San Mateo 7:3 - Li Santil hu

³ ¿Cꞌaꞌut nak nacaqꞌue retal li cꞌaj cheꞌ cuan saꞌ xnakꞌ ru la̱ cuas a̱cui̱tzꞌin ut incꞌaꞌ nacacuil li tzꞌamba cuan saꞌ xnakꞌ a̱cuu la̱at?

Q'eqchi Bible

³ “K'a'ut naq nakawil li mul li wank sa' ru laawas aawiitz'in ut ink'a' nakak'e reetal li tz'amb'a wank sa' laawu laa'at?

San Mateo 7:3 ပူးပေါင်းရင်းမြစ်များ

Gálatas 6:1

Ex inherma̱n, ma̱re cuan junak e̱rech aj pa̱banelil ta̱oc cuiꞌchic chi ma̱cobc. La̱ex li cuanquex chic rubel xcuanquil li Santil Musikꞌej te̱tenkꞌa saꞌ tu̱lanil re nak ta̱cacuu̱k xchꞌo̱l saꞌ xpa̱ba̱l. Ut cheqꞌuehak retal chi us le̱ yuꞌam re nak la̱ex incꞌaꞌ tex-a̱le̱k.

San Lucas 18:11

Laj fariseo quixxakab rib ut quitijoc chi cau xya̱b xcux ut quixye: “At inDios, la̱in ninbantioxi cha̱cuu nak ma̱cuaꞌin joꞌqueb li jun chꞌol chic. Aꞌan eb aj e̱lkꞌeb, aj ba̱nuhom ma̱usilal, ut aj muxuleb caxa̱r. La̱in ma̱cuaꞌin joꞌ laj titzꞌol toj aꞌan.

San Mateo 7:4

¿Chanru nak ta̱ye re la̱ cuas a̱cui̱tzꞌin: “Cuisihak li cꞌaj cheꞌ saꞌ xnakꞌ a̱cuu”, ut toj cuan li tzꞌamba saꞌ xnakꞌ a̱cuu la̱at?

San Mateo 7:5

At aj caꞌ pacꞌal u, xbe̱n cua isi li tzꞌamba cuan saꞌ li xnakꞌ a̱cuu, tojoꞌnak tat-ilok chi tzꞌakal re risinquil li cꞌaj cheꞌ cuan saꞌ xnakꞌ ru la̱ cuas a̱cui̱tzꞌin.

Romanos 2:1

¿Anihat la̱at nak tatrakok a̱tin saꞌ xbe̱neb la̱ cuas a̱cui̱tzꞌin? Cui nacarak a̱tin saꞌ xbe̱neb la̱ cuas a̱cui̱tzꞌin ut toj yo̱cat ajcuiꞌ chixba̱nunquil li incꞌaꞌ us la̱at joꞌ yo̱queb aꞌan, raylal ajcuiꞌ yo̱cat chixbokbal saꞌ a̱be̱n ut ta̱rakekꞌ a̱tin saꞌ a̱be̱n.