Miqueas 6:3 - Li Santil hu

³ Quixye li Ka̱cuaꞌ: —Ex intenamit, ¿cꞌaꞌru xinba̱nu e̱re? Ut, ¿cꞌaꞌru xextitzꞌ cuiꞌ inban? ¿Ma yo̱quin ta biꞌ che̱chꞌiꞌchꞌiꞌinquil? Yehomak cue cꞌaꞌru inma̱c che̱ru.

Q'eqchi Bible

³ Jo'ka'in naxye li Qaawa': “At intenamit, k'aru xinmaakon chawu? K'aru xatinch'i'ch'i'i wi'? Ye b'i' we.

Miqueas 6:3 ပူးပေါင်းရင်းမြစ်များ

Jeremías 2:5

Li Ka̱cuaꞌ naxye chi joꞌcaꞌin: —¿Ma cuan ta biꞌ cꞌaꞌak re ru incꞌaꞌ us xinba̱nu nak xineꞌxtzꞌekta̱na le̱ xeꞌto̱nil yucuaꞌ? Eb aꞌan queꞌxlokꞌoniheb li yi̱banbil dios li ma̱cꞌaꞌ nequeꞌoc cuiꞌ. Joꞌcan nak ma̱cꞌaꞌ ajcuiꞌ nequeꞌoc cuiꞌ le̱ xeꞌto̱nil yucuaꞌ.

Salmos 81:13

Cui ta eb lin tenamit xeꞌabin chicuu, ut cui ta xeꞌxba̱nu li cꞌaꞌru xinye,

Jeremías 2:31

La̱ex aj Israel, ¿cꞌaꞌut nak incꞌaꞌ nequerabi li cꞌaꞌru ninye e̱re? ¿Ma la̱in ta biꞌ joꞌ jun li naꞌajej chaki che̱ru? ¿Ma la̱in joꞌ jun li kꞌojyi̱n nak nequecꞌoxla? ¿Ma ma̱cꞌaꞌ nin-oc cuiꞌ che̱ru? ¿Cꞌaꞌut nak nequeye nak te̱ba̱nu li cꞌaꞌru nequeraj? ¿Cꞌaꞌut nak nequeye nak incꞌaꞌ chic texsukꞌi̱k cuiqꞌuin?

Salmos 50:7

Ut li Dios tixye: —La̱ex intenamit, cherabi li tinye e̱re anakcuan, la̱ex aj Israel, li cꞌaꞌru incꞌaꞌ us yo̱quex chixba̱nunquil. La̱in li Ka̱cuaꞌ le̱ Dios.

Romanos 3:19

Nakanau nak chixjunil li tzꞌi̱banbil saꞌ li chakꞌrab, aꞌan reheb li cuanqueb rubel xcuanquil li chakꞌrab. Aꞌan aj e nak cuan li chakꞌrab re nak chixjunileb teꞌxnau nak cuanqueb xma̱c ut ma̱cꞌaꞌ chic naru teꞌxye, re teꞌxcol cuiꞌ rib chiru li Dios nak ta̱rakekꞌ a̱tin saꞌ xbe̱neb.

Miqueas 6:5

Ex intenamit, chijulticokꞌ e̱re li cꞌaꞌru quiraj xba̱nunquil e̱re laj Balac lix reyeb laj Moab ut julticokꞌ ajcuiꞌ e̱re chanru nak quixsume laj Balaam, ralal laj Beor. Ut chijulticokꞌ ajcuiꞌ e̱re li cꞌaꞌru quicꞌulman aran Sitim toj Gilgal re nak te̱qꞌue retal nak junes usilal xinba̱nu e̱re, chan li Ka̱cuaꞌ.

Salmos 81:8

Ex intenamit, cherabihak taxak li oc cue chixyebal e̱re. Us raj nak te̱qꞌue saꞌ e̱chꞌo̱l li cꞌaꞌru tinye e̱re, la̱ex aj Israel.

Salmos 51:4

Xinma̱cob cha̱cuu. Caꞌaj cuiꞌ cha̱cuu la̱at xinma̱cob ut xinba̱nu li incꞌaꞌ nacuulac cha̱cuu. La̱at xatrakoc a̱tin saꞌ inbe̱n saꞌ ti̱quilal ut ma̱ ani ta̱yehok re nak incꞌaꞌ us li nacaba̱nu.

Isaías 5:4

¿Cꞌaꞌ chic ru incꞌaꞌ xinba̱nu re li cuacui̱mk nak nequeye la̱ex? Nak quicuoybeni nak tixqꞌue li cha̱bil uvas, aꞌ chic li ma̱cuaꞌ cha̱bil li qui-el.