Miqueas 5:6 - Li Santil hu

⁶ Ut eb aꞌan teꞌnumta̱k saꞌ xbe̱neb laj Asiria nak teꞌpletik riqꞌuin chꞌi̱chꞌ ut teꞌnumta̱k ajcuiꞌ saꞌ xbe̱n lix tenamit laj Nimrod. Ut li Ka̱cuaꞌ, aꞌan ta̱colok ke chiruheb laj Asiria nak teꞌxyal oc saꞌ li katenamit chi pletic kiqꞌuin.

Q'eqchi Bible

⁶ Eb' a'an te'awab'ejinq re Asiria, li xna'aj laj Nemrod, rik'in q'esnal ch'iich', ut toohe'xkol chiruheb' laj Asiria li te'ok sa' li qatenamit re reechaninkil li qach'och'.

Miqueas 5:6 ပူးပေါင်းရင်းမြစ်များ

Isaías 14:25

La̱in tinsach ruheb laj Asiria li cuanqueb saꞌ xnaꞌajeb laj Israel lin tenamit. Tinyekꞌiheb saꞌ cuok aran saꞌ eb lin tzu̱l. Tojoꞌnak tincuisi li a̱lal i̱k li xeꞌxqꞌue saꞌ xbe̱neb laj Israel lin tenamit.

San Lucas 1:74

Quixye re nak aꞌan ta̱colok ke chiruheb li xicꞌ nequeꞌiloc ke re nak tocꞌanjelak chiru aꞌan chi ma̱cꞌaꞌak kaxiu,

San Lucas 1:71

Quixye reheb nak toxcol chiruheb li xicꞌ nequeꞌiloc ke ut torisi rubeleb xcuanquil.

Sofonías 2:13

Li Ka̱cuaꞌ tixqꞌueheb chixtojbal xma̱queb laj Asiria li cuanqueb saꞌ li norte. Ta̱sachekꞌ ru li nimla tenamit Nínive. Ma̱ ani chic ta̱cua̱nk aran. Joꞌ chaki chꞌochꞌ ta̱cana̱k.

Nahum 2:11

¿Cꞌaꞌru xcꞌul li tenamit Nínive? Junxil chanchan xnaꞌajeb li cakcoj. X-osoꞌ lix naꞌajeb. ¿Ma incꞌaꞌ ta biꞌ chanchaneb li cakcoj nak queꞌcuan? Eb aꞌan ma̱ ani queꞌxxucua ru ut ma̱ ani naru naseꞌbesin reheb.

Isaías 33:1

Raylal ta̱cha̱lk saꞌ e̱be̱n la̱ex li xicꞌ nequex-iloc ke. La̱ex li nequex-elkꞌan ut nequexbalakꞌin ke. La̱ex ma̱ ani xeꞌelkꞌan re li cꞌaꞌru e̱re chi moco xexbalakꞌi̱c. Abanan ta̱cuulak xkꞌehil nak la̱ex chic ta̱elkꞌa̱k cꞌaꞌru e̱re ut texbalakꞌi̱k.

Isaías 14:2

Eb li jalaneb xtenamiteb teꞌxtenkꞌaheb laj Israel chi sukꞌi̱c saꞌ lix naꞌajeb. Nak cuanqueb chic aran, eb li jalaneb xtenamiteb teꞌcꞌanjelak chiruheb laj Israel joꞌ mo̱s saꞌ li naꞌajej li quiqꞌueheꞌ reheb xban li Ka̱cuaꞌ. Eb li queꞌnumta saꞌ xbe̱neb laj Israel junxil, aꞌan eb chic li teꞌchapekꞌ ut teꞌcꞌanjelak chiruheb laj Israel. Eb laj Israel chic teꞌtakla̱nk saꞌ xbe̱neb li queꞌrahobtesin reheb junxil.

2 Crónicas 33:11

Joꞌcan nak li Ka̱cuaꞌ quixqꞌueheb li nequeꞌtaklan saꞌ xbe̱neb lix soldados lix reyeb laj Asiria chi numta̱c saꞌ xbe̱neb laj Judá. Queꞌxchap laj Manasés. Queꞌxbacꞌ riqꞌuin chꞌi̱chꞌ li rukꞌ ut li rok ut queꞌxcꞌam aran Babilonia.

