Miqueas 4:13 - Li Santil hu

¹³ Li Ka̱cuaꞌ tixye reheb lix tenamit: —La̱ex aj Jerusalén, ayukex. La̱ex chic texnumta̱k saꞌ xbe̱neb li xicꞌ nequeꞌiloc e̱re. La̱in tinqꞌuehok e̱cacuilal. Chanchanakex li joskꞌ aj cuacax. Chanchan cua̱nk le̱ xucub hierro. Ut le̱ rok chanchanak bronce. Texnumta̱k saꞌ xbe̱neb nabal chi tenamit. Ut li cꞌaꞌru te̱re̱chani te̱kꞌaxtesi cue. Lix biomaleb te̱mayeja chicuu. La̱in li Ka̱cuaꞌ li kꞌaxal nim incuanquil saꞌ xbe̱neb chixjunileb li cuanqueb saꞌ ruchichꞌochꞌ, chan li Ka̱cuaꞌ.

Q'eqchi Bible

¹³ Xaqlin, at Sión, ut eeqajun sa' xb'eeneb'! Xb'aan naq xyehom li Qaawa': “Laa'in tink'e aakawilal jo' junaq teelom wakax li wank xxukub' ch'iich' ut q'anch'iich' li xxaab'. K'ajo'eb' li tenamit taaputz'i. Toja' naq taamaq' chixjunil li b'ihomal xe'relq'a ut taamayeja chiwu laa'in, li xQaawa' chixjunil li ruuchich'och'.

Miqueas 4:13 ပူးပေါင်းရင်းမြစ်များ

Daniel 2:44

Ut saꞌ eb li cutan aꞌan li Dios cuan saꞌ choxa tixxakab jun chic li kꞌaxal nim xcuanquil ut ma̱ ani ta̱ru̱k ta̱numta̱k saꞌ xbe̱n. Aꞌan ta̱sachok re chixjunileb li cuanqueb xcuanquil ut ma̱cꞌaꞌak rosoꞌjic aꞌan.

Isaías 23:18

Abanan li tumin li teꞌxcꞌul ta̱kꞌaxtesi̱k re li Ka̱cuaꞌ. Incꞌaꞌ chic teꞌxxoc chokꞌ reheb laj Tiro. Ta̱cꞌanjelak ban chiruheb li nequeꞌlokꞌonin re li Ka̱cuaꞌ re nak ta̱cua̱nk xcua rucꞌaheb ut ta̱cua̱nk ajcuiꞌ li rakꞌeb.

Isaías 18:7

Ta̱cuulak xkꞌehil nak li nimajcual Dios ta̱qꞌuehekꞌ xma̱tan xbaneb li tenamit li ni̱nkeb rok ut chꞌinaꞌuseb li cuanqueb saꞌ li naꞌajej li sutsu xbaneb li nimaꞌ. Eb li tenamit li cauheb rib, li nequeꞌxucua̱c ruheb yalak bar teꞌxcꞌam xma̱tan saꞌ li tzu̱l Sión bar nalokꞌoni̱c cuiꞌ li Ka̱cuaꞌ li nimajcual Dios.

1 Corintios 16:2

Rajlal xama̱n, saꞌ li xbe̱n cutan re li xama̱n, che̱junju̱nkalex te̱qꞌue li joꞌ qꞌuial texru̱k aꞌ yal joꞌ nimal le̱ tojbal te̱cꞌul. Ut li tumin aꞌin ac xocbilak e̱ban nak tincuulak e̱riqꞌuin re nak incꞌaꞌ yo̱kex chi xococ tumin nak tincuulak la̱in.

Zacarías 6:5

Li ángel quichakꞌoc ut quixye cue: —Li ca̱hib chi carruaje li yo̱cat chirilbal, aꞌaneb li retalil li ca̱hib chi musikꞌej li nequeꞌcꞌanjelac chiru li Ka̱cuaꞌ, laj e̱chal re li ruchichꞌochꞌ.

Zacarías 4:14

Ut li ángel quichakꞌoc ut quixye cue: —Li cuib chi rukꞌ cheꞌ olivo, aꞌaneb retalil li cuib li sicꞌbileb ru chi cꞌanjelac chiru li Ka̱cuaꞌ, laj e̱chal re li ruchichꞌochꞌ, chan.

Jeremías 51:33

Li Ka̱cuaꞌ li nimajcual Dios, lix Dioseb laj Israel, quixye: —Eb laj Babilonia teꞌsachekꞌ ru chixjunileb. Chanchanakeb li trigo li nayekꞌiman re risinquil li rix.—

Salmos 68:29

Toj saꞌ la̱ templo li ta̱cua̱nk Jerusalén teꞌxic li rey chixqꞌuebal lix mayej cha̱cuu.

