Miqueas 5:1 - Li Santil hu

¹ Ex aj Jerusalén, cauresihomak e̱rib xban nak xeꞌchal chi pletic kiqꞌuin. Ut riqꞌuin xukꞌ teꞌxsacꞌ lix nakꞌ ru li narakoc a̱tin saꞌ kabe̱n la̱o aj Israel.

Q'eqchi Bible

¹ “Ut anaqwan kawal wanqat, Jerusalén, xb'aan naq xe'xch'utub' rib'eb' chi qasutb'al; rik'in b'aar ch'iich' yookeb' xsak'b'al li xko li jolomileb' laj Israel.

Miqueas 5:1 ပူးပေါင်းရင်းမြစ်များ

Lamentaciones 3:30

Chixqꞌuehak chi saqꞌuecꞌ saꞌ xnakꞌ ru xbaneb li xicꞌ nequeꞌiloc re usta ta̱cꞌutekꞌ xxuta̱n.

Li xHu LAJ JOB 16:10

Eb li cristian nequeꞌxtu̱b rib chixyebal nak cuan inma̱c ut niquineꞌretzꞌu. Chanchan nequeꞌxqꞌue chi rukꞌ xnakꞌ cuu nak niquineꞌxhob yal re xcꞌutbal inxuta̱n.

2 Corintios 11:20

Cui nequexrahobtesi̱c yal nequecuy. Cui namakꞌeꞌ li cꞌaꞌru e̱re che̱ru, ma̱cꞌaꞌ nequeye. Cui nequexbalakꞌi̱c, yal nequecanab chi joꞌcan. Ut cui nequeꞌxkꞌetkꞌeti rib che̱ru, aꞌan chic li nacuulac che̱ru. Ut cui nasaqꞌueꞌ saꞌ xnakꞌ e̱ru, yal nequecuy.

Hechos 23:2

Laj Ananías li xyucuaꞌil aj tij quixye reheb li cuanqueb chixcꞌatk laj Pablo nak teꞌxsacꞌ saꞌ re.

San Juan 19:3

Ut queꞌxye re: —¡Sahak taxak saꞌ a̱chꞌo̱l, at xreyeb laj judío! chanqueb re. Ut queꞌxsacꞌ riqꞌuin rukꞌeb.

San Juan 18:22

Nak quixye aꞌan, jun reheb li nequeꞌcꞌacꞌalen saꞌ li templo quixsacꞌ saꞌ xnakꞌ ru li Jesús ut quixye re: —¿Cꞌaꞌut nak nacasume li xyucuaꞌil aj tij chi joꞌcan? chan re.

San Mateo 26:67

Tojoꞌnak cuan queꞌchu̱ban re saꞌ ru. Ut cuan queꞌsacꞌoc re ut cuan queꞌpakꞌlen re chi rukꞌeb.

Isaías 33:22

Li Ka̱cuaꞌ Dios, aꞌan li ta̱rakok a̱tin saꞌ kabe̱n. Aꞌan ta̱qꞌuehok ke li chakꞌrab. Li Ka̱cuaꞌ, aꞌan li karey ut aꞌan ajcuiꞌ li ta̱colok ke.

Deuteronomio 28:49

Li Ka̱cuaꞌ tixcꞌameb chak chi najt eb li jalan xtenamit. La̱ex incꞌaꞌ te̱tau ru li ra̱tinoba̱leb. Chanchanakeb li xul tꞌiu nak teꞌcha̱lk chi junpa̱t chixsachbal e̱ru.

San Mateo 27:30

Quilajeꞌxchu̱ba, ut queꞌxchap li cheꞌ ut riqꞌuin aꞌan queꞌxsacꞌ saꞌ xjolom.

San Mateo 5:39

Abanan la̱in tinye e̱re: Me̱sume ma̱usilal riqꞌuin ma̱usilal. Cui junak tixqꞌue junak rukꞌ saꞌ a̱cuu, qꞌue cuiꞌchic chixsacꞌ li jun pacꞌal.

