San Mateo 8:34 - Li Santil hu

³⁴ Ut chixjunileb li tenamit queꞌel chak chixcꞌulbal li Jesús. Ut nak queꞌril ru, queꞌxtzꞌa̱ma chiru nak chie̱lk saꞌ lix tenamiteb.

Q'eqchi Bible

³⁴ Tikto ke'elk chaq chixjunil li poyanam chi xk'ulb'al li Jesus ut, naq ke'ril ru, ke'relaji ru naq chi'elq sa' li xch'och'eb'.

San Mateo 8:34 ပူးပေါင်းရင်းမြစ်များ

Hechos 16:39

Nak queꞌcuulac, queꞌxkꞌunbesiheb ut queꞌxtzꞌa̱ma chiruheb nak teꞌe̱lk saꞌ li tenamit.

San Lucas 5:8

Nak quiril chixjunil aꞌin laj Simón Pedro, quixcuikꞌib rib chiru li Jesús ut quixye re: —Canabin injunes, at Ka̱cuaꞌ. Ma̱cuaꞌ incꞌulub nak cua̱nkat cuiqꞌuin xban nak la̱in jun cui̱nk aj ma̱c, chan.

Li xHu LAJ JOB 21:14

Ut nequeꞌxye re li Dios, “Canabo kajunes. ¿Cꞌaꞌru ta̱cuaj kiqꞌuin la̱at? La̱o incꞌaꞌ nakaj xnaubal cꞌaꞌru naxye la̱ chakꞌrab.

Li xHu LAJ JOB 22:17

Ut nequeꞌxye re li Dios, “Canabo kajunes. ¿Cꞌaꞌru toa̱tenkꞌa cuiꞌ la̱at? Cuan chixjunil li cꞌaꞌru ke,” chanqueb re li nimajcual Dios.

1 Reyes 17:18

Li naꞌbej quixye re laj Elías: —¿Cꞌaꞌru inma̱c cha̱cuu, at xprofeta li Dios? ¿Ma xatchal cuiqꞌuin chixjulticanquil lin ma̱c ut chixcamsinquil lin chꞌina yum? chan.

San Lucas 8:28

Nak quiril li Jesús li cui̱nk quixcuikꞌib rib chiru. Quixjap re chixyebal: —¿Cꞌaꞌru ta̱cuaj cuiqꞌuin, at Jesús? La̱at li Ralal li nimajcual Dios. Nintzꞌa̱ma cha̱cuu nak mina̱chꞌiꞌchꞌiꞌi, chan re.

San Mateo 8:29

Ut eb aꞌan queꞌxjap re chixyebal: —¿Cꞌaꞌru ta̱cuaj kiqꞌuin, at Jesús? La̱at ralalat li nimajcual Dios. ¿Ma xatchal arin chikachꞌiꞌchꞌiꞌinquil chi toj ma̱jiꞌ xkꞌehil li rakba a̱tin? chanqueb.

1 Reyes 18:17

Nak laj Acab quiril ru laj Elías quixye re: —Arin peꞌ cuancat la̱at li yo̱cat chi qꞌuehoc raylal saꞌ xbe̱n li tenamit Israel, chan laj Acab.

1 Samuel 16:4

Ut laj Samuel quixba̱nu joꞌ quiyeheꞌ re xban li Ka̱cuaꞌ. Quicuulac saꞌ li tenamit Belén. Ut eb li nequeꞌcꞌamoc be saꞌ li tenamit queꞌel chixcꞌulbal chi yo̱queb xxiu ut queꞌxpatzꞌ re: —¿Ma saꞌ usilal xatchal saꞌ li katenamit? chanqueb.

Deuteronomio 5:25

Abanan, ¿cꞌaꞌut nak takaqꞌue kib chi ca̱mc? To-osokꞌ xban li xam li kꞌaxal xiu xiu. Incꞌaꞌ chic takacuy cui li Dios ta̱a̱tinak cuiꞌchic kiqꞌuin.

Amós 7:12

Tojoꞌnak quixye laj Amasías re laj Amós: —At profeta, elen arin. Ayu cuiꞌchic saꞌ li tenamit Judá cui ta̱cuaj ta̱qꞌuehekꞌ a̱cua riqꞌuin xyebal ra̱tin profeta.