Miqueas 2:7 - Li Santil hu

⁷ ¿Ma nacacꞌoxla nak li Dios toxtzꞌekta̱na la̱o aj Israel? ¿Ma tixba̱nu ta biꞌ chi joꞌcan li Ka̱cuaꞌ? Aꞌan junelic naxtenkꞌaheb li ralal xcꞌajol, chanqueb.

Q'eqchi Bible

⁷ Ma majewanb'il tab'i' li xtenamit laj Jakob? Ma maak'a' chik xkuyum li Qaawa'? Ma jo'ka'in naxb'aanu li Yos? Ma ink'a' tab'i' na'aatinak re rusilankil eb' li neke'b'aanunk li tiikilal?

Miqueas 2:7 ပူးပေါင်းရင်းမြစ်များ

Salmos 84:11

Li Ka̱cuaꞌ Dios, aꞌan li nacutanobresin re li kacꞌaꞌux ut aꞌan li nacoloc ke. Ut incꞌaꞌ narisi chiku li cꞌaꞌru us chokꞌ ke la̱o li nococuan saꞌ ti̱quilal.

Jeremías 15:16

Nak xaqꞌue la̱ cua̱tin cue, la̱in xincꞌul joꞌ nak naxcꞌul lix tzacae̱mk li natzꞌoca. La̱ cua̱tin naxcꞌojob inchꞌo̱l ut naxqꞌue xsahil inchꞌo̱l. La̱in chic la̱ cualal, at nimajcual Dios.

Salmos 15:2

Caꞌaj cuiꞌ eb li nequeꞌxba̱nu li us ut li cuanqueb saꞌ ti̱quilal ut li nequeꞌxye li ya̱l, aꞌaneb li teꞌcua̱nk chi sum a̱tin riqꞌuin li Dios.

Zacarías 4:6

Lix ángel li Ka̱cuaꞌ quichakꞌoc ut quixye cue: —Aꞌan aꞌin li quixye li Ka̱cuaꞌ re laj Zorobabel: Moco riqꞌuin ta e̱metzꞌe̱u chi moco riqꞌuin ta e̱cuanquil te̱ba̱nu li cꞌanjel aꞌin. Riqꞌuin ban lix cuanquil lin Santil Musikꞌ li tinqꞌue e̱re, chan li nimajcual Dios.

Oseas 14:9

Cui cuan junak saꞌ e̱ya̱nk cuan xnaꞌleb chixtaubal ru li tzꞌi̱banbil arin, chixqꞌuehak retal lix ya̱lal. Li cꞌaꞌru naxba̱nu li Ka̱cuaꞌ, aꞌan ti̱c ut cha̱bil. Ut eb li ti̱queb xchꞌo̱l nequeꞌxba̱nu li cꞌaꞌru naraj li Dios. Aꞌut li kꞌetkꞌeteb teꞌosokꞌ xban nak incꞌaꞌ nequeꞌxba̱nu li cꞌaꞌru naraj li Dios.

Isaías 50:2

¿Cꞌaꞌut nak ma̱ ani xintau nak xincꞌulun? ¿Cꞌaꞌut nak incꞌaꞌ xine̱sume nak xexinbok? ¿Ma xecꞌoxla nak la̱in incꞌaꞌ xru xexintenkꞌa? ¿Ma xecꞌoxla nak la̱in ma̱cꞌaꞌ incuanquil re e̱colbal? ¿Ma incꞌaꞌ nequenau nak yal riqꞌuin li cua̱tin ninchakihobresi li palau ut ninsukꞌisi li nimaꞌ chokꞌ chaki chꞌochꞌ? Ut eb li car nequeꞌcam ut nequeꞌkꞌa xban nak ma̱cꞌaꞌ chic li haꞌ.

Proverbios 28:18

Li ani nacuan saꞌ ti̱quilal ta̱colekꞌ. Ut li ani incꞌaꞌ nacuan saꞌ ti̱quilal ta̱sachekꞌ ru.

Proverbios 10:29

Li Ka̱cuaꞌ Dios naxcoleb li nequeꞌxba̱nu li us ut naxsach ruheb li nequeꞌxba̱nu li incꞌaꞌ us.

Proverbios 10:9

Li ani cuan saꞌ ti̱quilal ma̱cꞌaꞌ naxxucua. Ut li ani naxba̱nu li incꞌaꞌ us, incꞌaꞌ ajcuiꞌ us na-el.