Habacuc 3:16

Nak quicuil li cꞌaꞌru talajcꞌulma̱nk, cꞌajoꞌ nak quiyotꞌeꞌ inchꞌo̱l. Incꞌaꞌ chic quiru quina̱tinac. Nequeꞌsicsot li cuok xban inxiu ut ma̱cꞌaꞌ chic inmetzꞌe̱u quincana. Abanan tincuoybeni li cutan nak ta̱cꞌulma̱nk li raylal aꞌan. Ma̱cꞌaꞌ incꞌaꞌux xban nak ninnau nak li Ka̱cuaꞌ tixsach ruheb li xicꞌ nequeꞌiloc ke.

Habacuc 1:6

Qꞌuehomak retal, la̱in oc cue chixtaklanquileb laj Caldea, li joskꞌ aj tenamit, li incꞌaꞌ nequeꞌelajic. Eb aꞌan teꞌxsuti li ruchichꞌochꞌ chixmakꞌbal li naꞌajej li jalan aj e.

Amós 2:3

Tincuisi chiruheb li tenamit lix reyeb ut tincamsi rochbeneb li nequeꞌcꞌanjelac chiru, chan li Ka̱cuaꞌ.

Joel 3:9

Yehomak resil chi joꞌcaꞌin reheb chixjunileb li tenamit: Cauresihomak e̱rib chi pletic. Te̱bokeb li cauheb rib. Cheꞌcha̱lk chixjunileb li cui̱nk chi pletic.

Ezequiel 24:2

—At ralal cui̱nk, tzꞌi̱ba retalil li cutan aꞌin xban nak saꞌ li cutan aꞌin lix reyeb laj Babilonia quixtakla xsutbal li tenamit Jerusalén re teꞌoc chi pletic riqꞌuineb.

Jeremías 25:9

Joꞌcan nak la̱in tinbokeb chixjunileb li xni̱nkal ru tenamit li cuanqueb saꞌ li norte. Ta̱cha̱lk ajcuiꞌ rochbeneb laj Nabucodonosor lix reyeb laj Babilonia, li ta̱cꞌanjelak chicuu. La̱in tintaklaheb chi numta̱c saꞌ xbe̱neb li cuanqueb saꞌ li naꞌajej aꞌin, joꞌ eb ajcuiꞌ li tenamit li cuanqueb chi xjun sutam re nak tinsach ruheb chi junelic. Xiu xiu rilbal teꞌcana̱k ut teꞌseꞌe̱k.

Jeremías 4:7

Yo̱ chi cha̱lc li ta̱sachok re le̱ tenamit. Chanchan jun li cakcoj ac x-el saꞌ xnaꞌaj. Laj sachonel ta̱cha̱lk chixsachbal li naꞌajej Judá. Eb li tenamit teꞌsachekꞌ ruheb ut ma̱cꞌaꞌ chic cristian ta̱cana̱k chi saꞌ.

Isaías 10:6

La̱in nintaklaheb laj Asiria chi pletic riqꞌuineb laj Israel xban nak incꞌaꞌ useb xnaꞌleb. Nintaklaheb chi pletic riqꞌuineb li nequeꞌqꞌuehoc injoskꞌil re nak teꞌelkꞌa̱k li cꞌaꞌru reheb. Nintaklaheb chi numta̱c saꞌ xbe̱neb lin tenamit. Teꞌxyekꞌi saꞌ rokeb. Chanchan nak nayekꞌi̱c li sulul saꞌ be.—

Isaías 8:9

La̱ex tenamit, usta te̱chꞌutub e̱rib, yo̱k ajcuiꞌ e̱xiu. Abihomak la̱ex li cuanquex chi najt. Usta te̱cauresi e̱rib, abanan ta̱chꞌina̱nk e̱chꞌo̱l ut ta̱sachekꞌ e̱ru.

