Miqueas 2:10 - Li Santil hu

¹⁰ Cuaclinkex ut ayukex xban nak li naꞌajej aꞌin incꞌaꞌ chic ta̱usa̱k. Xban li ma̱usilal nequeba̱nu, li naꞌajej aꞌin ta̱sachekꞌ.

Q'eqchi Bible

¹⁰ Xaqlinqex ut ayuqex! Li na'ajej a'in maawa' re hilank: xb'aan li maa'usilal x'uxmank arin, taasachmanq chi junajwa.

Miqueas 2:10 ပူးပေါင်းရင်းမြစ်များ

Deuteronomio 12:9

Toj ma̱jiꞌ nequexcuulac saꞌ li naꞌajej li tixqꞌue e̱re li Ka̱cuaꞌ li texcua̱nk cuiꞌ saꞌ tuktu̱quil usilal.

Salmos 106:38

Ma̱cꞌaꞌeb xma̱c li ralal xcꞌajoleb, abanan queꞌxcamsi ut queꞌxmayeja lix quiqꞌuel chiruheb lix dioseb laj Canaán. Ut queꞌxmux ru li chꞌochꞌ riqꞌuin lix quiqꞌueleb.

Jeremías 10:18

Li Ka̱cuaꞌ ta̱isi̱nk e̱re saꞌ li naꞌajej aꞌin. Tixtakla li raylal saꞌ e̱be̱n nak textakla saꞌ jalan tenamit. Texrahobtesi re nak te̱recꞌa li raylal.

Jeremías 9:19

Toj aran Sión na-abi̱c li ya̱bac xban nak xo-osoꞌ. Numtajenak li kaxuta̱n xban nak tento nak takacanab li kanaꞌaj. Ut eb li kochoch juqꞌuinbil chic, chanqueb.

Salmos 95:11

La̱in quinjoskꞌoꞌ riqꞌuineb ut quinye reheb nak incꞌaꞌ ta̱ru̱k teꞌoc saꞌ li naꞌajej li quinqꞌue raj reheb re teꞌhila̱nk, chan li Dios.

2 Crónicas 7:20

la̱in texcuisi saꞌ li chꞌochꞌ li xinqꞌue e̱re. Ut tintzꞌekta̱na li templo aꞌin li xinsantobresi chokꞌ re inlokꞌoninquil ut tinqꞌue chi hobecꞌ ut chi seꞌe̱c xbaneb chixjunileb li tenamit.

2 Reyes 17:6

Yo̱ chic xbele chihab roquic laj Oseas chokꞌ xreyeb laj Israel nak lix reyeb laj Asiria quire̱chani li tenamit Samaria ut quixcꞌameb chi pre̱xil laj Israel aran Asiria. Cuan li quixcanabeb saꞌ li naꞌajej Halah. Cuan li quixcanabeb saꞌ li naꞌajej Habor li cuan nachꞌ riqꞌuin li nimaꞌ Gozán. Ut cuan ajcuiꞌ li quixcanabeb saꞌ eb li tenamit li cuanqueb saꞌ xcue̱nt li tenamit Medo.

2 Reyes 15:29

Saꞌ eb li cutan nak laj Peka cuan chokꞌ rey aran Israel, laj Tiglat-pileser lix reyeb laj Asiria quichal chi pletic riqꞌuineb laj Israel. Quinumta saꞌ xbe̱neb li tenamit Ijón, Abel-bet-maaca, Janoa, Cedes, Hazor, Galaad, Galilea ut chixjunil lix naꞌajeb li ralal xcꞌajol laj Neftalí. Quixchapeb li cristian ut quixcꞌameb chi pre̱xil aran Asiria.

1 Reyes 9:7

cui te̱ba̱nu chi joꞌcan la̱in texcuisi che̱junilex la̱ex aj Israel saꞌ li chꞌochꞌ li xinqꞌue e̱re. Ut li templo aꞌin li xinsantobresi chokꞌ re inlokꞌoninquil tinsach ru. Ut le̱ tenamit Israel ta̱hobekꞌ ut ta̱seꞌe̱k xbaneb li jalan tenamiteb.

Deuteronomio 30:18

relic chi ya̱l ninye e̱re nak texca̱mk. Ut incꞌaꞌ chic najt texcua̱nk saꞌ li cha̱bil naꞌajej li cuan jun pacꞌal li nimaꞌ Jordán li oc e̱re chire̱chaninquil anakcuan.

Deuteronomio 4:26

Cutan saken chiru li choxa ut li ruchichꞌochꞌ nak ya̱l li yo̱quin chixyebal e̱re. Cui la̱ex te̱yi̱b le̱ pechꞌbil dios, saꞌ junpa̱t ta̱sachekꞌ e̱ru. Incꞌaꞌ najt texcua̱nk saꞌ li chꞌochꞌ li oc e̱re chire̱chaninquil nak texnumekꞌ jun pacꞌal li nimaꞌ Jordán.

Jeremías 3:2

Ilomakeb li tzu̱l. ¿Ma cuan ta biꞌ junak naꞌajej li incꞌaꞌ xelokꞌoniheb cuiꞌ li jalanil dios? Xecꞌojob e̱rib chire li be roybeninquileb li te̱lokꞌoniheb. Chanchanex laj árabe li naroybeni ani tixchap saꞌ li chaki chꞌochꞌ. La̱ex xemux ru li naꞌajej xban nak xelokꞌoniheb li jalanil dios.

Ezequiel 36:17

—At ralal cui̱nk, nak eb laj Israel cuanqueb saꞌ lix chꞌochꞌeb queꞌxmux ru li naꞌajej xban li ma̱usilal queꞌxba̱nu. Chanchaneb jun li ixk nak yo̱ chixcꞌulbal lix yajel re li po.

Ezequiel 36:19

La̱in quinjeqꞌuiheb ru saꞌ eb li xni̱nkal ru tenamit. Quinrakoc a̱tin saꞌ xbe̱neb aꞌ yal chanru lix yehom xba̱nuhomeb.