Miqueas 2:13 - Li Santil hu

¹³ Li Ka̱cuaꞌ Dios ta̱colok reheb chiruheb li tenamit li queꞌnumta saꞌ xbe̱neb. Chanchan nak yo̱ chixtebal li be chiruheb nak ta̱risiheb saꞌ xya̱nkeb li xicꞌ nequeꞌiloc reheb. Ut li Ka̱cuaꞌ, aꞌan ta̱cꞌamok be chiruheb ut aꞌanak lix reyeb.

Q'eqchi Bible

¹³ K'amolb'ehaq li Qaawa' chiruheb', ut eb' a'an te'xik chirix ut te'nume'q sa' rokeb'aal li tenamit. Li Qaawa' a'an li x'awab'ejeb' ut taaxik chi uub'ej: aj k'amolb'ehaq chiruheb' chixjunil.

Miqueas 2:13 ပူးပေါင်းရင်းမြစ်များ

Isaías 52:12

Abanan moco saꞌ a̱nil ta tex-e̱lk, chi moco tex-e̱lelik nak tex-e̱lk. Li Ka̱cuaꞌ aꞌan li ta̱cꞌamok be che̱ru ut aꞌan ajcuiꞌ li ta̱ilok e̱re.

Apocalipsis 17:14

Eb li rey teꞌpletik riqꞌuin li Jun li chanchan carner. Abanan aꞌan ta̱numta̱k saꞌ xbe̱neb xban nak aꞌan li Ka̱cuaꞌ, li kꞌaxal nim xcuanquil saꞌ xbe̱n chixjunil. Ut aꞌan li tzꞌakal rey li nim xcuanquil saꞌ xbe̱neb chixjunileb li cuanqueb xcuanquil saꞌ ruchichꞌochꞌ. Ut li sicꞌbileb ru, li ti̱queb xchꞌo̱l chixta̱kenquil, teꞌnumta̱k ajcuiꞌ saꞌ xbe̱neb li rey, rochbeneb li Jun li chanchan carner.—

Apocalipsis 7:17

Ut li Jun li chanchan carner li cꞌojcꞌo aran saꞌ xyiheb li cꞌojariba̱l, aꞌan ta̱ilok reheb joꞌ jun li cha̱bil pastor narileb lix carner. Ut aꞌan ta̱qꞌuehok re lix yuꞌameb chi junelic. Incꞌaꞌ chic teꞌya̱bak xban nak li Dios ta̱cꞌojoba̱nk xchꞌo̱leb.—

Hebreos 6:20

Li Jesucristo ac xco̱ saꞌ li santil choxa chi jaloc a̱tin chikix. Aꞌan laj cꞌamol be chiku. Li Jesucristo, aꞌan tzꞌakal xyucuaꞌil aj tij chi junelic joꞌ nak quicuan laj Melquisedec.

Zacarías 10:12

La̱in tinqꞌue xcacuilal xchꞌo̱leb lin tenamit. Ut saꞌ incꞌabaꞌ la̱in teꞌcua̱nk saꞌ xya̱lal. La̱in li Ka̱cuaꞌ ninyehoc re aꞌin.

Oseas 1:11

Saꞌ eb li cutan aꞌan teꞌxjunaji ribeb li ralal xcꞌajol laj Judá riqꞌuineb li ralal xcꞌajol laj Israel. Teꞌjunajokꞌ ru ut teꞌxsicꞌ ru junak re ta̱takla̱nk saꞌ xbe̱neb. Ta̱cua̱nk cuiꞌchic xcuanquil. Saꞌ li ru takꞌa Jezreel, li quisacheꞌ cuiꞌ xcuanquileb laj Israel, aran ajcuiꞌ ta̱qꞌuehekꞌ cuiꞌchic xcuanquileb.

Daniel 2:44

Ut saꞌ eb li cutan aꞌan li Dios cuan saꞌ choxa tixxakab jun chic li kꞌaxal nim xcuanquil ut ma̱ ani ta̱ru̱k ta̱numta̱k saꞌ xbe̱n. Aꞌan ta̱sachok re chixjunileb li cuanqueb xcuanquil ut ma̱cꞌaꞌak rosoꞌjic aꞌan.

Isaías 55:4

La̱in xinxakaban re aꞌan chi cꞌamoc be chiruheb ut chi takla̱nc saꞌ xbe̱neb li tenamit ut chixcꞌutbal li cua̱tin chiruheb.

