Miqueas 3:8 - Li Santil hu

⁸ Abanan la̱in cuan lix musikꞌ li Ka̱cuaꞌ cuiqꞌuin. Ut aꞌan naqꞌuehoc incuanquil. Aꞌan nacꞌutuc chicuu cꞌaꞌru li ti̱quilal ut aꞌan li naqꞌuehoc xcacuil inchꞌo̱l re nak tinye reheb laj Israel li ralal xcꞌajol laj Jacob nak yo̱queb chixtzꞌekta̱nanquil li Dios. Ut naxqꞌue ajcuiꞌ xcacuil inchꞌo̱l re nak tinye reheb nak cuan xma̱queb.

Q'eqchi Bible

⁸ A'ut laa'in li xmusiq' li Qaawa' nak'ehok inkawilal; nujenaqin chi tiikil ut kawil ch'oolej re xch'olob'ankil chiru laj Jakob li xq'etq'etil ut chiru laj Israel li maak xb'aanu.

Miqueas 3:8 ပူးပေါင်းရင်းမြစ်များ

Isaías 58:1

Li Ka̱cuaꞌ quixye re laj Isaías: —Jap a̱cue chi cau. Matxucuac. A̱tinan chi cau joꞌ junak li trompeta. Ta̱ye reheb lin tenamit nak xeꞌxkꞌet lin chakꞌrab. Ta̱ye reheb li ralal xcꞌajol laj Jacob nak cuanqueb xma̱c.

1 Corintios 2:4

Nak xinchꞌolob xya̱lal che̱ru incꞌaꞌ xina̱tinac riqꞌuin a̱tin joꞌ nequeꞌxba̱nu li cuanqueb xnaꞌleb saꞌ ruchichꞌochꞌ. Xinchꞌolob ban xya̱lal che̱ru joꞌ quixcꞌut chicuu li Santil Musikꞌej, ut li Santil Musikꞌej quiqꞌuehoc xcuanquil li cua̱tin.

Ezequiel 43:10

At ralal cui̱nk, ta̱cꞌut chiruheb laj Israel retalil lin templo re nak teꞌxqꞌue retal ut teꞌxuta̱na̱k xban li ma̱usilal li queꞌxba̱nu.

Ezequiel 16:2

—At ralal cui̱nk, ta̱ye reheb li cuanqueb Jerusalén nak kꞌaxal yibru li nequeꞌxba̱nu.

Li xHu LAJ JOB 32:18

Cuan nabal li cꞌaꞌru nacuaj xyebal. Incꞌaꞌ chic nincuy roybeninquil.

San Mateo 7:29

Queꞌsach xchꞌo̱leb xban nak quixcꞌut chi tzꞌakal lix ya̱lal chiruheb riqꞌuin xcuanquil ut moco joꞌ ta eb laj tzꞌi̱b.

Ezequiel 22:2

—At ralal cui̱nk, la̱at ta̱teneb li raylal aꞌin saꞌ xbe̱neb li tenamit aꞌin li junes camsi̱nc nequeꞌxba̱nu. Ta̱ye resil reheb li raylal li ta̱cha̱lk saꞌ xbe̱neb xban li ma̱usilal nequeꞌxba̱nu.

Ezequiel 20:4

At ralal cui̱nk, ¿ma tatrakok a̱tin saꞌ xbe̱neb? Cui tatrakok a̱tin saꞌ xbe̱neb ta̱ye reheb li ma̱usilal li queꞌxba̱nu lix xeꞌto̱nil yucuaꞌeb.

Ezequiel 3:14

Quinixcꞌam lix musikꞌ li Dios. Ut la̱in quinco̱in chi ra saꞌ inchꞌo̱l ut chi yo̱ injoskꞌil. Abanan li Ka̱cuaꞌ yo̱ chixqꞌuebal xcacuil inchꞌo̱l.

Jeremías 20:9

Abanan nak ninye nak incꞌaꞌ chic tatincꞌoxla, at inDios, ut incꞌaꞌ chic tina̱tinak saꞌ a̱cꞌabaꞌ, junelic cuan saꞌ cua̱m la̱ cua̱tin. Chanchan jun li xam nacꞌatoc chak toj saꞌ inbakel. Nacuaj raj incꞌaꞌ tinye, abanan incꞌaꞌ nincuy.

Jeremías 1:18

Anakcuan tinqꞌue a̱cacuilal joꞌ jun li tenamit cauresinbil chi pletic. Chanchanakat xcacuil li okech chꞌi̱chꞌ malaj ut li tzꞌac chꞌi̱chꞌ. Ut la̱at ta̱ye reheb chixjunileb li cuanqueb Judá nak incꞌaꞌ us yo̱queb. Ta̱ye ajcuiꞌ reheb li rey ut eb laj tij.

Jeremías 6:11

Cꞌajoꞌ lin joskꞌil saꞌ xbe̱neb joꞌ la̱ joskꞌil la̱at, at Ka̱cuaꞌ. Incꞌaꞌ chic nincuy, chanquin re. Ut li Ka̱cuaꞌ quixye cue: —Isi la̱ joskꞌil saꞌ xbe̱neb li cocꞌal li cuanqueb saꞌ be ut saꞌ xbe̱neb li sa̱j al li nequeꞌxchꞌutub ribeb. Eb li be̱lomej teꞌcꞌamekꞌ chi pre̱xil rochbeneb li rixakil joꞌ eb ajcuiꞌ li ti̱xeb.

San Marcos 3:17

ut laj Jacobo ut laj Juan. Lix yucuaꞌeb aꞌan, aꞌan laj Zebedeo. Aj Boanerges quiqꞌueheꞌ chokꞌ xcꞌabaꞌeb xban li Jesús. Li cꞌabaꞌej aꞌan naraj naxye “Ralaleb li Ca̱k”.

Isaías 61:1

Lix musikꞌ li nimajcual Dios cuan cuiqꞌuin. Li Dios quixsicꞌ cuu ut quinixtakla chixyebal li cha̱bil esil reheb li rahobtesinbileb. Quinixtakla chixtenkꞌanquileb li cuanqueb saꞌ raylal. Quinixtakla chixcolbaleb li cuanqueb chi pre̱xil joꞌqueb ajcuiꞌ li cuanqueb saꞌ tzꞌalam.

Isaías 61:2

Quinixtakla chixyebal resil nak ac xcuulac xkꞌehil nak li Ka̱cuaꞌ tixcoleb lix tenamit ut tixsach xcuanquileb li xicꞌ nequeꞌiloc re. Quinixtakla ajcuiꞌ chixcꞌojobanquil xchꞌo̱leb li raheb saꞌ xchꞌo̱l.

Lamentaciones 2:14

Aꞌaneb ajcuiꞌ le̱ profeta li queꞌbalakꞌin e̱re. La̱ex yo̱quex chi ma̱cobc, abanan incꞌaꞌ queꞌxye e̱re nak incꞌaꞌ us yo̱quex. Incꞌaꞌ queꞌxye e̱re nak te̱yotꞌ e̱chꞌo̱l ut te̱jal e̱cꞌaꞌux re nak incꞌaꞌ texchapekꞌ. Ticꞌtiꞌ ban li queꞌxye e̱re.

Ezequiel 23:36

Ut li Ka̱cuaꞌ quixye cue: —At ralal cui̱nk, tatrakok a̱tin saꞌ xbe̱n lix Ahola ut lix Aholiba. Ta̱ye reheb chixjunil li ma̱usilal li queꞌxba̱nu.