Josué 6:19

Chixjunil li cꞌaꞌak re ru yi̱banbil riqꞌuin oro, plata, bronce ut hierro ta̱xocma̱nk ut ta̱kꞌaxtesima̱nk chiru li Ka̱cuaꞌ, chan laj Josué.

Isaías 5:28

Lix tzimajeb kꞌesak ruꞌuj ut cauresinbilakeb. Ut li rixiꞌijeb lix cacua̱y cauhakeb joꞌ li pec. Ut lix ruedil lix carruajes nak nequeꞌsuri rib chanchan li ikꞌ li naxsuti rib.

Salmos 72:10

Eb li jalan chic rey teꞌxqꞌue xma̱tan lix reyeb laj Israel. Teꞌxcꞌam chak xma̱taneb lix reyeb laj Tarsis ut li tenamit li cuanqueb chire li palau. Ut joꞌcan ajcuiꞌ teꞌxba̱nu eb lix reyeb laj Sabá ut eb laj Seba.

Deuteronomio 33:25

Li oqueba̱l re lix tenamit yi̱banbilakeb riqꞌuin bronce ut hierro. Ut junelic cua̱nkeb xmetzꞌe̱u joꞌ najtil yoꞌyo̱keb.

Isaías 21:10

Ex intenamit Israel, kꞌaxal ra xecꞌul joꞌ li ru li trigo li nayekꞌman re risinquil li rix. Yo̱quin chixyebal e̱re li cꞌaꞌru quixye cue li Ka̱cuaꞌ li nimajcual Dios, lix Dioseb laj Israel, chan laj Isaías.

Jeremías 51:20

Li Ka̱cuaꞌ quixye: —La̱ex aj Babilonia, chanchanex lin martillo re sachoc. La̱ex texcꞌanjelak chicuu re xsachbaleb li xni̱nkal ru tenamit ut re xsachbal lix cuanquileb.

Oseas 10:11

Eb laj Efraín chanchaneb li ral li cuacax li chꞌolaninbil chi us, li cꞌaynak chixyekꞌinquil li trigo re risinquil li ru saꞌ rix. Usta cꞌajoꞌ xchakꞌal ru li rix cux, abanan la̱in tinqꞌue li yugo chirix ut tinqꞌue chi cꞌanjelac chi cau. Tinqꞌueheb li ralal xcꞌajol laj Judá chixquelonquil li arado ut tinqꞌueheb li ralal xcꞌajol laj Jacob chixnumsinquil li rastrillo saꞌ xbe̱n li chꞌochꞌ.

Habacuc 3:12

Cꞌajoꞌ la̱ joskꞌil nak casuti li ruchichꞌochꞌ ut cayekꞌiheb saꞌ a̱cuok li tenamit xban a̱joskꞌil.

Salmos 24:1

Li Ka̱cuaꞌ, aꞌan laj e̱chal re li ruchichꞌochꞌ. Re li Ka̱cuaꞌ chixjunil li na-el saꞌ ruchichꞌochꞌ joꞌ ajcuiꞌ chixjunil li cuanqueb saꞌ ruchichꞌochꞌ.

Miqueas 5:7

Ut eb laj Israel li incꞌaꞌ teꞌosokꞌ saꞌ li ple̱t teꞌxtenkꞌa nabal chi tenamit. Chanchanakeb li xchuꞌque li naxqꞌue chak li Ka̱cuaꞌ. Chanchanakeb li hab li natꞌakresin re li acui̱mk. Incꞌaꞌ teꞌyoꞌoni̱nk chi moco cauhakeb xchꞌo̱l riqꞌuin cui̱nk. Riqꞌuin ban li Dios cꞌojcꞌo̱keb xchꞌo̱l.

Zacarías 12:3

Ut saꞌeb li cutan aꞌan la̱in tinqꞌue cuiꞌchic xcuanquileb laj Jerusalén. Chanchanakeb chic jun li pec kꞌaxal a̱l. Ut chixjunileb li xni̱nkal ru tenamit teꞌxjunaji ribeb ut teꞌxyal numta̱c saꞌ xbe̱neb laj Jerusalén. Abanan incꞌaꞌ teꞌxcuy xmetzꞌe̱uheb laj Jerusalén. Kꞌaxal ra teꞌxcꞌul.

Zacarías 12:6

Saꞌ eb li cutan aꞌan la̱in tinqꞌueheb xcuanquil laj cꞌamol be saꞌ xya̱nkeb li ralal xcꞌajol laj Judá re nak teꞌnumta̱k saꞌ xbe̱neb chixjunileb li cuanqueb chi xjun sutam. Eb laj Judá chanchanakeb li ru xam li nacꞌatoc re li siꞌ. Chanchanakeb li xam li nanak saꞌ xya̱nk li qꞌuim li nacꞌat saꞌ junpa̱t. Eb laj Judá teꞌxsach ruheb li cuanqueb chi xjun sutam ut teꞌcua̱nk cuiꞌchic saꞌ lix naꞌajeb aran Jerusalén.