Miqueas 5:14 - Li Santil hu

¹⁴ Ut la̱in tinpuqꞌui chixjunileb li yi̱banbil dios lix Asera xcꞌabaꞌ li cuanqueb saꞌ e̱ya̱nk ut tinsacheb ajcuiꞌ li tenamit bar cuanqueb cuiꞌ.

Q'eqchi Bible

¹⁴ Tinmich'eb' li xtoonal laaloq'laj che' ut tinsach ruheb' laatenamit.

Miqueas 5:14 ပူးပေါင်းရင်းမြစ်များ

Éxodo 34:13

Te̱jucꞌ chi junaj cua lix artaleb ut te̱poꞌ ajcuiꞌ lix dioseb Asera xcꞌabaꞌ. Te̱yoqꞌui li cheꞌ li nequeꞌxxakaxi aran li nequeꞌxlokꞌoni ru.

2 Reyes 17:10

Ut queꞌxyi̱b lix jalam u̱ch lix Asera lix dioseb ut queꞌxqꞌue saꞌ eb li tzu̱l ut queꞌxqꞌue ajcuiꞌ rubeleb li cheꞌ li ni̱nk xmuheb. Ut queꞌxxakab ajcuiꞌ li okech yi̱banbil riqꞌuin pec re xlokꞌoninquil lix dioseb.

Isaías 17:8

Incꞌaꞌ chic teꞌxcꞌojob xchꞌo̱leb riqꞌuineb li artal li queꞌxyi̱b riqꞌuin rukꞌeb. Incꞌaꞌ chic teꞌxlokꞌoni lix jalam u̱ch lix Asera li queꞌxyi̱b, chi moco teꞌxlokꞌoni li sakꞌe.

Isaías 27:9

Li Dios tixcuy xma̱queb laj Israel nak telajeꞌxjuqꞌui chixjunil li artal li nequeꞌlokꞌoni̱c cuiꞌ li jalanil dios. Tixcuy xma̱queb nak ma̱cꞌaꞌak chic li yi̱banbil dios xAsera, chi moco li naꞌajej li nacꞌatman cuiꞌ li pom.

Lamentaciones 2:2

Li Ka̱cuaꞌ cꞌajoꞌ lix joskꞌil. Ma̱ jun chic li rochocheb li ralal xcꞌajol laj Jacob quixcanab chi xakxo. Quilajxsach ajcuiꞌ ruheb chixjunil li cab li nequeꞌxcol cuiꞌ ribeb laj Judá. Quixcꞌut xxuta̱n li rey joꞌ eb ajcuiꞌ chixjunileb li nequeꞌtenkꞌan re.

Nahum 1:14

Joꞌcaꞌin quixye li Ka̱cuaꞌ cha̱cuix la̱at lix reyeb li tenamit Nínive. Ma̱ jun a̱cualal a̱cꞌajol teꞌcana̱k re teꞌoc chokꞌ rey saꞌ la̱ naꞌaj. Tinsach ruheb chixjunileb le̱ yi̱banbil dios ut le̱ pechꞌbil dios li cuanqueb saꞌ li naꞌajej li bar nequelokꞌoniheb cuiꞌ. Ut aran ajcuiꞌ tatmukekꞌ xban nak kꞌaxal yibru a̱naꞌleb, chan li Dios.

Salmos 149:7

re nak teꞌxqꞌueheb chixtojbaleb xma̱c li incꞌaꞌ nequeꞌpa̱ban re li Ka̱cuaꞌ ut re ajcuiꞌ nak teꞌxqꞌueheb chixtojbaleb xma̱c li jalaneb xtenamit.

Salmos 149:9

Eb li ralal xcꞌajol li Dios teꞌrakok a̱tin saꞌ xbe̱neb joꞌ quixye li Ka̱cuaꞌ. Aꞌan li lokꞌal li quixqꞌue li Dios reheb li ralal xcꞌajol. ¡Lokꞌoninbil taxak li Ka̱cuaꞌ!

Jeremías 12:17

Abanan cui incꞌaꞌ teꞌabi̱nk chicuu la̱in tincuisiheb chi junaj cua saꞌ lix naꞌajeb ut tinsach ruheb, chan li Ka̱cuaꞌ.