Isaías 42:7

La̱at tatqꞌuehok reheb li mutzꞌ chi iloc li chanchan cuanqueb saꞌ kꞌojyi̱n. Ut la̱at tatcutanobresi̱nk re lix cꞌaꞌuxeb laj ma̱c li chanchan tzꞌaptzꞌo̱queb saꞌ tzꞌalam.

Oseas 13:14

¿Ma tebincol ta biꞌ chiru li ca̱mc saꞌ e̱chꞌo̱l? ¿Ma ta̱ru̱k ta biꞌ tebincol chiru xcuanquil li ca̱mc cui incꞌaꞌ nequeꞌraj eb aꞌan? Lix cuanquil li ca̱mc tenebanbil saꞌ xbe̱neb. La̱in tinqꞌuehok li ca̱mc saꞌ xbe̱neb. Incꞌaꞌ chic teꞌcuil xtokꞌoba̱l ruheb.

Oseas 3:5

Abanan ta̱cuulak xkꞌehil nak eb laj Israel teꞌsukꞌi̱k cuiꞌchic riqꞌuin li Ka̱cuaꞌ lix Dioseb ut teꞌxsicꞌ junak reheb li ralal xcꞌajol laj David chokꞌ xreyeb. Ut saꞌ rosoꞌjiqueb li cutan, teꞌxxucua ru li Ka̱cuaꞌ ut teꞌxcꞌu̱luban cuiꞌchic li usilal li tixba̱nu reheb.

Isaías 51:12

Li Ka̱cuaꞌ quixye: —La̱in li Ka̱cuaꞌ ninqꞌuehoc xcacuilal a̱chꞌo̱l. ¿Cꞌaꞌut nak nacaxucua ruheb li cui̱nk li nequeꞌcam? Eb aꞌan teꞌosokꞌ joꞌ li pim.

Miqueas 2:12

Chi ya̱l la̱in texinxoc cuiꞌchic la̱ex aj Israel ut tinchꞌutub cuiꞌchic e̱ru li joꞌ qꞌuialex chic li xexcoleꞌ. Chanchanakex li carner li cuanqueb aran Bosra nak texinqꞌue cuiꞌchic saꞌ li naꞌajej li quinqꞌue e̱re junxil. Ut texqꞌuia̱nk toj retal ta̱nujak cuiꞌchic li naꞌajej, chan li Ka̱cuaꞌ.

Miqueas 3:1

Ut quixye laj Miqueas: —Abihomak anakcuan la̱ex li nequexcꞌamoc be saꞌ xya̱nkeb li ralal xcꞌajol laj Jacob. Abihomak la̱ex li cuan e̱cuanquil saꞌ xya̱nkeb li ralal xcꞌajol laj Israel. ¿Ma incꞌaꞌ ta biꞌ tento ajcuiꞌ saꞌ e̱be̱n la̱ex xtaubal ru li ti̱quilal?

Éxodo 14:19

Ut lix ángel li Dios li yo̱ chi cꞌamoc be chiruheb laj Israel quixjal xnaꞌaj. Quicana chi ixbej. Joꞌcan ajcuiꞌ li chok co̱ chi ixbej.

Josué 3:6

Ut laj Josué quixye ajcuiꞌ reheb laj tij: —Pakomak li Lokꞌlaj Ca̱x ut numenkex chiruheb li tenamit, chan. Ut eb aꞌan queꞌxpako li Lokꞌlaj Ca̱x ut queꞌnumeꞌ chiruheb li tenamit.

Oseas 2:2

Ex cualal incꞌajol, chekꞌusak le̱ naꞌ. Yehomak re xcanabak xba̱nunquil li yibru naꞌleb xban nak aꞌan ma̱cuaꞌ chic cuixakil ut la̱in ma̱cuaꞌin chic xbe̱lom. Xcanabak xcꞌayinquil rib ut xcanabak xmuxbal ru lix sumlajic.

Miqueas 4:7

Rahobtesinbileb anakcuan ut najt cuanqueb. Abanan ta̱cuulak xkꞌehil nak tinqꞌueheb cuiꞌchic chi qꞌuia̱nc ut teꞌcua̱nk cuiꞌchic xcuanquil li incꞌaꞌ queꞌsacheꞌ. Ut la̱in li Ka̱cuaꞌ tintakla̱nk saꞌ xbe̱neb saꞌ li tzu̱l Sión chalen anakcuan ut chi junelic, chan li Ka̱cuaꞌ.