Miqueas 2:8 - Li Santil hu

⁸ Li Ka̱cuaꞌ quixye reheb: —Junxil la̱ex intenamit, abanan anakcuan xicꞌ chic niquine̱ril. Xemakꞌ li rakꞌeb li yo̱queb chi numecꞌ saꞌ xya̱lal, li incꞌaꞌ nequeꞌxcꞌoxla pletic.

Q'eqchi Bible

⁸ Laa'ex nekexnumtaak sa' xb'een lintenamit. Nekemaq' li xchaab'il aq'eb' li neke'sutq'iik chaq chi yalok chi saheb' sa' xch'ool.

Miqueas 2:8 ပူးပေါင်းရင်းမြစ်များ

Isaías 9:21

Eb li ralal xcꞌajol laj Manasés ut eb li ralal xcꞌajol laj Efraín teꞌxpleti ribeb chi ribileb rib. Ut teꞌxjunaji ribeb chi pletic riqꞌuineb li ralal xcꞌajol laj Judá. Usta teꞌxcꞌul chixjunil li raylal aꞌin, abanan toj ma̱jiꞌ nanumeꞌ xjoskꞌil li Ka̱cuaꞌ saꞌ xbe̱neb. Toj tixqꞌue chixtojbal xma̱queb li tenamit.

Salmos 55:20

Li cuami̱g nak quicuan naxba̱nu raylal reheb li cuanqueb saꞌ usilal riqꞌuin ut incꞌaꞌ naxba̱nu li cꞌaꞌru naxyechiꞌi reheb.

2 Samuel 20:19

Li katenamit nacuan saꞌ tuktu̱quil usilal ut nacuan saꞌ xya̱lal arin Israel. Aꞌin jun tenamit kꞌaxal nim xcuanquil. ¿Cꞌaꞌut nak ta̱cuaj xsachbal katenamit? Li tenamit aꞌin re li Dios, chan.

Jeremías 12:8

Eb li sicꞌbileb ru inban nequeꞌxcuechꞌi cuix. Chanchaneb li cakcoj nak yo̱ chixjapbal re saꞌ qꞌuicheꞌ. Joꞌcan nak xicꞌ chic nacuileb.

Miqueas 3:2

La̱ex nequera li incꞌaꞌ us ut nequetzꞌekta̱na li us. La̱ex nequexrahobtesin reheb lin tenamit. Chanchan nak nequerisi lix tzꞌu̱maleb chiru lix tibeleb ut nequerisi lix tibeleb chiru lix bakeleb nak nequerahobtesiheb.

Miqueas 3:3

Chanchan nak nequetiu ajcuiꞌ lix tibeleb lin tenamit nak nequerahobtesiheb. Nequerisi lix tzꞌu̱maleb, nequejori lix bakeleb ut nequeseti lix tibeleb joꞌ nak naseteꞌ li tib re xqꞌuebal saꞌ ucꞌal.

Miqueas 7:2

Ma̱ jun chic li cui̱nk ti̱c xchꞌo̱l saꞌ ruchichꞌochꞌ ut ma̱ ani chic junak cha̱bil. Chixjunileb nequeꞌcamsin ut li junju̱nk nequeꞌxsicꞌ chanru nak ta̱ru̱k teꞌxbalakꞌi li ras ri̱tzꞌin.

Miqueas 7:3

Se̱beb xchꞌo̱l chixba̱nunquil li incꞌaꞌ us. Li nataklan saꞌ xbe̱neb li tenamit naraj nak ta̱qꞌuehekꞌ xtumin. Ut laj rakol a̱tin natumina̱c ru nak narakoc a̱tin. Li ani cuan xcuanquil naxye reheb cꞌaꞌru naraj ut chixjunileb nequeꞌxcꞌu̱b ru chanru nak teꞌxba̱nu li incꞌaꞌ us.