Miqueas 2:3 - Li Santil hu

³ Joꞌcan nak quixye li Ka̱cuaꞌ: —La̱in tintakla li raylal saꞌ e̱be̱n. Ut incꞌaꞌ ta̱ru̱k te̱col e̱rib chi moco te̱nimobresi chic e̱rib xban nak tintakla li raylal saꞌ e̱be̱n.

Q'eqchi Bible

³ Jo'kan naq li Qaawa' xye chi jo'ka'in: “Laa'in ajwi' xink'uub' jun rahilal cho'q eere. Tintaqla sa' eeb'een jun rahilal li ink'a' texruuq wi' xkolb'al eerib'; ut ink'a' chik texb'eeq chi wanq eewankil, xb'aan naq chalk re xkutankil li sachok.

Miqueas 2:3 ပူးပေါင်းရင်းမြစ်များ

Amós 5:13

Joꞌcan nak li ani cuan xnaꞌleb, cui x-ux raylal re, incꞌaꞌ ta̱xic chi jitoc xban nak saꞌ eb li cutan aꞌin incꞌaꞌ nequeꞌrakoc a̱tin saꞌ xya̱lal.

Jeremías 8:3

Ut li joꞌ qꞌuial chic li teꞌcana̱k chi yoꞌyo reheb lin tenamit li incꞌaꞌ useb xnaꞌleb tinjeqꞌuiheb ru yalak bar. Chokꞌ reheb aꞌan kꞌaxal us li ca̱mc chiru li cua̱nc saꞌ jalanil tenamit.

Jeremías 18:11

Joꞌcan nak ta̱ye reheb li cuanqueb Judá ut reheb li cuanqueb Jerusalén nak joꞌcaꞌin naxye li Ka̱cuaꞌ: La̱in oc cue chixqꞌuebal li raylal saꞌ e̱be̱n. Yo̱quin chixcꞌu̱banquil ru cꞌaꞌru tinba̱nu re e̱sachbal. Joꞌcan nak canabomak le̱ ma̱usilal. Jalomak e̱cꞌaꞌux ut yi̱bomak le̱ yuꞌam.

Santiago 2:13

Li ani incꞌaꞌ naruxta̱na ru li ras ri̱tzꞌin incꞌaꞌ ajcuiꞌ ta̱uxta̱na̱k ru xban li Dios saꞌ li rakba a̱tin. Ut li ani ta̱ruxta̱na ru li ras ri̱tzꞌin, ta̱uxta̱na̱k ajcuiꞌ ru xban li Dios.

Lamentaciones 5:5

Rahobtesinbilo xbaneb li xicꞌ nequeꞌiloc ke ut tacuajenako. Abanan, incꞌaꞌ naru nocohilan.

Lamentaciones 2:17

Li Ka̱cuaꞌ xba̱nu e̱re li cꞌaꞌru quixye chak junxil. Incꞌaꞌ xril xtokꞌoba̱l e̱ru. Xsach ban e̱ru. Incꞌaꞌ chic xcuy e̱ma̱c. Xqꞌueheb xcuanquil li xicꞌ nequeꞌiloc e̱re re teꞌnumta̱k saꞌ e̱be̱n, ut xexqꞌue chi seꞌe̱c.

Efesios 5:16

Me̱numsi li cutan chi ma̱cꞌaꞌ xya̱lal. Cheba̱nu ban li us nak ta̱ru̱k te̱ba̱nu xban nak chꞌaꞌaj li cua̱nc saꞌ eb li cutan aꞌin.

Romanos 16:4

Usta xiu xiu chokꞌ reheb xcolbal rix lin yuꞌam, aban queꞌxqꞌue xchꞌo̱leb chintenkꞌanquil. Ninbantioxi chiruheb. Ma̱cuaꞌ caꞌaj cuiꞌ la̱in ninbantioxin chiruheb. Nequeꞌbantioxin aj ban cuiꞌ laj pa̱banel li ma̱cuaꞌeb aj judío.

Miqueas 2:1

Raylal ta̱cha̱lk saꞌ xbe̱neb li nequeꞌxcꞌoxla saꞌ lix cuariba̱l chanru teꞌxba̱nu li ma̱usilal. Nequeꞌxcꞌu̱b ru li xi̱qꞌuilal ut nak nasake̱u, nequeꞌxba̱nu li cꞌaꞌru nequeꞌxcꞌoxla xba̱nunquil xban nak cuanqueb xcuanquil.

Amós 2:14

Ma̱ ani ta̱ru̱k ta̱e̱lelik chicuu. Li kꞌaxal cau naa̱linac incꞌaꞌ ta̱ru̱k ta̱e̱lelik chicuu. Li kꞌaxal cau rib tixsach lix cacuilal ut li cau xchꞌo̱l chi pletic incꞌaꞌ ta̱ru̱k tixcol rib.

Daniel 4:37

Ut anakcuan la̱in li rey Nabucodonosor ninlokꞌoni li tzꞌakal Rey li cuan saꞌ choxa. Ninnima ru ut ninqꞌue xlokꞌal xban nak naxba̱nu chixjunil saꞌ xya̱lal ut saꞌ ti̱quilal. Ut naxcubsi xcuanquil li ani naxnimobresi rib xjunes, chan laj Nabucodonosor.

