Miqueas 5:7 - Li Santil hu

⁷ Ut eb laj Israel li incꞌaꞌ teꞌosokꞌ saꞌ li ple̱t teꞌxtenkꞌa nabal chi tenamit. Chanchanakeb li xchuꞌque li naxqꞌue chak li Ka̱cuaꞌ. Chanchanakeb li hab li natꞌakresin re li acui̱mk. Incꞌaꞌ teꞌyoꞌoni̱nk chi moco cauhakeb xchꞌo̱l riqꞌuin cui̱nk. Riqꞌuin ban li Dios cꞌojcꞌo̱keb xchꞌo̱l.

Q'eqchi Bible

⁷ Toja' naq eb' li te'kole'q sa' xyanqeb' laj Israel chanchanaqeb' li k'ajob' nachalk rik'in li Qaawa', cho'q reheb' li k'iila tenamit; jo'aqeb' li hab' sa' xb'een li raxpim, k'ojk'ooqeb' xch'ool rik'in li Yos, ut ink'a' yal rik'in winq.

Miqueas 5:7 ပူးပေါင်းရင်းမြစ်များ

Miqueas 5:3

Joꞌcan utan li Dios tixcanabeb xjuneseb lix tenamit toj ta̱cuulak xkꞌehil nak ta̱yoꞌla̱k li Acuabej arin saꞌ ruchichꞌochꞌ. Ut ta̱cuulak xkꞌehil nak teꞌsukꞌi̱k cuiꞌchic saꞌ lix tenamiteb laj Israel li joꞌ qꞌuial chic queꞌcana.

Isaías 44:3

La̱in tinqꞌue li haꞌ saꞌ li chaki chꞌochꞌ ut tinqꞌueheb li nimaꞌ. Tinqꞌue lin musikꞌ reheb le̱ ralal e̱cꞌajol ut tincuosobtesiheb.

Deuteronomio 32:2

Li tijleb li tinye chanchanak li hab. Li cua̱tin li tinye chanchanak li xchuꞌque. Chanchanak li hab cocꞌ ru li naxtꞌakresi li rax pim. Chanchanak li hab li naxtꞌakresi li acui̱mk.

Oseas 14:5

Joꞌ nak li hab naxtꞌakresi li chaki chꞌochꞌ, joꞌcan nak tinqꞌue cuiꞌchic xsahil xchꞌo̱leb laj Israel. Teꞌcha̱bilokꞌ cuiꞌchic. Chanchanakeb li utzꞌuꞌuj nak na-atzꞌumac. Chanchanakeb li cheꞌ chacalteꞌ aran Líbano li cham naxic lix xeꞌ.

Salmos 72:6

Chitakla̱nk ta saꞌ ti̱quilal saꞌ xbe̱neb li tenamit. Chanchanak ta li hab li natꞌakresin re li chꞌochꞌ ut li ichaj.

Romanos 10:20

Laj Isaías cau xchꞌo̱l chixyebal li cꞌaꞌru quixye li Dios nak quixye: Aꞌ chic li incꞌaꞌ yo̱queb chinsicꞌbal, aꞌaneb chic li xeꞌtaꞌoc cue. Quincꞌutbesi cuib chiruheb li incꞌaꞌ yo̱queb chinsicꞌbal. (Isa. 65:1) Aꞌan li quixye li Dios chirixeb li ma̱cuaꞌeb aj judío.

Zacarías 14:8

Jun li yuꞌam haꞌ ta̱e̱lk aran Jerusalén. Yijach ta̱xic saꞌ li nimla palau li cuan saꞌ li este li na-el cuiꞌ chak li sakꞌe. Ut li yijach chic ta̱xic saꞌ li palau li cuan saꞌ li oeste li na-oc cuiꞌ li sakꞌe. Li yuꞌam haꞌ aꞌan incꞌaꞌ ta̱chakik. Ta̱cua̱nk li haꞌ saꞌ habalkꞌe ut ta̱cua̱nk ajcuiꞌ saꞌ sakꞌehil.

