San Mateo 8:12 - Li Santil hu

¹² Aꞌut nabaleb laj judío li teꞌe̱chani̱nk raj re lix nimajcual cuanquilal li Dios, eb aꞌan chic li teꞌisi̱k ut teꞌqꞌuehekꞌ saꞌ li kꞌojyi̱n. Ut aran ta̱cua̱nk li ya̱bac ut li cꞌuxuxi̱nc ruch e, chan li Jesús reheb li tenamit.

Q'eqchi Bible

¹² ut eb' li ke'b'oqe'k xb'enwa chi ok sa' li xnimajwal wankilal li choxa, te'isiiq ut te'tz'eqe'q sa' li aak'ab' chirix kab'l: aran taawanq li yaab'ak ut li k'uxuxink ruuch e.

San Mateo 8:12 ပူးပေါင်းရင်းမြစ်များ

San Mateo 25:30

Ut laj cꞌanjel aꞌin, ma̱cꞌaꞌ na-oc cuiꞌ. Isihomak arin ut qꞌuehomak saꞌ kꞌojyi̱n. Aran ta̱cua̱nk li ya̱bac ut li cꞌuxuxi̱nc ruch e,” chan.

San Lucas 13:28

Nak te̱ril laj Abraham, laj Isaac, laj Jacob ut chixjunileb li profeta cua̱nkeb saꞌ lix nimajcual cuanquilal li Dios, ut la̱ex incꞌaꞌ tex-ocsi̱k, toj aran texya̱bak ut te̱cꞌuxuxi li ruch e̱re xban xrahil e̱chꞌo̱l.

San Mateo 21:43

Joꞌcan nak ninye e̱re nak lix nimajcual cuanquilal li Dios ta̱makꞌekꞌ che̱ru ut ta̱qꞌuehekꞌ re jalanil tenamit ut eb aꞌan chic li teꞌpa̱ba̱nk ut teꞌcua̱nk saꞌ ti̱quilal.

San Mateo 13:50

Ut teꞌqꞌuehekꞌ li incꞌaꞌ useb xnaꞌleb saꞌ li horno li lochlo cuiꞌ li xam. Ut aran ta̱cua̱nk li ya̱bac ut li cꞌuxuxi̱nc ruch e xban li raylal li teꞌxcꞌul.

San Mateo 13:42

Ut teꞌqꞌuehekꞌ saꞌ li horno li lochlo cuiꞌ li xam. Ut aran ta̱cua̱nk li ya̱bac ut li cꞌuxuxi̱nc ruch e xban li raylal li teꞌxcꞌul.

San Mateo 24:51

Ut ta̱cꞌajtesi̱k ru ut ta̱qꞌuehekꞌ saꞌ xya̱nkeb laj caꞌ pacꞌal u. Ut aran ta̱cua̱nk li ya̱bac ut li cꞌuxuxi̱nc ruch e.

San Judas 1:13

Nak na-el chak xcuokx li palau xban xcacuil rok li haꞌ, nalemeb rib chire li haꞌ lix tzꞌajnil li haꞌ. Joꞌcan ajcuiꞌ lix xuta̱neb laj balakꞌ xban li ma̱usilal li nequeꞌxba̱nu. Chanchaneb li chahim li yal naxbeni rib yalak bar chiru choxa. Eb li cui̱nk aꞌin ac xakabanbileb chi xic chi junaj cua toj saꞌ xchamal ut xkꞌojyi̱nal li tojba ma̱c.

2 Pedro 2:17

Eb laj tzolonel aj balakꞌ chanchaneb lix julel haꞌ li ma̱cꞌaꞌ haꞌ chi saꞌ. Ma̱cꞌaꞌ na-oc cuiꞌ. Chanchaneb li chok li nacꞌameꞌ yalak bar xban li ikꞌ. Eb li cui̱nk aꞌin teꞌxic saꞌ lix kꞌojyi̱nal ru li xbalba li ac yi̱banbil chokꞌ reheb.

2 Pedro 2:4

Li Dios incꞌaꞌ quixcuy xma̱queb li ángel li queꞌma̱cob chiru. Quixcuteb ban saꞌ xbalba saꞌ chamal jul kꞌojyi̱n xsaꞌ. Bacꞌbo̱queb chi cadena quixcanabeb toj ta̱cuulak xkꞌehil li rakba a̱tin. Joꞌcan ajcuiꞌ tixba̱nu reheb laj balakꞌ. Incꞌaꞌ tixcuy xma̱queb.

Romanos 9:4

Aꞌan eb li ralal xcꞌajol laj Israel. Li Dios quixsiqꞌueb ru ut quixcꞌuleb chokꞌ ralal xcꞌajol, ut quixcꞌut lix lokꞌal chiruheb retalil nak cuan riqꞌuineb. Quixba̱nu li contrato riqꞌuineb ut quixqꞌue lix chakꞌrab reheb. Quicꞌuteꞌ chiruheb chanru teꞌxlokꞌoni li Dios saꞌ xya̱lal ut cuan cꞌaꞌ re ru quixyechiꞌi li Dios reheb.

Hechos 3:25

La̱ex ralal xcꞌajol eb li profeta ut la̱ex texcꞌuluk re li quiyechiꞌi̱c reheb le̱ xeꞌto̱nil yucuaꞌ. Nak li Dios quixba̱nu li contrato riqꞌuin laj Abraham, quixye re, “Chixjunileb li cuanqueb saꞌ ruchichꞌochꞌ teꞌosobtesi̱k saꞌ xcꞌabaꞌeb la̱ cualal a̱cꞌajol.”

San Mateo 13:38

Ut li chꞌochꞌ, aꞌan li ruchichꞌochꞌ. Ut li cha̱bil iyaj, aꞌaneb li cuanqueb rubel xcuanquil li nimajcual Dios. Ut li yibru pim, aꞌaneb li cuanqueb rubel xcuanquil laj tza.

1 Samuel 2:9

Aꞌan narileb li ti̱queb xchꞌo̱l, aban eb li incꞌaꞌ useb xnaꞌleb naxcanabeb chi ca̱mc saꞌ xkꞌojyi̱nal ru li ma̱c xban nak ma̱ ani cau rib yal xjunes rib.

Salmos 112:10

Eb li incꞌaꞌ useb xnaꞌleb nequeꞌxqꞌue retal nak osobtesinbil li cha̱bil xnaꞌleb. Nequeꞌjoskꞌoꞌ xban. Xicꞌ chic nequeꞌril ut nequeꞌraj xba̱nunquil ma̱usilal re. Abanan incꞌaꞌ teꞌru̱k.

Isaías 65:14

Eb li nequeꞌcꞌanjelac chicuu teꞌbicha̱nk xban xsahileb xchꞌo̱l. Abanan la̱ex, li nequeba̱nu li incꞌaꞌ us, texya̱bak xban li raylal li te̱cꞌul. Ta̱yotꞌekꞌ e̱chꞌo̱l ut japjo̱k e̱re xban li raylal.

Apocalipsis 22:15

Abanan li incꞌaꞌ useb xnaꞌleb incꞌaꞌ ta̱ru̱k teꞌoc saꞌ li tenamit aꞌan, chi moco laj tu̱l, chi moco laj coꞌbe̱t laj yumbe̱t, chi moco li nequeꞌxcamsi ras ri̱tzꞌineb ut eb li nequeꞌlokꞌonin jalanil dios joꞌqueb ajcuiꞌ li nequeꞌcuulac chiru balakꞌic ut ticꞌtiꞌic.