Lamentaciones 1:14

Li Ka̱cuaꞌ yo̱ chak chixqꞌuebal retal li ma̱c li xkaba̱nu. Chanchan nak quixchꞌutubeb li kama̱c ut quixbacꞌ chiru li kacux. Chanchan li yugo li kꞌaxal a̱l xcꞌambal. Yo̱ chi osocꞌ li kametzꞌe̱u. Li Ka̱cuaꞌ coxkꞌaxtesi saꞌ rukꞌeb li xicꞌ nequeꞌiloc ke ut la̱o incꞌaꞌ chic nakacuy xcolbal kib chiruheb.

Jeremías 43:2

Nak ac xrakeꞌ chi a̱tinac laj Jeremías, laj Azarías li ralal laj Osaías ut laj Johanán li ralal laj Carea, rochbeneb li cui̱nk li kꞌetkꞌeteb, queꞌxye re laj Jeremías: —Ticꞌtiꞌ li nacaye. Li Ka̱cuaꞌ li kaDios incꞌaꞌ quixye aꞌan. Incꞌaꞌ xatxtakla chixyebal ke nak incꞌaꞌ toxic chi cua̱nc Egipto.

Jeremías 36:23

Nak yo̱ chirilbal xsaꞌ li hu laj Jehudí, li rey quixchap li ac xril ut quixset chi chꞌi̱chꞌ ut quixcut saꞌ xam. Quixba̱nu chi joꞌcan toj retal quixchoy xcꞌatbal chixjunil li hu nak ac xeꞌrabi li cꞌaꞌru naxye.

Jeremías 34:17

Joꞌcan nak la̱in li Ka̱cuaꞌ ninye e̱re chi joꞌcaꞌin: La̱ex incꞌaꞌ xex-abin chicuu. Incꞌaꞌ xerachꞌab le̱ mo̱s, le̱ rech tenamitil. Joꞌcan nak la̱in texincanab e̱junes re nak texcamsi̱k saꞌ li ple̱t malaj ut texca̱mk xban cueꞌej malaj ut xban caki yajel. Xicꞌ chic tex-ilekꞌ xbaneb chixjunileb li xni̱nkal ru tenamit li cuanqueb saꞌ ruchichꞌochꞌ.

Jeremías 27:12

La̱in laj Jeremías quinye chixjunil aꞌin re laj Sedequías lix reyeb laj Judá. Quinye re: —Qꞌue a̱cuib rubel xcuanquil lix reyeb laj Babilonia ut tatcꞌanjelak chiruheb re nak ta̱cua̱nk le̱ yuꞌam.

Isaías 5:19

La̱ex li nequexyehoc re: —Chiba̱nuha̱k chi junpa̱t li cꞌaꞌru naraj li Dios re takil. Kilak nak lix Santil Dioseb laj Israel tixba̱nu chi junpa̱t li cꞌaꞌru naxye nak tixba̱nu.—

Isaías 3:16

Li Ka̱cuaꞌ quixye ajcuiꞌ reheb: —Eb li ixk li cuanqueb Sión nequeꞌxnimobresi ribeb ut nequeꞌxtaksi li riloba̱l nak nequeꞌbe̱c. Kꞌetkꞌet nequeꞌiloc. Chanchan yo̱queb chi xajoc nak nequeꞌbe̱c. Ut nequeꞌrecꞌasi lix sahob ru li nequeꞌxqꞌue saꞌ xcux rokeb.

Deuteronomio 28:48

Joꞌcan nak la̱ex texcꞌanjelak chiruheb li xicꞌ nequeꞌiloc e̱re li tixtakla chak li Ka̱cuaꞌ. Textzꞌoca̱k ut ta̱chakik e̱re ut ma̱cꞌaꞌak le̱ rakꞌ. Ut ma̱cꞌaꞌak chic cꞌaꞌru e̱re. Li Ka̱cuaꞌ texqꞌue chi cꞌanjelac chokꞌ rahobtesinbil mo̱s chiruheb li xicꞌ nequeꞌiloc e̱re toj retal nak tex-osokꞌ.

Amós 3:1

La̱ex laj Israel, cherabihak li naxye li Ka̱cuaꞌ che̱rix che̱junilex la̱ex li quexrisi chak saꞌ li tenamit Egipto nak quixye chi joꞌcaꞌin:

Amós 3:2

—Saꞌ xya̱nkeb chixjunileb li tenamit saꞌ ruchichꞌochꞌ, caꞌaj cuiꞌ la̱ex sicꞌbil e̱ru inban. Joꞌcan nak tento texinqꞌue chixtojbal rix le̱ ma̱usilal, chan li Ka̱cuaꞌ.

Isaías 29:20

Eb li nequeꞌrahobtesin teꞌsachekꞌ ruheb. Ut eb li nequeꞌhoboc teꞌosokꞌ. Chixjunileb li nequeꞌxba̱nu ma̱usilal telajeꞌosokꞌ.