Miqueas 4:11 - Li Santil hu

¹¹ Anakcuan nabal chi tenamit xeꞌxchꞌutub ribeb chi pletic e̱riqꞌuin. Nequeꞌxye: —Takasach li tenamit Jerusalén. Takaj takil nak ta̱osokꞌ chi junaj cua li tenamit Sión, chanqueb.

Q'eqchi Bible

¹¹ Anaqwan naab'aleb' li tenamit xe'xch'utub' rib' chi xxik'b'al aawilb'al: “Chimuxmanq Sión ut chisaho'q qach'ool rik'in rilb'al li roso'jik Jerusalén”, chankeb'.

Miqueas 4:11 ပူးပေါင်းရင်းမြစ်များ

Abdías 1:12

Incꞌaꞌ raj xsahoꞌ e̱chꞌo̱l saꞌ li cutan nak li ralal xcꞌajol li ri̱tzꞌin le̱ xeꞌto̱nil yucuaꞌ yo̱queb chixcꞌulbal li raylal. Incꞌaꞌ raj xsahoꞌ saꞌ e̱chꞌo̱l chirilbaleb laj Judá nak queꞌrahobtesi̱c. Ut incꞌaꞌ raj xehobeb nak xeꞌnumta li xicꞌ nequeꞌiloc reheb saꞌ xbe̱neb.

Miqueas 7:10

Ut eb li xicꞌ nequeꞌiloc ke teꞌril nak li Dios cuan kiqꞌuin. Teꞌcꞌutekꞌ xxuta̱n li ani queꞌyehoc ke: ¿Bar cuan li Ka̱cuaꞌ le̱ Dios? La̱o takil nak teꞌsachekꞌ li xicꞌ nequeꞌiloc ke. Takil nak teꞌyekꞌi̱k joꞌ nayekꞌi̱c li sulul saꞌ be.

Jeremías 52:4

Yo̱ xbele chihab roquic chokꞌ xreyeb laj Israel laj Sedequías, saꞌ li laje̱b xbe li po re lix laje po re li chihab aꞌan, nak quichal laj Nabucodonosor rochbeneb chixjunileb lix soldado chi pletic riqꞌuineb li cuanqueb Jerusalén. Ut chi xjun sutam li tenamit queꞌxyi̱b li naꞌajej najt xteram re xcꞌacꞌalenquil li tenamit.

Salmos 129:5

Xuta̱nal taxak teꞌe̱lk chixjunileb li xicꞌ nequeꞌiloc re li tenamit Sión. Ut teꞌsachekꞌ taxak xcuanquileb.

Isaías 10:7

Abanan ma̱cuaꞌ aꞌan li naxcꞌoxla lix reyeb laj Asiria. Li cuan saꞌ xcꞌaꞌux li rey, aꞌan xsachbal nabaleb li tenamit.

Isaías 17:12

Raylal ta̱cha̱lk saꞌ xbe̱neb li xni̱nkal ru tenamit li nequeꞌchokin nak nequeꞌchal chi pletic. Chanchan li choki̱nc li naxba̱nu li palau, malaj ut joꞌ nak na-ecꞌan lix cau ok li haꞌ.

Isaías 29:7

Ut chixjunileb li tenamit li yo̱queb chi pletic riqꞌuineb laj Jerusalén joꞌ eb li nequeꞌrahobtesin reheb telajeꞌosokꞌ. Chanchanakeb li matcꞌ malaj ut jun li visión chiru kꞌojyi̱n li yal nanumeꞌ.

Ezequiel 26:3

Joꞌcan nak la̱in li nimajcual Dios ninye reheb: La̱in xicꞌ nequexcuil la̱ex li cuanquex Tiro. La̱in tintaklaheb nabal li xni̱nkal ru tenamit chi pletic e̱riqꞌuin. Chanchan nak nachal lix cau ok li palau nak teꞌcha̱lk chi pletic e̱riqꞌuin.

Salmos 83:5

Junaj xcꞌaꞌuxeb nak queꞌxcꞌu̱b ru chanru teꞌxba̱nu re kasachbal.

Ezequiel 38:17

Joꞌcaꞌin xye li nimajcual Dios re laj Gog: ¿Ma ma̱cuaꞌ ta biꞌ la̱at quina̱tinac chak cha̱cuix junxilaj nak quina̱tinac riqꞌuineb li profeta aj Israel li queꞌcꞌanjelac chicuu? Chiru nabal chihab eb aꞌan queꞌxye resil nak la̱in tatintakla chi pletic riqꞌuineb laj Israel.

Zacarías 12:3

Ut saꞌeb li cutan aꞌan la̱in tinqꞌue cuiꞌchic xcuanquileb laj Jerusalén. Chanchanakeb chic jun li pec kꞌaxal a̱l. Ut chixjunileb li xni̱nkal ru tenamit teꞌxjunaji ribeb ut teꞌxyal numta̱c saꞌ xbe̱neb laj Jerusalén. Abanan incꞌaꞌ teꞌxcuy xmetzꞌe̱uheb laj Jerusalén. Kꞌaxal ra teꞌxcꞌul.