San Mateo 8:2 - Li Santil hu

² Ut quichal jun li saklep rix ut quixcuikꞌib rib chiru li Jesús ut quixye re: —Ka̱cuaꞌ, la̱in ninnau nak la̱at naru tina̱qꞌuirtesi. Cui ta̱ba̱nu li usilal, china̱qꞌuirtesi, chan.

Q'eqchi Bible

² Toja' naq jun li winq saqlep rix kiwulak rik'in, kixwiq'ib' rib' chiru ut kixye re: —Qaawa', wi taawaj, truuq tinaak'irtasi.

San Mateo 8:2 ပူးပေါင်းရင်းမြစ်များ

San Mateo 18:26

Ut laj cꞌanjel aꞌan quixcuikꞌib rib chiru li rey ut quixpatzꞌ xcuybal chiru ut quixye re: —Ka̱cuaꞌ, china̱cuy cuan chic caꞌchꞌinak, ut la̱in tintoj chixjunil lin cꞌas cha̱cuu.—

San Mateo 15:25

Ut li ixk quixcuikꞌib rib chiru li Jesús ut quixye cuiꞌchic: —Ka̱cuaꞌ, chacuuxta̱na taxak cuu.—

1 Corintios 14:25

Li Dios tixcꞌut chiru chi tzꞌakal cꞌaꞌru cuan saꞌ xchꞌo̱l. Ut li jun aꞌan tixcuikꞌib rib ut tixlokꞌoni li Dios ut tixye nak relic chi ya̱l li Dios cuan saꞌ xya̱nkeb laj pa̱banel.

Hechos 10:25

Nak laj Pedro quicuulac saꞌ li rochoch, laj Cornelio qui-el chixcꞌulbal. Quixcuikꞌib rib chiru re xlokꞌoninquil.

San Juan 9:38

Li cui̱nk quixye: —At Ka̱cuaꞌ, la̱in nacatinpa̱b, chan ut quixcuikꞌib rib chiru ut quixlokꞌoni.

San Mateo 28:17

Ut nak queꞌril ru li Jesús, queꞌxlokꞌoni. Abanan cuanqueb saꞌ xya̱nkeb lix tzolom li queꞌcuiban xchꞌo̱l chixpa̱banquil.

San Lucas 4:27

Joꞌcan ajcuiꞌ saꞌ eb li cutan nak cua̱nk chokꞌ profeta laj Eliseo, nabaleb li saklep rixeb aran Israel. Abanan ma̱ jun reheb laj judío quiqꞌuirtesi̱c. Caꞌaj cuiꞌ jun li cui̱nk li ma̱cuaꞌ aj judío. Li cui̱nk aꞌan aj Naamán xcꞌabaꞌ. Siria xtenamit, chan li Jesús.

San Mateo 26:6

Li Jesús cuan aran Betania saꞌ rochoch laj Simón li saklep rix.

San Mateo 20:20

Laj Jacobo ut laj Juan, aꞌaneb li ralal laj Zebedeo. Queꞌcuulac riqꞌuin li Jesús rochben lix naꞌeb. Ut li naꞌbej quixcuikꞌib rib chiru li Jesús chixtzꞌa̱manquil jun usilal chiru.

San Mateo 14:33

Ut eb li cuanqueb saꞌ li jucub queꞌxcuikꞌib rib chiru li Jesús ut queꞌxlokꞌoni ut queꞌxye re: —Relic chi ya̱l nak la̱at li Ralal li Dios, chanqueb re.

San Mateo 13:58

Ut incꞌaꞌ qꞌui li milagros li quixba̱nu aran xban nak incꞌaꞌ queꞌraj pa̱ba̱nc li tenamit.

San Mateo 9:18

Nak yo̱ chixyebal li cꞌaꞌak re ru aꞌin reheb, quicuulac riqꞌuin jun li cui̱nk xcomoneb li xbe̱nil saꞌ li cab li nequeꞌxchꞌutub cuiꞌ ribeb laj judío. Quixcuikꞌib rib chiru li Jesús ut quixye re: —Lin rabin tojeꞌ ta̱ca̱mk. Tatxic taxak ut ta̱qꞌue raj la̱ cuukꞌ saꞌ xbe̱n, ut ta̱yoꞌla̱k raj cuiꞌchic, chan.

2 Reyes 15:5

Li Ka̱cuaꞌ Dios quixqꞌue jun li yajel saklep chirix li rey Azarías. Joꞌcan nak quicuan xjunes saꞌ rochoch toj chalen nak quicam. Ut laj Jotam li ralal quicuan saꞌ li palacio ut quitaklan saꞌ xbe̱neb li tenamit.

