Miqueas 6:5 - Li Santil hu

⁵ Ex intenamit, chijulticokꞌ e̱re li cꞌaꞌru quiraj xba̱nunquil e̱re laj Balac lix reyeb laj Moab ut julticokꞌ ajcuiꞌ e̱re chanru nak quixsume laj Balaam, ralal laj Beor. Ut chijulticokꞌ ajcuiꞌ e̱re li cꞌaꞌru quicꞌulman aran Sitim toj Gilgal re nak te̱qꞌue retal nak junes usilal xinba̱nu e̱re, chan li Ka̱cuaꞌ.

Q'eqchi Bible

⁵ At intenamit, jultikaq aawe anaqwan k'aru kixk'uub' laj Balak, li awab'ej re Mohab, ut li xsumenkil xb'aan laj Balaham, ralal laj Pehor. Jultikaq aawe naq katnume'k chaq Sitín toj Kilkal, ut k'e reetal li xtiikilal xch'ool li Qaawa'”.

Miqueas 6:5 ပူးပေါင်းရင်းမြစ်များ

Números 25:1

Eb laj Israel queꞌcana chi cua̱nc aran Sitim. Nak cuanqueb aran eb li cui̱nk queꞌxtiquib ma̱cobc riqꞌuineb li ixk aj Moab.

Jueces 5:11

Chicuulak ta xya̱b lix bicheb toj saꞌ eb li naꞌajej li cuan cuiꞌ li haꞌ. Najt riqꞌuineb li nequeꞌpletic, cheꞌxbicha resil li usilal quilajxba̱nu li Ka̱cuaꞌ reheb laj Israel. Cheꞌxbicha resil chanru nak quixtenkꞌaheb laj Israel chixcolbal ribeb. Ut lix tenamit li Dios queꞌco̱eb saꞌ li oqueba̱l re li tenamit.

Josué 4:19

Eb laj Israel queꞌnumeꞌ saꞌ li nimaꞌ Jordán saꞌ li laje̱b xbe li xbe̱n po re li chihab aꞌan. Ut queꞌxqꞌue lix muheba̱leb saꞌ li naꞌajej Gilgal saꞌ xbehil li tenamit Jericó.

Apocalipsis 2:14

Abanan cuan cꞌaꞌak re ru yo̱quex chixba̱nunquil incꞌaꞌ us xban nak cuanqueb saꞌ e̱ya̱nk li toj yo̱queb chixqꞌuebal xcuanquil lix tijleb laj Balaam li quicꞌutuc chiru laj Balac chanru nak tixqꞌueheb chi ma̱cobc laj Israel. Quixye reheb nak ta̱ru̱k teꞌxtzaca li tzacae̱mk li mayejanbil chiru li jalanil dios. Ut quixtacchiꞌiheb re nak teꞌyumbe̱tak ut teꞌcoꞌbe̱tak.

San Judas 1:11

Ra teꞌxcꞌul. Lix naꞌlebeb aꞌan joꞌ lix naꞌleb laj Caín. Chanchaneb laj Balaam, xban nak nequeꞌxrahi ru li tumin ut junes aꞌan chic nequeꞌxcꞌoxla. Nequeꞌxtzꞌekta̱na lix chakꞌrab li Dios ut nequeꞌxnimobresi rib joꞌ quixba̱nu laj Coré. Xban aꞌan nak teꞌosokꞌ.

1 Juan 1:9

Cui nakaxo̱to li kama̱c chiru li Dios, relic chi ya̱l nak aꞌan ti̱c xchꞌo̱l chixcuybal chixsachbal li kama̱c, ut ta̱risi chixjunil li kama̱usilal.

2 Pedro 2:15

Nak nequeꞌxcanab li ti̱quilal, nequeꞌxic chi joꞌ ma̱joꞌ. Nequeꞌxba̱nu joꞌ quixba̱nu laj Balaam li ralal laj Beor. Laj Balaam quiraj xtaubal xtumin riqꞌuin xba̱nunquil li ma̱usilal.

