Miqueas 1:1 - Li Santil hu

¹ Li Ka̱cuaꞌ quia̱tinac riqꞌuin laj Miqueas aj Moreset ut quixcꞌutbesi chiru cꞌaꞌru teꞌxcꞌul eb li tenamit Samaria ut Jerusalén. Aꞌin quicꞌulman saꞌ eb li cutan nak queꞌcuan chokꞌ xreyeb laj Judá laj Jotam ut laj Acaz ut laj Ezequías.

Q'eqchi Bible

¹ A'an a'in li raatin li Qaawa' li kixk'ul laj Mikeas, aj Moséret, ut li kiril sa' moy u chirix Samaria ut Jerusalén, naq laj Jotán, laj Ajás ut laj Esekías wankeb' chaq chi awab'ejink sa' xb'een Judá.

Miqueas 1:1 ပူးပေါင်းရင်းမြစ်များ

Jeremías 26:18

Queꞌxye reheb: —Nak laj Ezequías cuan chokꞌ xreyeb laj Judá, laj Miqueas re Moreset quia̱tinac riqꞌuineb laj Judá ut quixye reheb chi joꞌcaꞌin: Li Ka̱cuaꞌ li nimajcual Dios quixye nak li tenamit Sión ta̱sachekꞌ ru. Li tenamit Jerusalén ta̱cana̱k joꞌ jun li chꞌochꞌ becbil riqꞌuin li chꞌi̱chꞌ arado. Ut li tzu̱l li cuan cuiꞌ li templo ta̱sukꞌisi̱k chokꞌ qꞌuicheꞌ, chan laj Miqueas.

Isaías 1:1

Aꞌan aꞌin li quicꞌutbesi̱c chiru laj Isaías li ralal laj Amoz xban li Dios. Li cꞌaꞌru quicꞌutbesi̱c chiru saꞌ visión, aꞌan chirixeb laj Judá ut laj Jerusalén. Aꞌin quicꞌutbesi̱c chiru nak queꞌcuan chokꞌ xreyeb laj Judá laj Uzías, laj Jotam, laj Acaz ut laj Ezequías.

Oseas 1:1

Li tzꞌi̱banbil saꞌ li hu aꞌin, aꞌan li quixye li Ka̱cuaꞌ re laj Oseas, li ralal laj Beeri, saꞌ eb li cutan nak queꞌcuan chokꞌ xreyeb laj Judá laj Uzías, laj Jotam, laj Acaz ut laj Ezequías, ut nak quicuan chokꞌ xreyeb laj Israel laj Jeroboam, li ralal laj Joás.

Amós 1:1

Quicuan jun li cui̱nk aj Amós xcꞌabaꞌ saꞌ li naꞌajej Tecoa. Aꞌan jun reheb laj ilol xul. Quia̱tina̱c xban li Dios saꞌ eb li cutan nak cua̱nk chokꞌ rey aran Judá laj Uzías ut cua̱nk chokꞌ rey aran Israel laj Jeroboam ralal laj Joás. Cuib chihab chic ma̱ nanumeꞌ li hi̱c nak laj Amós quixtiquib xyebal resil li quicꞌutbesi̱c chiru xban li Dios chirixeb laj Israel.

Miqueas 1:5

Chixjunil aꞌin ta̱cꞌulma̱nk xban li ma̱c li yo̱queb chixba̱nunquil laj Israel, li ralal xcꞌajol laj Jacob, ut xban nak queꞌxkꞌetkꞌeti ribeb chiru li Dios. ¿Ani cuan re nak queꞌxkꞌetkꞌeti ribeb laj Israel? ¿Ma ma̱cuaꞌ ta biꞌ li tenamit Samaria? Ut, ¿ani cuan re nak queꞌxlokꞌoni li yi̱banbil dios aran Judá? ¿Ma ma̱cuaꞌ ta biꞌ li tenamit Jerusalén?

Amós 6:1

Raylal ta̱cha̱lk saꞌ xbe̱neb li sa cuanqueb aran Sión. Raylal ta̱cha̱lk saꞌ xbe̱neb li cꞌojcꞌo̱queb xchꞌo̱l chi cua̱nc saꞌ li tzu̱l Samaria. Aꞌaneb li cuib chi tenamit li kꞌaxal nim xcuanquil saꞌ xya̱nkeb chixjunileb. Ut junes riqꞌuineb aꞌan cauheb xchꞌo̱l chixjunileb laj Israel.

Oseas 8:14

Xsach saꞌ xchꞌo̱leb laj Israel nak la̱in quiyoꞌobtesin reheb. Yo̱queb chixyi̱banquil lix ni̱nkal ru cab xnaꞌajeb lix dioseb. Ut eb laj Judá queꞌxyi̱b lix ni̱nkal ru tenamit ut queꞌxcauresi re nak cauhakeb rib. Abanan la̱in tintakla chak xam saꞌ xbe̱neb ut ta̱cꞌatekꞌ lix naꞌaj lix dioseb ut teꞌcꞌatekꞌ ajcuiꞌ lix ni̱nkal ru tenamit li xeꞌxyi̱b, chan li Dios.

