San Mateo 9:8 - Li Santil hu

⁸ Nak li qꞌuila tenamit queꞌril li quicꞌulman, queꞌxucuac ut queꞌxqꞌue xlokꞌal li Dios li quiqꞌuehoc chak xcuanquil li Jesús chi qꞌuirtesi̱nc ut chi cuyuc ma̱c.

Q'eqchi Bible

⁸ Naq ke'ril a'in li tenamit, ke'xiwak ut ke'xnima xloq'al li Yos li kik'ehok li nimla wankilal a'in reheb' li winq.

San Mateo 9:8 ပူးပေါင်းရင်းမြစ်များ

San Lucas 7:16

Nak queꞌril li cꞌaꞌru quicꞌulman chixjunileb li cuanqueb aran, cꞌajoꞌ nak queꞌxucuac ut queꞌoc chixqꞌuebal xlokꞌal li Dios. Ut queꞌxye: —Jun xnimal ru profeta xcꞌulun saꞌ kaya̱nk.— Ut queꞌxye ajcuiꞌ: —Li Dios xchal chixtenkꞌanquil lix tenamit, chanqueb.

San Mateo 15:31

Joꞌcan nak queꞌsach xchꞌo̱leb li tenamit chirilbal nak li mem nequeꞌa̱tinac chic ut li tokoleb rukꞌ queꞌqꞌuira ut li ye̱keb rokeb nequeꞌbe̱c chic ut eb li mutzꞌ ruheb nequeꞌiloc chic. Ut queꞌxnima xlokꞌal lix Dioseb laj Israel.

Hechos 4:21

Nak ac xeꞌxseꞌbesiheb riqꞌuin cacuil a̱tin, queꞌrachꞌabeb. Ma̱cꞌaꞌ queꞌru xba̱nunquil reheb xban nak chixjunileb li tenamit yo̱queb chixlokꞌoninquil li Dios riqꞌuin li cꞌaꞌru quicꞌulman.

San Lucas 23:47

Li capitán aj Roma quixqꞌue retal li quicꞌulman. Quixlokꞌoni li Dios ut quixye: —Relic chi ya̱l nak li cui̱nk aꞌin ti̱c xchꞌo̱l, chan.

San Lucas 17:15

Jun reheb li cui̱nk quiril nak quiqꞌuira, quisukꞌi riqꞌuin li Jesús ut yo̱ chixlokꞌoninquil li Dios chi cau xya̱b xcux.

San Marcos 2:12

Ut li cui̱nk sic nak quicuan ac ta̱cuacli̱k. Quixchap lix cuariba̱l ut ac ta̱e̱lk chiruheb chixjunil li tenamit. Ut riqꞌuin aꞌin chixjunileb queꞌsach xchꞌo̱l. Queꞌxqꞌue xlokꞌal li Dios ut queꞌxye: —Ma̱ jun cua kilom aꞌin, chanqueb.

Gálatas 1:24

Ut eb aꞌan queꞌxlokꞌoni ru li Dios nak queꞌrabi resil nak quinpa̱b li Cristo.

San Juan 15:8

Nequeqꞌue xlokꞌal lin Yucuaꞌ riqꞌuin li cha̱bilal nequeba̱nu. Cui yo̱kex chixba̱nunquil li cꞌaꞌru naraj li Dios, la̱exak tzꞌakal intzolom.

San Lucas 13:13

Ut quixqꞌue li rukꞌ saꞌ xbe̱n li ixk. Ut saꞌ ajcuiꞌ li ho̱nal aꞌan li ixk quixakli chi ti̱c ut qui-oc chixlokꞌoninquil li Dios.

Hechos 11:18

Nak queꞌrabi li cꞌaꞌru quixye laj Pedro, eb laj cꞌamol be saꞌ xya̱nkeb laj pa̱banel aj judío, queꞌxcanab cuechꞌi̱nc. Queꞌxlokꞌoni li Dios ut queꞌxye: —Li Ka̱cuaꞌ xqꞌue ajcuiꞌ li junelic yuꞌam reheb li ma̱cuaꞌeb aj judío xban nak xeꞌxyotꞌ xchꞌo̱l ut xeꞌxjal xcꞌaꞌux, chanqueb.