Salmos 143:11

At nimajcual Dios, chacol taxak rix lin yuꞌam re nak ta̱qꞌuehekꞌ xlokꞌal la̱ cꞌabaꞌ. Ut xban nak ti̱c a̱chꞌo̱l tina̱cuisi taxak saꞌ li raylal li cuanquin cuiꞌ.

Deuteronomio 16:3

Incꞌaꞌ te̱tzaca tib riqꞌuin li caxlan cua cuan xchꞌamal. Chiru cuukub cutan te̱cuaꞌ li caxlan cua ma̱cꞌaꞌ xchꞌamal, li caxlan cua re rahil chꞌo̱lej. Te̱ba̱nu chi joꞌcan re nak junelic ta̱julticokꞌ e̱re chanru nak quex-el chak Egipto saꞌ junpa̱t, li bar quexrahobtesi̱c cuiꞌ.

Deuteronomio 9:7

Chijulticokꞌ e̱re chanru nak quechikꞌ chak xjoskꞌil li Ka̱cuaꞌ le̱ Dios nak cuanquex saꞌ li chaki chꞌochꞌ. Chalen saꞌ li cutan nak quex-el chak Egipto toj chalen anakcuan nak cuanquex saꞌ li naꞌajej aꞌin, yo̱quex chixkꞌetkꞌetinquil e̱rib chiru li Ka̱cuaꞌ.

Deuteronomio 8:18

Chinak ban saꞌ e̱chꞌo̱l nak li Ka̱cuaꞌ, aꞌan li naqꞌuehoc le̱ cuanquil chi biomocꞌ. Naxba̱nu aꞌan re nak ta̱tzꞌaklok ru li contrato li quixba̱nu riqꞌuineb le̱ xeꞌto̱nil yucuaꞌ joꞌ yo̱ chixba̱nunquil e̱re anakcuan.

Efesios 2:11

Chijulticokꞌ e̱re chanru nak quexcuan chak junxil. La̱ex li ma̱cuaꞌex aj judío tzꞌekta̱nanbilex xbaneb laj judío li queꞌxcꞌul li circuncisión, ut eb aꞌan queꞌxye nak incꞌaꞌ tzꞌakal e̱re e̱ru xban nak incꞌaꞌ quecꞌul li circuncisión.

Deuteronomio 8:2

Chijulticokꞌ e̱re chanru nak li Ka̱cuaꞌ le̱ Dios quicꞌamoc be che̱ru chiru caꞌcꞌa̱l chihab nak cuanquex chak saꞌ li chaki chꞌochꞌ. Quixtakla li raylal saꞌ e̱be̱n re xyalbal e̱rix, ut re te̱cubsi e̱rib, ut re ajcuiꞌ nak tixnau cꞌaꞌru cuan saꞌ le̱ chꞌo̱l, ma te̱ba̱nu lix chakꞌrab malaj ut incꞌaꞌ.

Números 31:16

Aꞌaneb li ixk li queꞌtacchiꞌi̱c xban laj Balaam. Ut aꞌan eb li queꞌqꞌuehoc reheb laj Israel chi ma̱cobc chiru li Ka̱cuaꞌ ut queꞌxlokꞌoni laj Baal-peor. Xbaneb aꞌan nak li Dios xtakla li raylal saꞌ xbe̱n li tenamit Israel.

Números 31:8

Queꞌxcamsiheb li o̱b chi rey aj Madián. Aꞌaneb laj Evi, laj Requem, laj Zur, laj Hur, ut laj Reba. Ut queꞌxcamsi ajcuiꞌ chi chꞌi̱chꞌ laj Balaam li ralal laj Beor.

Números 23:27

Laj Balac quixye re laj Balaam: —La̱in nintzꞌa̱ma cha̱cuu nak tatxic chicuix saꞌ jalan chic naꞌajej. Ma̱re saꞌ li naꞌajej aꞌan li Ka̱cuaꞌ Dios tatxcanab chixtzꞌa̱manquil ma̱usilal saꞌ xbe̱neb, chan.