2 Reyes 5:27

Anakcuan ta̱letz cha̱cuix lix yajel laj Naamán. Chalen anakcuan saklep chic a̱cuix joꞌ eb ajcuiꞌ la̱ cualal a̱cꞌajol saklep chic rixeb, chan. Ut nak co̱ laj Giezi, saklep chic rix. Sak sak joꞌ li ratzꞌam que.

Números 12:10

Nak qui-el li chok cuan cuiꞌ li tabernáculo, lix María ac saklep chic rix. Sak sak lix tibel quicana. Laj Aarón quiril lix María ut quixqꞌue retal nak saklep rix.

Apocalipsis 19:10

La̱in quincuikꞌib cuib chiru chixlokꞌoninquil. Ut aꞌan quixye cue: —Ma̱ba̱nu aꞌan. La̱in yal aj cꞌanjelin chiru li Dios joꞌ la̱at, ut joꞌ eb ajcuiꞌ la̱ cuech aj pa̱banelil, li nequeꞌxpa̱b lix ya̱lal li quixchꞌolob li Jesús. Li Dios, aꞌan li ta̱lokꞌoni, chan cue, xban nak li quixchꞌolob li Jesús, aꞌan ajcuiꞌ li musikꞌanbil reheb li profeta.—

San Mateo 28:9

Yo̱queb chi xic nak xaka̱mil li Jesús chiruheb ut quixqꞌue xsahileb xchꞌo̱l. Ut eb li ixk queꞌnachꞌoc riqꞌuin ut queꞌxcuikꞌib ribeb chiru. Queꞌxkꞌalu li rok ut queꞌxlokꞌoni.

San Mateo 10:8

Cheqꞌuirtesiheb li yaj, checuaclesiheb cuiꞌchic chi yoꞌyo li camenak. Cheqꞌuirtesiheb li saklep rix ut cherisiheb li ma̱us aj musikꞌej. Chi ma̱tan xecꞌul le̱ cuanquil ut chi ma̱tan ajcuiꞌ te̱ba̱nu li usilal.

San Mateo 4:9

Ut quixye re li Jesús: —Chixjunil aꞌin tinqꞌue a̱cue cui la̱at ta̱cuikꞌib a̱cuib chicuu ut tina̱lokꞌoni.—

San Mateo 2:11

Ut nak queꞌoc saꞌ li cab, queꞌxtau li cꞌulaꞌal rochben lix María li naꞌbej. Ut queꞌxcuikꞌib rib chiru li Jesús ut queꞌxlokꞌoni. Ut queꞌxte lix cꞌu̱leba̱leb ut queꞌxqꞌue lix ma̱tan. Ut li ma̱tan li queꞌxqꞌue, aꞌan li oro, li incienso ut li sununquil ban mirra xcꞌabaꞌ.

2 Reyes 5:1

Quicuan jun li cui̱nk aj Naamán xcꞌabaꞌ. Laj Naamán, aꞌan li nataklan saꞌ xbe̱neb li soldado re li tenamit Siria. Lix reyeb laj Siria quixqꞌue xlokꞌal laj Naamán xban nak saꞌ xcꞌabaꞌ aꞌan li Ka̱cuaꞌ quixqꞌueheb laj Siria chi numta̱c saꞌ xbe̱neb li xicꞌ nequeꞌiloc reheb. Laj Naamán naxnau pletic chi us ut cau rib. Abanan cuan lix yajel. Saklep rix.

2 Samuel 3:39

Usta la̱in li rey li sicꞌbil cuu xban li Dios, abanan nacuecꞌa nak ma̱cꞌaꞌ incuanquil. Eb li cui̱nk aꞌin, lix yum lix Sarvia, kꞌaxal cauheb rib chicuu la̱in. Li Ka̱cuaꞌ chiqꞌuehok reheb chixtojbal xma̱queb joꞌ xcꞌulubeb xban li ma̱usilal queꞌxba̱nu, chan laj David.

San Mateo 8:1

Nak quicube chak li Jesús chiru li tzu̱l, quita̱ke̱c xbaneb li qꞌuila tenamit.

San Mateo 8:25

Eb lix tzolom queꞌjiloc riqꞌuin, queꞌrajsi, ut queꞌxye re: —Ka̱cuaꞌ, choa̱col. Osocꞌ ke, chanqueb re.

Hechos 10:14

Laj Pedro quixye: —Incꞌaꞌ, Ka̱cuaꞌ. Ma̱ jun sut xintzaca cꞌaꞌak re ru li naxye saꞌ li chakꞌrab nak incꞌaꞌ us xtzacanquil, chan.