Miqueas 6:2 - Li Santil hu

² Abihomak la̱ex aj Israel. Li Ka̱cuaꞌ oc re chi rakoc a̱tin saꞌ e̱be̱n. Ta̱abi̱k resil yalak bar saꞌ xya̱nkeb li tzu̱l li xakxo̱queb chi cau saꞌ xnaꞌajeb. Abihomak li yo̱ chixyebal li Ka̱cuaꞌ. Li Ka̱cuaꞌ yo̱ xjoskꞌil saꞌ xbe̱neb lix tenamit. Oc re chixyebal cꞌaꞌru lix ma̱queb laj Israel.

Q'eqchi Bible

² Ab'ihomaq, ex tzuultaq'a ut laa'ex li rub'elankil li ruuchich'och': li Qaawa' ok re sa' raqb'a aatin rik'in li xtenamit, ok re chi jitok chirix laj Israel.

Miqueas 6:2 ပူးပေါင်းရင်းမြစ်များ

Oseas 12:2

Li Ka̱cuaꞌ yo̱ xjoskꞌil saꞌ xbe̱neb li ralal xcꞌajol laj Judá ut tixqꞌueheb chixtojbal xma̱queb li ralal xcꞌajol laj Jacob aꞌ yal chanru xyehom xba̱nuhomeb. Tixqꞌueheb chixtojbal xma̱queb joꞌ xcꞌulubeb.

Oseas 4:1

Abihomak ra̱tin li Ka̱cuaꞌ, ex ralal xcꞌajol laj Israel, xban nak yo̱ xjoskꞌil saꞌ e̱be̱n la̱ex li cuanquex saꞌ li naꞌajej aꞌin. Joꞌcaꞌin yo̱ chixyebal li Ka̱cuaꞌ Dios: —Ma̱ ani ti̱c xchꞌo̱l ut ma̱ ani na-uxta̱nan u ut ma̱ ani naqꞌuehoc retal nak La̱in li Ka̱cuaꞌ Dios.

Isaías 1:18

Joꞌcaꞌin quixye li Ka̱cuaꞌ: —Quimkex. Abihomak ut chetauhak xya̱lal li cꞌaꞌru tinye e̱re. Cui tzꞌaj ru le̱ ra̱m xban li ma̱c, la̱in tinsakobresi nak tincuy le̱ ma̱c. Sak chic ta̱cana̱k joꞌ xsakal li ratzꞌam que. Cui le̱ ma̱c joꞌ li caki bon ma̱ jokꞌe na-el, aban la̱in tinsakobresi le̱ ra̱m ut joꞌ xsakal li nokꞌ ta̱cana̱k.

Salmos 104:5

Cayi̱b li ruchichꞌochꞌ saꞌ xnaꞌaj ut incꞌaꞌ ta̱ecꞌa̱nk.

2 Samuel 22:16

Nak li Ka̱cuaꞌ quikꞌusuc, quicꞌutun li chꞌochꞌ rubel li palau. Ut quicana chi cutanquil li nacu̱tun re li ruchichꞌochꞌ. Chanchan yal apunbil quixba̱nu re.

Deuteronomio 32:22

Cꞌajoꞌ nak queꞌxqꞌue injoskꞌil. Lin joskꞌil chanchan li xam yo̱ chixcꞌatbal chixjunil toj saꞌ xchamal li ruchichꞌochꞌ. Chanchan nak tixcꞌat li ruchichꞌochꞌ ut li acui̱mk li cuan chiru. Tixcꞌat lix to̱n li tzu̱l.

Jeremías 31:37

Cui nacuulac xkꞌehil nak ta̱ru̱k teꞌxbis ru li choxa ut teꞌxtzol rix li ruchichꞌochꞌ toj saꞌ xchꞌamal, saꞌ li cutan aꞌan la̱in tintzꞌekta̱naheb laj Israel xban chixjunil li cꞌaꞌru queꞌxba̱nu, chan li Dios.

Jeremías 25:31

Teꞌrabi chixjunileb toj saꞌ xmaril li ruchichꞌochꞌ nak li Ka̱cuaꞌ li nimajcual Dios ta̱rakok a̱tin saꞌ xbe̱neb li tenamit. Li Ka̱cuaꞌ tixqꞌueheb chixjunileb chixtojbal lix ma̱queb ut tixqꞌueheb chi camsi̱c riqꞌuin chꞌi̱chꞌ li nequeꞌba̱nun re li ma̱usilal, chan li Ka̱cuaꞌ.

Jeremías 2:9

Joꞌcan nak la̱in tinrakok a̱tin saꞌ e̱be̱n la̱ex joꞌ ajcuiꞌ saꞌ xbe̱neb le̱ ralal e̱cꞌajol.

Isaías 43:26

Cui la̱in xinpaltoꞌ che̱ru toxic saꞌ li rakleb a̱tin ut takatzꞌil rix re rilbal ani na cuan xma̱c.

Isaías 5:3

Ut li raro inban quixye: —La̱ex aj Jerusalén ut la̱ex aj Judá, tzꞌilomak rix anakcuan ani cuan xma̱c. ¿Ma la̱in malaj ut li cuacui̱mk?

Proverbios 8:29

Ac cuan ajcuiꞌ chak li cha̱bil naꞌleb nak li Dios quixye re li palau bar ta̱numekꞌ ut quixye re lix cau ok nak incꞌaꞌ ta̱numekꞌ jun pacꞌal. Ac cuan ajcuiꞌ chak nak quixxakab saꞌ xnaꞌaj li ruchichꞌochꞌ.

2 Samuel 22:8

Li ruchichꞌochꞌ qui-ecꞌan saꞌ xnaꞌaj. Ut qui-ecꞌan ajcuiꞌ saꞌ xnaꞌaj li nacu̱tun re li choxa xban nak yo̱ xjoskꞌil li Ka̱cuaꞌ.

Deuteronomio 4:26

Cutan saken chiru li choxa ut li ruchichꞌochꞌ nak ya̱l li yo̱quin chixyebal e̱re. Cui la̱ex te̱yi̱b le̱ pechꞌbil dios, saꞌ junpa̱t ta̱sachekꞌ e̱ru. Incꞌaꞌ najt texcua̱nk saꞌ li chꞌochꞌ li oc e̱re chire̱chaninquil nak texnumekꞌ jun pacꞌal li nimaꞌ Jordán.

Isaías 3:13

Abanan li Ka̱cuaꞌ ac xcauresi rib re ta̱rakok a̱tin saꞌ xbe̱neb li tenamit.

Miqueas 6:1

Abihomak anakcuan li cꞌaꞌru oc re chixyebal li Ka̱cuaꞌ che̱rix la̱ex aj Israel. Chi cau xya̱b xcux tixye nak cuan e̱ma̱c. Ut lix ya̱b xcux ta̱cuulak toj saꞌ eb li tzu̱l.

Oseas 12:3

Toj ma̱jiꞌ ajcuiꞌ nequeꞌyoꞌla laj Jacob li kaxeꞌto̱nil yucuaꞌ ut laj Esaú, ac yo̱queb chixpletinquil ribeb. Chapcho lix cux rok laj Esaú xban laj Jacob nak queꞌyoꞌla. Ut mokon nak nim chic, laj Jacob quipletic riqꞌuin lix ángel li Ka̱cuaꞌ.