Miqueas 6:1 - Li Santil hu

¹ Abihomak anakcuan li cꞌaꞌru oc re chixyebal li Ka̱cuaꞌ che̱rix la̱ex aj Israel. Chi cau xya̱b xcux tixye nak cuan e̱ma̱c. Ut lix ya̱b xcux ta̱cuulak toj saꞌ eb li tzu̱l.

Q'eqchi Bible

¹ Ab'ihomaq anaqwan li naxye li Qaawa': “Xaqlin ut b'oqeb' chaq li tzuul cho'q aatestiiw, ut rab'iiqeb' xyaab' laakux eb' li b'ool”.

Miqueas 6:1 ပူးပေါင်းရင်းမြစ်များ

Jeremías 22:29

La̱ex aj Jerusalén, la̱ex aj Judá, la̱ex li cuanquex saꞌ li chꞌochꞌ aꞌin, abihomak li ra̱tin li Ka̱cuaꞌ.

Deuteronomio 32:1

Cherabihak la̱ex li cuanquex saꞌ choxa, li cꞌaꞌru tinye. Cherabihak la̱ex li cuanquex saꞌ ruchichꞌochꞌ, li cꞌaꞌru tinye riqꞌuin xtzꞌu̱mal cue.

Miqueas 1:2

Ut nak qui-oc chixyebal li cꞌaꞌru quiyeheꞌ re xban li Dios laj Miqueas quixye chi joꞌcaꞌin: —Cherabihak che̱junilex la̱ex li cuanquex saꞌ ruchichꞌochꞌ. Cheqꞌuehak retal li naxye li Ka̱cuaꞌ. Li nimajcual Dios ta̱a̱tinak chak saꞌ lix santil naꞌaj ut aꞌan ta̱yehok re nak cuan e̱ma̱c.

Ezequiel 36:1

Li Ka̱cuaꞌ quixye cue: —At ralal cui̱nk, tat-a̱tinak riqꞌuineb li cuanqueb Israel saꞌ li naꞌajej tzu̱l ru, ut ta̱ye reheb nak cheꞌrabihak li ra̱tin li Ka̱cuaꞌ.

Salmos 50:4

Toj saꞌ choxa tixbokeb li cuanqueb saꞌ ruchichꞌochꞌ joꞌ ajcuiꞌ li cuanqueb saꞌ choxa re nak chixjunileb teꞌilok re nak ta̱rakok a̱tin saꞌ xbe̱neb lix tenamit.

Deuteronomio 4:26

Cutan saken chiru li choxa ut li ruchichꞌochꞌ nak ya̱l li yo̱quin chixyebal e̱re. Cui la̱ex te̱yi̱b le̱ pechꞌbil dios, saꞌ junpa̱t ta̱sachekꞌ e̱ru. Incꞌaꞌ najt texcua̱nk saꞌ li chꞌochꞌ li oc e̱re chire̱chaninquil nak texnumekꞌ jun pacꞌal li nimaꞌ Jordán.

Ezequiel 36:8

Ut teꞌtuxmek cuiꞌchic li cheꞌ li cuanqueb saꞌ li tzu̱l Israel ut teꞌu̱chi̱nk. Ut eb laj Israel teꞌxtzaca li ru xban nak chi se̱b teꞌsukꞌi̱k cuiꞌchic saꞌ lix tenamiteb.

Isaías 1:2

Cherabihak la̱ex li cuanquex saꞌ choxa joꞌ ajcuiꞌ la̱ex li cuanquex saꞌ ruchichꞌochꞌ xban nak li Ka̱cuaꞌ oc re chixyebal chi joꞌcaꞌin: —Quebinqꞌuiresi li cualal incꞌajol toj retal queꞌni̱nkan. Abanan eb aꞌan xeꞌxkꞌetkꞌeti ribeb chicuu.

San Lucas 19:40

Li Jesús quichakꞌoc ut quixye reheb: —La̱in ninye e̱re nak cui eb lin tzolom teꞌxcanab xqꞌuebal inlokꞌal, aꞌ chic li pec teꞌxjap re chixqꞌuebal inlokꞌal, chan li Jesús.

