Miqueas 4:5 - Li Santil hu

⁵ Usta chixjunileb li tenamit yo̱keb chixlokꞌoninquil lix yi̱banbil dios, abanan la̱o takalokꞌoni li Ka̱cuaꞌ li kaDios ut takaba̱nu li cꞌaꞌru naraj aꞌan chi junelic kꞌe cutan.

Q'eqchi Bible

⁵ Eb' li tenamit junch'ol neke'xloq'oni ut neke'xpaab' li xyoseb', a'ut laa'o junelik naqapaab' ut naqaloq'oni li Qaawa' li qaYos.

Miqueas 4:5 ပူးပေါင်းရင်းမြစ်များ

Zacarías 10:12

La̱in tinqꞌue xcacuilal xchꞌo̱leb lin tenamit. Ut saꞌ incꞌabaꞌ la̱in teꞌcua̱nk saꞌ xya̱lal. La̱in li Ka̱cuaꞌ ninyehoc re aꞌin.

Colosenses 3:17

Ut chixjunil li cꞌaꞌru te̱ye ut te̱ba̱nu, cheba̱nuhak re xqꞌuebal xlokꞌal li Jesucristo. Ut junelic chexbantioxi̱nk chiru li Acuabej Dios saꞌ xcꞌabaꞌ li Ka̱cuaꞌ Jesucristo.

Josué 24:15

Cui la̱ex nequecꞌoxla nak incꞌaꞌ us cꞌanjelac chiru li Ka̱cuaꞌ Dios, sicꞌomak ani te̱cꞌanjela ru. ¿Ma texcꞌanjelak chiruheb li yi̱banbil dios li queꞌxcꞌanjela chak ru le̱ naꞌ e̱yucuaꞌ nak queꞌcuan jun pacꞌal li nimaꞌ Éufrates, malaj ut texcꞌanjelak chiruheb lix dioseb laj amorreo li cuanqueb arin saꞌ li naꞌajej aꞌin? Abanan, la̱in joꞌqueb ajcuiꞌ li cualal incꞌajol tocꞌanjelak chiru li Ka̱cuaꞌ Dios, chan laj Josué.

Isaías 2:5

Abihomak ex ralal xcꞌajol laj Jacob. Chocua̱nk saꞌ xcutan xsaken li Ka̱cuaꞌ li nimajcual Dios.

Salmos 48:14

Serakꞌihomak reheb le̱ ralal e̱cꞌajol nak li Ka̱cuaꞌ, aꞌan li kaDios chi junelic kꞌe cutan ut aꞌan li naberesin ke chi junelic.

Colosenses 2:6

La̱ex xepa̱b li Cristo ut aꞌan chic yal re saꞌ e̱be̱n. Joꞌcan nak junajakex taxak riqꞌuin li Cristo, ut texcua̱nk joꞌ naraj aꞌan.

Isaías 26:8

At Ka̱cuaꞌ, yo̱co chixba̱nunquil joꞌ nacacuaj la̱at re xqꞌuebal xlokꞌal la̱ cꞌabaꞌ. Li cꞌaꞌru nakaj, aꞌan oybeni̱nc a̱cuiqꞌuin ut li kacꞌaꞌux cua̱nk a̱cuiqꞌuin.

2 Reyes 17:34

Toj chalen anakcuan nequeꞌxba̱nu joꞌ queꞌxba̱nu chak najter. Incꞌaꞌ nequeꞌxlokꞌoni li Ka̱cuaꞌ chi moco nequeꞌxba̱nu li chakꞌrab ut li xtaklanquil, chi moco nequeꞌxba̱nu li cꞌaꞌru quixye li Ka̱cuaꞌ reheb li ralal xcꞌajol laj Jacob, li quixqꞌue “aj Israel” chokꞌ xcꞌabaꞌ.

2 Reyes 17:29

Abanan li junju̱nk chi tenamit queꞌxyi̱b lix dioseb ut queꞌxqꞌue saꞌ eb li cab li queꞌxyi̱b laj Israel saꞌ eb li naꞌajej li najt xteram aran Samaria.

Génesis 17:1

Nak ac bele̱laju roꞌcꞌa̱l (99) chihab cuan re laj Abram, li Ka̱cuaꞌ Dios quixcꞌutbesi rib chiru ut quixye re: —La̱in li Ka̱cuaꞌ Dios li kꞌaxal nim incuanquil. Chatcua̱nk saꞌ xya̱lal chicuu ut ti̱cak a̱chꞌo̱l.

Salmos 71:16

Tinye resil li usilal nacaba̱nu, at Ka̱cuaꞌ, riqꞌuin xnimal la̱ cuanquil ut tinchꞌolob xya̱lal nak caꞌaj cuiꞌ la̱at ti̱c a̱chꞌo̱l.

Hechos 14:16

Junxil li Dios quixcanabeb li tenamit chi cua̱nc joꞌ queꞌraj eb aꞌan.

Isaías 26:13

At Ka̱cuaꞌ, at kaDios, ya̱l nak cuanqueb li xeꞌtaklan chi cau saꞌ kabe̱n. Abanan junes la̱at nakaqꞌue a̱lokꞌal.

Deuteronomio 27:10

Joꞌcan nak tento nak te̱ba̱nu li cꞌaꞌru tixye e̱re ut te̱ba̱nu li cꞌaꞌru naxye saꞌ li chakꞌrab li yo̱quin chixqꞌuebal e̱re anakcuan.

Salmos 20:6

Ninnau chi tzꞌakal nak li Ka̱cuaꞌ Dios ta̱tenkꞌa̱nk re li rey li sicꞌbil ru xban. Li Dios toj saꞌ li santil choxa tixsume chak li cꞌaꞌru naxtzꞌa̱ma chiru ut riqꞌuin lix nimal xcuanquilal tixtenkꞌa re nak aꞌan ta̱numta̱k saꞌ xbe̱neb li xicꞌ nequeꞌiloc re.

Jeremías 32:40

La̱in tinba̱nu jun li contrato riqꞌuineb ut xakxo̱k xcuanquil chi junelic. Incꞌaꞌ tincanab xba̱nunquil li usilal reheb ut tinqꞌue saꞌ xchꞌo̱leb nak teꞌxxucua cuu re nak incꞌaꞌ chic tineꞌxtzꞌekta̱na.