San Mateo 8:4 - Li Santil hu

⁴ Tojoꞌnak li Jesús quixye re: —Abi li tinye a̱cue. Ma̱ ani aj e ta̱serakꞌi li xacꞌul. Ayu ban ut cꞌut a̱cuib chiru laj tij. Ut ta̱qꞌue li mayej joꞌ naxye saꞌ lix chakꞌrab laj Moisés re xcꞌutbal chiruheb nak xatqꞌuira.— (Lev. 13:49)

Q'eqchi Bible

⁴ Li Jesus kixye re: —Il, maa'ani aj e chaye a'in; ayu b'an, k'ut aawib' chiru laj tij ut k'e laamayej li chaq'rab'inb'il xb'aan laj Moisés, re naq ch'olch'ooq chiruheb'.

San Mateo 8:4 ပူးပေါင်းရင်းမြစ်များ

San Lucas 17:14

Nak quirileb li Jesús quixye reheb: —Ayukex riqꞌuineb laj tij ut cꞌutumak chak e̱rib chiruheb, chan reheb. Ut nak yo̱queb chi xic, queꞌqꞌuira.

San Lucas 5:14

Ut li Jesús quixye re: —Ma̱ ani aj e ta̱serakꞌi chanru nak xatqꞌuira. Ayu ban riqꞌuin laj tij re nak aꞌan ta̱ril nak xatqꞌuira. Ut ta̱qꞌue la̱ mayej joꞌ naxye saꞌ lix chakꞌrab laj Moisés chokꞌ retalil chiruheb chixjunileb nak xatqꞌuira, chan li Jesús.

San Marcos 7:36

Ut li Jesús quixye reheb li qꞌuila tenamit: —Ma̱ ani aj e te̱serakꞌi li cꞌaꞌru yo̱quin chixba̱nunquil, chan. Quixkꞌuseb chi us. Abanan eb aꞌan kꞌaxal cuiꞌchic nak queꞌoc chixserakꞌinquil.

San Mateo 9:30

Ut queꞌiloc li xnakꞌ ruheb. Ut li Jesús quixye reheb: —Cherabi chi us li cꞌaꞌru tinye e̱re. Ma̱ ani aj iqꞌuin te̱serakꞌi li cꞌaꞌru xecꞌul, chan reheb.

San Marcos 6:11

Cui texcuulak saꞌ junak naꞌajej bar cuiꞌ incꞌaꞌ texcꞌulekꞌ chi moco teꞌraj rabinquil le̱ ra̱tin, nak tex-e̱lk riqꞌuineb te̱chikꞌ li poks che̱rok joꞌ retalil li raylal teꞌxcꞌul. Relic chi ya̱l ninye e̱re nak kꞌaxal cuiꞌchic li raylal teꞌxcꞌul chiruheb laj Sodoma ut laj Gomorra saꞌ xkꞌehil li rakba a̱tin, chan.

San Marcos 5:43

Aꞌut li Jesús quixchakꞌrabiheb chi us nak ma̱ ani aj e teꞌxye li cꞌaꞌru quicꞌulman. Ut quixye reheb nak teꞌxqꞌue chi cuaꞌac li xkaꞌal.

San Mateo 17:9

Nak yo̱queb chak chi cubec saꞌ li tzu̱l, quixye li Jesús reheb: —Ma̱ ani aj e te̱ye li cꞌaꞌru xeril. Toj mokon naru te̱ye nak la̱in li Cꞌajolbej ac xincuacli cuiꞌchic chi yoꞌyo saꞌ xya̱nkeb li camenak.—

San Mateo 10:18

Ut texcꞌamekꞌ chiruheb li acuabej ut chiruheb li rey saꞌ incꞌabaꞌ la̱in. Ut te̱chꞌolob lix ya̱lal chiruheb aꞌan, joꞌ ajcuiꞌ chiruheb li ma̱cuaꞌeb aj judío.

San Mateo 6:1

Cheqꞌuehak retal cꞌaꞌru nequeba̱nu. Cui la̱ex te̱ba̱nu li usilal yal re nak tex-ilekꞌ joꞌ nequeꞌxba̱nu eb laj fariseo, ma̱cꞌaꞌak le̱ kꞌajca̱munquil riqꞌuin le̱ Yucuaꞌ cuan saꞌ choxa.

San Mateo 5:17

Me̱cꞌoxla nak xinchal chixsachbal xcuanquil li chakꞌrab li quiqꞌueheꞌ re laj Moisés chi moco li ac xoleꞌxye li profeta. Incꞌaꞌ xinchal chixsachbal xcuanquil aꞌan. Xinchal ban re nak ta̱tzꞌaklok ru aꞌan.