Oseas 6:3

Chikanauhak biꞌ ru li Ka̱cuaꞌ. Chikaqꞌuehak kachꞌo̱l chixnaubal ru chi tzꞌakal. Chꞌolchꞌo nak ta̱cꞌulu̱nk li Ka̱cuaꞌ. Ta̱cꞌulu̱nk joꞌ nak nachal li cutan rajlal. Ta̱cꞌulu̱nk joꞌ nak nachal li hab re xtꞌakresinquil li chꞌochꞌ saꞌ xkꞌehil li a̱uc ut nachal ajcuiꞌ mokon re xtꞌakresinquil li acui̱mk.—

Jeremías 14:22

¿Ma cuan ta biꞌ junak li yi̱banbil dios saꞌ li xni̱nkal ru tenamit ta̱ru̱k tixtakla chak li hab? ¿Ma naru ta biꞌ ta̱cha̱lk li hab saꞌ choxa yal xjunes? ¿Ma ma̱cuaꞌ ta biꞌ la̱at, at Ka̱cuaꞌ, nacatqꞌuehoc re? Joꞌcan nak caꞌaj cuiꞌ a̱cuiqꞌuin noco-oybenin xban nak la̱at nacatqꞌuehoc re chixjunil li cꞌaꞌak re ru aꞌin, chan laj Jeremías.

Salmos 110:3

Nak la̱at cua̱nkat saꞌ la̱ cuanquil, eb la̱ tenamit teꞌxic saꞌ la̱ santil naꞌaj ut teꞌxyechiꞌi ribeb chi cꞌanjelac cha̱cuu. Li Dios tixqꞌue a̱metzꞌe̱u rajlal joꞌ nak natꞌaneꞌ li xchuꞌque rajlal ekꞌela. Ut chanchanakat jun li sa̱j cui̱nk.

1 Corintios 3:6

Chanchano aj acuinel nak nococꞌanjelac chiru li Dios. Chanchan a̱uc xinba̱nu nak xinye resil li colba-ib e̱re. Ut chanchan tꞌakresi̱nc quixba̱nu laj Apolos nak quixchꞌolob lix ya̱lal che̱ru. Abanan aꞌ li Dios quiqꞌuehoc lix mokic.

Romanos 11:12

Xban nak queꞌxkꞌet li ra̱tin li Dios eb laj judío, li rusilal li Dios quiqꞌueheꞌ reheb chixjunileb li cuanqueb saꞌ ruchichꞌochꞌ. Reheb raj laj judío li osobtesi̱c, aban queꞌxtzꞌekta̱na. Joꞌcan nak quiqꞌueheꞌ reheb li ma̱cuaꞌeb aj judío. Ut kꞌaxal cuiꞌchic li sahil chꞌo̱lejil takacꞌul nak teꞌpa̱ba̱nk lix qꞌuialeb laj judío ut teꞌqꞌuehekꞌ saꞌ ajl saꞌ kaya̱nk la̱o li ac colbilo.

Romanos 9:30

Aꞌan aꞌin xya̱lal li yo̱co chixyebal: Eb li ma̱cuaꞌeb aj judío incꞌaꞌ yo̱queb chixsicꞌbal li ti̱quil chꞌo̱lej riqꞌuin xba̱nunquil li naxye li chakꞌrab, ut xban nak queꞌpa̱ban, queꞌti̱cobresi̱c xchꞌo̱leb.

Hechos 16:9

Nak cuanqueb aran saꞌ jun li kꞌojyi̱n quicꞌuteꞌ jun li visión chiru laj Pablo. Jun li cui̱nk aj Macedonia xakxo chiru nak quiril. Yo̱ chixtzꞌa̱manquil chiru ut quixye re: —Cha̱lkat saꞌ katenamit Macedonia ut choa̱tenkꞌa, chuꞌux re nak quiril.

