Miqueas 4:4 - Li Santil hu

⁴ Ut talajeꞌcꞌojlak chi xju̱nkaleb rubel xto̱nal li uva ut rubel lix cheꞌel li higo ut ma̱ ani chic ta̱seꞌbesi̱nk reheb xban nak joꞌcan quixye li Ka̱cuaꞌ li nimajcual Dios.

Q'eqchi Bible

⁴ Ut li junjunq taahilanq sa' xmu li rochoch sa' tuqtuukilal, chi maak'a'aq xxiw. A'an a'in xyehom li Qaawa', li Nimajwal Yos.

Miqueas 4:4 ပူးပေါင်းရင်းမြစ်များ

Zacarías 3:10

Nak ta̱cuulak xkꞌehil aꞌan, sa chic texcua̱nk chi ribil e̱rib. Ut naru textzaca̱nk saꞌ comonil saꞌ xmu li cheꞌ olivos ut saꞌ xmu li cheꞌ higo, chan li Ka̱cuaꞌ li nimajcual Dios.

1 Reyes 4:25

Nak cuan chokꞌ rey laj Salomón chixjunileb li cuanqueb saꞌ eb li naꞌajej Israel ut Judá saheb saꞌ xchꞌo̱l chalen saꞌ li tenamit Dan toj saꞌ li tenamit Beerseba. Li junju̱nk cabal cuan li racui̱mkeb uvas ut higos.

Ezequiel 39:26

Nak cua̱nkeb chic saꞌ lix tenamiteb ut ma̱ ani chic yo̱k chi chꞌiꞌchꞌiꞌi̱nc reheb ta̱julticokꞌ reheb li ma̱usilal queꞌxba̱nu. Ut teꞌxuta̱na̱k xban nak quineꞌxtzꞌekta̱na nak queꞌxkꞌetkꞌeti ribeb chicuu.

Isaías 1:20

Abanan cui nequekꞌet li cua̱tin li yo̱quin chixyebal e̱re, camsinbil nak tex-osokꞌ. Ma̱cꞌaꞌ chic xjalenquil. La̱in li Ka̱cuaꞌ li xinyehoc e̱re aꞌin, chan li Dios.

Isaías 54:14

Xban nak ti̱c e̱chꞌo̱l xakxo̱k e̱cuanquil saꞌ xnaꞌaj. Incꞌaꞌ texrahobtesi̱k chi moco texxucuak xbaneb li xicꞌ nequeꞌiloc e̱re.

Ezequiel 34:28

Li xni̱nkal ru tenamit li incꞌaꞌ nequeꞌxpa̱b li Dios incꞌaꞌ chic teꞌxmakꞌ chiruheb li cꞌaꞌru reheb, chi moco li joskꞌ aj xul teꞌxcamsiheb chokꞌ xtibeb. Teꞌcua̱nk ban chi saheb saꞌ xchꞌo̱l ut ma̱cꞌaꞌ ta̱seꞌbesi̱nk reheb.

Isaías 58:14

Cui te̱qꞌue xlokꞌal lin hiloba̱l cutan, la̱in tinqꞌue xsahil e̱chꞌo̱l. Ta̱qꞌuehekꞌ e̱lokꞌal yalak bar saꞌ ruchichꞌochꞌ saꞌ incꞌabaꞌ la̱in. Ut ta̱sahokꞌ saꞌ e̱chꞌo̱l saꞌ li naꞌajej li quinqꞌue re laj Jacob le̱ xeꞌto̱nil yucuaꞌ. La̱in li Ka̱cuaꞌ xinyehoc re aꞌin, chan li Dios.

Isaías 40:5

Ut tixcꞌutbesi lix lokꞌal li Ka̱cuaꞌ. Ut chixjunileb li cuanqueb saꞌ ruchichꞌochꞌ teꞌril lix lokꞌal. Li Ka̱cuaꞌ, aꞌan li quiyehoc re aꞌin.

Ezequiel 38:11

Ut ta̱ye, “La̱in tinxic chi pletic riqꞌuin jun li tenamit incꞌaꞌ cau rib. Li tenamit aꞌan cuanqueb chi ma̱cꞌaꞌ xcꞌaꞌuxeb ut cꞌojcꞌo xchꞌo̱leb. Moco sutsu̱queb ta saꞌ tzꞌac lix tenamit ut ma̱cꞌaꞌ xpuertil.”

Ezequiel 34:25

La̱in tinba̱nu jun li contrato riqꞌuineb re nak teꞌxcꞌam ribeb saꞌ usilal cuiqꞌuin. Tincuisi chixjunileb li joskꞌ aj xul saꞌ lix naꞌajeb re nak naru teꞌcua̱nk yalak bar saꞌ eb li cꞌaleba̱l ut naru teꞌcua̱rk saꞌ eb li qꞌuicheꞌ chi ma̱cꞌaꞌ nachꞌiꞌchꞌiꞌin reheb.

Isaías 26:16

At Ka̱cuaꞌ, la̱at coa̱qꞌue chixtojbal li kama̱c ut cotijoc cha̱cuu. Nak yo̱co chixcꞌulbal li raylal, xkatzꞌa̱ma katenkꞌanquil a̱cue.

