Miqueas 6:8 - Li Santil hu

⁸ Li Ka̱cuaꞌ incꞌaꞌ naraj aꞌan. Ac chꞌolchꞌo chiku li cꞌaꞌru us. Ac yebil ke cꞌaꞌru naraj li Ka̱cuaꞌ. Li Ka̱cuaꞌ naraj nak tocua̱nk saꞌ ti̱quilal ut takaqꞌue kachꞌo̱l chi uxta̱na̱nc u, ut chikacubsi kib re nak tocua̱nk chi sum a̱tin riqꞌuin li Dios.

Q'eqchi Bible

⁸ At winq, at ixq, ak yeeb'il aawe li k'aru us xb'aanunkil, a' li nawulak chiru li Qaawa' naq taab'aanu: ka'ajwi' xb'aanunkil li tiikilal, xk'eeb'al aach'ool chi rahok ut taakub'si laawankil chiru laaYos.

Miqueas 6:8 ပူးပေါင်းရင်းမြစ်များ

Proverbios 21:3

Chexcua̱nk saꞌ cha̱bilal ut saꞌ ti̱quilal xban nak aꞌan li kꞌaxal lokꞌ chiru li Dios chiru li cꞌatbil mayej.

Colosenses 3:12

Li Dios kꞌaxal nequexra ut quixsicꞌ e̱ru chokꞌ ralal xcꞌajol. Joꞌcan nak chexcua̱nk saꞌ ti̱quilal. Chetokꞌoba ruheb le̱ ras e̱ri̱tzꞌin ut chetenkꞌaheb. Me̱kꞌetkꞌeti e̱rib. Chexcua̱nk saꞌ tu̱lanil ut checuyak li raylal.

Jeremías 22:3

La̱in li Ka̱cuaꞌ yo̱quin chi a̱tinac a̱cuiqꞌuin. Cheba̱nuhak li us ut texcua̱nk saꞌ ti̱quilal. Checoleb li rahobtesinbileb chiruheb li nequeꞌrahobtesin reheb. Me̱balakꞌiheb ut me̱relkꞌa cꞌaꞌru reheb li jalaneb xtenamit. Ut me̱ba̱nu raylal reheb li ma̱cꞌaꞌeb xnaꞌ xyucuaꞌ, chi moco reheb li xma̱lcaꞌan. Me̱camsiheb saꞌ li naꞌajej aꞌin li ma̱cꞌaꞌeb xma̱c.

Oseas 6:6

Ma̱cꞌaꞌ aj e nak nequexmayejac chicuu cui incꞌaꞌ nequex-uxta̱nan u. Ut ma̱cꞌaꞌ aj e nak nequexcꞌatoc xul cui incꞌaꞌ niquine̱pa̱b chi anchal e̱chꞌo̱l.

1 Samuel 15:22

Laj Samuel quixye re: —¿Cꞌaꞌru li kꞌaxal lokꞌ chiru li Ka̱cuaꞌ? ¿Ma li mayejac malaj ut li abi̱nc? Chiru li Ka̱cuaꞌ li abi̱nc, aꞌan li kꞌaxal lokꞌ chiru li mayejac. Li xba̱nunquil li cꞌaꞌru naxye li Dios, aꞌan kꞌaxal lokꞌ chiru xcꞌatbal xxe̱bul li carner.

Isaías 66:2

¿Ma ma̱cuaꞌ ta biꞌ la̱in quinyi̱ban re chixjunil li cꞌaꞌru cuan? ¿Ma ma̱cuaꞌ ta biꞌ la̱in quinyoꞌobtesin reheb? La̱in nacuil xtokꞌoba̱l ruheb li nebaꞌ ut li tu̱laneb, li nequeꞌxqꞌue xlokꞌal li cua̱tin.

1 Pedro 3:8

Ut tinye ajcuiꞌ e̱re, chexcua̱nk che̱junilex chi junajak le̱ chꞌo̱l ut chi junajak le̱ cꞌaꞌux. Cherahak e̱rib che̱ribil e̱rib. Chetokꞌoba e̱ru che̱ribil e̱rib ut kꞌunak le̱ chꞌo̱l.