2 Timoteo 3:5

Teꞌxye rib nak aj pa̱baneleb, abanan incꞌaꞌ teꞌxqꞌue xcuanquil li pa̱ba̱l. At Timoteo, ma̱junaji a̱cuib riqꞌuineb aꞌan.

2 Corintios 6:12

La̱in nequexinra la̱ex, abanan la̱ex nacꞌutun che̱ru nak incꞌaꞌ niquine̱ra.

Romanos 7:13

¿Ma ta̱ru̱k tinye nak li cha̱bil chakꞌrab quicꞌamoc chak li ca̱mc saꞌ inbe̱n? Incꞌaꞌ. Incꞌaꞌ naru tinye chi joꞌcan xban nak ma̱cuaꞌ li chakꞌrab quicꞌamoc chak re li ca̱mc. Aban li ma̱c quicꞌamoc chak re li ca̱mc saꞌ inbe̱n. Li chakꞌrab quixcꞌut chicuu lix yibal ru li ma̱c. Joꞌcan nak li cha̱bil quixcꞌut chicuu li incꞌaꞌ us. Ut li incꞌaꞌ us aꞌan li ma̱c.

San Juan 8:39

Eb aꞌan queꞌxye re: —Laj Abraham, aꞌan li kaxeꞌto̱nil yucuaꞌ, chanqueb. Li Jesús quixye reheb: —Cui ta la̱ex ralal xcꞌajol laj Abraham, te̱ba̱nu raj joꞌ quixba̱nu laj Abraham. Cha̱bil raj le̱ naꞌleb joꞌ xnaꞌleb aꞌan nak quicuan.

San Mateo 3:8

Cheba̱nuhak ban li us re nak ta̱cꞌutu̱nk nak xyotꞌeꞌ e̱chꞌo̱l ut xejal e̱cꞌaꞌux. Chanchanakex li cheꞌ cha̱bil li ru naxqꞌue.

Miqueas 3:9

Abihomak li oc cue xyebal e̱re la̱ex li nequexcꞌamoc be chiruheb laj Israel li ralal xcꞌajol laj Jacob. Abihomak la̱ex li cuan e̱cuanquil saꞌ xya̱nkeb. La̱ex xicꞌ nequeril li ti̱quilal ut nequesukꞌisi li us chokꞌ ma̱usilal.

Jeremías 2:4

La̱ex aj Israel, li ralal xcꞌajol laj Jacob, cherabihak li cꞌaꞌru yo̱ chixyebal e̱re li Ka̱cuaꞌ.

Isaías 58:1

Li Ka̱cuaꞌ quixye re laj Isaías: —Jap a̱cue chi cau. Matxucuac. A̱tinan chi cau joꞌ junak li trompeta. Ta̱ye reheb lin tenamit nak xeꞌxkꞌet lin chakꞌrab. Ta̱ye reheb li ralal xcꞌajol laj Jacob nak cuanqueb xma̱c.

Proverbios 14:2

Li ani ti̱c xyuꞌam naxxucua ru li Ka̱cuaꞌ. Ut eb li incꞌaꞌ ti̱queb xchꞌo̱l nequeꞌxtzꞌekta̱na li Ka̱cuaꞌ.

Proverbios 2:7

Li Ka̱cuaꞌ naxqꞌue cha̱bil naꞌleb reheb li ti̱queb xchꞌo̱l ut naxcoleb li nequeꞌcuan saꞌ ti̱quilal chiru.

Salmos 119:65

At Ka̱cuaꞌ, cha̱bilat cuiqꞌuin la̱in aj cꞌanjel cha̱cuu, joꞌ cayechiꞌi cue.

Números 11:23

Ut li Ka̱cuaꞌ quichakꞌoc ut quixye re laj Moisés: —¿Ma nacacꞌoxla la̱at nak ma̱cꞌaꞌ incuanquil chixba̱nunquil aꞌin? Anakcuan ta̱cuil ma ta̱uxma̱nk tana li cꞌaꞌru xinye malaj ut incꞌaꞌ, chan li Ka̱cuaꞌ.

Salmos 119:68

At Ka̱cuaꞌ, la̱at cha̱bilat, ut cha̱bil chixjunil li nacaba̱nu. Chacꞌut taxak chicuu lix ya̱lal la̱ chakꞌrab.

Salmos 18:26

La̱at nacacuosobtesiheb li ti̱queb xchꞌo̱l cha̱cuu. Aban li incꞌaꞌ useb xnaꞌleb cau nacakꞌuseb.