Miqueas 2:1 - Li Santil hu

¹ Raylal ta̱cha̱lk saꞌ xbe̱neb li nequeꞌxcꞌoxla saꞌ lix cuariba̱l chanru teꞌxba̱nu li ma̱usilal. Nequeꞌxcꞌu̱b ru li xi̱qꞌuilal ut nak nasake̱u, nequeꞌxba̱nu li cꞌaꞌru nequeꞌxcꞌoxla xba̱nunquil xban nak cuanqueb xcuanquil.

Q'eqchi Bible

¹ Ra chaalel sa' xb'eeneb' li ink'a' neke'b'aanunk li tiikilal! Naq yokyookeb' sa' li xwarib'aaleb', neke'xk'uub' li maa'usilal; ut naq nawulak xkutankil, neke'xb'aanu li xk'uub'ahomeb' xb'aan naq wank li xwankileb'.

Miqueas 2:1 ပူးပေါင်းရင်းမြစ်များ

Salmos 36:4

Nak yo̱queb chi hila̱nc yo̱queb ajcuiꞌ xcꞌoxlanquil cꞌaꞌru chi ma̱usilalil teꞌxba̱nu. Ma̱cꞌaꞌ usilal riqꞌuineb. Ti̱c incꞌaꞌ nequeꞌxcanab xba̱nunquil li ma̱usilal.

Isaías 32:7

Li ani incꞌaꞌ us xnaꞌleb naxba̱nu li ma̱usilal. Naxcꞌu̱b ru chanru nak tixba̱nu raylal reheb li nebaꞌ riqꞌuin balakꞌ ut naxsicꞌ xya̱lal chanru nak incꞌaꞌ ta̱rakekꞌ a̱tin saꞌ xya̱lal saꞌ xbe̱neb li tenkꞌa̱c nequeꞌraj.

Nahum 1:11

Saꞌ e̱ya̱nk la̱ex cuan li quicꞌoxlan re xba̱nunquil li incꞌaꞌ us re li Ka̱cuaꞌ. Aꞌan jun aj tacchiꞌ yibru xnaꞌleb.

Romanos 1:30

Junes yoꞌoba̱nc a̱tin nequeꞌxba̱nu chirixeb li ras ri̱tzꞌin. Xicꞌ nequeꞌril li Dios. Nequeꞌhoboc. Nequeꞌxnimobresi rib ut kꞌetkꞌeteb. Aj kꞌabaneleb ut aj kꞌetoleb ra̱tin xnaꞌ xyucuaꞌ.

Jeremías 18:18

Ut eb li tenamit queꞌxye: —Takacꞌu̱b ru cꞌaꞌru takaba̱nu riqꞌuin laj Jeremías. Moco palta tixba̱nu chiku. Eb laj tij junelic teꞌxcꞌut chiku li cꞌaꞌru naxye li chakꞌrab. Eb li cuanqueb xnaꞌleb junelic teꞌxqꞌue kanaꞌleb ut eb li profeta junelic teꞌxye ke li ra̱tin li Dios. Takajit laj Jeremías ut incꞌaꞌ takabi li cꞌaꞌru tixye, chanqueb.

Isaías 59:3

Xetzꞌajni le̱ rukꞌ riqꞌuin xcamsinquil le̱ ras e̱ri̱tzꞌin ut xemux e̱rib xban li ma̱usilal xeba̱nu. Junes ticꞌtiꞌic nequeba̱nu ut junes yibru aj a̱tin nequeye.

Proverbios 4:16

Eb aꞌan incꞌaꞌ saheb xchꞌo̱l cui incꞌaꞌ nequeꞌxba̱nu li ma̱usilal. Ut incꞌaꞌ nequeꞌcuar chixcꞌoxlanquil li incꞌaꞌ us.

Proverbios 3:27

Me̱kꞌetkꞌeti e̱rib chixba̱nunquil usilal reheb li tenkꞌa̱c teꞌraj, cui cuan che̱ru li cꞌaꞌru te̱tenkꞌa cuiꞌ.

Génesis 31:29

La̱in naru raj tinba̱nu raylal e̱re. Abanan chi kꞌek quia̱tinac cuiqꞌuin li Ka̱cuaꞌ Dios, li naxlokꞌoni la̱ yucuaꞌ. Aꞌan xye cue nak incꞌaꞌ tina̱tinak saꞌ joskꞌil a̱cuiqꞌuin.

Hechos 23:12

Cuulajak chic cuanqueb laj judío queꞌxchꞌutub ribeb ut queꞌxcꞌu̱b ru cꞌaꞌru teꞌxba̱nu. Queꞌxye riqꞌuin juramento nak incꞌaꞌ teꞌcuaꞌak chi moco teꞌucꞌak cui incꞌaꞌ teꞌxcamsi laj Pablo.