San Lucas 6:36

Chex-uxta̱na̱nk biꞌ u xban nak le̱ yucuaꞌ cuan saꞌ choxa na-uxta̱nan u.

San Lucas 11:42

—Ra cha̱lel saꞌ e̱be̱n la̱ex aj fariseo. Nequemayeja li junju̱nk saꞌ xlaje̱tkil li isquiꞌij, li ruda ut li cꞌaꞌak re ru chi ichajil li natiꞌeꞌ. Abanan incꞌaꞌ nequera li Dios ut incꞌaꞌ nequeba̱nu li ti̱quilal. Us xqꞌuebal li junju̱nk saꞌ xlaje̱tkil, abanan kꞌaxal cuiꞌchic tento xra̱bal li Dios ut xba̱nunquil li ti̱quilal.

Amós 5:24

Cheba̱nuhak ban li ti̱quilal ut li cha̱bilal chi ma̱cꞌaꞌak rosoꞌjic. Chanchanak li rok haꞌ ut li yuꞌam haꞌ li incꞌaꞌ nachakic.

San Mateo 5:7

Us xak reheb li nequeꞌuxta̱nan u xban nak eb aꞌan teꞌuxta̱na̱k ruheb xban li Dios.

Efesios 4:32

Cha̱bilakex che̱ribil e̱rib. Cheruxta̱na e̱ru chi ribil e̱rib. Ut checuyak e̱ma̱c chi ribil e̱rib joꞌ nak li Dios quixcuy e̱ma̱c saꞌ xcꞌabaꞌ li Cristo.

Génesis 18:19

Ac xinsicꞌ ru re ta̱cꞌamok be chiruheb li ralal xcꞌajol. Aꞌan ta̱chꞌoloba̱nk re xya̱lal chiruheb re nak teꞌxpa̱b li cua̱tin ut teꞌcua̱nk saꞌ usilal ut saꞌ ti̱quilal. Cui teꞌxba̱nu aꞌin, la̱in tinba̱nu chixjunil li cꞌaꞌru xinyechiꞌi re laj Abraham, chan li Dios.

Eclesiastés 12:13

Riqꞌuin li a̱tin aꞌin tinrak li a̱tinac saꞌ li hu aꞌin: nak chexucua̱k ru li Dios ut cheba̱nuhak li cꞌaꞌru naxye saꞌ lix chakꞌrab xban nak aꞌin li kꞌaxal tento xba̱nunquil.

Oseas 12:6

Joꞌcan nak la̱ex ralal xcꞌajol laj Jacob, chexsukꞌi̱k riqꞌuin li Ka̱cuaꞌ. Chexcua̱nk saꞌ ti̱quilal ut chex-uxta̱na̱nk u. Ut cauhak taxak e̱chꞌo̱l riqꞌuin li Dios.

Isaías 57:15

Quixye ajcuiꞌ li santil Dios li nim xcuanquil ut yoꞌyo chi junelic: —La̱in nincuan saꞌ jun li Santil Naꞌajej li cuan takecꞌ. Ut nincuan ajcuiꞌ riqꞌuineb li tu̱laneb ut eb li nequeꞌxcubsi ribeb. La̱in ninqꞌue xcacuilal xchꞌo̱leb li nequeꞌxcubsi ribeb ut ninqꞌue ajcuiꞌ xcacuilal xchꞌo̱leb li nequeꞌyotꞌeꞌ xchꞌo̱l.

San Mateo 5:3

—Us xak reheb li nequeꞌrecꞌa nak cubenak xcuanquileb xban nak eb aꞌan cua̱nkeb chic rubel lix nimajcual cuanquilal li Dios.

Sofonías 2:3

Sicꞌomak li Ka̱cuaꞌ che̱junilex la̱ex li tu̱lanex saꞌ ruchichꞌochꞌ. Sicꞌomak li Ka̱cuaꞌ la̱ex li nequeba̱nu li cꞌaꞌru naraj li Ka̱cuaꞌ. Ti̱cak le̱ chꞌo̱l ut cheba̱nu li cha̱bilal. Ma̱re chan nak texcolekꞌ chiru lix joskꞌil li Dios saꞌ eb li cutan aꞌan.

