Miqueas 1:13 - Li Santil hu

¹³ La̱ex li cuanquex Laquis, qꞌuehomak le̱ cacua̱y li nequeꞌa̱linac chi cau chixquelonquil li carruaje. Te̱yal e̱lelic re te̱col e̱rib chiru li raylal cha̱lc re saꞌ e̱be̱n xban nak la̱ex quexcꞌamoc xbeheb laj Jerusalén chintzꞌekta̱nanquil ut chixlokꞌoninquil jalanil dios joꞌ queꞌxba̱nu laj Israel.

Q'eqchi Bible

¹³ B'ak'omaq leekawaay chiruheb' li b'eleb'aal ch'iich', ex aj Lakix. Aran xtiklaak li xmaakeb' laj Sión, aran xe'ok chi maakob'k eb' laj Israel.

Miqueas 1:13 ပူးပေါင်းရင်းမြစ်များ

2 Reyes 18:17

Lix reyeb laj Asiria quixtaklaheb oxibeb li cui̱nk ni̱nkeb xcuanquil aran Jerusalén chi pletic riqꞌuin laj Ezequías. Aꞌaneb aꞌin: laj Tartán, laj Rabsaris ut laj Rabsaces. Ut quixtaklaheb ajcuiꞌ jun chꞌu̱tal li soldado chirixeb. Nak queꞌcuulac Jerusalén, queꞌcana saꞌ li be li nequeꞌcꞌanjelac cuiꞌ eb laj puchꞌunel. Li naꞌajej aꞌan cuan chire li rok haꞌ li nanumeꞌ cuiꞌ li haꞌ li nachal saꞌ li pila li cuan toj takecꞌ.

2 Crónicas 32:9

Nak laj Senaquerib lix reyeb laj Asiria yo̱ chi pletic riqꞌuineb li tenamit Laquis, quixtaklaheb lix takl Jerusalén chi a̱tinac riqꞌuin laj Ezequías lix reyeb laj Judá, ut riqꞌuineb ajcuiꞌ chixjunileb li cuanqueb Jerusalén.

Josué 10:3

Joꞌcan nak laj Adonisedec lix rey eb laj Jerusalén quixtakla xbokbaleb laj Hoham li rey re li tenamit Hebrón, ut laj Piream li rey re li tenamit Jarmut, ut laj Jafía li rey re li tenamit Laquis joꞌ ajcuiꞌ laj Debir li rey re li tenamit Eglón.

Apocalipsis 2:20

Abanan incꞌaꞌ nacuulac chicuu nak nequecꞌam e̱rib saꞌ usilal riqꞌuin li ixk li yibru xnaꞌleb li chanchan lix naꞌleb lix Jezabel. Li ixk aꞌan naxqꞌue rib chokꞌ xprofeta li Dios, abanan moco ya̱l ta. Yo̱ ban chixbalakꞌinquileb laj cꞌanjel chicuu. Riqꞌuin li naxba̱nu yo̱ chixcꞌambaleb xbe chi yumbe̱tac ut chi coꞌbe̱tac. Ut yo̱ ajcuiꞌ chixcꞌambaleb xbe chixtzacanquil li tzacae̱mk mayejanbil chiru li jalanil Dios.

Apocalipsis 2:14

Abanan cuan cꞌaꞌak re ru yo̱quex chixba̱nunquil incꞌaꞌ us xban nak cuanqueb saꞌ e̱ya̱nk li toj yo̱queb chixqꞌuebal xcuanquil lix tijleb laj Balaam li quicꞌutuc chiru laj Balac chanru nak tixqꞌueheb chi ma̱cobc laj Israel. Quixye reheb nak ta̱ru̱k teꞌxtzaca li tzacae̱mk li mayejanbil chiru li jalanil dios. Ut quixtacchiꞌiheb re nak teꞌyumbe̱tak ut teꞌcoꞌbe̱tak.

Miqueas 1:5

Chixjunil aꞌin ta̱cꞌulma̱nk xban li ma̱c li yo̱queb chixba̱nunquil laj Israel, li ralal xcꞌajol laj Jacob, ut xban nak queꞌxkꞌetkꞌeti ribeb chiru li Dios. ¿Ani cuan re nak queꞌxkꞌetkꞌeti ribeb laj Israel? ¿Ma ma̱cuaꞌ ta biꞌ li tenamit Samaria? Ut, ¿ani cuan re nak queꞌxlokꞌoni li yi̱banbil dios aran Judá? ¿Ma ma̱cuaꞌ ta biꞌ li tenamit Jerusalén?

Ezequiel 23:11

Usta lix Aholiba li ri̱tzꞌin quiril chixjunil li quixcꞌul lix Ahola, abanan kꞌaxal cuiꞌchic yibru quixba̱nu chiru li quixba̱nu lix Ahola. Kꞌaxal cuiꞌchic numtajenak li ma̱usilal li quixba̱nu.

Jeremías 4:29

Chixjunileb li cuanqueb saꞌ eb li tenamit teꞌe̱lelik nak teꞌrabi xya̱b rokeb li cacua̱y ut eb li soldado li nequeꞌcutuc riqꞌuin tzimaj. Cuanqueb li teꞌxic saꞌ qꞌuicheꞌ ut cuanqueb li teꞌtakekꞌ saꞌ xya̱nkeb li pec. Ma̱cꞌaꞌak chic cristian saꞌ eb li tenamit. Ma̱ ani teꞌcana̱k aran.

