Miqueas 5:4 - Li Santil hu

⁴ Ut li Acuabej li ta̱yoꞌla̱k, aꞌan chic xakxo̱k xcuanquil saꞌ xbe̱n lix tenamit ut aꞌan ajcuiꞌ ta̱ilok reheb riqꞌuin lix nimajcual xcuanquilal li Dios. Aꞌan ta̱takla̱nk saꞌ xbe̱neb saꞌ xcꞌabaꞌ li nimajcual Dios. Ut li ralal xcꞌajol cauhakeb xchꞌo̱l riqꞌuin xban nak kꞌaxal nim xcuanquil saꞌ xbe̱n chixjunil li ruchichꞌochꞌ.

Q'eqchi Bible

⁴ Li awab'ej tixb'eresi li xtenamit rik'in li xwankil ut xloq'al li Qaawa', li xYos. Ut chaab'il chik te'wanq, xb'aan naq li Qaawa' sut-nimanb'ilaq ru, toj sa' xmaril li ruuchich'och'.

Miqueas 5:4 ပူးပေါင်းရင်းမြစ်များ

Miqueas 7:14

At Ka̱cuaꞌ, chacuil taxak la̱ tenamit riqꞌuin la̱ cuanquil, li ac sicꞌbileb ru a̱ban. Ut chaqꞌue taxak li cꞌaꞌruheb re joꞌ nak li cha̱bil aj ilol xul narileb chi us lix carner ut naxqꞌueheb chi cua̱nc saꞌ li tzu̱l cuan cuiꞌ li cha̱bil pachꞌayaꞌ. Chaqꞌueheb cuiꞌchic la̱ cualal a̱cꞌajol chi cua̱nc saꞌ li naꞌajej Basán ut Galaad joꞌ nak queꞌcuan junxil.

San Lucas 1:32

Nimak xcuanquil nak ta̱cua̱nk ut chixjunileb teꞌnaꞌok re nak aꞌan tzꞌakal Ralal li Dios. Ut li Ka̱cuaꞌ ta̱qꞌuehok xcuanquil chi takla̱nc joꞌ nak quicuan chi takla̱nc li rey David lix xeꞌto̱nil yucuaꞌ.

Apocalipsis 11:15

Ut li xcuuk ángel quixya̱basi lix trompeta. Ut qui-abi̱c nabal li xya̱b cux saꞌ choxa. Yo̱queb chixyebal chi cau: Anakcuan teꞌcana̱k rubel xcuanquil li Ka̱cuaꞌ chixjunileb li cuanqueb saꞌ ruchichꞌochꞌ. Aꞌ chic li Ka̱cuaꞌ Dios ut li Cristo teꞌtakla̱nk saꞌ xbe̱neb chixjunileb chi junelic kꞌe cutan, chanqueb.

1 Pedro 1:5

Xban nak nocopa̱ban, li Dios li kꞌaxal nim xcuanquil nocoril chi junelic re nak tocolekꞌ. Li colba-ib aꞌin ta̱cꞌutbesi̱k chi tzꞌakal re ru saꞌ rosoꞌjic li cutan.

San Judas 1:1

La̱in laj Judas, laj cꞌanjel chiru li Jesucristo. La̱in ri̱tzꞌin laj Jacobo. Nintzꞌi̱ba li hu aꞌin reheb laj pa̱banel, li bokbileb ut raro̱queb xban li Dios Acuabej ut colbileb xban li Jesucristo.

Efesios 1:3

Lokꞌoninbil taxak li Dios lix Yucuaꞌ li Ka̱cuaꞌ Jesucristo. Xban nak junajo chic riqꞌuin li Cristo, li Dios naxqꞌue chak ke chixjunil li kosobtesinquil li nachal chak saꞌ choxa.

