San Mateo 9:6 - Li Santil hu

⁶ La̱in tincꞌut che̱ru nak la̱in li Cristo li Cꞌajolbej ut cuan incuanquil saꞌ ruchichꞌochꞌ chixcuybal xsachbal li ma̱c, chan. Joꞌcan nak quixye re li yaj: —Cuaclin, cꞌam la̱ chꞌa̱t ut ayu saꞌ la̱ cuochoch, chan.

Q'eqchi Bible

⁶ Ab'anan re teenaw naq li K'ajolb'ej wank xwankil sa' ruuchich'och' re kuyuk sachok maak -kixye re li sik: Waklin, xok laach'aat ut ayu sa' laawochoch.

San Mateo 9:6 ပူးပေါင်းရင်းမြစ်များ

San Mateo 9:5

¿Bar cuan li us tinye re li yaj re nak ta̱cꞌutu̱nk che̱ru nak cuan incuanquil? ¿Ma tinye re, “Cuybil sachbil la̱ ma̱c” malaj ut tinye re, “Cuaclin ut be̱n”?

Isaías 43:25

Abanan la̱in li Ka̱cuaꞌ Dios. La̱in nincuyuc re le̱ ma̱c. Ninba̱nu aꞌan xban nak la̱in li Dios. La̱in tincuy le̱ ma̱c ut incꞌaꞌ chic ta̱julticokꞌ cue.

2 Corintios 2:10

Cui te̱cuy xma̱c aꞌan la̱in tincuy ajcuiꞌ xma̱c. Li ani te̱cuy xma̱c la̱ex, tincuy ajcuiꞌ xma̱c la̱in. Cui ani nincuy xma̱c, aꞌan ninba̱nu re e̱tenkꞌanquil ajcuiꞌ la̱ex. Ut li Cristo naxnau nak ninba̱nu chi anchal inchꞌo̱l.

Colosenses 3:13

Checuyak e̱rib chiribil e̱rib. Ut cui cuan junak cuan xma̱c che̱ru, checuyak xma̱c. Joꞌ nak quixcuy e̱ma̱c li Ka̱cuaꞌ, joꞌcan ajcuiꞌ cheba̱nu la̱ex.

Efesios 4:32

Cha̱bilakex che̱ribil e̱rib. Cheruxta̱na e̱ru chi ribil e̱rib. Ut checuyak e̱ma̱c chi ribil e̱rib joꞌ nak li Dios quixcuy e̱ma̱c saꞌ xcꞌabaꞌ li Cristo.

2 Corintios 5:20

Joꞌcan ut nak la̱o taklanbilo saꞌ xcꞌabaꞌ li Jesucristo. Li Dios naxtoꞌoni lix tzꞌu̱mal ke re nak ta̱a̱tinak e̱riqꞌuin. Saꞌ xcꞌabaꞌ li Jesucristo nakatzꞌa̱ma che̱ru nak checꞌamak e̱rib saꞌ usilal riqꞌuin li Dios.

Hechos 9:34

Ut laj Pedro quixye re: —At Eneas, li Ka̱cuaꞌ Jesucristo tatxqꞌuirtesi anakcuan. Xaklin ut xoc la̱ cuarib, chan. Ut saꞌ junpa̱t quixakli li cui̱nk.

Hechos 5:31

Li Jesús, aꞌan li quiqꞌueheꞌ xlokꞌal xban li Dios ut quiqꞌueheꞌ chi cꞌojla̱c saꞌ xnim ukꞌ ut quiqꞌueheꞌ xcuanquil chi takla̱nc ut chi coloc, re nak laj Israel naru teꞌyotꞌekꞌ xchꞌo̱leb teꞌxjal xcꞌaꞌux ut teꞌcuyekꞌ xma̱queb.

San Juan 17:2

La̱at xatqꞌuehoc incuanquil saꞌ xbe̱n chixjunil re nak tinqꞌue li junelic yuꞌam reheb li xakꞌaxtesiheb cue.

