Miqueas 2:4 - Li Santil hu

⁴ Ut saꞌ eb li cutan aꞌan, eb li xicꞌ nequeꞌiloc e̱re texhob ut texretzꞌu ut teꞌxbicha li bich li nequebicha la̱ex yal re e̱hobbal: La̱o xo-osoꞌ. Xkasach chixjunil. Li Ka̱cuaꞌ quixmakꞌ chiku li kachꞌochꞌ ut quixjeqꞌui reheb li queꞌchapoc ke, chaꞌkeb e̱re.

Q'eqchi Bible

⁴ Sa' li kutan a'an taab'ichamanq eere jun li b'ich re rahil ch'oolejil. Te'xye eere: «Xoosache'k chi junajwa. Li qatenamit, li reechanihom li Qaawa', jalan chik laj eechal re anaqwan, ut maajun xramok re. Xjek'iik li qach'och' chirixeb' li xe'eechanink qe», cha'qeb' eere”.

Miqueas 2:4 ပူးပေါင်းရင်းမြစ်များ

Habacuc 2:6

Ta̱cuulak xkꞌehil nak teꞌseꞌe̱k laj Caldea xbaneb li tenamit li ac xeꞌre̱chani. Teꞌbicha̱nk ut teꞌxye: —Ra cha̱lc re saꞌ xbe̱neb li xeꞌbiomoꞌ riqꞌuin li ma̱cuaꞌ reheb. ¿Jokꞌe teꞌxcanab biomocꞌ riqꞌuin li prendas li nequeꞌxcꞌul? chaꞌkeb.

Miqueas 1:15

Ut la̱ex li cuanquex Maresa, li Ka̱cuaꞌ ta̱canaba̱nk e̱re chi chapecꞌ xbaneb li xicꞌ nequeꞌiloc e̱re. Ut eb li nequeꞌcꞌamoc be che̱ru teꞌe̱lelik ut teꞌxmuk ribeb saꞌ li naꞌajej Adulam.

Jeremías 9:10

Laj Jeremías quixye: —La̱in tinya̱bak chirix li cꞌaꞌru quixcꞌul li tzu̱l ut li pachꞌayaꞌ. Xeꞌcana chi ma̱cꞌaꞌ chic cuan chiru ut ma̱ ani chic nanumeꞌ aran. Incꞌaꞌ chic nequeꞌabi̱c chi ya̱bac li cuacax. Queꞌe̱lelic li xul li nequeꞌrupupic chiru choxa. Ut queꞌe̱lelic ajcuiꞌ chixjunileb li joskꞌ aj xul, chan.

Isaías 24:3

Ta̱sachekꞌ ru chixjunil li cuan saꞌ ruchichꞌochꞌ. Ma̱cꞌaꞌ chic cuan chiru ta̱cana̱k. Li Ka̱cuaꞌ li nimajcual Dios, aꞌan li quiyehoc re aꞌin.

Isaías 6:11

Ut la̱in quinpatzꞌ re, —¿Joꞌ najtil teꞌxcꞌul chi joꞌcaꞌin, at Ka̱cuaꞌ?— Li Dios quixye cue: —Toj retal teꞌsachekꞌ chixjunileb li tenamit. Ma̱ jun chic ta̱cana̱k saꞌ rochocheb ut lix chꞌochꞌeb ta̱cana̱k chi ma̱cꞌaꞌ chic cuan.

Deuteronomio 28:29

Yal te̱chꞌeꞌ aj chic le̱ be nak yo̱kex chi be̱c joꞌ nequeꞌxba̱nu li mutzꞌ nak nequeꞌxchꞌeꞌ lix be, usta chi cutan yo̱kex chi be̱c. Ut incꞌaꞌ te̱tau li be li texxic raj cuiꞌ. Incꞌaꞌ tex-e̱lk chi us riqꞌuin li cꞌaꞌru te̱ba̱nu. Junelic rahobtesinbilakex ut ta̱elkꞌa̱k li cꞌaꞌru e̱re. Ma̱ ani ta̱tenkꞌa̱nk e̱re.

