Miqueas 3:3 - Li Santil hu

³ Chanchan nak nequetiu ajcuiꞌ lix tibeleb lin tenamit nak nequerahobtesiheb. Nequerisi lix tzꞌu̱maleb, nequejori lix bakeleb ut nequeseti lix tibeleb joꞌ nak naseteꞌ li tib re xqꞌuebal saꞌ ucꞌal.

Q'eqchi Bible

³ Neketz'ub' xkik'eleb' lintenamit; nekemich' li xtz'uumaleb' ut nekejori li xb'aqeleb', jo' na'uxk re li tib' nachiqe'k sa' uk'al.

Miqueas 3:3 ပူးပေါင်းရင်းမြစ်များ

Salmos 14:4

¿Ma incꞌaꞌ nequeꞌxtau xya̱lal? chan li Ka̱cuaꞌ. ¿Ma ma̱cꞌaꞌ xnaꞌleb li nequeꞌxba̱nu li ma̱usilal? Nequeꞌxrahobtesi li cualal incꞌajol ut ma̱cꞌaꞌ nequeꞌraj re chi moco niquineꞌxcꞌoxla la̱in, chan li Ka̱cuaꞌ.

Ezequiel 11:3

Nequeꞌxye, “Ma̱cꞌaꞌ cꞌoxlac. Tzꞌakal tocablak. Saꞌ li tenamit aꞌin takacol kib. Chanchanak jun li ucꞌal ut la̱o chanchanako li tib li cuan chi saꞌ li ucꞌal,” chanqueb.

Sofonías 3:3

Eb laj cꞌamol be saꞌ li tenamit chanchaneb li joskꞌ aj cakcoj li teꞌtzꞌoca̱k. Ut eb li nequeꞌrakoc a̱tin saꞌ xbe̱neb li tenamit, chanchaneb laj xoj li nequeꞌbe̱c chi kꞌek chixsicꞌbal li cꞌaꞌru teꞌxtiu ut nak nequeꞌxtau, nequeꞌxchoy chi junaj cua. Chi moco li bak nequeꞌxcanab bayak re cuulaj.

Salmos 27:2

Li incꞌaꞌ useb xnaꞌleb ut eb li xicꞌ nequeꞌiloc cue nequeꞌxchꞌutub rib re incamsinquil. Abanan aꞌaneb ajcuiꞌ li nequeꞌcꞌuluc re li raylal.

Isaías 3:14

Ta̱rakok a̱tin saꞌ xbe̱neb li nequeꞌcꞌamoc be ut saꞌ xbe̱neb li nequeꞌtaklan saꞌ xbe̱neb li tenamit. Ut tixye reheb: —La̱ex xexsachoc re lin tenamit ut yo̱quex chixcꞌambal li cꞌaꞌru reheb li nebaꞌ saꞌ le̱ rochoch.

Ezequiel 24:4

Te̱sicꞌ li cha̱bil tib joꞌ xtzꞌejcual li raꞌ ut li tzꞌej ut te̱qꞌue saꞌ li ucꞌal. Ut te̱qꞌue ajcuiꞌ li cha̱bil bak.

Miqueas 2:8

Li Ka̱cuaꞌ quixye reheb: —Junxil la̱ex intenamit, abanan anakcuan xicꞌ chic niquine̱ril. Xemakꞌ li rakꞌeb li yo̱queb chi numecꞌ saꞌ xya̱lal, li incꞌaꞌ nequeꞌxcꞌoxla pletic.

Proverbios 30:14

Cuanqueb li nequeꞌrahobtesin reheb li nebaꞌ saꞌ ruchichꞌochꞌ toj retal nequeꞌxmakꞌ chiruheb li cꞌaꞌru cuan reheb.

Isaías 3:15

¿Cꞌaꞌut nak nequerahobtesiheb lin tenamit? ¿Cꞌaꞌut nak nequetacuasiheb li nebaꞌ? chan li Ka̱cuaꞌ li kꞌaxal nim xcuanquil.

Amós 8:4

Abihomak li oc cue xyebal e̱re la̱ex li nequexrahobtesin reheb li ma̱cꞌaꞌ cuan reheb, la̱ex li nequexsachoc reheb li nebaꞌ li cuanqueb saꞌ le̱ tenamit.