Miqueas 6:7 - Li Santil hu

⁷ ¿Ma ta̱sahokꞌ saꞌ xchꞌo̱l li Ka̱cuaꞌ cui takamayeja nabalak li carner chiru? ¿Ma ta̱sahokꞌ xchꞌo̱l riqꞌuin cui takamayeja chiru nabalak li aceite? ¿Ma takaqꞌue chokꞌ kamayej li xbe̱n kalal re tixcuy kama̱c nak xkakꞌet li ra̱tin? ¿Ma takamayeja li xbe̱n kalal re xtojbal rix li kama̱c?

Q'eqchi Bible

⁷ Ma tixk'ul tab'i' li Qaawa' jun milaq chi karneer malaj k'iila o'q'ob' kuk chi aseeyt? Malaj ut tinmayeja li xb'een walal xb'aan naq xinq'etq'eti wib' chiru? Ma tinmayeja tab'i' li walal re xtojb'al rix linmaak?”.

Miqueas 6:7 ပူးပေါင်းရင်းမြစ်များ

2 Reyes 16:3

Quixba̱nu ban li incꞌaꞌ us joꞌ queꞌxba̱nu lix reyeb laj Israel toj retal quixqꞌue chokꞌ cꞌatbil mayej li ralal re xlokꞌoninquil li yi̱banbil dios. Quixba̱nu li ma̱usilal joꞌ queꞌxba̱nu li tenamit li queꞌisi̱c xban li Ka̱cuaꞌ saꞌ li naꞌajej li queꞌoc cuiꞌ eb laj Israel.

Salmos 51:16

Cui ta cꞌatbil mayej nacacuaj, tinqꞌue raj a̱cue. Abanan la̱at incꞌaꞌ nacacuaj li cꞌatbil mayej.

1 Samuel 15:22

Laj Samuel quixye re: —¿Cꞌaꞌru li kꞌaxal lokꞌ chiru li Ka̱cuaꞌ? ¿Ma li mayejac malaj ut li abi̱nc? Chiru li Ka̱cuaꞌ li abi̱nc, aꞌan li kꞌaxal lokꞌ chiru li mayejac. Li xba̱nunquil li cꞌaꞌru naxye li Dios, aꞌan kꞌaxal lokꞌ chiru xcꞌatbal xxe̱bul li carner.

Oseas 6:6

Ma̱cꞌaꞌ aj e nak nequexmayejac chicuu cui incꞌaꞌ nequex-uxta̱nan u. Ut ma̱cꞌaꞌ aj e nak nequexcꞌatoc xul cui incꞌaꞌ niquine̱pa̱b chi anchal e̱chꞌo̱l.

Jeremías 7:31

Saꞌ li ru takꞌa li cuan Ben-hinom queꞌxyi̱b li artal li najt xteram saꞌ li naꞌajej Tofet ut queꞌxcꞌat chokꞌ xmayejeb li ralal xcꞌajoleb. La̱in incꞌaꞌ quinye reheb nak teꞌxba̱nu chi joꞌcan chi moco quincꞌoxla nak joꞌcan teꞌxba̱nu.

Salmos 50:9

La̱in incꞌaꞌ yo̱quin chixpatzꞌbal e̱re ral le̱ cuacax te̱lom chi moco le̱ te̱lom chiba̱t, li cuanqueb saꞌ le̱ corral.

2 Reyes 23:10

Li rey Josías quixtakla xpoꞌbal li naꞌajej Tofet li cuan saꞌ li ru takꞌa saꞌ lix chꞌochꞌ laj Ben-hinom. Quixpoꞌ li naꞌajej aꞌan re nak ma̱ ani chic tixcꞌat li ralal malaj ut lix rabin chokꞌ xmayej chiru li yi̱banbil dios Moloc.

2 Reyes 21:6

Quixcꞌat li ralal chokꞌ xmayej chiruheb li yi̱banbil dios. Ut naxic riqꞌuineb laj kꞌe ut riqꞌuineb laj tu̱l chixpatzꞌbal cꞌaꞌru tixba̱nu. Cꞌajoꞌ nak quichal xjoskꞌil li Dios xban li ma̱usilal quixba̱nu.

2 Reyes 3:27

Joꞌcan nak lix reyeb laj Moab quixchap li xbe̱n ralal li ta̱oc raj chokꞌ rey chokꞌ re̱kaj ut quixmayeja saꞌ xbe̱n li tzꞌac chokꞌ xmayej re lix dioseb laj Moab. Ut queꞌjoskꞌoꞌ laj Israel ut queꞌsukꞌi cuiꞌchic saꞌ lix naꞌajeb.

Isaías 40:16

Chixjunileb li xul li cuanqueb saꞌ li qꞌuicheꞌ aran Líbano incꞌaꞌ teꞌtzꞌaklok chokꞌ xmayej li Ka̱cuaꞌ. Chi moco ta̱tzꞌaklok li cheꞌ chokꞌ siꞌ re xcꞌatbal li mayej.