Hechos 13:46

Laj Pablo ut laj Bernabé queꞌxye chi cauheb xchꞌo̱l: —Relic chi ya̱l nak xbe̱n cua raj e̱re la̱ex aj judío xkaye resil li ra̱tin li Dios. Abanan la̱ex xetzꞌekta̱na ut xecꞌoxla nak moco e̱cꞌulub ta li junelic yuꞌam. Joꞌcan nak anakcuan takaye resil reheb li ma̱cuaꞌeb aj judío.

Hechos 11:15

Ut nak quin-oc chi a̱tinac riqꞌuineb, li Santil Musikꞌej quichal saꞌ xbe̱neb joꞌ nak quichal saꞌ kabe̱n la̱o junxil.

San Mateo 28:19

Joꞌcan utan texxic saꞌ chixjunil li ruchichꞌochꞌ ut te̱chꞌolob lix ya̱lal chiruheb chixjunileb li tenamit re nak teꞌpa̱ba̱nk. Te̱cubsiheb xhaꞌ saꞌ xcꞌabaꞌ li Dios Acuabej, saꞌ xcꞌabaꞌ li Dios Cꞌajolbej ut saꞌ xcꞌabaꞌ li Dios Santil Musikꞌej.

Miqueas 2:12

Chi ya̱l la̱in texinxoc cuiꞌchic la̱ex aj Israel ut tinchꞌutub cuiꞌchic e̱ru li joꞌ qꞌuialex chic li xexcoleꞌ. Chanchanakex li carner li cuanqueb aran Bosra nak texinqꞌue cuiꞌchic saꞌ li naꞌajej li quinqꞌue e̱re junxil. Ut texqꞌuia̱nk toj retal ta̱nujak cuiꞌchic li naꞌajej, chan li Ka̱cuaꞌ.

Amós 5:15

Chetzꞌekta̱na li ma̱usilal ut chera li ti̱quilal. Ut qꞌuehomak e̱chꞌo̱l chi rakoc a̱tin saꞌ xya̱lal. Ma̱re chi joꞌcan li Ka̱cuaꞌ, li nimajcual Dios ta̱ruxta̱na e̱ru la̱ex laj Israel, li joꞌ qꞌuialex chic texcolekꞌ.

Joel 2:32

Abanan chixjunileb li nequeꞌya̱ban re lix cꞌabaꞌ li Ka̱cuaꞌ teꞌcolekꞌ. Saꞌ li tzu̱l Sión aran Jerusalén ta̱cua̱nk li colba-ib joꞌ yechiꞌinbil xban li Ka̱cuaꞌ. Ut li joꞌ qꞌuialeb chic li ralal xcꞌajol laj Israel li queꞌcana teꞌcolekꞌ.

Ezequiel 47:1

Li cui̱nk quinixcꞌam cuiꞌchic saꞌ li oqueba̱l re li templo. Ut quicuil nak rubel li oqueba̱l yo̱ chak chi e̱lc li haꞌ ut yo̱ chi xic saꞌ li este bar na-iloc cuiꞌ li templo. Li haꞌ yo̱ chi e̱lc rubel li templo saꞌ li sur ut yo̱ chi numecꞌ chixcꞌatk li artal.

Isaías 66:19

La̱in tebinqꞌue retalil. Cuanqueb li tebincanab chi e̱lelic. Ut tebintakla saꞌ eb li xni̱nkal ru tenamit li incꞌaꞌ queꞌrabi resil lin lokꞌal ut lin cuanquil. Tintaklaheb saꞌ eb li tenamit Tarsis, Fut ut Lud cuanqueb cuiꞌ li nequeꞌxnau xchꞌeꞌbal li tzimaj. Ut tintaklaheb Tubal ut Javán ut saꞌ eb li najtil tenamit li cuanqueb chire li palau saꞌ eb li naꞌajej li ma̱ jun sut queꞌrabi resil lin cuanquil ut lin lokꞌal. Ut teꞌxchꞌolob xya̱lal inlokꞌal ut incuanquil chiruheb li jalan xtenamiteb.