2 Reyes 24:2

Abanan li Ka̱cuaꞌ quixtaklaheb laj Babilonia, eb laj Siria, eb laj Moab, ut eb laj Amón chi pletic riqꞌuineb laj Judá re teꞌxsach ruheb joꞌ quiyeheꞌ reheb li profeta xban li Ka̱cuaꞌ.

1 Reyes 22:24

Ut li profeta Sedequías, li ralal laj Quenaana, quinachꞌoc riqꞌuin laj Micaías ut quixtzꞌaj chi rukꞌ saꞌ xnakꞌ ru ut quixye re: —¿Ma x-el ta biꞌ cuiqꞌuin lix musikꞌ li Dios re ta̱a̱tinak a̱cuiqꞌuin? chan.

Génesis 35:19

Joꞌcaꞌin nak quicam lix Raquel ut quimukeꞌ saꞌ li be li naxic Efrata. Anakcuan Belén nayeman re li tenamit aꞌan.

Génesis 49:10

La̱at, Judá, ma̱ ani ta̱ru̱k ta̱isi̱nk re saꞌ la̱ cuukꞌ li xukꞌ li retalil la̱ cuanquil joꞌ ajcuiꞌ saꞌ rukꞌeb la̱ cualal a̱cꞌajol. Ma̱ ani ta̱isi̱nk re le̱ cuanquilal toj tol-e̱lk laj e̱chal re li xukꞌ, li jun li yechiꞌinbil chak xban li Dios. Ut aꞌan chic ta̱pa̱ba̱k xbaneb chixjunileb li cuanqueb saꞌ ruchichꞌochꞌ.

Deuteronomio 33:27

Li Ka̱cuaꞌ li cuan chi junelic, aꞌan li nacoloc e̱re. Aꞌan natenkꞌan e̱re riqꞌuin lix cuanquil li incꞌaꞌ na-osoꞌ. Aꞌan li ta̱isi̱nk reheb li xicꞌ nequeꞌiloc e̱re saꞌ li naꞌajej li tixqꞌue e̱re. Aꞌan li quixye e̱re nak te̱sach ruheb.

Jueces 17:7

Saꞌ eb li cutan aꞌan jun li sa̱j cui̱nk aj levita cuan saꞌ li tenamit Belén xcue̱nt Judá, usta aꞌan ma̱cuaꞌ tzꞌakal ralal xcꞌajol laj Judá.

Proverbios 8:23

Li cha̱bil naꞌleb ac cuan ajcuiꞌ chak nak toj ma̱jiꞌ naxyi̱b chak li ruchichꞌochꞌ li Dios.

Isaías 9:5

Ta̱cꞌatekꞌ lix xa̱beb li soldados ut ta̱cꞌatekꞌ ajcuiꞌ li rakꞌeb li osoꞌjenak saꞌ quicꞌ.

Ezequiel 21:32

La̱ex tex-osokꞌ saꞌ li xam ut le̱ quiqꞌuel ta̱hoyekꞌ saꞌ le̱ naꞌaj. Ut ma̱ ani chic ta̱jultica̱nk e̱re xban nak la̱in li Ka̱cuaꞌ Dios ninyehoc re aꞌin.—

Daniel 9:25

Abi li yo̱quin chixyebal a̱cue ut qꞌue retal lix ya̱lal. Chalen nak xqꞌueheꞌ li chakꞌrab xban li Dios nak ta̱yi̱ba̱k cuiꞌchic li tenamit Jerusalén, toj retal ta̱cꞌulu̱nk li Mesías, li tzꞌakal rey, ta̱numekꞌ cuukub xama̱n ut cuib xca̱cꞌa̱l xama̱n. Ta̱yi̱ba̱k cuiꞌchic li tenamit Jerusalén joꞌqueb ajcuiꞌ li tzꞌac usta kꞌaxal nabal li raylal yo̱k xcꞌulbal saꞌ eb li cutan aꞌan.