San Mateo 9:2 - Li Santil hu

² Ut aran queꞌxcꞌam riqꞌuin li Jesús jun li cui̱nk sic li rok ut sic li rukꞌ yocyo chiru xcuarib. Ut li Jesús quixqꞌue retal nak eb li cui̱nk aꞌan nequeꞌxpa̱b nak naru tixqꞌuirtesi li yaj. Joꞌcan nak quixye re li yaj: —At cui̱nk cauhak taxak a̱chꞌo̱l. Ac xcuyman xsachman la̱ ma̱c.—

Q'eqchi Bible

² Tikto ke'xk'am chaq rik'in li Jesus jun li sik, yokyo sa' xch'aat. Ut naq kiril li xpaab'aaleb', kixye re li sik: —Kawaq aach'ool, at walal, kuyb'il sachb'il chik laamaak.

San Mateo 9:2 ပူးပေါင်းရင်းမြစ်များ

San Mateo 9:22

Ut li Jesús quixakli ut qui-iloc chirix. Quiril li ixk ut quixye re: —Kanaꞌ, cauhak taxak a̱chꞌo̱l. Xban nak xapa̱b nak cuan incuanquil cha̱qꞌuirtesinquil, joꞌcan nak xatqꞌuira, chan. Ut saꞌ ajcuiꞌ li ho̱nal aꞌan, li ixk quiqꞌuira.

Santiago 2:18

Ma̱re cuan junak tixye: Cuan li nequeꞌxpa̱b li Cristo ut cuan ajcuiꞌ li nequeꞌxye nak tzꞌakal riqꞌuin xba̱nunquil li us. Abanan la̱in tincꞌut cha̱cuu nak ninpa̱b li Cristo riqꞌuin li us ninba̱nu. Ut la̱at, ¿chanru nak ta̱cꞌut chicuu nak cuan a̱pa̱ba̱l cui incꞌaꞌ nacaba̱nu li us?

Hechos 19:12

Usta caꞌaj cuiꞌ lix tꞌicr ut lix sut laj Pablo nequeꞌxqꞌue saꞌ xbe̱neb li yaj, nequeꞌqꞌuira. Ut nequeꞌel li ma̱us aj musikꞌej riqꞌuineb.

San Juan 21:5

Quixye li Jesús reheb: —Ex cualal incꞌajol, ¿ma xechap li car? chan. Eb aꞌan queꞌchakꞌoc ut queꞌxye: —Ma̱ jun xkachap.—

San Mateo 8:10

Ut nak li Jesús quirabi li quixye, quisach xchꞌo̱l ut quixye reheb li yo̱queb chi ochbeni̱nc re: —Relic chi ya̱l tinye e̱re nak ma̱ jun intauhom chi moco saꞌ xya̱nkeb laj Israel tzꞌakal re ru xpa̱ba̱l joꞌ li jun aꞌin, usta ma̱cuaꞌ aj judío.

San Mateo 4:24

Quicuulac resil saꞌ chixjunil li naꞌajej Siria li cꞌaꞌru yo̱ chixba̱nunquil li Jesús aran Galilea. Ut queꞌxcꞌam riqꞌuin chixjunileb li yaj. Qꞌuila pa̱y ru lix yajeleb ut lix raylaleb. Cuan li toj nakꞌehin xyajeleb. Ut cuan li cuanqueb ma̱us aj musikꞌej riqꞌuineb ut cuanqueb ajcuiꞌ li sic. Ut li Jesús naxqꞌuirtesiheb.

Romanos 5:11

Ut moco caꞌaj cuiꞌ ta li kacolbal quixqꞌue li Dios. Naxqꞌue aj ban cuiꞌ lix sahilal kachꞌo̱l saꞌ xcꞌabaꞌ li Ka̱cuaꞌ Jesucristo li quicꞌamoc ke saꞌ usilal riqꞌuin li Dios.

Hechos 14:9

Yo̱ chirabinquil li cꞌaꞌru yo̱ chixyebal laj Pablo. Laj Pablo quixcaꞌya li cui̱nk ut quixqꞌue retal nak li cui̱nk aꞌan quixpa̱b nak naru ta̱qꞌuirtesi̱k.