Isaías 55:10

Li hab ut li ratzꞌam que nachal chak saꞌ choxa ut naxtꞌakresi li chꞌochꞌ. Incꞌaꞌ nacana yal chi joꞌcan. Naxqꞌue ban chi qꞌui̱c li acui̱mk toj retal nau̱chin ut nacuan iyaj re a̱uc ut nacuan ajcuiꞌ re tzacae̱mk.

Isaías 32:15

Abanan li Ka̱cuaꞌ Dios tixqꞌue lix musikꞌ ke ut torosobtesi cuiꞌchic. Tixsukꞌisi li chaki chꞌochꞌ chokꞌ cha̱bil chꞌochꞌ. Ut li cha̱bil chꞌochꞌ kꞌaxal cuiꞌchic nabal li acui̱mk tixqꞌue.

Jueces 6:36

Laj Gedeón quixye re li Dios: —Cui ya̱l nak la̱at tattenkꞌa̱nk cue chixcolbaleb laj Israel, cꞌut chicuu junak li retalil.

Hechos 9:15

Ut li Ka̱cuaꞌ quixye re: —Ayu xban nak li cui̱nk aꞌan sicꞌbil ru inban re xyebal resil li colba-ib saꞌ incꞌabaꞌ la̱in reheb li cuanqueb saꞌ xcuanquil ut reheb ajcuiꞌ li ma̱cuaꞌeb aj judío joꞌqueb ajcuiꞌ li ralal xcꞌajol laj Israel.

Sofonías 3:13

Li joꞌ qꞌuialeb chic li ralal xcꞌajoleb laj Israel li teꞌcana̱k, incꞌaꞌ chic teꞌxba̱nu li ma̱usilal chi moco teꞌticꞌtiꞌik chi moco teꞌbalakꞌi̱nk. Teꞌxchꞌolani ribeb saꞌ xya̱lal. Cꞌojcꞌo̱keb xchꞌo̱l nak teꞌcua̱rk xban nak ma̱ ani chic ta̱chꞌiꞌchꞌiꞌi̱nk reheb ut ma̱cꞌaꞌakeb chic xxiuheb.

Miqueas 5:8

Ut eb laj Israel, li joꞌ qꞌuial chic li incꞌaꞌ teꞌosokꞌ, aꞌanakeb li kꞌaxal cauhakeb rib saꞌ xya̱nkeb chixjunileb li tenamit. Chanchanakeb li cakcoj li kꞌaxal cau rib saꞌ xya̱nkeb chixjunileb li xul saꞌ qꞌuicheꞌ. Ma̱ ani ta̱ru̱k tixcol rib chiruheb laj Israel. Chanchanakeb li ral cakcoj nak na-oc saꞌ xya̱nkeb li carner ut naxchap jun ut naxpedasi ut ma̱ ani naru nacoloc re chiru.

Ezequiel 14:22

Abanan cuanqueb le̱ ralal e̱cꞌajol li incꞌaꞌ teꞌcamsi̱k. Teꞌcuulak e̱riqꞌuin ut la̱ex te̱qꞌue retal lix ma̱usilaleb nak te̱ril li cꞌaꞌru teꞌxba̱nu. Ut riqꞌuin aꞌan te̱qꞌue retal nak moco yal xcuaj ta nak xinqꞌue li raylal saꞌ xbe̱neb laj Jerusalén.

2 Samuel 17:12

La̱o topletik riqꞌuin la̱ yucuaꞌ aꞌ yal bar takatau ut aꞌ yal bar cuan. Chi ma̱cꞌaꞌeb saꞌ xchꞌo̱l tocuulak. Chi moco aꞌan, chi moco eb lix soldados teꞌcana̱k chi yoꞌyo.