Daniel 4:37

Ut anakcuan la̱in li rey Nabucodonosor ninlokꞌoni li tzꞌakal Rey li cuan saꞌ choxa. Ninnima ru ut ninqꞌue xlokꞌal xban nak naxba̱nu chixjunil saꞌ xya̱lal ut saꞌ ti̱quilal. Ut naxcubsi xcuanquil li ani naxnimobresi rib xjunes, chan laj Nabucodonosor.

Salmos 37:26

Li Ka̱cuaꞌ junelic na-uxta̱nan u ut junelic natenkꞌan. Ut li ralal xcꞌajol osobtesinbileb xban.

Nehemías 9:13

Saꞌ xbe̱n li tzu̱l Sinaí cat-a̱tinac riqꞌuineb. Toj saꞌ choxa cacua̱tinaheb chak. Caqꞌue la̱ chakꞌrab reheb re nak teꞌcua̱nk saꞌ ti̱quilal. Tzꞌakal re ru ut cha̱bil li chakꞌrab li caqꞌue reheb.

Salmos 112:4

Li Dios naxcutanobresi lix naꞌlebeb li ti̱queb xchꞌo̱l. Cha̱bilakeb ut teꞌuxta̱na̱nk u.

Lamentaciones 3:26

Kꞌaxal us nak junak ta̱roybeni nak ta̱tenkꞌa̱k xban li Ka̱cuaꞌ. Ut incꞌaꞌ yo̱k chixcuechꞌinquil li cꞌaꞌru naxba̱nu.

Salmos 112:9

Naxtenkꞌaheb li nebaꞌ ut junelic ti̱c xchꞌo̱l. Ta̱qꞌuehekꞌ xcuanquil ut ta̱qꞌuehekꞌ xlokꞌal.

Salmos 73:28

Abanan chokꞌ cue la̱in kꞌaxal us li cua̱nc a̱cuiqꞌuin, at Ka̱cuaꞌ. At nimajcual Dios, cauhak inchꞌo̱l a̱cuiqꞌuin re nak tinye resil li calaja̱ba̱nu.

2 Crónicas 34:27

xyotꞌeꞌ a̱chꞌo̱l ut xacubsi a̱cuib chiru li Ka̱cuaꞌ. Xapej la̱ cuakꞌ ut xatya̱bac nak xacuabi li raylal li tixcꞌul li tenamit aꞌin ut eb li cristian li cuanqueb arin. Xban nak xaba̱nu chi joꞌcan, la̱in li Ka̱cuaꞌ xcuabi li cꞌaꞌru xaye.

Santiago 2:20

Ma̱cꞌaꞌ a̱naꞌleb. ¿Jokꞌe ta̱tau xya̱lal chi tzꞌakal? ¿Ma incꞌaꞌ nacaqꞌue retal nak cui incꞌaꞌ nacaba̱nu li us, ma̱cꞌaꞌ na-oc cuiꞌ la̱ pa̱ba̱l?

Romanos 7:16

Aꞌ chic li incꞌaꞌ nacuaj xba̱nunquil, aꞌan chic li ninba̱nu ut riqꞌuin aꞌan ninqꞌue retal nak li chakꞌrab cha̱bil xban nak naxcꞌut chicuu nak incꞌaꞌ us li ninba̱nu.

2 Crónicas 32:26

Quiyotꞌeꞌ xchꞌo̱l laj Ezequías ut quixcubsi rib chiru li Ka̱cuaꞌ. Joꞌcan ajcuiꞌ queꞌxba̱nu li cuanqueb Jerusalén. Joꞌcan nak li Ka̱cuaꞌ incꞌaꞌ quixqꞌueheb chixtojbal xma̱queb nak toj yoꞌyo laj Ezequías.

1 Samuel 12:23

La̱in incꞌaꞌ nacuaj ma̱cobc chiru li Ka̱cuaꞌ Dios riqꞌuin xcanabanquil tijoc che̱rix. Nacuaj xqꞌuebal e̱naꞌleb ut nacuaj ajcuiꞌ xcꞌutbal che̱ru cꞌaꞌru li us xba̱nunquil re nak cha̱bilakex ut texcua̱nk saꞌ ti̱quilal.