Jeremías 3:8

Laj Judá queꞌxqꞌue retal nak la̱in quintzꞌekta̱naheb laj Israel. Chanchan nak naxjach rib riqꞌuin li rixakil junak cui̱nk xban nak xtau xma̱c chiru. Abanan incꞌaꞌ queꞌoc xxiuheb laj Judá, usta queꞌril li cꞌaꞌru queꞌxcꞌul laj Israel. Queꞌxkꞌaxtesi ban ribeb chixlokꞌoninquil li jalanil dios.

Isaías 37:8

Nak quisukꞌi Laquis, laj Rabsaces quirabi resil nak li rey ma̱ ani. Co̱ ut quixtau li rey nak yo̱ chi pletic riqꞌuineb laj Libna.

Isaías 10:31

Eb li cuanqueb aran Madmena queꞌe̱lelic ut eb li cuanqueb Geba queꞌxmuk ribeb.

2 Crónicas 11:9

Adoraim, Laquis, Azeca,

2 Reyes 8:18

Li rixakil, aꞌan lix rabin laj Acab. Laj Joram quixba̱nu li ma̱usilal joꞌ queꞌxba̱nu chixjunileb lix reyeb laj Israel. Quixba̱nu li incꞌaꞌ us chiru li Ka̱cuaꞌ.

1 Reyes 16:31

Incꞌaꞌ quicꞌoxlac chixba̱nunquil li ma̱c li quixba̱nu laj Jeroboam li ralal laj Nabat. Ut kꞌaxal cuiꞌchic yibru quixba̱nu nak quixcꞌam chok rixakil lix Jezabel lix rabin laj Et-baal lix reyeb laj Sidón. Ut laj Acab quixlokꞌoni li jalanil dios Baal.

1 Reyes 14:16

Li Ka̱cuaꞌ tixkꞌaxtesiheb laj Israel saꞌ rukꞌeb li jalaneb xtenamiteb xban nak quima̱cob laj Jeroboam ut xban ajcuiꞌ nak laj Jeroboam, aꞌan li quicꞌamoc be chiruheb laj Israel re nak teꞌma̱cobk ajcuiꞌ eb aꞌan, chan li profeta Ahías.

Josué 15:39

Laquis, Boscat, Eglón,

Éxodo 32:21

Ut laj Moisés quixye re laj Aarón: —¿Cꞌaꞌru xeꞌxba̱nu a̱cue nak xaqꞌueheb chi ma̱cobc li tenamit aꞌin?—

Génesis 19:17

Nak ac xeꞌel saꞌ li tenamit li cui̱nk quixye reheb: —A̱linankex re nak texcolekꞌ. Mex-iloc che̱rix chi moco te̱xakab e̱rib saꞌ li ru takꞌa. Ti̱c texxic toj saꞌ li tzu̱l re nak incꞌaꞌ tex-osokꞌ, chan reheb.

1 Reyes 4:28

Ut queꞌxcꞌam ajcuiꞌ li cebada ut li qꞌuim li ta̱cꞌanjelak reheb li cacua̱y ut eb li xul li nequeꞌi̱kan. Ac chꞌolchꞌo cꞌaꞌru chi pohil teꞌcha̱lk li junju̱nk chixchꞌolaninquileb.

2 Reyes 14:19

Eb li tenamit queꞌxcꞌu̱b ru chanru nak teꞌxcamsi laj Amasías aran Jerusalén. Laj Amasías quie̱lelic chiruheb. Abanan queꞌxta̱ke toj saꞌ li tenamit Laquis ut aran queꞌxcamsi.

Isaías 36:2

Tojoꞌnak lix reyeb laj Asiria quixtakla laj Rabsaces, li nim xcuanquil, chi a̱tinac riqꞌuin li rey Ezequías. Qui-el saꞌ li tenamit Laquis ut co̱ Jerusalén rochbeneb lix qꞌuila soldados. Queꞌxyi̱b lix muheba̱leb cuan cuiꞌ li rok haꞌ li nanumeꞌ cuiꞌ li haꞌ li na-el saꞌ li nimla pila li naxic saꞌ li tenamit. Li pila aꞌan cuan chire li be li nequeꞌpuchꞌuc cuiꞌ.

Li xHu LAJ JOB 39:10

¿Ma ta̱ru̱k ta biꞌ ta̱bacꞌ li yugo saꞌ xbe̱n ut ta̱min ru chi becoc chꞌochꞌ riqꞌuin arado? ¿Ma ta̱ru̱k ta biꞌ ta̱cꞌam cha̱cuix chi cꞌanjelac saꞌ pim?

Jeremías 34:7

Aꞌan quicꞌulman nak lix soldados lix reyeb laj Babilonia yo̱queb chi pletic riqꞌuineb li cuanqueb Jerusalén, ut riqꞌuineb ajcuiꞌ li cuib chi tenamit Laquis ut Azeca. Aꞌaneb li cuib chi tenamit li cauheb rib chi pletic li toj ma̱jiꞌ queꞌe̱chani̱c.