San Mateo 8:6 - Li Santil hu

⁶ —Ka̱cuaꞌ, lin mo̱s tꞌantꞌo saꞌ cab. Sic ut kꞌaxal ra cuan, chan.

Q'eqchi Bible

⁶ ut kixye: —At Qaawa', yokyo linmoos sa' kab'l, sik ut q'axal ra wank.

San Mateo 8:6 ပူးပေါင်းရင်းမြစ်များ

Colosenses 4:1

Ex patrón, chexcua̱nk saꞌ usilal riqꞌuineb laj cꞌanjel che̱ru ut saꞌ xya̱lal chetaklaheb xban nak la̱ex nequenau nak cuan e̱patrón saꞌ choxa.

San Mateo 4:24

Quicuulac resil saꞌ chixjunil li naꞌajej Siria li cꞌaꞌru yo̱ chixba̱nunquil li Jesús aran Galilea. Ut queꞌxcꞌam riqꞌuin chixjunileb li yaj. Qꞌuila pa̱y ru lix yajeleb ut lix raylaleb. Cuan li toj nakꞌehin xyajeleb. Ut cuan li cuanqueb ma̱us aj musikꞌej riqꞌuineb ut cuanqueb ajcuiꞌ li sic. Ut li Jesús naxqꞌuirtesiheb.

Colosenses 3:11

La̱o aj pa̱banel juntakꞌe̱to chiru li Dios xban nak junajo saꞌ li acꞌ yuꞌam. Moco jalaneb ta laj griego chiruheb laj judío. Moco jalaneb ta li tzolbileb chiruheb li incꞌaꞌ tzolbileb. Moco jalaneb ta li xeꞌxba̱nu li circuncisión chiruheb li incꞌaꞌ xeꞌxba̱nu. Moco jalan ta li junju̱nk usta jalan xtenamit. Moco jalaneb ta li cuanqueb xpatrón chiruheb li ma̱cꞌaꞌeb xpatrón. Li kꞌaxal lokꞌ xcꞌoxlanquil aꞌan aꞌin: Li Jesucristo cuan riqꞌuineb li junju̱nk li nequeꞌpa̱ban re ut junajo chic saꞌ xcꞌabaꞌ li Jesucristo.

Hechos 9:33

Aran quixtau jun li cui̱nk aj Eneas xcꞌabaꞌ. Cuakxakib chihab roquic lix yajel ut incꞌaꞌ chic nacuacli. Sic li rok rukꞌ.

Filemón 1:16

Anakcuan ma̱cuaꞌ chic joꞌ lokꞌbil mo̱s nak ta̱cua̱nk a̱cuiqꞌuin. Anakcuan kꞌaxal lokꞌ chic chiru junak mo̱s xban nak anakcuan a̱herma̱n chic saꞌ xcꞌabaꞌ li Jesucristo. Raro inban la̱in, ut la̱at kꞌaxal cuiꞌchic nak ta̱ra xban nak a̱mo̱s ut a̱herma̱n ajcuiꞌ saꞌ xcꞌabaꞌ li Ka̱cuaꞌ.

1 Timoteo 6:2

Moco xban ta nak rech aj pa̱baneleb lix patrón nak incꞌaꞌ teꞌxqꞌue saꞌ xnakꞌeb ru. Tento aj ban cuiꞌ nak teꞌxqꞌue xchꞌo̱l chi trabajic xban nak rech aj pa̱banelil li nequeꞌcꞌuluc re li cha̱bil cꞌanjel nequeꞌxba̱nu ut xban nak raro̱queb ajcuiꞌ xban li Dios. At Timoteo, aꞌan aꞌin li ta̱chꞌolob xya̱lal chiruheb laj pa̱banel.

Hechos 10:7

Nak ac x-el li ángel riqꞌuin, laj Cornelio quixbok cuib lix mo̱s cui̱nk ut quixbok ajcuiꞌ jun reheb lix soldado li naxxucua ru li Dios.

Hechos 8:7

Nabaleb li cuan ma̱us aj musikꞌej riqꞌuineb queꞌqꞌuirtesi̱c. Japjo̱queb re li ma̱us aj musikꞌej nak nequeꞌel riqꞌuineb. Ut nabaleb li ye̱k rokeb ut li sic rok rukꞌeb quilajeꞌqꞌuirtesi̱c.

San Mateo 9:2

Ut aran queꞌxcꞌam riqꞌuin li Jesús jun li cui̱nk sic li rok ut sic li rukꞌ yocyo chiru xcuarib. Ut li Jesús quixqꞌue retal nak eb li cui̱nk aꞌan nequeꞌxpa̱b nak naru tixqꞌuirtesi li yaj. Joꞌcan nak quixye re li yaj: —At cui̱nk cauhak taxak a̱chꞌo̱l. Ac xcuyman xsachman la̱ ma̱c.—

San Mateo 8:7

Li Jesús quichakꞌoc ut quixye re: —Tinxic la̱in ut toxinqꞌuirtesi.—