Miqueas 4:6 - Li Santil hu

⁶ Quixye li Ka̱cuaꞌ chi joꞌcaꞌin: —Ta̱cuulak xkꞌehil nak la̱in tinchꞌutubeb li cualal incꞌajol li quebinqꞌue chixtojbal rix lix ma̱queb nak queꞌchapeꞌ ut queꞌcꞌameꞌ xbaneb li xicꞌ nequeꞌiloc reheb.

Q'eqchi Bible

⁶ Xyehom li Qaawa': “Sa' li kutan a'an teb'inxok chaq linkarneer li yeq ra'eb'; tinch'utub'eb' li cha'cha'inb'ileb' ut li xinrahob'tesiheb'.

Miqueas 4:6 ပူးပေါင်းရင်းမြစ်များ

Sofonías 3:19

Saꞌ eb li cutan aꞌan la̱in tinqꞌueheb chixtojbaleb xma̱c li queꞌrahobtesin e̱re. Abanan la̱ex texincol ut texincꞌam cuiꞌchic saꞌ le̱ naꞌaj, la̱ex li quecꞌul raylal ut quex-isi̱c saꞌ le̱ tenamit. Ut ta̱qꞌuehekꞌ cuiꞌchic le̱ lokꞌal ut naꞌno̱k chic e̱ru yalak bar saꞌ ruchichꞌochꞌ.

San Juan 10:16

Cuanqueb ajcuiꞌ cualal incꞌajol jalaneb xtenamiteb. Tento nak la̱in tincꞌameb chak. Eb aꞌan teꞌrabi ajcuiꞌ xya̱b lin cux. Ut junajakeb chic ru nak teꞌcua̱nk ut junak ajcuiꞌ laj ilol reheb.

Isaías 56:8

Li Ka̱cuaꞌ Dios li nachꞌutuban reheb laj Israel li cuanqueb chak yalak bar saꞌ eb li tenamit ut naxcꞌameb cuiꞌchic saꞌ xtenamiteb naxye chi joꞌcaꞌin: —Toj cuanqueb ajcuiꞌ li tincꞌameb chi cua̱nc saꞌ xya̱nkeb laj Israel.—

Salmos 147:2

Li Ka̱cuaꞌ yo̱ chixyi̱banquil cuiꞌchic lix tenamit Jerusalén, ut tixcꞌameb cuiꞌchic aran laj Israel, li cuanqueb yalak bar saꞌ jalan tenamit.

San Lucas 19:10

La̱in li Cꞌajolbej xincꞌulun chixsicꞌbal ut chixcolbal li sachenakeb, chan li Jesús.

Miqueas 2:12

Chi ya̱l la̱in texinxoc cuiꞌchic la̱ex aj Israel ut tinchꞌutub cuiꞌchic e̱ru li joꞌ qꞌuialex chic li xexcoleꞌ. Chanchanakex li carner li cuanqueb aran Bosra nak texinqꞌue cuiꞌchic saꞌ li naꞌajej li quinqꞌue e̱re junxil. Ut texqꞌuia̱nk toj retal ta̱nujak cuiꞌchic li naꞌajej, chan li Ka̱cuaꞌ.

Ezequiel 36:24

La̱in texcuisi saꞌ li xni̱nkal tenamit li cuanquex cuiꞌ. Texcuisi saꞌ chixjunileb li tenamit ut texincꞌam cuiꞌchic saꞌ le̱ naꞌaj.

Jeremías 31:8

La̱in tincꞌameb chak lin tenamit saꞌ eb li naꞌajej li cuanqueb cuiꞌ saꞌ li norte. Tinchꞌutub ruheb chixjunileb yalak bar cua̱nkeb saꞌ ruchichꞌochꞌ. Eb li mutzꞌ ruheb ut eb li ye̱k rok teꞌcha̱lk rochbeneb, joꞌ eb ajcuiꞌ li yaj aj ixk ut li ac xeꞌqꞌuira. Kꞌaxal nabaleb li qꞌuila tenamit li teꞌcha̱lk.

Jeremías 3:18

Saꞌ eb li cutan aꞌan, eb laj Judá teꞌxjunaji ribeb riqꞌuineb laj Israel saꞌ li naꞌajej li cuan saꞌ li norte. Ut cuotz teꞌxic saꞌ li naꞌajej li quinqꞌue reheb le̱ xeꞌto̱nil yucuaꞌ.

Salmos 38:17

Yo̱ chi chꞌina̱nc inchꞌo̱l xban nak incꞌaꞌ nanumeꞌ li raylal cuanquin cuiꞌ.