San Juan 19:11

Li Jesús quixye re: —Ma̱cꞌaꞌ raj a̱cuanquil saꞌ inbe̱n cui ta incꞌaꞌ qꞌuebil a̱cue xban li Dios. Ut li jun li xkꞌaxtesin cue saꞌ a̱cuukꞌ re nak tatrakok a̱tin saꞌ inbe̱n, aꞌan kꞌaxal cuiꞌchic nim xma̱c cha̱cuu la̱at, chan.

Deuteronomio 28:32

Eb le̱ ralal e̱cꞌajol teꞌcꞌamekꞌ chokꞌ rahobtesinbil mo̱seb saꞌ jalan tenamit. Cuulaj cuulaj te̱siqꞌuiheb le̱ ralal e̱cꞌajol, abanan incꞌaꞌ chic te̱tauheb.

Hechos 23:15

Joꞌcan nak la̱ex rochbeneb li nequeꞌtaklan saꞌ xbe̱neb laj judío yehomak re li coronel nak tixtakla chak arin laj Pablo cuulaj. Ye re nak te̱raj te̱nau tzꞌakal xya̱lal chirix. La̱o ac xkacauresi kib re nak takacamsi nak toj ma̱jiꞌ nacꞌulun arin, chanqueb.

Proverbios 12:2

Li ani cha̱bil xnaꞌleb na-uxta̱na̱c ru xban li Dios. Ut li ani se̱b xchꞌo̱l chixba̱nunquil li incꞌaꞌ us ta̱qꞌuehekꞌ chixtojbal xma̱c xban li Dios.

San Lucas 20:19

Eb laj tzꞌi̱b ut eb li xbe̱nil aj tij queꞌxtau ru nak reheb aꞌan quixye li jaljo̱quil ru a̱tin aꞌin ut queꞌraj raj xchapbal saꞌ li ho̱nal aꞌan. Abanan incꞌaꞌ queꞌru xban nak queꞌxucuac chiruheb li tenamit.

San Marcos 15:1

Nak quisake̱u eb lix be̱nil aj tij queꞌxchꞌutub cuiꞌchic rib riqꞌuineb laj cꞌamol be saꞌ rochoch li Dios, ut riqꞌuineb laj tzꞌi̱b ut riqꞌuin chixjunileb laj qꞌuehol naꞌleb ut queꞌxcꞌu̱b chanru teꞌxba̱nu. Ut queꞌxcꞌam li Jesús chi bacꞌbo ut queꞌxkꞌaxtesi saꞌ rukꞌ laj Pilato.

Ezequiel 11:2

Li Ka̱cuaꞌ quixye cue: —At ralal cui̱nk, aꞌaneb aꞌin li cui̱nk li yo̱queb chixcꞌu̱banquil ru li ma̱usilal ut yo̱queb chixtacchiꞌinquileb li tenamit aꞌin.

Ester 9:25

Abanan lix Ester quia̱tinac riqꞌuin li rey. Ut li rey quixqꞌue li chakꞌrab nak chixjunil li raylal li quixcꞌoxla xba̱nunquil reheb laj judío ta̱tꞌanekꞌ saꞌ xbe̱n laj Amán. Ut quixtakla xyatzꞌbal laj Amán joꞌ ajcuiꞌ li laje̱b chi ralal.

Ester 5:14

Ut lix Zeres li rixakil joꞌqueb ajcuiꞌ li rami̱g queꞌxye re: —Takla xyi̱banquil junak li naꞌajej cuib xcaꞌcꞌa̱l (22) metro xteram ut ta̱yi̱b li cꞌa̱m re xyatzꞌbal laj Mardoqueo. Ut ekꞌela cuulaj ta̱tzꞌa̱ma chiru li rey nak tixtakla xyatzꞌbal laj Mardoqueo re nak naru tatxic saꞌ li ninkꞌe a̱cuochben li rey chi ma̱cꞌaꞌ a̱cꞌaꞌux, chanqueb. Ut quisahoꞌ xchꞌo̱l laj Amán riqꞌuin li naꞌleb aꞌan ut quixtakla xyi̱banquil li naꞌajej re xyatzꞌbal laj Mardoqueo.

Ester 3:8

Laj Amán quixye re li rey Asuero: —Saꞌ xya̱nkeb li tenamit li cuanqueb rubel la̱ takl, cuan jun te̱p li tenamit xjuneseb nequeꞌxcꞌam ribeb. Incꞌaꞌ nequeꞌxjunaji rib riqꞌuineb li jun chꞌol chic. Jalan lix chakꞌrabeb ut incꞌaꞌ nequeꞌxba̱nu li cꞌaꞌru nacaye la̱at. Ma̱cꞌaꞌ aj e nak cuanqueb saꞌ eb li naꞌajej li cuanqueb rubel la̱ cuanquil.

Li xHu LAJ JOB 24:14

Eb li incꞌaꞌ useb xnaꞌleb aj camsineleb. Nak toj ma̱jiꞌ nasake̱u, nequeꞌxic chixcamsinquileb li nebaꞌ. Ut nak na-oc li kꞌojyi̱n, nequeꞌoc chi elkꞌac.