Números 22:41

Cuulajak chic laj Balac quixcꞌam laj Balaam ut queꞌco̱eb toj Bamot-baal. Ut laj Balaam quiru rilbaleb laj Israel li cuanqueb chi nachꞌ.

Salmos 111:4

Ta̱julticama̱nk chi junelic li sachba chꞌo̱lej quilajxba̱nu li Ka̱cuaꞌ. Li Ka̱cuaꞌ, aꞌan cha̱bil ut na-uxta̱nan u.

Salmos 71:19

At inDios, kꞌaxal numtajenak xti̱quilal la̱ chꞌo̱l. Incꞌaꞌ naru xbisbal. Sachba chꞌo̱lej li nacaba̱nu. Ma̱ ani chic cuan xcuanquil joꞌ la̱at.

Salmos 36:10

Chacuuxta̱na taxak ruheb junelic la̱ cualal a̱cꞌajol. Ut chaqꞌue taxak la̱ ti̱quilal reheb li nequeꞌraj cua̱nc saꞌ usilal.

1 Samuel 12:7

Qꞌuehomak retal. La̱in tinjultica e̱re chiru li Ka̱cuaꞌ chixjunil li usilal li quixba̱nu chak e̱re la̱ex ut reheb ajcuiꞌ le̱ xeꞌto̱nil yucuaꞌ nak quixcoleb.

Números 33:49

Aran chire li nimaꞌ Jordán queꞌxyi̱b lix muheba̱leb saꞌ eb li naꞌajej naticla Bet-jesimot nacuulac toj Abel-sitim saꞌ li cꞌaleba̱l cuan xcue̱nt Moab.

Josué 2:1

Laj Josué, li ralal laj Nun, toj Sitim quixtakla cuibeb laj qꞌuehol etal chi mukmu ut quixye reheb: —Ayukex xqꞌuebal retal li naꞌajej Canaán ut li tenamit Jericó, chan. Eb aꞌan queꞌco̱eb ut queꞌcuulac saꞌ rochoch jun li ixk xcomoneb li nequeꞌxcꞌayi rib, xRahab xcꞌabaꞌ. Ut aran queꞌcana chixnumsinquil li kꞌojyi̱n.

Josué 3:1

Joꞌ cuulajak chic ekꞌela queꞌel Sitim laj Josué rochbeneb chixjunileb laj Israel ut queꞌco̱eb. Queꞌcuulac cuan cuiꞌ li nimaꞌ Jordán. Abanan incꞌaꞌ queꞌnumeꞌ jun pacꞌal. Toj queꞌcana chi hila̱nc aran.

Jueces 11:25

¿Ma kꞌaxal cau ta biꞌ a̱cuib chiru laj Balac li ralal laj Zipor, lix reyeb laj Moab? ¿Ma quixcacuubresi ta biꞌ rib laj Balac ut quichal ta chi pletic kiqꞌuin?

Isaías 1:27

Xban inti̱quilal la̱in tincoleb cuiꞌchic li tenamit Sión. La̱in tincolok reheb li teꞌraj cuiꞌchic sukꞌi̱c cuiqꞌuin.

Números 25:2

Eb li ixk aꞌan nequeꞌxbok li cui̱nk aj Israel saꞌ lix ninkꞌeheb nak nequeꞌmayejac chiru lix dioseb. Ut eb laj Israel queꞌxlokꞌoni li jalanil dios Baal-peor ut queꞌxcuaꞌ li tzacae̱mk li mayejanbil chiruheb li yi̱banbil dios.

Deuteronomio 23:6

Incꞌaꞌ te̱cꞌam e̱rib saꞌ usilal riqꞌuineb li tenamit aꞌan, chi moco te̱sicꞌ li us chokꞌ reheb joꞌ najtil yoꞌyo̱kex.