2 Reyes 15:29

Saꞌ eb li cutan nak laj Peka cuan chokꞌ rey aran Israel, laj Tiglat-pileser lix reyeb laj Asiria quichal chi pletic riqꞌuineb laj Israel. Quinumta saꞌ xbe̱neb li tenamit Ijón, Abel-bet-maaca, Janoa, Cedes, Hazor, Galaad, Galilea ut chixjunil lix naꞌajeb li ralal xcꞌajol laj Neftalí. Quixchapeb li cristian ut quixcꞌameb chi pre̱xil aran Asiria.

San Lucas 24:27

Ut quixchꞌolob xya̱lal chiruheb chirix li cꞌaꞌru quixtzꞌi̱ba laj Moisés. Quixchꞌolob ajcuiꞌ lix ya̱lal li queꞌxtzꞌi̱ba chak li profeta chirix li Cristo li yechiꞌinbil xban li Dios joꞌ tzꞌi̱banbil saꞌ li Santil Hu.

Isaías 37:36

Saꞌ ajcuiꞌ li kꞌojyi̱n aꞌan jun x-ángel li Dios quicuulac saꞌ xmuheba̱leb laj Asiria ut quixcamsiheb jun ciento riqꞌuin o̱b roxcꞌa̱l mil (185,000) chi soldado aj Asiria. Joꞌ cuulajak chic nak quisake̱u, ac camenakeb chic chixjunileb.

Isaías 37:37

Ut laj Senaquerib lix reyeb laj Asiria quisukꞌi saꞌ lix tenamit Nínive ut aran quicana.

Deuteronomio 32:2

Li tijleb li tinye chanchanak li hab. Li cua̱tin li tinye chanchanak li xchuꞌque. Chanchanak li hab cocꞌ ru li naxtꞌakresi li rax pim. Chanchanak li hab li naxtꞌakresi li acui̱mk.

1 Crónicas 1:10

Laj Cus, aꞌan lix yucuaꞌ laj Nimrod li quiniman xcuanquil saꞌ li naꞌajej aꞌan.

Li xHu LAJ JOB 29:22

Ma̱cꞌaꞌ nequeꞌxye chirix li cꞌaꞌru ninye xban nak eb aꞌan nequeꞌxnau nak ya̱l li ninye. Chanchan nak narucꞌ li haꞌ li chꞌochꞌ nak nequeꞌrabi li cua̱tin.

Salmos 72:6

Chitakla̱nk ta saꞌ ti̱quilal saꞌ xbe̱neb li tenamit. Chanchanak ta li hab li natꞌakresin re li chꞌochꞌ ut li ichaj.

Salmos 110:3

Nak la̱at cua̱nkat saꞌ la̱ cuanquil, eb la̱ tenamit teꞌxic saꞌ la̱ santil naꞌaj ut teꞌxyechiꞌi ribeb chi cꞌanjelac cha̱cuu. Li Dios tixqꞌue a̱metzꞌe̱u rajlal joꞌ nak natꞌaneꞌ li xchuꞌque rajlal ekꞌela. Ut chanchanakat jun li sa̱j cui̱nk.

Isaías 6:13

Cui toj teꞌcana̱k coꞌxibak tebinsach ajcuiꞌ ruheb aꞌan. Chanchan nak nayoqꞌueꞌ li cheꞌ ji ut caꞌaj chic lix to̱nal nacana, chan li Ka̱cuaꞌ. Abanan lix to̱n li cheꞌ aꞌan ta̱tuxmekꞌ cuiꞌchic. Aꞌan retalil li tenamit li sicꞌbil ru xban li Dios.

Jeremías 14:22

¿Ma cuan ta biꞌ junak li yi̱banbil dios saꞌ li xni̱nkal ru tenamit ta̱ru̱k tixtakla chak li hab? ¿Ma naru ta biꞌ ta̱cha̱lk li hab saꞌ choxa yal xjunes? ¿Ma ma̱cuaꞌ ta biꞌ la̱at, at Ka̱cuaꞌ, nacatqꞌuehoc re? Joꞌcan nak caꞌaj cuiꞌ a̱cuiqꞌuin noco-oybenin xban nak la̱at nacatqꞌuehoc re chixjunil li cꞌaꞌak re ru aꞌin, chan laj Jeremías.

Sofonías 3:12

Li joꞌ qꞌuialeb li cha̱bil xnaꞌlebeb ut li tu̱laneb saꞌ li tenamit, aꞌaneb li teꞌcana̱k. Ut cauhakeb xchꞌo̱l cuiqꞌuin.