Números 23:7

Ut laj Balaam quixye li a̱tin aꞌin: —Laj Balac lix reyeb laj Moab quicꞌamoc chak cue aran Aram saꞌ li naꞌajej li tzu̱l ru, li cuan saꞌ li este. Quixye cue: “Quim cuiqꞌuin ut tzꞌa̱ma ma̱usilal saꞌ xbe̱neb laj Israel, li ralal xcꞌajol laj Jacob”, chan cue.

San Marcos 12:12

Eb laj tij ut eb laj tzꞌi̱b ut eb li xakabanbileb chi cꞌanjelac saꞌ rochoch li Dios queꞌxcꞌoxla raj xchapbal li Jesús re teꞌxqꞌue saꞌ tzꞌalam xban nak queꞌxtau ru nak chirixeb aꞌan yo̱ chi a̱tinac nak quixye li jaljo̱quil ru a̱tin aꞌan. Abanan queꞌxucuac xbaneb li tenamit. Joꞌcan nak queꞌxcanab ut queꞌel saꞌ li naꞌajej aꞌan.

Sofonías 1:2

Li Ka̱cuaꞌ quixye: —Tinsacheb ru chi junaj cua li cꞌaꞌak re ru cuan saꞌ ruchichꞌochꞌ.

Miqueas 2:10

Cuaclinkex ut ayukex xban nak li naꞌajej aꞌin incꞌaꞌ chic ta̱usa̱k. Xban li ma̱usilal nequeba̱nu, li naꞌajej aꞌin ta̱sachekꞌ.

Amós 5:17

Ut saꞌ chixjunil lix naꞌajeb li acui̱mk uvas ta̱cua̱nk li ya̱bac xban nak tinnumekꞌ la̱in saꞌ e̱ya̱nk chi rakoc a̱tin, chan li Ka̱cuaꞌ.

Amós 5:1

Abihomak li a̱tin aꞌin li oc cue xyebal anakcuan. Tinbicha jun li bich re rahil chꞌo̱lej xban li raylal li cha̱lc re saꞌ e̱be̱n, la̱ex laj Israel.

Joel 1:13

La̱ex aj tij, li nequexcꞌanjelac chiru lix artal li Ka̱cuaꞌ, chexya̱bak ut cheqꞌuehak e̱rakꞌ kꞌes ru che̱rix re rahil chꞌo̱lej. Ut chenumsihak li kꞌojyi̱n chi ra saꞌ le̱ chꞌo̱l xban nak ma̱cꞌaꞌ chic li cꞌaꞌru te̱mayeja chiru li artal saꞌ lix templo li Ka̱cuaꞌ.

Joel 1:8

Chexya̱bak joꞌ li sa̱j ixk li naxqꞌue rakꞌ chirix re rahil chꞌo̱lejil ut naya̱bac xban nak xcam lix be̱lom.

Ezequiel 16:44

Cuan jun li a̱tin li nequeꞌxye li tenamit ut aꞌan li teꞌxye cha̱cuix la̱at. Aꞌan aꞌin: chanru xnaꞌleb li naꞌbej, joꞌcan ajcuiꞌ xnaꞌleb li coꞌbej.

Ezequiel 2:10

Quixte li hu chicuu ut tzꞌi̱banbil ru li hu xcaꞌ pacꞌalil. Saꞌ li hu aꞌan tzꞌi̱banbil retalil chixjunil li ya̱bac ut li raylal li ta̱cha̱lk saꞌ xbe̱neb laj Israel.

Jeremías 14:18

Nak ninxic saꞌ cꞌaleba̱l nequeꞌcuil li queꞌcamsi̱c saꞌ li ple̱t. Ut saꞌ eb li tenamit, nequeꞌcuil li yo̱queb chi ca̱mc xban cueꞌej. Eb li profeta ut eb laj tij xeꞌcꞌameꞌ saꞌ jun tenamit li incꞌaꞌ xeꞌxnau ru,” chaꞌakat.—

Jeremías 4:13

Qꞌuehomak retal. Eb li xicꞌ nequeꞌiloc re li tenamit chanchanakeb li chok nak teꞌcha̱lk. Eb li carruaje teꞌcha̱lk joꞌ li ca̱k-sut-ikꞌ. Eb li cacua̱y kꞌaxal cau teꞌa̱linak chiru li tꞌiu li narupupic chi junpa̱t. Tokꞌob xak ku xban nak osocꞌ ke.

