Miqueas 4:12 - Li Santil hu

¹² Abanan eb li tenamit aꞌin incꞌaꞌ nequeꞌxtau ru lix cꞌaꞌux li Dios chi moco nequeꞌxtau ru li cꞌaꞌru naraj. Ut incꞌaꞌ nequeꞌxqꞌue retal nak li Ka̱cuaꞌ ac xchꞌutubeb ru re tixqꞌueheb chixtojbal rix lix ma̱queb, joꞌ nak nequeꞌxchꞌutub li trigo nak oqueb re chirisinquil li rix.

Q'eqchi Bible

¹² Ab'an eb' a'an ink'a' neke'xnaw li xk'a'uxl li Qaawa' chi moko neke'xtaw ru li k'aru naraj; ink'a' neke'xnaw naq A'an xch'utub'ank reheb' jo' na'uxk re li triiw sa' xq'ehil risinkil li rix.

Miqueas 4:12 ပူးပေါင်းရင်းမြစ်များ

Isaías 55:8

Li Ka̱cuaꞌ quixye: —Lin cꞌaꞌux la̱in moco juntakꞌe̱t ta riqꞌuin le̱ cꞌaꞌux la̱ex; chi moco le̱ naꞌleb la̱ex juntakꞌe̱t riqꞌuin lin naꞌleb la̱in.

Jeremías 29:11

Caꞌaj cuiꞌ la̱in ninnau cꞌaꞌru xincꞌu̱b ru xba̱nunquil chokꞌ e̱re. Xincꞌu̱b ru e̱tenkꞌanquil. Ma̱cuaꞌ raylal tinba̱nu e̱re. Usilal ban tinba̱nu e̱re, joꞌ yo̱quex chiroybeninquil.

San Lucas 3:17

Aꞌan chanchan jun aj acuinel ac cuan chak xcꞌanjeleba̱l saꞌ rukꞌ. Ta̱rapu chi us li ru li trigo ut tixxoc lix trigo saꞌ lix cꞌu̱leba̱l ut li rix tixcꞌat saꞌ li xam. Joꞌcan ajcuiꞌ nak li Dios ta̱risiheb li incꞌaꞌ nequeꞌpa̱ban saꞌ xya̱nkeb li ralal xcꞌajol ut tixtaklaheb saꞌ li xam li incꞌaꞌ nachup. Li ralal xcꞌajol ta̱cua̱nk xyuꞌameb chi junelic, chan laj Juan.

Isaías 21:10

Ex intenamit Israel, kꞌaxal ra xecꞌul joꞌ li ru li trigo li nayekꞌman re risinquil li rix. Yo̱quin chixyebal e̱re li cꞌaꞌru quixye cue li Ka̱cuaꞌ li nimajcual Dios, lix Dioseb laj Israel, chan laj Isaías.

Salmos 147:19

Li Ka̱cuaꞌ quixqꞌue li ra̱tin re laj Jacob. Quixqꞌue lix chakꞌrab reheb laj Israel ut quixye reheb cꞌaꞌru teꞌxba̱nu.

Salmos 147:20

Li Ka̱cuaꞌ incꞌaꞌ quixqꞌue li ra̱tin reheb li jalaneb xtenamit. Eb aꞌan incꞌaꞌ nequeꞌxnau cꞌaꞌru naxye lix chakꞌrab. ¡Chikalokꞌoni taxak li Ka̱cuaꞌ!

Isaías 10:7

Abanan ma̱cuaꞌ aꞌan li naxcꞌoxla lix reyeb laj Asiria. Li cuan saꞌ xcꞌaꞌux li rey, aꞌan xsachbal nabaleb li tenamit.

Isaías 29:7

Ut chixjunileb li tenamit li yo̱queb chi pletic riqꞌuineb laj Jerusalén joꞌ eb li nequeꞌrahobtesin reheb telajeꞌosokꞌ. Chanchanakeb li matcꞌ malaj ut jun li visión chiru kꞌojyi̱n li yal nanumeꞌ.

Jeremías 51:20

Li Ka̱cuaꞌ quixye: —La̱ex aj Babilonia, chanchanex lin martillo re sachoc. La̱ex texcꞌanjelak chicuu re xsachbaleb li xni̱nkal ru tenamit ut re xsachbal lix cuanquileb.

Joel 3:2

Tinchꞌutubeb saꞌ li ru takꞌa re Josafat chixjunileb li tenamit li xeꞌba̱nun raylal reheb laj Israel. Ut aran tinrakok a̱tin saꞌ xbe̱neb xban li ma̱usilal queꞌxba̱nu reheb lin tenamit Israel nak queꞌxtaklaheb yalak bar saꞌ ruchichꞌochꞌ, ut queꞌxjeqꞌui chi ribileb rib li naꞌajej li quinqꞌue reheb lin tenamit.

Jeremías 51:33

Li Ka̱cuaꞌ li nimajcual Dios, lix Dioseb laj Israel, quixye: —Eb laj Babilonia teꞌsachekꞌ ru chixjunileb. Chanchanakeb li trigo li nayekꞌiman re risinquil li rix.—