Levítico 26:6

La̱in texinqꞌue chi cua̱nc saꞌ tuktu̱quil usilal saꞌ le̱ naꞌaj. Sa texcua̱rk xban nak ma̱ ani ta̱seꞌbesi̱nk e̱re. La̱in tincuisi li joskꞌ aj xul saꞌ le̱ tenamit ut ma̱ ani ta̱oc e̱riqꞌuin chi pletic.

Li xHu LAJ JOB 11:19

Ma̱cꞌaꞌ ta̱seꞌbesi̱nk a̱cue nak yo̱kat chi hila̱nc. Ut nabaleb teꞌcha̱lk chi sicꞌoc a̱cue re ta̱ba̱nu usilal reheb.

Salmos 72:3

Li cha̱bil chꞌochꞌ li cuan saꞌ eb li tzu̱l tixqꞌue xsahil xchꞌo̱leb li tenamit xban nak ta̱e̱lk chi cha̱bil li acui̱mk chiru. Ut teꞌcua̱nk saꞌ ti̱quilal li tenamit.

Isaías 17:2

Eb li tenamit li cuanqueb Aroer teꞌcana̱k chi ma̱cꞌaꞌ chic cristian. Eb li carner teꞌcuaꞌak aran ut ma̱ ani ta̱seꞌbesi̱nk reheb saꞌ li naꞌajej aꞌan.

Isaías 22:25

Teꞌxsicꞌ xtenkꞌanquileb riqꞌuin toj ta̱cuulak xkꞌehil nak incꞌaꞌ chic tixcuy. Chanchan nak ta̱tokekꞌ li claux. Ut chixjunil li cꞌaꞌak re ru li tꞌuytꞌu chiru talajeꞌtꞌanekꞌ.— Li Ka̱cuaꞌ li nimajcual Dios quiyehoc re aꞌin.

Isaías 36:16

Me̱pa̱b li cꞌaꞌru tixye e̱re laj Ezequías. Aꞌan aꞌin li naxye e̱re lix reyeb laj Asiria: Cui te̱cꞌam e̱rib saꞌ usilal cuiqꞌuin, che̱ju̱nkal te̱tzaca li ru le̱ uvas ut te̱tzaca li ru le̱ higo ut naru ajcuiꞌ te̱rucꞌ li haꞌ li na-el saꞌ le̱ jul haꞌ,

Jeremías 30:10

Li Ka̱cuaꞌ quixye: —Mexxucuac la̱ex li ralal xcꞌajol laj Jacob laj cꞌanjel chicuu. Mexxucuac la̱ex aj Israel. La̱in tincolok e̱re saꞌ li najtil tenamit. La̱in tincolok reheb le̱ ralal e̱cꞌajol saꞌ li naꞌajej li queꞌcꞌameꞌ cuiꞌ. Eb li ralal xcꞌajol laj Jacob teꞌcua̱nk cuiꞌchic saꞌ tuktu̱quil usilal ut incꞌaꞌ chic teꞌxucuak.

1 Reyes 5:5

Joꞌcan nak la̱in tinyi̱b li templo li ta̱lokꞌoni̱k cuiꞌ li Ka̱cuaꞌ lin Dios xban nak li Dios quixye re laj David lin yucuaꞌ, “La̱ cualal, li tinxakab chokꞌ rey chokꞌ a̱cue̱kaj, aꞌan li ta̱yi̱ba̱nk re li templo re tinlokꞌoni̱k cuiꞌ,” chan.

Proverbios 3:25

Incꞌaꞌ texxucuak xban li raylal ta̱cha̱lk saꞌ e̱be̱n chi ma̱cꞌaꞌ saꞌ e̱chꞌo̱l. Chi moco texxucuak xban li raylal li nachal saꞌ xbe̱neb li incꞌaꞌ useb xnaꞌleb.

Isaías 32:17

Chixjunileb teꞌxba̱nu li us ut teꞌcua̱nk saꞌ tuktu̱quil usilal. Cꞌojcꞌo̱keb chic xchꞌo̱leb chi junelic.

Jeremías 23:4

Ut la̱in tinxakabeb cuiꞌchic laj ilol reheb. Ut incꞌaꞌ chic teꞌxucuak chi moco teꞌsachekꞌ ruheb, chan.

Miqueas 5:3

Joꞌcan utan li Dios tixcanabeb xjuneseb lix tenamit toj ta̱cuulak xkꞌehil nak ta̱yoꞌla̱k li Acuabej arin saꞌ ruchichꞌochꞌ. Ut ta̱cuulak xkꞌehil nak teꞌsukꞌi̱k cuiꞌchic saꞌ lix tenamiteb laj Israel li joꞌ qꞌuial chic queꞌcana.

Sofonías 3:13

Li joꞌ qꞌuialeb chic li ralal xcꞌajoleb laj Israel li teꞌcana̱k, incꞌaꞌ chic teꞌxba̱nu li ma̱usilal chi moco teꞌticꞌtiꞌik chi moco teꞌbalakꞌi̱nk. Teꞌxchꞌolani ribeb saꞌ xya̱lal. Cꞌojcꞌo̱keb xchꞌo̱l nak teꞌcua̱rk xban nak ma̱ ani chic ta̱chꞌiꞌchꞌiꞌi̱nk reheb ut ma̱cꞌaꞌakeb chic xxiuheb.