San Juan 16:33

Xinye e̱re li cꞌaꞌak re ru aꞌin re nak texcua̱nk cuiqꞌuin ut ta̱cua̱nk e̱riqꞌuin li tuktu̱quilal. Saꞌ li ruchichꞌochꞌ te̱cꞌul li raylal. Abanan cacuubresihomak le̱ chꞌo̱l xban nak la̱in ac xinnumta saꞌ xbe̱n li nataklan saꞌ ruchichꞌochꞌ, chan li Jesús reheb lix tzolom.

San Mateo 9:6

La̱in tincꞌut che̱ru nak la̱in li Cristo li Cꞌajolbej ut cuan incuanquil saꞌ ruchichꞌochꞌ chixcuybal xsachbal li ma̱c, chan. Joꞌcan nak quixye re li yaj: —Cuaclin, cꞌam la̱ chꞌa̱t ut ayu saꞌ la̱ cuochoch, chan.

San Mateo 8:16

Nak ac oc re li kꞌojyi̱n, nabaleb li cristian queꞌcꞌameꞌ chak riqꞌuin li Jesús. Cuanqueb ma̱us aj musikꞌej riqꞌuineb. Ut yal riqꞌuin ra̱tin, li Jesús quirisi li ma̱us aj musikꞌej riqꞌuineb, ut quixqꞌuirtesi chixjunileb li yaj.

Isaías 44:22

La̱in xinsachoc re le̱ ma̱c joꞌ nak nasach li chok. Sukꞌinkex cuiqꞌuin xban nak la̱in xincoloc e̱re.

San Juan 2:25

Incꞌaꞌ tento nak ta̱chꞌoloba̱k chiru chanru lix cꞌaꞌuxeb xban nak ac naxnau chanru lix naꞌleb li junju̱nk.

San Marcos 5:34

Li Jesús quixye re: —Kanaꞌ, xban nak xapa̱b nak cuan incuanquil cha̱qꞌuirtesinquil, joꞌcan nak xatqꞌuira. Ayu chi sa saꞌ a̱chꞌo̱l ut chi ma̱cꞌaꞌ chic a̱raylal, chan.

San Marcos 1:32

Saꞌ li ecuu aꞌan nak ac x-oc li sakꞌe, queꞌcꞌameꞌ chak riqꞌuin li Jesús nabaleb li yaj. Ut queꞌcꞌameꞌ ajcuiꞌ chak li cuan ma̱us aj musikꞌej riqꞌuineb.

Eclesiastés 9:7

Joꞌcan nak anakcuan chatcuaꞌak chi sa saꞌ a̱chꞌo̱l ut chacuucꞌak li vino riqꞌuin sahil chꞌo̱lej xban nak li Dios ma̱cꞌaꞌ naxye riqꞌuin li cꞌaꞌru nacaba̱nu.

San Mateo 6:12

Ut chacuy chasach ta li kama̱c joꞌ nak nakacuyeb xma̱c li nequeꞌma̱cob chiku.

San Mateo 9:5

¿Bar cuan li us tinye re li yaj re nak ta̱cꞌutu̱nk che̱ru nak cuan incuanquil? ¿Ma tinye re, “Cuybil sachbil la̱ ma̱c” malaj ut tinye re, “Cuaclin ut be̱n”?

San Mateo 14:27

Aꞌut li Jesús ticto quira̱tinaheb ut quixye reheb: —Mexxucuac. La̱in li yo̱quex chicuilbal. Cacuubresihomak e̱chꞌo̱l, chan reheb.

San Marcos 6:50

Chixjunileb queꞌiloc re ut cꞌajoꞌ nak queꞌxucuac. Li Jesús ticto quira̱tinaheb ut quixye reheb: —Mexxucuac. La̱in li yo̱quex chicuilbal. Cacuubresihomak e̱chꞌo̱l, chan reheb.

San Marcos 10:49

Nak quirabi aꞌan li Jesús quixakli ut quixtakla xbokbal li mutzꞌ. Queꞌco̱eb chixcꞌambal ut queꞌxye re: —Ma̱chꞌina a̱chꞌo̱l. Quim. Yo̱ cha̱bokbal li Ka̱cuaꞌ.—

Hechos 23:11

Chiru li kꞌojyi̱n aꞌan li Ka̱cuaꞌ quixcꞌut rib chiru laj Pablo ut quixye re: —Cauhak a̱chꞌo̱l, at Pablo. Joꞌ nak xachꞌolob li ya̱l chicuix arin Jerusalén, joꞌcan ajcuiꞌ nak toxa̱chꞌolob li ya̱l chicuix aran Roma, chan.