Hechos 21:20

Nak queꞌrabi aꞌin queꞌxbantioxi chiru li Dios. Ut queꞌxye re laj Pablo: —La̱at nacacuil, at herma̱n, jarub mil eb laj judío ac xeꞌpa̱ban. Ut chixjunileb aꞌan nequeꞌxqꞌue xchꞌo̱l chixba̱nunquil li naxye li chakꞌrab.

San Marcos 7:37

Cꞌajoꞌ nak queꞌsach xchꞌo̱leb chirilbal ut queꞌxye: —Cha̱bil chixjunil li naxba̱nu. Naxqꞌue chi abi̱nc li tzꞌap xic ut naxqꞌue chi a̱tinac li mem, chanqueb.

San Mateo 28:18

Li Jesús quinachꞌoc riqꞌuineb ut quixye reheb: —Chixjunil li cuanquil qꞌuebil cue xban li Dios, joꞌ saꞌ choxa joꞌ saꞌ ruchichꞌochꞌ.

San Mateo 12:23

Ut chixjunileb li tenamit queꞌsach xchꞌo̱l ut yo̱queb chixyebal: —¿Malaj aꞌin ta ut ralal li rey David, li yo̱co chiroybeninquil?

San Mateo 5:16

Joꞌcan ajcuiꞌ la̱ex. La̱ex lix cutan saken li ruchichꞌochꞌ. Chicꞌutu̱nk biꞌ le̱ cha̱bilal chiruheb le̱ ras e̱ri̱tzꞌin re nak eb aꞌan teꞌxqꞌue retal li us nequeba̱nu ut teꞌxqꞌue xlokꞌal le̱ Yucuaꞌ li cuan saꞌ choxa.

San Mateo 9:7

Tojoꞌnak quicuacli li cui̱nk ut co̱ saꞌ rochoch.

San Lucas 2:20

Ut chirix chic aꞌan eb laj ilol xul queꞌsukꞌi saꞌ lix naꞌajeb. Yo̱queb chixlokꞌoninquil ut yo̱queb chixnimanquil ru li Ka̱cuaꞌ riqꞌuin li cꞌaꞌru queꞌrabi ut queꞌril xban nak chixjunil li queꞌril, aꞌan joꞌ li quiyeheꞌ reheb.

San Lucas 17:18

¿Ma caꞌaj cuiꞌ li jun aꞌin li ma̱cuaꞌ aj judío xsukꞌi chixlokꞌoninquil li Dios? chan.

San Lucas 18:43

Ut saꞌ junpa̱t qui-iloc li mutzꞌ ut co̱ chirixeb. Yo̱ chixlokꞌoninquil li Dios. Ut nak queꞌril li cꞌaꞌru quicꞌulman, chixjunileb li tenamit queꞌxqꞌue xlokꞌal li Dios.

2 Corintios 9:13

Ut nequeꞌxqꞌue ajcuiꞌ xlokꞌal li Dios xban nak cau e̱chꞌo̱l la̱ex saꞌ le̱ pa̱ba̱l. Moco caꞌaj cuiꞌ ta riqꞌuin nak nequeye nak nequexpa̱ban nak nacꞌutun le̱ pa̱ba̱l. Nacꞌutun ban ajcuiꞌ xban nak nequeqꞌue e̱chꞌo̱l chixtenkꞌanquileb li ma̱cꞌaꞌ cuanqueb re. Ut chi joꞌcan nequetenkꞌa chixjunileb laj pa̱banel.

1 Pedro 2:12

Cha̱bilak taxak le̱ naꞌleb chiruheb li ma̱jiꞌ nequeꞌpa̱ban. Usta yo̱keb chixyebal nak incꞌaꞌ us le̱ naꞌleb, aban cui te̱ba̱nu li us, teꞌxqꞌue retal ut teꞌxnima xlokꞌal li Dios nak ta̱cuulak xkꞌehil li rakba a̱tin.