Miqueas 1:12 - Li Santil hu

¹² Eb li cuanqueb aran Marot nequeꞌraj raj nak ta̱cotzk li raylal li yo̱queb chixcꞌulbal. Abanan canabanbileb xban li Ka̱cuaꞌ chixcꞌulbal li raylal ut cha̱lc ajcuiꞌ re saꞌ xbe̱neb li cuanqueb Jerusalén.

Q'eqchi Bible

¹² Relik chi yaal naq jwal ra wankeb' laj Marot ut neke'royb'eni naq sa raj te'wanq, xb'aan naq li rahilal wank chik sa' xb'een Jerusalén: a' li Qaawa' xb'aanunk re.

Miqueas 1:12 ပူးပေါင်းရင်းမြစ်များ

Jeremías 14:19

Laj Jeremías quixye: —At Ka̱cuaꞌ, ¿ma xatzꞌekta̱naheb li ralal xcꞌajol laj Judá chi junaj cua? ¿Ma xicꞌ nacacuileb li cuanqueb Sión? ¿Cꞌaꞌut nak xatakla li raylal aꞌin saꞌ kabe̱n li ma̱cꞌaꞌ xbanol? La̱o xkoybeni li tuktu̱quil usilal, abanan incꞌaꞌ xkacꞌul. Xkoybeni nak toqꞌuira̱k, abanan xiu xiu chic cuanco.

Miqueas 1:9

Xban li ma̱usilal li yo̱queb chixba̱nunquil laj Samaria, chanchan nak cuan jun xtochꞌolal yo̱ chi kꞌa̱c. Ma̱cꞌaꞌ xbanol. Ut xbon rib li ma̱usilal riqꞌuineb li ralal xcꞌajol laj Judá. Joꞌcan nak teꞌosokꞌ ut teꞌosokꞌ ajcuiꞌ lin tenamit li cuanqueb Jerusalén. Ma̱cꞌaꞌ xjalenquil. Cha̱lc re li rakba a̱tin saꞌ xbe̱neb chixjunileb.

Amós 3:6

Cui ta̱ecꞌa̱nk li trompeta saꞌ tenamit, ¿ma incꞌaꞌ ta biꞌ teꞌxucuak li tenamit chirabinquil? Ut, ¿ma ta̱cha̱lk ta biꞌ li raylal saꞌ xbe̱n junak li tenamit cui li Dios incꞌaꞌ tixcanabeb re teꞌxcꞌul?

Jeremías 8:15

Xkoybeni nak ta̱cua̱nk li tuktu̱quil usilal, abanan incꞌaꞌ xkacꞌul. Xkoybeni raj nak to-usa̱k, abanan incꞌaꞌ xo-usa. Xiu xiu ban chic cuanco.

Isaías 45:7

La̱in quinyi̱ban re li cutan ut la̱in ajcuiꞌ quinyi̱ban re li kꞌojyi̱n. La̱in ninqꞌuehoc tuktu̱quil usilal ut ninqꞌuehoc ajcuiꞌ chꞌaꞌajquilal. La̱in li Ka̱cuaꞌ ninba̱nun re chixjunil aꞌin.

Li xHu LAJ JOB 30:26

Nak yo̱quin chiroybeninquil li us, xchal li raylal saꞌ inbe̱n. Nak yo̱quin chiroybeninquil nak us ta̱e̱lk chicuu chixjunil li xinba̱nu, xsach chicuu chixjunil.

1 Samuel 4:13

Nak quicuulac Silo, laj Elí chunchu chire li be. Yo̱ xcꞌaꞌux chirix li Lokꞌlaj Ca̱x. Li cui̱nk quixye reheb li tenamit cꞌaꞌru quicꞌulman. Cꞌajoꞌ nak queꞌxucuac ut queꞌxjap reheb li tenamit.

Li xHu LIX RUT 1:20

Ut lix Noemí quixye reheb: —Me̱ye chic xNoemí cue; xMara chic te̱ye cue xban nak li nimajcual Dios xqꞌue jun nimla raylal saꞌ inbe̱n.