Romanos 9:20

Aban la̱in tinye a̱cue, ¿anihat la̱at nak ta̱cuechꞌi rix li cꞌaꞌru naxba̱nu li Dios? Junak li cuc incꞌaꞌ ta̱ru̱k tixye re laj pacꞌol re, ¿Cꞌaꞌut nak xina̱yi̱b chi joꞌcaꞌin?

San Lucas 10:42

Abanan jun ajcuiꞌ li cꞌaꞌru tento xba̱nunquil ut lix María xsicꞌ ru aꞌan. Li kꞌaxal us xba̱nunquil, aꞌan rabinquil li cꞌaꞌru ninye. Ut ma̱ ani ta̱ramok re chiru xba̱nunquil, chan li Jesús.

Ezequiel 16:63

La̱in tincuy a̱ma̱c. Abanan cua̱nk saꞌ a̱chꞌo̱l li ma̱usilal xaba̱nu ut tatxuta̱na̱k xban. Incꞌaꞌ chic te̱nimobresi e̱rib xban nak texxuta̱na̱k. La̱in li nimajcual Dios quinyehoc re aꞌin.—

2 Crónicas 33:23

Abanan incꞌaꞌ quiyotꞌeꞌ xchꞌo̱l joꞌ nak quiyotꞌeꞌ xchꞌo̱l laj Manasés lix yucuaꞌ. Ut incꞌaꞌ quixcubsi rib chiru li Ka̱cuaꞌ. Quinumta ban li ma̱usilal li quixba̱nu.

2 Ts 2:16

Li Ka̱cuaꞌ Jesucristo ut li Dios li kaYucuaꞌ, li narahoc ke, xban xnimal rusilal naxcꞌojob kachꞌo̱l chi junelic ut naxqꞌue xcacuilal kachꞌo̱l chi oybeni̱nc.

Génesis 5:22

Chirix lix yoꞌlajic laj Matusalén, laj Enoc quicuan oxib ciento (300) chihab chic. Ut toj queꞌcuan chic ralal ut xrabin. Laj Enoc quicuan chi sum a̱tin riqꞌuin li Dios.

Levítico 26:41

Ut la̱ex te̱qꞌue retal nak xma̱c aꞌan nak quebintakla saꞌ xtenamiteb li xicꞌ nequeꞌiloc e̱re. Nak te̱cubsi e̱rib ut te̱cꞌu̱luban saꞌ e̱be̱n lix tojbal rix le̱ ma̱c,

2 Crónicas 33:19

Ut tzꞌi̱banbil retalil lix tij li rey Manasés ut chanru nak li Dios quixsume. Tzꞌi̱banbil ajcuiꞌ retalil li ma̱usilal li quixba̱nu nak toj ma̱jiꞌ nayotꞌeꞌ xchꞌo̱l ut najal xcꞌaꞌux. Tzꞌi̱banbil retalil li incꞌaꞌ us quixba̱nu ut tzꞌi̱banbil retalil li naꞌajej li najt xteram li quilajxyi̱b re xlokꞌoninquil li jalanil dios, joꞌ ajcuiꞌ lix jalam u̱ch li yi̱banbil dios xAsera. Chixjunil li cꞌaꞌak re ru aꞌin tzꞌi̱banbil retalil saꞌ li hu li queꞌxtzꞌi̱ba eb li profeta.

1 Corintios 7:16

At ixakilbej, la̱at incꞌaꞌ nacanau ma ta̱pa̱ba̱nk la̱ be̱lom a̱ban. Joꞌcan ajcuiꞌ la̱at, be̱lomej, incꞌaꞌ nacanau ma ta̱pa̱ba̱nk la̱ cuixakil a̱ban.

2 Crónicas 30:11

Abanan cuanqueb ajcuiꞌ li tenamit li queꞌxcubsi ribeb saꞌ xya̱nkeb li ralal xcꞌajol laj Aser, laj Manasés ut laj Zabulón. Eb aꞌan queꞌco̱eb Jerusalén.

