Miqueas 1:8 - Li Santil hu

⁸ Ut quixye cuiꞌchic laj Miqueas: —Cꞌajoꞌ narahoꞌ inchꞌo̱l xban li ma̱usilal yo̱queb chixba̱nunquil laj Israel. Tinjap cue xban xrahil inchꞌo̱l ut tinya̱bak. Re xcꞌutbal chiruheb li tenamit nak kꞌaxal ra saꞌ inchꞌo̱l tincuisi lin xa̱b ut tincuisi li cuakꞌ. Chanchan nak nacuuꞌteꞌec laj xoj ut chanchan nak naya̱bac li cuarom nak tinya̱bak chi cau.

Q'eqchi Bible

⁸ Xb'aan a'an tinyaab'aq chi q'axal ra sa' inch'ool; tinb'eeq chi maak'a' inxaab' ut chi t'ust'u, tintz'uyinq jo' nawo'te'ek laj xojb' ut tinyaab'aq jo' ral li warom.

Miqueas 1:8 ပူးပေါင်းရင်းမြစ်များ

Isaías 22:4

Joꞌcan nak la̱in ninye: —Canabomakin injunes. Oc cue chi ya̱bac xban xrahil inchꞌo̱l. Ut ma̱ ani tixbay rib chixcꞌojobanquil inchꞌo̱l xban nak lin tenamit teꞌsachekꞌ ru.—

Jeremías 9:19

Toj aran Sión na-abi̱c li ya̱bac xban nak xo-osoꞌ. Numtajenak li kaxuta̱n xban nak tento nak takacanab li kanaꞌaj. Ut eb li kochoch juqꞌuinbil chic, chanqueb.

Jeremías 9:10

Laj Jeremías quixye: —La̱in tinya̱bak chirix li cꞌaꞌru quixcꞌul li tzu̱l ut li pachꞌayaꞌ. Xeꞌcana chi ma̱cꞌaꞌ chic cuan chiru ut ma̱ ani chic nanumeꞌ aran. Incꞌaꞌ chic nequeꞌabi̱c chi ya̱bac li cuacax. Queꞌe̱lelic li xul li nequeꞌrupupic chiru choxa. Ut queꞌe̱lelic ajcuiꞌ chixjunileb li joskꞌ aj xul, chan.

Jeremías 9:1

Us raj cui lin jolom joꞌ jun li yuꞌam haꞌ ut li xnakꞌ cuu joꞌ li haꞌ li nabe̱c rok. Tinya̱bak raj chi kꞌek chi cutan chirixeb li cuech tenamitil li queꞌcamsi̱c.

Jeremías 4:19

Kꞌaxal ra cuanquin. Incꞌaꞌ chic nincuy. Cau na-ecꞌan li cua̱m. Chanchan e̱lc re saꞌ xnaꞌaj. Incꞌaꞌ naru tincana̱k chi incꞌaꞌ tina̱tinak xban nak yo̱quin chirabinquil xya̱b li trompetas retalil nak ticla̱c re li ple̱t.

Isaías 21:3

Cꞌajoꞌ lin xiu ut ra cuanquin xban li cꞌaꞌru quicuil saꞌ li visión. Chanchan li raylal li naxcꞌul li ixk li oc re chi qꞌuira̱c. Nayotꞌeꞌ inchꞌo̱l xban li cꞌaꞌru quicuabi ut sachso innaꞌleb xban li cꞌaꞌru quicuil.

Isaías 16:9

Joꞌcan nak ninya̱bac joꞌ nequeꞌya̱bac eb laj Jazer xban nak queꞌsacheꞌ li racui̱mk uvas. Ninya̱bac chi kꞌaxal ra saꞌ inchꞌo̱l chirixeb laj Hesbón ut eb laj Eleale. Incꞌaꞌ chic teꞌxjap reheb xban xsahil xchꞌo̱leb nak teꞌxsicꞌ ru li racui̱mkeb. Aꞌ chic li japoc e ta̱abi̱k nak yo̱k li ple̱t.

Isaías 13:21

Aran teꞌcua̱nk li xul li nequeꞌcuan saꞌ li chaki chꞌochꞌ. Eb li cuarom teꞌcua̱nk saꞌ eb li ochoch ut teꞌcua̱nk ajcuiꞌ aran li ni̱nki xul avestruz xcꞌabaꞌ. Ut eb li chiba̱t re qꞌuicheꞌ teꞌpiscꞌok aran.

Salmos 102:6

Chanchanin li xul li narupupic saꞌ li chaki chꞌochꞌ bar ma̱cꞌaꞌ cuan. Chanchanin jun li cuarom saꞌ li juqꞌuinbil cab.

Li xHu LAJ JOB 30:29

Chanchanin chic laj xoj. Ut chanchanin chic li nimla xul avestruz.

1 Samuel 19:24

Ut laj Saúl quirisi lix tꞌicr li cuan saꞌ xbe̱n li rakꞌ joꞌ ajcuiꞌ lix chꞌi̱chꞌ re pletic. Ut qui-oc chi xajoc ut chixjapbal re chiru laj Samuel. Ut joꞌcan quixnumsi li cutan ut li kꞌojyi̱n. Chalen aꞌan quiticla xyebal: “¿Ma xcomoneb li profeta laj Saúl?” chanqueb.

Isaías 13:22

Eb li chꞌo hix ut laj xoj teꞌxjap reheb saꞌ eb li palacio ut saꞌ eb li cab li najt xteram li nequeꞌxcol cuiꞌ ribeb li tenamit. Cuulac re xkꞌehil nak ta̱sachekꞌ ru li tenamit Babilonia.—

Isaías 32:11

Chi-oc caꞌchꞌinak e̱xiu, ex ixk, li ma̱cꞌaꞌ nequecꞌoxla. Ut sicsotkex. Isihomak li cha̱bil tꞌicr che̱rix ut qꞌuehomak li kꞌes ru tꞌicr che̱rix retalil nak ra e̱chꞌo̱l.

Ezequiel 32:18

—At ralal cui̱nk, chirahokꞌ a̱chꞌo̱l xban xqꞌuialeb laj Egipto. Taklaheb saꞌ xnaꞌajeb li camenak rochbeneb li ixk li cuanqueb saꞌ eb li xni̱nkal ru tenamit.

Miqueas 2:4

Ut saꞌ eb li cutan aꞌan, eb li xicꞌ nequeꞌiloc e̱re texhob ut texretzꞌu ut teꞌxbicha li bich li nequebicha la̱ex yal re e̱hobbal: La̱o xo-osoꞌ. Xkasach chixjunil. Li Ka̱cuaꞌ quixmakꞌ chiku li kachꞌochꞌ ut quixjeqꞌui reheb li queꞌchapoc ke, chaꞌkeb e̱re.

2 Reyes 18:13

Yo̱ ca̱laju chihab roquic chokꞌ xreyeb laj Judá laj Ezequías nak laj Senaquerib lix reyeb laj Asiria qui-oc chi pletic riqꞌuineb laj Judá saꞌ eb li tenamit li cuanqueb cuiꞌ li cab li nequeꞌxcol cuiꞌ ribeb. Laj Senaquerib quire̱chaniheb li tenamit aꞌan saꞌ li ple̱t.

Ester 4:1

Nak quirabi li cꞌaꞌru quicꞌulman, laj Mardoqueo quixpej li rakꞌ xban xrahil xchꞌo̱l ut quixqꞌue li kꞌes ru tꞌicr chirix ut quixqꞌue li cha chirix. Ut co̱ saꞌ li tenamit. Japjo re chi ya̱bac xban xrahil xchꞌo̱l.