinra, nintijeb ut ninkꞌuseb. Joꞌcan nak ninye e̱re nak jalomak e̱cꞌaꞌux ut qꞌuehomak e̱chꞌo̱l chinpa̱banquil.

Sofonías 3:2

Incꞌaꞌ queꞌrabi li cꞌaꞌru quixye li Dios chi moco queꞌxcꞌul lix kꞌusbaleb li quixqꞌue. Incꞌaꞌ queꞌxcꞌojob xchꞌo̱l riqꞌuin li Dios chi moco queꞌxsicꞌ.

Oseas 14:9

Cui cuan junak saꞌ e̱ya̱nk cuan xnaꞌleb chixtaubal ru li tzꞌi̱banbil arin, chixqꞌuehak retal lix ya̱lal. Li cꞌaꞌru naxba̱nu li Ka̱cuaꞌ, aꞌan ti̱c ut cha̱bil. Ut eb li ti̱queb xchꞌo̱l nequeꞌxba̱nu li cꞌaꞌru naraj li Dios. Aꞌut li kꞌetkꞌeteb teꞌosokꞌ xban nak incꞌaꞌ nequeꞌxba̱nu li cꞌaꞌru naraj li Dios.

Isaías 30:27

Lix cuanquil ut lix lokꞌal li Ka̱cuaꞌ nacꞌutun chi najt. Lix joskꞌil nacꞌutun riqꞌuin li xam ut riqꞌuin li sib. Lix tzꞌu̱mal re nacꞌutuc re lix joskꞌil ut li ruꞌuj rakꞌ chanchan li xam li nasachoc.

Miqueas 3:12

Joꞌcan utan xban li ma̱usilal li yo̱quex chixba̱nunquil, li naꞌajej Sión ta̱becma̱nk chokꞌ xnaꞌaj li acui̱mk. E̱ma̱c la̱ex nak ta̱juqꞌuekꞌ li ni̱nki cab li cuanqueb Jerusalén. Ut li tzu̱l li cuan cuiꞌ li templo ta̱cana̱k joꞌ li tzu̱l qꞌuicheꞌ ru.

Amós 6:1

Raylal ta̱cha̱lk saꞌ xbe̱neb li sa cuanqueb aran Sión. Raylal ta̱cha̱lk saꞌ xbe̱neb li cꞌojcꞌo̱queb xchꞌo̱l chi cua̱nc saꞌ li tzu̱l Samaria. Aꞌaneb li cuib chi tenamit li kꞌaxal nim xcuanquil saꞌ xya̱nkeb chixjunileb. Ut junes riqꞌuineb aꞌan cauheb xchꞌo̱l chixjunileb laj Israel.

Amós 2:5

Tinqꞌue xxamlel li tenamit Judá ut tincꞌateb ajcuiꞌ lix palacio aran Jerusalén.

Oseas 13:16

La̱in tebinqꞌue chixtojbal rix lix ma̱queb laj Samaria xban nak xineꞌxtzꞌekta̱na. Ta̱cha̱lk li ple̱t saꞌ xbe̱neb ut telajeꞌcamsi̱k riqꞌuin chꞌi̱chꞌ. Tenbileb chiru pec li cocꞌal nak teꞌcamsi̱k. Ut eb li yaj aj ixk jachbileb chi chꞌi̱chꞌ nak teꞌcamsi̱k.

Jeremías 26:18

Queꞌxye reheb: —Nak laj Ezequías cuan chokꞌ xreyeb laj Judá, laj Miqueas re Moreset quia̱tinac riqꞌuineb laj Judá ut quixye reheb chi joꞌcaꞌin: Li Ka̱cuaꞌ li nimajcual Dios quixye nak li tenamit Sión ta̱sachekꞌ ru. Li tenamit Jerusalén ta̱cana̱k joꞌ jun li chꞌochꞌ becbil riqꞌuin li chꞌi̱chꞌ arado. Ut li tzu̱l li cuan cuiꞌ li templo ta̱sukꞌisi̱k chokꞌ qꞌuicheꞌ, chan laj Miqueas.

Jeremías 26:6

la̱in tinba̱nu re li templo aꞌin joꞌ quinba̱nu re li tenamit Silo. Ut chixjunileb li xni̱nkal ru tenamit li cuanqueb saꞌ ruchichꞌochꞌ teꞌxmajecua li tenamit aꞌin, chan.

Isaías 66:6

Abihomak li choki̱nc saꞌ li tenamit ut saꞌ li templo. Aꞌan li xya̱b xcux li Ka̱cuaꞌ nak yo̱ chixqꞌuebal re̱kaj li ma̱usilal xeꞌxba̱nu li xicꞌ nequeꞌiloc re.

Isaías 27:10

Li tenamit li kꞌaxal cau rib nak quicuan quitzꞌekta̱na̱c. Ma̱cꞌaꞌ chic cuan chi saꞌ. Chanchan li chaki chꞌochꞌ. Aran nequeꞌcuaꞌac li cuacax saꞌ li pachꞌayaꞌ ut aran ajcuiꞌ nequeꞌhilan.

Isaías 26:11

At Ka̱cuaꞌ, nequeꞌxnau nak ta̱qꞌueheb chixtojbal xma̱queb. Abanan incꞌaꞌ nequeꞌraj xqꞌuebal retal. Chicꞌutekꞌ taxak xxuta̱neb nak teꞌxqꞌue retal nak nacaraheb la̱ tenamit. Chanchan cꞌatbil nak teꞌosokꞌ li xicꞌ nequeꞌiloc a̱cue.