Salmos 50:1

Li nimajcual Dios, li kꞌaxal nim xcuanquil chiru chixjunil, aꞌan li yo̱ chi a̱tinac riqꞌuineb chixjunileb li cuanqueb saꞌ ruchichꞌochꞌ. Naa̱tinac riqꞌuineb chixjunileb jun sut rubel choxa.

Miqueas 1:4

Ut nak ta̱be̱k saꞌ xbe̱neb li tzu̱l, telajeꞌhaꞌokꞌ li tzu̱l xban. Chanchan nak nahaꞌoꞌ li cera xban li xam. Nak teꞌhaꞌokꞌ li tzu̱l, teꞌhoyekꞌ. Chanchanak li haꞌ li na-el chak saꞌ tzu̱l.

Ezequiel 37:4

Tojoꞌnak li Ka̱cuaꞌ quixye cue: —A̱tinan riqꞌuineb a bak aꞌin saꞌ incꞌabaꞌ la̱in. Ta̱ye reheb: Ex chaki bak, abihomak li ra̱tin li Ka̱cuaꞌ li oc cue chixyebal e̱re.

Jeremías 13:15

Laj Jeremías quixye reheb li tenamit: —La̱ex aj Israel, li Ka̱cuaꞌ yo̱ chika̱tinanquil. Abihomak li cꞌaꞌru yo̱ chixyebal ut qꞌuehomak retal. Me̱kꞌetkꞌeti e̱rib chiru.

Amós 3:1

La̱ex laj Israel, cherabihak li naxye li Ka̱cuaꞌ che̱rix che̱junilex la̱ex li quexrisi chak saꞌ li tenamit Egipto nak quixye chi joꞌcaꞌin:

1 Samuel 15:16

Quixye laj Samuel re laj Saúl: —Canab a̱tinac. Abi li cꞌaꞌru quixye cue li Ka̱cuaꞌ ecue̱r chi kꞌek, chan. Ut laj Saúl quixye re: —Us. Ye, chan.

1 Samuel 12:7

Qꞌuehomak retal. La̱in tinjultica e̱re chiru li Ka̱cuaꞌ chixjunil li usilal li quixba̱nu chak e̱re la̱ex ut reheb ajcuiꞌ le̱ xeꞌto̱nil yucuaꞌ nak quixcoleb.

Miqueas 5:15

Ut xban injoskꞌil la̱in tinqꞌueheb chixtojbal rix lix ma̱queb chixjunileb li tenamit li nequeꞌkꞌetoc re li cua̱tin, chan li Ka̱cuaꞌ.

Miqueas 6:2

Abihomak la̱ex aj Israel. Li Ka̱cuaꞌ oc re chi rakoc a̱tin saꞌ e̱be̱n. Ta̱abi̱k resil yalak bar saꞌ xya̱nkeb li tzu̱l li xakxo̱queb chi cau saꞌ xnaꞌajeb. Abihomak li yo̱ chixyebal li Ka̱cuaꞌ. Li Ka̱cuaꞌ yo̱ xjoskꞌil saꞌ xbe̱neb lix tenamit. Oc re chixyebal cꞌaꞌru lix ma̱queb laj Israel.

Isaías 3:13

Abanan li Ka̱cuaꞌ ac xcauresi rib re ta̱rakok a̱tin saꞌ xbe̱neb li tenamit.

Ezequiel 6:3

Joꞌcaꞌin ta̱ye reheb li tzu̱l li cuanqueb Israel: Cherabihak li ra̱tin li Ka̱cuaꞌ. Joꞌcaꞌin xye li Ka̱cuaꞌ reheb li tzu̱l ut eb li bol joꞌ ajcuiꞌ eb li nimaꞌ ut eb li ru takꞌa. La̱in tintakla chak saꞌ e̱be̱n li raylal. Tinsach ruheb saꞌ li ple̱t li naꞌajej li najteb xteram li nequeꞌxlokꞌoni cuiꞌ li jalanil dios.