San Mateo 7:5 - Li Santil hu

⁵ At aj caꞌ pacꞌal u, xbe̱n cua isi li tzꞌamba cuan saꞌ li xnakꞌ a̱cuu, tojoꞌnak tat-ilok chi tzꞌakal re risinquil li cꞌaj cheꞌ cuan saꞌ xnakꞌ ru la̱ cuas a̱cui̱tzꞌin.

Q'eqchi Bible

⁵ At aj ka'pak'al u, isi wan li tz'amb'a sa' laawu; chi jo'kan tat-iloq chi us ut tatruuq risinkil li mul sa' ru laawas aawiitz'in.

San Mateo 7:5 ပူးပေါင်းရင်းမြစ်များ

San Lucas 6:42

¿Chanru nak ta̱ye re la̱ cuas a̱cui̱tzꞌin, “Cuisihak li cꞌaj cheꞌ saꞌ xnakꞌ a̱cuu”, nak toj cuan li tzꞌamba saꞌ xnakꞌ a̱cuu la̱at? At aj caꞌ pacꞌal u, xbe̱n cua isi li tzꞌamba cuan saꞌ li xnakꞌ a̱cuu la̱at, re nak tat-ilok chi tzꞌakal re risinquil li cꞌaj cheꞌ cuan saꞌ xnakꞌ ru la̱ cuas a̱cui̱tzꞌin.

San Lucas 13:15

Ut li Ka̱cuaꞌ quichakꞌoc ut quixye re: —¡Ex aj caꞌ pacꞌal u! ¿Ma incꞌaꞌ ta biꞌ te̱hit e̱bo̱yx malaj ut e̱bu̱r saꞌ li hiloba̱l cutan re nak te̱cꞌameb chi ucꞌac?

San Lucas 4:23

Ut li Jesús quixye reheb: —Ma̱re te̱ye cue jun li a̱tin li naxye: “At aj banonel, ban a̱cuib a̱junes. La̱o xkabi resil nak nabal li cꞌaꞌak re ru xaba̱nu Capernaum. ¿Cꞌaꞌut nak incꞌaꞌ ta̱ba̱nu aꞌan arin saꞌ la̱ tenamit?” ma̱re chaꞌkex cue.

San Mateo 22:18

Ut li Jesús quixnau nak moco anchaleb ta xchꞌo̱l nak yo̱queb chi patzꞌoc. Quixtau ru lix ma̱usilaleb ut quixye reheb: —Ex aj caꞌ pacꞌal u, ¿cꞌaꞌut nak nequeraj xyalbal cuix?

San Lucas 12:56

La̱ex aj caꞌ pacꞌal u. Nequenau xqꞌuebal retal ru li choxa ut li ruchichꞌochꞌ. Abanan caꞌaj cuiꞌ aꞌan nequenau rilbal. Incꞌaꞌ nequeqꞌue retal li yo̱ chi cꞌulma̱nc saꞌ eb li cutan aꞌin.

Hechos 19:15

Saꞌ jun li cutan jun li ma̱us aj musikꞌej quichakꞌoc ut quixye reheb: —Ninnau ani li Jesús, ut ninnau ajcuiꞌ ani laj Pablo. Ut la̱ex, ¿anihex? Ut, ¿ani xqꞌuehoc e̱cuanquil chi isi̱nc ma̱us aj musikꞌej? chan reheb.

San Mateo 7:3

¿Cꞌaꞌut nak nacaqꞌue retal li cꞌaj cheꞌ cuan saꞌ xnakꞌ ru la̱ cuas a̱cui̱tzꞌin ut incꞌaꞌ nacacuil li tzꞌamba cuan saꞌ xnakꞌ a̱cuu la̱at?

San Mateo 7:4

¿Chanru nak ta̱ye re la̱ cuas a̱cui̱tzꞌin: “Cuisihak li cꞌaj cheꞌ saꞌ xnakꞌ a̱cuu”, ut toj cuan li tzꞌamba saꞌ xnakꞌ a̱cuu la̱at?

San Mateo 7:6

Me̱qꞌue reheb li tzꞌiꞌ li cꞌaꞌru kꞌaxal lokꞌ xban nak naru nequeꞌchal saꞌ e̱be̱n ut textiu. Chi moco te̱qꞌue li pec li kꞌaxal terto xtzꞌak chiruheb li a̱k re teꞌxyekꞌi.