Salmos 133:3

Chanchan li xchuꞌque li qꞌuebil xban li Dios, li nacube saꞌ li tzu̱l Hermón ut saꞌ li tzu̱l Sión. Aran quirosobtesi lix tenamit li Ka̱cuaꞌ ut quixqꞌue li junelic yuꞌam reheb.

Proverbios 19:12

Nak najoskꞌoꞌ li rey, chanchan nak najoskꞌoꞌ li cakcoj. Abanan nak naxba̱nu junak usil aꞌan chanchan li hab li naxtꞌakresi li acui̱mk.

Daniel 11:32

Ut li rey li cuan saꞌ li norte tixbalakꞌiheb laj Israel li ac queꞌxtzꞌekta̱na li santil contrato ut eb aꞌan teꞌoque̱nk chirix. Abanan li tzꞌakal xtenamit li Dios teꞌxcacuubresi ribeb chixcolbal ribeb chiru li rey.

Miqueas 4:7

Rahobtesinbileb anakcuan ut najt cuanqueb. Abanan ta̱cuulak xkꞌehil nak tinqꞌueheb cuiꞌchic chi qꞌuia̱nc ut teꞌcua̱nk cuiꞌchic xcuanquil li incꞌaꞌ queꞌsacheꞌ. Ut la̱in li Ka̱cuaꞌ tintakla̱nk saꞌ xbe̱neb saꞌ li tzu̱l Sión chalen anakcuan ut chi junelic, chan li Ka̱cuaꞌ.

Miqueas 7:18

Ma̱ jun chic li Dios cuan. Caꞌaj cuiꞌ la̱at. La̱at nacatcuyuc ma̱c ut nasach saꞌ a̱chꞌo̱l lix ma̱queb la̱ tenamit Israel, li joꞌ qꞌuial chic li incꞌaꞌ queꞌsacheꞌ. La̱at incꞌaꞌ nacatjoskꞌoꞌ chi junaj cua. Nasahoꞌ ban saꞌ a̱chꞌo̱l chi uxta̱na̱nc u.

Ezequiel 5:5

Joꞌcaꞌin xye li Ka̱cuaꞌ li nimajcual Dios: —La̱in xinxakaban re li nimla tenamit Jerusalén saꞌ xyi li xni̱nkal tenamit li cuanqueb chixjun sutam.

Miqueas 4:13

Li Ka̱cuaꞌ tixye reheb lix tenamit: —La̱ex aj Jerusalén, ayukex. La̱ex chic texnumta̱k saꞌ xbe̱neb li xicꞌ nequeꞌiloc e̱re. La̱in tinqꞌuehok e̱cacuilal. Chanchanakex li joskꞌ aj cuacax. Chanchan cua̱nk le̱ xucub hierro. Ut le̱ rok chanchanak bronce. Texnumta̱k saꞌ xbe̱neb nabal chi tenamit. Ut li cꞌaꞌru te̱re̱chani te̱kꞌaxtesi cue. Lix biomaleb te̱mayeja chicuu. La̱in li Ka̱cuaꞌ li kꞌaxal nim incuanquil saꞌ xbe̱neb chixjunileb li cuanqueb saꞌ ruchichꞌochꞌ, chan li Ka̱cuaꞌ.

Zacarías 9:13

Chanchanakex li tzimaj ac cauresinbil re pletic, la̱ex li ralal xcꞌajol laj Judá. La̱ex li ralal xcꞌajol laj Efraín chanchanakex li flecha li nacutman. Ut la̱ex laj Sión, chanchanakex lix kꞌesnal chꞌi̱chꞌ li cui̱nk cau rib chi pletic. Che̱junilex la̱ex texinqꞌue chi pletic riqꞌuin li tenamit Grecia, chan li Ka̱cuaꞌ.