San Juan 20:17

Li Jesús quixye re: —Mina̱bay. Canabin chi xic. Tento nak tinxic riqꞌuin lin Yucuaꞌ. Ayu ut ye reheb lin herma̱n nak xic cue riqꞌuin lin Yucuaꞌ. Aꞌan ajcuiꞌ le̱ yucuaꞌ la̱ex. Aꞌan lin Dios ut aꞌan ajcuiꞌ le̱ Dios la̱ex, chan li Jesús.

San Juan 10:38

Abanan cui yo̱quin chixba̱nunquil li cꞌaꞌru naraj li Dios, usta incꞌaꞌ niquine̱pa̱b la̱in, cheqꞌue retal li milagro li yo̱quin chixba̱nunquil re nak te̱nau chi tzꞌakal nak li Dios cuan cuiqꞌuin ut la̱in cuanquin riqꞌuin aꞌan, chan li Jesús.

San Mateo 25:31

Nak tincha̱lk la̱in li Cꞌajolbej riqꞌuin xnimal inlokꞌal cuochbenakeb chak chixjunileb li ángel, tojoꞌnak toxincꞌojla̱k saꞌ lin cꞌojariba̱l retalil xnimal incuanquil chi rakoc a̱tin.

San Mateo 16:18

Ut la̱in ninye a̱cue nak la̱at laj Pedro. Ut saꞌ xbe̱n li sako̱nac aꞌin la̱in tincabla lin iglesia ut laj tza ma̱cꞌaꞌak xcuanquil saꞌ xbe̱n.

San Mateo 2:6

Joꞌcaꞌin tzꞌi̱banbil saꞌ li Santil Hu: Li tenamit Belén, xchꞌochꞌeb laj Judá, moco kꞌaxal caꞌchꞌin ta lix cuanquil saꞌ xya̱nkeb li xni̱nkal ru tenamit re Judá xban nak aran ta̱e̱lk jun Acuabej ut aꞌan ta̱beresi̱nk re lin tenamit Israel. (Miq. 5:2)

Zacarías 9:10

Chixjunil li nacꞌanjelac re pletic tixsach ru. Lix carruaje laj Efraín tixsach ruheb joꞌ ajcuiꞌ lix cacua̱yeb laj Jerusalén. Ut tixtoki ajcuiꞌ lix tzimajeb. Tixqꞌueheb li tenamit chi cua̱nc saꞌ tuktu̱quil usilal. Ut aꞌan chic cua̱nk xcuanquil saꞌ xbe̱neb chixjunileb li naꞌajej li naticla cuan cuiꞌ li palau Mar Muerto ut nacuulac toj cuan cuiꞌ li palau Mediterráneo xcꞌabaꞌ. Ut aꞌan ajcuiꞌ cua̱nk xcuanquil saꞌ chixjunil li ruchichꞌochꞌ.

Isaías 52:13

Li Ka̱cuaꞌ Dios quixye chi joꞌcaꞌin: —Abihomak li oc cue chixyebal e̱re anakcuan. Laj cꞌanjel chicuu us ta̱e̱lk riqꞌuin li cꞌaꞌru tixba̱nu. Nimak xcuanquil ut ta̱qꞌuehekꞌ xnimal xlokꞌal.

Isaías 49:5

Li Ka̱cuaꞌ quiqꞌuehoc cue chi yoꞌla̱c riqꞌuin lin naꞌ re nak tinsukꞌisiheb cuiꞌchic riqꞌuin laj Israel, li ralal xcꞌajol laj Jacob. Chiru li Ka̱cuaꞌ lin Dios la̱in cuan inlokꞌal ut li Ka̱cuaꞌ lin Dios naqꞌuehoc inmetzꞌe̱u.

Salmos 145:12

Chixjunileb taxak cheꞌabi̱nk re li joꞌ qꞌuial caba̱nu riqꞌuin xnimal la̱ cuanquil. Ut cheꞌxnauhak taxak nak kꞌaxal lokꞌ la̱ cuanquilal.

