Miqueas 5:9 - Li Santil hu

⁹ La̱ex aj Israel texnumta̱k saꞌ xbe̱neb li xicꞌ nequeꞌiloc e̱re ut te̱sacheb chixjunileb.

Q'eqchi Bible

⁹ At Qaawa', taqsi laawuq' sa' xb'eeneb' li xik' neke'ilok aawe ut sach ruheb' chixjunileb'.

Miqueas 5:9 ပူးပေါင်းရင်းမြစ်များ

Isaías 26:11

At Ka̱cuaꞌ, nequeꞌxnau nak ta̱qꞌueheb chixtojbal xma̱queb. Abanan incꞌaꞌ nequeꞌraj xqꞌuebal retal. Chicꞌutekꞌ taxak xxuta̱neb nak teꞌxqꞌue retal nak nacaraheb la̱ tenamit. Chanchan cꞌatbil nak teꞌosokꞌ li xicꞌ nequeꞌiloc a̱cue.

Salmos 21:8

Riqꞌuin la̱ cuanquilal, at Ka̱cuaꞌ, li rey ta̱numta̱k saꞌ xbe̱neb chixjunileb li xicꞌ nequeꞌiloc re. Ta̱re̱chaniheb ajcuiꞌ li nequeꞌtzꞌekta̱nan re.

Isaías 11:14

Teꞌxjunaji ribeb ut teꞌxic chi pletic riqꞌuineb laj filisteo li cuanqueb saꞌ li oeste ut teꞌnumta̱k saꞌ xbe̱neb li cuanqueb saꞌ li este. Teꞌnumta̱k saꞌ xbe̱neb li cuanqueb Edom ut Moab. Ut eb li cuanqueb aran Amón teꞌabi̱nk chiruheb.

Salmos 10:12

China̱cuabi, at Ka̱cuaꞌ. Chakꞌuseb li incꞌaꞌ useb xnaꞌleb. Ut meꞌsach saꞌ a̱chꞌo̱l li yo̱queb chi cꞌuluc raylal. Chatenkꞌaheb ban, at inDios.

1 Corintios 15:25

Li Cristo cua̱nk xcuanquil chi takla̱nc toj retal tixqꞌueheb rubel rok chixjunileb li xicꞌ nequeꞌiloc re.

San Lucas 19:27

Ut cꞌamomakeb chak li xicꞌ nequeꞌiloc cue li incꞌaꞌ nequeꞌraj nak tin-oc chokꞌ xreyeb. Ut chicuu ajcuiꞌ, te̱camsiheb, chan li rey.

Isaías 37:36

Saꞌ ajcuiꞌ li kꞌojyi̱n aꞌan jun x-ángel li Dios quicuulac saꞌ xmuheba̱leb laj Asiria ut quixcamsiheb jun ciento riqꞌuin o̱b roxcꞌa̱l mil (185,000) chi soldado aj Asiria. Joꞌ cuulajak chic nak quisake̱u, ac camenakeb chic chixjunileb.

Isaías 33:10

Li Ka̱cuaꞌ quixye reheb li xni̱nkal ru tenamit: —Anakcuan la̱in tincꞌut lin cuanquil che̱ru ut ta̱qꞌuehekꞌ inlokꞌal.

Isaías 1:25

La̱in tinrakok a̱tin saꞌ e̱be̱n. Ut tincuisi le̱ ma̱usilal joꞌ nak na-isi̱c xtzꞌajnil li plata saꞌ li xam.

Salmos 106:26

Joꞌcan nak li Dios quixye reheb nak tixcanabeb chi ca̱mc saꞌ li chaki chꞌochꞌ.

Hageo 2:22

La̱in tincuisiheb saꞌ lix naꞌajeb li rey ut tincuisi xcuanquileb li xni̱nkal ru tenamit ut tinsach ruheb. Tinsach ru lix carruajeb re pletic ut chixjunileb li nequeꞌxic chi saꞌ. Ut tincamsiheb lix cacua̱y joꞌqueb ajcuiꞌ li nequeꞌxic chirixeb. Ut xjuneseb teꞌxcamsi ribeb chi ribileb rib.

Zacarías 9:10

Chixjunil li nacꞌanjelac re pletic tixsach ru. Lix carruaje laj Efraín tixsach ruheb joꞌ ajcuiꞌ lix cacua̱yeb laj Jerusalén. Ut tixtoki ajcuiꞌ lix tzimajeb. Tixqꞌueheb li tenamit chi cua̱nc saꞌ tuktu̱quil usilal. Ut aꞌan chic cua̱nk xcuanquil saꞌ xbe̱neb chixjunileb li naꞌajej li naticla cuan cuiꞌ li palau Mar Muerto ut nacuulac toj cuan cuiꞌ li palau Mediterráneo xcꞌabaꞌ. Ut aꞌan ajcuiꞌ cua̱nk xcuanquil saꞌ chixjunil li ruchichꞌochꞌ.