San Juan 10:28

La̱in tinqꞌueheb xyuꞌam chi junelic. Incꞌaꞌ teꞌosokꞌ ut ma̱ ani ta̱ru̱k ta̱makꞌok reheb chicuu.

San Lucas 5:21

Ut eb laj fariseo ut eb laj tzolol chakꞌrab queꞌoc chixyebal chi ribileb rib: —¿Ani li cui̱nk aꞌan nak naxjuntakꞌe̱ta rib riqꞌuin li Dios nak naxye chi joꞌcan? ¿Ma aꞌan ta biꞌ li Dios? ¿Ma ma̱cuaꞌ ta biꞌ caꞌaj cuiꞌ li Dios naru nacuyuc ma̱c? chanqueb.

San Marcos 2:10

La̱in tincꞌut che̱ru nak la̱in li Cristo li Cꞌajolbej, ut cuan incuanquil saꞌ ruchichꞌochꞌ chixcuybal xsachbal li ma̱c, chan reheb.

San Marcos 2:7

Ut queꞌxye saꞌ xchꞌo̱leb: —¿Cꞌaꞌut nak naa̱tinac chi joꞌcan li cui̱nk aꞌin? ¿Ma aꞌin ta biꞌ li Dios? Ma̱ ani naru nacuyuc nasachoc ma̱c. Caꞌaj cuiꞌ li Dios naru nacuyuc nasachoc ma̱c, chanqueb.

San Mateo 8:20

Ut li Jesús quichakꞌoc ut quixye re: —Cꞌoxla chi us ma ta̱cuy inta̱kenquil. Li yac cuanqueb xjul saꞌ pec, ut li xul li nequeꞌrupupic chiru choxa cuanqueb xsoc, abanan la̱in li Cꞌajolbej ma̱cꞌaꞌ innaꞌaj bar ta̱ru̱k tinyocob cuiꞌ cuib, chan.

Miqueas 7:18

Ma̱ jun chic li Dios cuan. Caꞌaj cuiꞌ la̱at. La̱at nacatcuyuc ma̱c ut nasach saꞌ a̱chꞌo̱l lix ma̱queb la̱ tenamit Israel, li joꞌ qꞌuial chic li incꞌaꞌ queꞌsacheꞌ. La̱at incꞌaꞌ nacatjoskꞌoꞌ chi junaj cua. Nasahoꞌ ban saꞌ a̱chꞌo̱l chi uxta̱na̱nc u.

San Mateo 4:24

Quicuulac resil saꞌ chixjunil li naꞌajej Siria li cꞌaꞌru yo̱ chixba̱nunquil li Jesús aran Galilea. Ut queꞌxcꞌam riqꞌuin chixjunileb li yaj. Qꞌuila pa̱y ru lix yajeleb ut lix raylaleb. Cuan li toj nakꞌehin xyajeleb. Ut cuan li cuanqueb ma̱us aj musikꞌej riqꞌuineb ut cuanqueb ajcuiꞌ li sic. Ut li Jesús naxqꞌuirtesiheb.

San Mateo 9:2

Ut aran queꞌxcꞌam riqꞌuin li Jesús jun li cui̱nk sic li rok ut sic li rukꞌ yocyo chiru xcuarib. Ut li Jesús quixqꞌue retal nak eb li cui̱nk aꞌan nequeꞌxpa̱b nak naru tixqꞌuirtesi li yaj. Joꞌcan nak quixye re li yaj: —At cui̱nk cauhak taxak a̱chꞌo̱l. Ac xcuyman xsachman la̱ ma̱c.—

San Mateo 9:7

Tojoꞌnak quicuacli li cui̱nk ut co̱ saꞌ rochoch.

San Juan 5:8

Quixye li Jesús re: —Cuaclin, xoc la̱ cuarib ut be̱n, chan re.

San Juan 5:27

Ut quixqꞌue ajcuiꞌ incuanquil chi rakoc a̱tin xban nak la̱in li Cꞌajolbej. Taklanbilin chak xban li Dios.