Oseas 4:15

Usta niquine̱tzꞌekta̱na la̱ex aj Israel, aban incꞌaꞌ taxak tineꞌxtzꞌekta̱na eb laj Judá. Mexxic aran Gilgal chi lokꞌoni̱nc, chi moco texxic Bet-avén, chi moco te̱ba̱nu li juramento saꞌ incꞌabaꞌ la̱in li yoꞌyo̱quil Dios.

Isaías 7:9

Li tenamit Samaria, aꞌan lix nimal ru tenamit saꞌ xnaꞌajeb li ralal xcꞌajol laj Efraín. Ut laj Peka li ralal laj Remalías, aꞌan lix reyeb. Cui incꞌaꞌ cau e̱chꞌo̱l saꞌ le̱ pa̱ba̱l joꞌcan ajcuiꞌ te̱cꞌul joꞌ li teꞌxcꞌul li ralal xcꞌajol laj Efraín.—

Habacuc 1:1

Aꞌan aꞌin li cꞌaꞌru quicꞌutbesi̱c chiru li profeta Habacuc xban li Ka̱cuaꞌ.

2 Pedro 1:21

Eb li profeta ma̱ jun cua queꞌxtakla rib xjuneseb. Eb aꞌan sicꞌbileb ru xban li Dios ut queꞌa̱tinac joꞌ quiyeheꞌ chak reheb xban li Santil Musikꞌej.

2 Reyes 15:5

Li Ka̱cuaꞌ Dios quixqꞌue jun li yajel saklep chirix li rey Azarías. Joꞌcan nak quicuan xjunes saꞌ rochoch toj chalen nak quicam. Ut laj Jotam li ralal quicuan saꞌ li palacio ut quitaklan saꞌ xbe̱neb li tenamit.

2 Reyes 15:32

Yo̱ xcab chihab roquic chokꞌ xreyeb laj Israel laj Peka li ralal laj Remalías nak laj Jotam li ralal laj Uzías qui-oc chokꞌ xreyeb laj Judá.

2 Reyes 16:1

Yo̱ cuuklaju chihab roquic chokꞌ xreyeb laj Israel laj Peka li ralal laj Remalías nak laj Acaz li ralal laj Jotam qui-oc chokꞌ xreyeb laj Judá.

2 Reyes 18:1

Yo̱ rox chihab roquic chokꞌ xreyeb laj Israel laj Oseas li ralal laj Ela nak laj Ezequías li ralal laj Acaz qui-oc chokꞌ xreyeb laj Judá.

2 Crónicas 28:1

Junmay chihab cuan re laj Acaz nak qui-oc chokꞌ xreyeb laj Judá. Cuaklaju chihab quicuan chokꞌ rey aran Jerusalén. Abanan incꞌaꞌ quicuan saꞌ ti̱quilal chiru li Dios joꞌ nak quicuan laj David, lix xeꞌto̱nil yucuaꞌ.

2 Crónicas 29:1

O̱b xcaꞌcꞌa̱l (25) chihab cuan re laj Ezequías nak qui-oc chokꞌ xreyeb laj Judá. Bele̱b xcaꞌcꞌa̱l (29) chihab quicuan saꞌ xcuanquil aran Jerusalén. Lix naꞌ, aꞌan lix Abías lix rabin laj Zacarías.

Isaías 7:1

Laj Acaz, lix reyeb laj Judá, aꞌan li ralal laj Jotam. Laj Jotam, aꞌan li ralal laj Uzías. Saꞌ eb li cutan nak cuan laj Acaz chokꞌ xreyeb laj Judá, laj Rezín lix reyeb laj Siria ut laj Peka li ralal laj Remalías lix reyeb laj Israel queꞌco̱eb chi pletic riqꞌuineb laj Jerusalén. Abanan incꞌaꞌ quiru queꞌoc saꞌ li tenamit.

Miqueas 3:9

Abihomak li oc cue xyebal e̱re la̱ex li nequexcꞌamoc be chiruheb laj Israel li ralal xcꞌajol laj Jacob. Abihomak la̱ex li cuan e̱cuanquil saꞌ xya̱nkeb. La̱ex xicꞌ nequeril li ti̱quilal ut nequesukꞌisi li us chokꞌ ma̱usilal.

Isaías 1:2

Cherabihak la̱ex li cuanquex saꞌ choxa joꞌ ajcuiꞌ la̱ex li cuanquex saꞌ ruchichꞌochꞌ xban nak li Ka̱cuaꞌ oc re chixyebal chi joꞌcaꞌin: —Quebinqꞌuiresi li cualal incꞌajol toj retal queꞌni̱nkan. Abanan eb aꞌan xeꞌxkꞌetkꞌeti ribeb chicuu.