Isaías 14:4

Saꞌ eb li cutan aꞌan la̱ex te̱seꞌe lix reyeb laj Babilonia ut te̱ye: —Qꞌuehomak retal chanru nak qui-isi̱c xcuanquil li quirahobtesin ke. Qꞌuehomak retal chanru nak quisacheꞌ xlokꞌal li tenamit li cꞌajoꞌ xchꞌinaꞌusal nak quicuan.

Li xHu LAJ JOB 27:1

Laj Job qui-oc cuiꞌchic chi a̱tinac ut quixye:

2 Crónicas 35:25

Laj Jeremías quixtzꞌi̱ba jun li bich re rahil chꞌo̱lej saꞌ xcꞌabaꞌ li rey Josías. Toj chalen anakcuan chixjunileb li cui̱nk ut li ixk nequeꞌxbicha li bich aꞌin re xjulticanquil lix camic li rey Josías. Anakcuan cꞌaynakeb chixba̱nunquil aꞌan saꞌ li tenamit Israel. Li bich aꞌan tzꞌi̱banbil saꞌ li hu li queꞌtzꞌi̱ba̱c cuiꞌ li bich re rahil chꞌo̱lej.

2 Samuel 1:17

Laj David quixbicha jun li bich re rahil chꞌo̱lej chirix lix camiqueb laj Saúl ut laj Jonatán, li ralal.

Números 24:15

Ut laj Balaam quixye resil li cꞌaꞌru ta̱cꞌulma̱nk. Quixye: —La̱in laj Balaam, li ralal laj Beor. La̱in nacuil chi tzꞌakal li cꞌaꞌru ta̱cꞌulma̱nk.

Números 24:3

Ut laj Balaam quixye resil li cꞌaꞌru ta̱cꞌulma̱nk. Quixye: —La̱in laj Balaam, li ralal laj Beor. Aꞌan aꞌin li cꞌaꞌru quicꞌutbesi̱c chicuu xban li Dios.—

Números 23:18

Ut laj Balaam quixye li a̱tin aꞌin: —At Balac, ralal laj Zipor, qꞌue retal li cua̱tin. Abi li cꞌaꞌru oc cue chixyebal.

Jeremías 6:12

Eb li rochoch ta̱cana̱k chokꞌ reheb jalan chic, joꞌ ajcuiꞌ lix chꞌochꞌeb ut eb li rixakil. Joꞌcaꞌin teꞌxcꞌul xban nak la̱in tinqꞌueheb chixtojbal lix ma̱queb li cuanqueb saꞌ li naꞌajej aꞌin.

Jeremías 8:10

Joꞌcan nak la̱in tinqꞌueheb li rixakil reheb jalan cui̱nk. Ut lix naꞌajeb li racui̱mk tinqꞌue reheb li teꞌchapok re lix tenamiteb xban nak junes lix biomal nequeꞌxcꞌoxla li cuanqueb xcuanquil joꞌ eb ajcuiꞌ li ma̱cꞌaꞌeb xcuanquil. Eb li profeta ut eb laj tij nequeꞌbalakꞌic.

Miqueas 1:8

Ut quixye cuiꞌchic laj Miqueas: —Cꞌajoꞌ narahoꞌ inchꞌo̱l xban li ma̱usilal yo̱queb chixba̱nunquil laj Israel. Tinjap cue xban xrahil inchꞌo̱l ut tinya̱bak. Re xcꞌutbal chiruheb li tenamit nak kꞌaxal ra saꞌ inchꞌo̱l tincuisi lin xa̱b ut tincuisi li cuakꞌ. Chanchan nak nacuuꞌteꞌec laj xoj ut chanchan nak naya̱bac li cuarom nak tinya̱bak chi cau.

Jeremías 9:16

Tinjeqꞌuiheb ru saꞌ eb li jalan tenamit li ma̱ jun sut xnauhomeb, chi moco lix naꞌ xyucuaꞌeb. Ut la̱in tinqꞌueheb chi a̱lina̱c riqꞌuin chꞌi̱chꞌ toj retal ma̱ jun chic teꞌcana̱k saꞌ li tenamit.