San Lucas 12:14

Aꞌut li Jesús quixye re: —At cui̱nk, la̱in incꞌaꞌ xakabanbilin chi rakoc a̱tin saꞌ e̱be̱n chi moco xakabanbilin chixjachinquil le̱ jun cablal.—

Deuteronomio 30:15

Cheqꞌuehak retal anakcuan li cꞌaꞌru yo̱quin chixyebal e̱re. Xinye e̱re chanru naru ta̱cua̱nk le̱ yuꞌam ut le̱ cha̱bilal. Ut xinye ajcuiꞌ e̱re chanru nacuan li ca̱mc ut li ma̱usilal. Tento te̱sicꞌ ru bar cuan li te̱ba̱nu.

Isaías 56:1

Aꞌan aꞌin li naxye li Ka̱cuaꞌ: —Junelic chexcua̱nk saꞌ ti̱quilal ut te̱ba̱nu li us xban nak cuulac re xkꞌehil nak texincol ut cuulac ajcuiꞌ re xkꞌehil nak tincꞌutbesi lin ti̱quilal.

Ezequiel 33:14

Cui la̱in tinye re junak li naxba̱nu li ma̱usilal nak ta̱ca̱mk, ut cui aꞌan tixcanab xba̱nunquil li incꞌaꞌ us ut tixba̱nu li us, aꞌan incꞌaꞌ ta̱ca̱mk.

Miqueas 6:9

Li Ka̱cuaꞌ yo̱ chi a̱tinac chi cau xya̱b xcux e̱riqꞌuin la̱ex li cuanquex saꞌ li tenamit Jerusalén. Ut cui cuan e̱naꞌleb, te̱xucua ru li Dios. Aꞌan yo̱ chixyebal e̱re chi joꞌcaꞌin: —Cheqꞌuehak retal li tojba ma̱c ut cheqꞌuehak ajcuiꞌ retal li ani quixakaban re.

Zacarías 7:9

—Aꞌan aꞌin li ninye e̱re la̱in: Ti̱cak e̱chꞌo̱l ut chexcua̱nk saꞌ xya̱lal. Cha̱bilakex chi ribil e̱rib ut chex-uxta̱na̱nk u.

Deuteronomio 27:10

Joꞌcan nak tento nak te̱ba̱nu li cꞌaꞌru tixye e̱re ut te̱ba̱nu li cꞌaꞌru naxye saꞌ li chakꞌrab li yo̱quin chixqꞌuebal e̱re anakcuan.

Josué 24:14

Laj Josué quixye ajcuiꞌ reheb laj Israel: —Anakcuan ut chexucua ru li Ka̱cuaꞌ ut chexcꞌanjelak chiru chi anchal le̱ chꞌo̱l ut chi tzꞌakal re ru. Isihomakeb saꞌ e̱ya̱nk li yi̱banbil dios li queꞌxlokꞌoni le̱ xeꞌto̱nil yucuaꞌ nak cuanqueb aran jun pacꞌal li nimaꞌ Éufrates ut nak cuanqueb aran Egipto. Chexcꞌanjelak ban chiru li Ka̱cuaꞌ chi anchal e̱chꞌo̱l.

Salmos 101:1

At nimajcual Dios, la̱in tinbicha̱nk re xqꞌuebal a̱lokꞌal xban nak la̱at ti̱c a̱chꞌo̱l ut nacat-uxta̱nan u.

Jeremías 9:23

Li Ka̱cuaꞌ quixye: —Li ani cuan xnaꞌleb mixnimobresi rib xban nak cuan xnaꞌleb, chi moco li cau rib tixnimobresi rib xban nak cau rib. Ut li biom incꞌaꞌ tixnimobresi rib xban nak cuan xbiomal.

Jeremías 22:16

Saꞌ xya̱lal quirakoc a̱tin saꞌ xbe̱neb li nebaꞌ ut saꞌ xbe̱neb li rahobtesinbileb. Ut us qui-el riqꞌuin chixjunil li quixba̱nu. Joꞌcan tzꞌakal inpa̱banquil, chan li Dios.