Isaías 9:13

Abanan li tenamit incꞌaꞌ queꞌxsicꞌ li Ka̱cuaꞌ li nimajcual Dios li yo̱ chi qꞌuehoc reheb saꞌ raylal chi moco queꞌsukꞌi riqꞌuin.

Proverbios 22:3

Eb li cuanqueb xnaꞌleb nequeꞌxqꞌue retal li ma̱usilal ut nequeꞌxcol ribeb chiru. Abanan eb li ma̱cꞌaꞌeb xnaꞌleb nequeꞌxcꞌul li raylal nachal saꞌ xbe̱neb xban nak incꞌaꞌ nequeꞌxnau xqꞌuebal retal.

Salmos 107:43

Li ani cuanqueb xnaꞌleb cheꞌxqꞌuehak retal li cꞌaꞌru naxba̱nu li Dios ut cheꞌxqꞌuehak retal nak kꞌaxal nim li ruxta̱n.

Salmos 83:18

re nak chixjunileb teꞌxnau nak caꞌaj cuiꞌ la̱at li nimajcual Dios li cuan a̱cuanquil saꞌ xbe̱n chixjunil li ruchichꞌochꞌ.

Salmos 48:10

At kaDios, lokꞌoninbilat xbaneb li tenamit yalak bar. Nimanbil la̱ cꞌabaꞌ saꞌ chixjunil li ruchichꞌochꞌ. Ut saꞌ ti̱quilal nacattaklan saꞌ xbe̱neb.

Salmos 9:16

At Ka̱cuaꞌ, xban nak nacatrakoc a̱tin saꞌ xya̱lal, nacacꞌutbesi la̱ ti̱quilal. Aꞌut li incꞌaꞌ useb xnaꞌleb xjunes nequeꞌxsicꞌ xraylaleb riqꞌuin li incꞌaꞌ us nequeꞌxba̱nu.

Li xHu LAJ JOB 10:2

At Ka̱cuaꞌ, at inDios, mina̱qꞌue chixtojbal inma̱c. Ye cue cꞌaꞌru inma̱c cha̱cuu.

Li xHu LAJ JOB 5:17

Us xak re li cui̱nk li nakꞌuseꞌ xban li Dios. Joꞌcan nak ma̱tzꞌekta̱na la̱ kꞌusbal li naxqꞌue li nimajcual Dios.

2 Samuel 21:1

Nak laj David cuan chokꞌ rey quicuan jun li cueꞌej. Chiru oxib chihab ma̱cꞌaꞌ xtzacae̱mkeb. Laj David quitijoc ut quixpatzꞌ re li Dios cꞌaꞌut nak yo̱ li cueꞌej. Li Ka̱cuaꞌ Dios quixye re: —Yo̱ li cueꞌej aꞌin xban li ma̱usilal li quixba̱nu laj Saúl ut eb li ralal xcꞌajol nak queꞌxcamsiheb li cuanqueb Gabaón, chan.

Jeremías 47:7

Abanan, ¿chanru nak li Ka̱cuaꞌ tixcanab pletic e̱riqꞌuin? Aꞌan ac xtaklaheb li soldado chi pletic e̱riqꞌuin la̱ex li cuanquex Ascalón ut e̱riqꞌuin la̱ex li cuanqueb chire li palau.

Miqueas 6:8

Li Ka̱cuaꞌ incꞌaꞌ naraj aꞌan. Ac chꞌolchꞌo chiku li cꞌaꞌru us. Ac yebil ke cꞌaꞌru naraj li Ka̱cuaꞌ. Li Ka̱cuaꞌ naraj nak tocua̱nk saꞌ ti̱quilal ut takaqꞌue kachꞌo̱l chi uxta̱na̱nc u, ut chikacubsi kib re nak tocua̱nk chi sum a̱tin riqꞌuin li Dios.

Miqueas 6:10

¿Ma incꞌaꞌ ta biꞌ toj cuan ajcuiꞌ saꞌ rochocheb li incꞌaꞌ useb xnaꞌleb lix biomal li queꞌre̱chani riqꞌuin xbalakꞌinquileb li tenamit? Ut, ¿ma incꞌaꞌ ta biꞌ toj cuan ajcuiꞌ lix bisleb li incꞌaꞌ tzꞌakal nequeꞌbisoc cuiꞌ? La̱in xicꞌ nacuil chixjunil li nequeꞌxba̱nu.

Li xHu LAJ JOB 23:14

Aꞌan tixba̱nu cuiqꞌuin li cꞌaꞌru naraj. Ut cuan chic nabal cꞌaꞌak re ru tixba̱nu cui joꞌcan naraj aꞌan.

Ezequiel 7:9

Incꞌaꞌ tincuy e̱ma̱c chi moco tincuil xtokꞌoba̱l e̱ru. Texinqꞌue ban chixtojbal rix le̱ ma̱c. Ut li ma̱usilal nequeba̱nu saꞌ e̱be̱n ajcuiꞌ la̱ex ta̱sukꞌi̱k. Ut la̱ex te̱nau nak la̱in li Ka̱cuaꞌ ut te̱nau ajcuiꞌ nak la̱in li tinqꞌuehok e̱re chixtojbal rix le̱ ma̱c.