Isaías 42:21

Li Ka̱cuaꞌ nacuulac chiru xba̱nunquil chixjunil saꞌ ti̱quilal. Joꞌcan nak quixqꞌue xcuanquil li chakꞌrab ut quixqꞌue ajcuiꞌ xlokꞌal.

San Juan 8:50

La̱in incꞌaꞌ ninsicꞌ inlokꞌal. Abanan cuan jun naraj nak ta̱qꞌuehekꞌ inlokꞌal. Ut aꞌan li ta̱rakok a̱tin saꞌ e̱be̱n xban nak yo̱quex chintzꞌekta̱nanquil.

San Juan 7:18

Cui junak naxchꞌolob xya̱lal li naxcꞌoxla xjunes, li jun aꞌan naraj nak ta̱qꞌuehekꞌ xlokꞌal xbaneb li nequeꞌabin re. Abanan li ani naraj nak ta̱qꞌuehekꞌ xlokꞌal li quitaklan chak re, li jun aꞌan ti̱c xchꞌo̱l ut ma̱cꞌaꞌ balakꞌic riqꞌuin.

San Juan 5:41

La̱in incꞌaꞌ nacuaj nak te̱qꞌue inlokꞌal la̱ex,

San Lucas 21:13

Ut aꞌan ta̱cꞌanjelak e̱re re xchꞌolobanquil resil li colba-ib.

San Marcos 8:30

Li Jesús quixye reheb nak ma̱ ani aj e teꞌxye nak aꞌan li Cristo.

San Mateo 16:20

Tojoꞌnak quixye reheb lix tzolom nak ma̱ ani aj e teꞌxye nak li Jesús, aꞌan li Cristo, li yechiꞌinbil xban li Dios.

San Mateo 3:15

Ut li Jesús quichakꞌoc ut quixye re: —Us takaba̱nu anakcuan xban nak tento ta̱uxma̱nk chixjunil li cꞌaꞌru naxye li Dios, chan. Tojoꞌnak quixcꞌu̱luban xchꞌo̱l laj Juan.

San Marcos 13:9

Aꞌut la̱ex cheqꞌuehak retal li raylal ta̱cha̱lk saꞌ e̱be̱n. Texkꞌaxtesi̱k chiruheb laj rakol a̱tin ut texsaqꞌuekꞌ saꞌ li cab li nequeꞌxchꞌutub cuiꞌ ribeb laj judío. Texcꞌamekꞌ chiruheb li acuabej ut chiruheb li rey saꞌ incꞌabaꞌ la̱in ut ta̱ru̱k te̱chꞌolob xya̱lal li cua̱tin chiruheb.

Levítico 13:49

cui li moꞌ cak malaj ut rax, aꞌan xcomon li moꞌ li naxbon rib ut tento nak ta̱cꞌutekꞌ chiru laj tij.

San Marcos 3:12

Ut li Jesús quixkꞌuseb li ma̱us aj musikꞌej ut quixye reheb nak incꞌaꞌ teꞌxye resil nak aꞌan Ralal li Dios.

San Marcos 9:9

Nak yo̱queb chak chi cubec saꞌ li tzu̱l quixye li Jesús reheb nak ma̱ ani aj e teꞌxye li cꞌaꞌru queꞌril toj ta̱cuacli̱k cuiꞌchic li Alalbej chi yoꞌyo saꞌ xya̱nkeb li camenak.

San Lucas 4:41

Ut nabaleb ajcuiꞌ li quirisi ma̱us aj musikꞌej riqꞌuineb. Li ma̱us aj musikꞌej nak nequeꞌel riqꞌuineb, japjo̱queb re chixyebal: —La̱at Ralal li Dios, chanqueb. Abanan li Jesús quixkꞌuseb ut incꞌaꞌ quixcanabeb chi a̱tinac xban nak eb aꞌan queꞌxnau nak aꞌan li Cristo, laj Colonel li yechiꞌinbil xban li Dios.

San Lucas 8:56

Ut eb lix naꞌ xyucuaꞌ sachso̱queb xchꞌo̱l riqꞌuin li quicꞌulman. Abanan li Jesús quixye reheb nak ma̱ ani aj e teꞌxserakꞌi li cꞌaꞌru quicꞌulman.

San Lucas 9:21

Ut li Jesús quixtzꞌa̱ma chiruheb lix tzolom ut quixye reheb: —Ma̱ ani aj e te̱ye nak la̱in li Cristo, chan reheb.