Salmos 98:3

Xban nak li Dios naxba̱nu li cꞌaꞌru naxye, quijulticoꞌ re lix rahom saꞌ xbe̱neb laj Israel. Chixjunileb li tenamit li cuanqueb jun sut rubel choxa queꞌril nak li Dios quixcoleb laj Israel chiruheb li xicꞌ nequeꞌiloc reheb.

Salmos 93:1

Li nimajcual Dios, aꞌan li tzꞌakal rey. Cuan xcuanquil saꞌ xbe̱n chixjunil ut cꞌajoꞌ lix lokꞌal. Quixqꞌue saꞌ xnaꞌaj li ruchichꞌochꞌ ut incꞌaꞌ ta̱ecꞌa̱nk saꞌ xnaꞌaj.

Salmos 72:19

Lokꞌoninbil taxak xcꞌabaꞌ chi junelic kꞌe cutan. Ut chixjunileb taxak li cuanqueb saꞌ ruchichꞌochꞌ teꞌxqꞌue xlokꞌal. Joꞌcan taxak.

Salmos 72:8

Chicua̱nk ta xcuanquil saꞌ chixjunil li ruchichꞌochꞌ. Naticla cuan cuiꞌ li Caki Palau toj saꞌ li Mar Mediterráneo ut saꞌ li nimaꞌ Éufrates ut toj saꞌ chixjunil li ruchichꞌochꞌ.

Salmos 22:27

Chixjunileb li tenamit jun sut rubel choxa teꞌjulticokꞌ li Dios reheb ut teꞌxcuikꞌib ribeb chiru. Saꞌ chixjunil li ruchichꞌochꞌ aꞌ yal bar xtenamit teꞌxlokꞌoni li Ka̱cuaꞌ.

Éxodo 23:21

Chex-abi̱nk chiru ut cheba̱nu li cꞌaꞌru naxye. Me̱kꞌetkꞌeti e̱rib chiru xban nak aꞌan incꞌaꞌ tixcuy e̱ma̱c. Li cꞌaꞌru tixba̱nu aꞌan, tixba̱nu saꞌ incꞌabaꞌ la̱in.

Isaías 52:10

Li Ka̱cuaꞌ tixcꞌutbesi lix cuanquil chiruheb li xni̱nkal tenamit. Ut chixjunileb li cuanqueb saꞌ ruchichꞌochꞌ teꞌxqꞌue retal nak li Ka̱cuaꞌ, aꞌan xcoloc ke.

Isaías 45:22

Cha̱lkex cuiqꞌuin re nak texcolekꞌ che̱junilex li cuanquex saꞌ ruchichꞌochꞌ xban nak la̱in li tzꞌakal Dios ut ma̱cꞌaꞌ chic junak dios. Caꞌaj cuiꞌ la̱in.

Zacarías 13:7

Li nimajcual Dios quixye: —Tincanab chi camsi̱c laj ilol reheb li carner. Tinkꞌaxtesi re ca̱mc li natenkꞌan cue. Ta̱camsi̱k laj ilol reheb li carner ut eb li carner teꞌxchaꞌchaꞌi ribeb. Ut tincꞌut injoskꞌil chiruheb li carner.

Malaquías 1:5

Riqꞌuin ajcuiꞌ xnakꞌ e̱ru te̱ril li cꞌaꞌru ta̱cꞌulma̱nk. Ut te̱ye, “Chinima̱k taxak xlokꞌal li nimajcual Dios yalak bar,” chaꞌkex.—

Isaías 8:7

Joꞌcan nak la̱in li Ka̱cuaꞌ tintakla lix reyeb laj Asiria rochbeneb lix soldado chi numta̱c saꞌ xbe̱neb laj Jerusalén. Nak teꞌcha̱lk riqꞌuin lix cuanquileb laj Asiria chi pletic, chanchan nak nabutꞌun li nimaꞌ Éufrates ut naxic yalak bar.