Levítico 18:21

Junak cui̱nk incꞌaꞌ naru tixqꞌue li ralal xcꞌajol chokꞌ xcꞌatbil mayej chiru li yi̱banbil dios Moloc. Incꞌaꞌ ta̱risi xlokꞌal lin cꞌabaꞌ la̱in li Ka̱cuaꞌ le̱ Dios riqꞌuin xba̱nunquil aꞌin. La̱in li Ka̱cuaꞌ li yo̱quin chi yehoc re aꞌin.

Filemón 1:12

Tintakla cuiꞌchic a̱cuiqꞌuin ut nak ta̱cꞌul aꞌan, chanchan ajcuiꞌ nak tina̱cꞌul la̱in.

Amós 5:22

Usta nequemayeja li cꞌatbil xul re xqꞌuebal inlokꞌal ut nequemayeja li ru le̱ trigo, abanan incꞌaꞌ nacuulac chicuu. Usta te̱mayeja li ral li cuacax, li nim xtibel re xcꞌambal cuiꞌchic e̱rib saꞌ usilal cuiqꞌuin, abanan la̱in incꞌaꞌ tincꞌul.

Ezequiel 23:37

Queꞌxmux lix sumlajiqueb xban nak xineꞌxtzꞌekta̱na ut xeꞌxlokꞌoniheb li jalanil dios. Osoꞌjenakeb li rukꞌeb saꞌ quicꞌ. Queꞌxmayejaheb lix cocꞌaleb nak queꞌxcꞌateb chiruheb li yi̱banbil dios, usta aꞌaneb li cualal incꞌajol la̱in.

Jeremías 19:5

Queꞌxyi̱beb li naꞌajej li najt xteram re teꞌxlokꞌoni cuiꞌ li yi̱banbil dios Baal ut aran queꞌxcꞌateb li ralal chokꞌ xmayejeb. La̱in incꞌaꞌ quintaklaheb chixba̱nunquil aꞌan, chi moco quebinye reheb nak teꞌxba̱nu. Ma̱ jokꞌe quincꞌoxla nak joꞌcan teꞌxba̱nu.

Li xHu LAJ JOB 29:6

Saꞌ eb li cutan aꞌan toj cuanqueb nabal li cuacax ut nabal li leche. Ut nabal li aceite na-el. Usta saꞌ xya̱nkeb li pec, na-el chi cha̱bil li cheꞌ olivo.

Jueces 11:39

Nak ac xnumeꞌ li cuib po, quisukꞌi riqꞌuin lix yucuaꞌ ut aꞌan quixba̱nu joꞌ quixyechiꞌi re li Dios. Ut lix rabin quicam nak toj tukꞌ ixk ut toj ma̱jiꞌ cuanjenak riqꞌuin cui̱nk.

Jueces 11:31

Cui ta̱kꞌaxtesiheb saꞌ cuukꞌ, la̱in tinmayeja cha̱cuu li xbe̱n li ta̱e̱lk chak chincꞌulbal nak tinsukꞌi̱k saꞌ cuochoch. Cꞌatbil nak tinmayeja cha̱cuu, chan laj Jefté.

Levítico 20:1

Li Ka̱cuaꞌ quia̱tinac riqꞌuin laj Moisés ut quixye re:

Proverbios 15:8

Li Ka̱cuaꞌ xicꞌ naril lix mayejeb li incꞌaꞌ useb xnaꞌleb. Abanan lix tijeb li ti̱queb xchꞌo̱l li Ka̱cuaꞌ naxcꞌul chi sa saꞌ xchꞌo̱l.

Proverbios 21:3

Chexcua̱nk saꞌ cha̱bilal ut saꞌ ti̱quilal xban nak aꞌan li kꞌaxal lokꞌ chiru li Dios chiru li cꞌatbil mayej.

Isaías 1:1

Aꞌan aꞌin li quicꞌutbesi̱c chiru laj Isaías li ralal laj Amoz xban li Dios. Li cꞌaꞌru quicꞌutbesi̱c chiru saꞌ visión, aꞌan chirixeb laj Judá ut laj Jerusalén. Aꞌin quicꞌutbesi̱c chiru nak queꞌcuan chokꞌ xreyeb laj Judá laj Uzías, laj Jotam, laj Acaz ut laj Ezequías.

Oseas 5:6

Eb laj Israel nequeꞌxcꞌam li cuacax joꞌ ajcuiꞌ lix carner re nak teꞌxmayeja chicuu. Abanan ma̱cꞌaꞌ rajbal nak nequeꞌmayejac chicuu xban nak la̱in xintzꞌekta̱naheb.

Salmos 51:18

Chacuuxta̱na taxak ru li tenamit Sión riqꞌuin xnimal la̱ rahom. Ut chacuaclesi ta li tzꞌac aran Jerusalén.

Jeremías 6:20

¿Cꞌaꞌru aj e nak teꞌxcꞌam chak li pom toj saꞌ li tenamit Sabá? ¿Cꞌaꞌru rajbal nak teꞌxic chi najt chixsicꞌbal li sununquil ban? La̱in incꞌaꞌ nacuulac chicuu lix mayej chi moco tincꞌuleb ta lix cꞌatbil mayej.