Proverbios 14:22

Li ani junes li ma̱usilal naxcꞌoxla xba̱nunquil naxsach rib xjunes. Abanan eb li nequeꞌxba̱nu li us, teꞌrahekꞌ ut teꞌuxta̱na̱k ruheb.

Isaías 29:20

Eb li nequeꞌrahobtesin teꞌsachekꞌ ruheb. Ut eb li nequeꞌhoboc teꞌosokꞌ. Chixjunileb li nequeꞌxba̱nu ma̱usilal telajeꞌosokꞌ.

Ezequiel 33:26

Cau e̱chꞌo̱l saꞌ xbe̱n le̱ chꞌi̱chꞌ ut nequeba̱nu li ma̱usilal. Nequemux ru li rixakil le̱ ras e̱ri̱tzꞌin. Cui toj yo̱quex chixba̱nunquil li ma̱usilal, ¿chanru nak te̱re̱chani li naꞌajej aꞌin?

Ezequiel 38:10

Joꞌcaꞌin xye li nimajcual Dios a̱cue, at Gog: nak ta̱cuulak xkꞌehil nak tatxic chi pletic, ta̱cꞌoxla ut ta̱cꞌu̱b ru cꞌaꞌru li incꞌaꞌ us ta̱ba̱nu.

Ezequiel 46:18

Nak li rey tixqꞌue xchꞌochꞌ li ralal xcꞌajol, tento nak tixqꞌue li re aꞌan re nak lin tenamit incꞌaꞌ teꞌisi̱k saꞌ lix naꞌajeb. Incꞌaꞌ naru tixmakꞌ lix chꞌochꞌ lin tenamit, chan li Dios.

Miqueas 6:12

Eb li biom nequeꞌxrahobtesiheb li nebaꞌ nak nequeꞌxmakꞌ chiruheb li cꞌaꞌru cuan reheb. Ut li cuanqueb saꞌ li tenamit aj balakꞌeb ut aj ticꞌtiꞌeb.

Zacarías 7:10

Me̱rahobtesiheb li xma̱lcaꞌan chi moco li ma̱cꞌaꞌ xnaꞌ xyucuaꞌ. Me̱ba̱nu raylal re li jalaneb xtenamit chi moco reheb li nebaꞌ. Chi moco te̱cꞌoxla xba̱nunquil raylal reheb le̱ ras e̱ri̱tzꞌin, chan li Dios.

1 Reyes 21:7

Ut lix Jezabel li rixakil quixye re: —La̱at li rey. La̱at nacattaklan arin Israel. Cuaclin ut cuaꞌin. Cꞌojob a̱chꞌo̱l. La̱in tinsicꞌ xya̱lal chanru tinba̱nu re nak aꞌan tixqꞌue a̱cue lix naꞌaj li racui̱mk, chan.

Li xHu LAJ JOB 15:35

Eb aꞌan junes ma̱usilal nequeꞌxcꞌoxla. Ut moco caꞌaj cuiꞌ ta nequeꞌxcꞌoxla. Nequeꞌxba̱nu ajcuiꞌ li cꞌaꞌru nequeꞌxcꞌoxla. Junes balakꞌi̱nc nequeꞌxba̱nu, chan laj Elifaz.

Salmos 36:5

Abanan la̱at, at Ka̱cuaꞌ, kꞌaxal nim la̱ rahom. Incꞌaꞌ naru xbisbal. Kꞌaxal nim la̱ cuuxta̱n saꞌ xbe̱neb la̱ cualal a̱cꞌajol.

Salmos 58:3

Li incꞌaꞌ useb xnaꞌleb ac reheb ajcuiꞌ chak saꞌ xyoꞌlajiqueb. Ac aj ticꞌtiꞌeb chak chalen nak nequeꞌyoꞌla.

Isaías 3:14

Ta̱rakok a̱tin saꞌ xbe̱neb li nequeꞌcꞌamoc be ut saꞌ xbe̱neb li nequeꞌtaklan saꞌ xbe̱neb li tenamit. Ut tixye reheb: —La̱ex xexsachoc re lin tenamit ut yo̱quex chixcꞌambal li cꞌaꞌru reheb li nebaꞌ saꞌ le̱ rochoch.

Isaías 5:8

Raylal cha̱lel saꞌ e̱be̱n la̱ex li junes xsicꞌbal xtzꞌakob le̱ rochoch nequeba̱nu. Raylal cha̱lel saꞌ e̱be̱n xban nak junes xsicꞌbal xtzꞌakob le̱ chꞌochꞌ nequeba̱nu toj retal nequechap chixjunil chokꞌ e̱re. ¿Ma caꞌaj cuiꞌ ta biꞌ la̱ex texcua̱nk saꞌ ruchichꞌochꞌ?