San Mateo 7:24 - Li Santil hu

²⁴ Joꞌcan nak yalak ani ta̱abi̱nk reheb li cua̱tin aꞌin ut cui tixba̱nu li cꞌaꞌru xinye, li jun aꞌan tinjuntakꞌe̱ta riqꞌuin li cui̱nk cuan xnaꞌleb li quixyi̱b li rochoch saꞌ xbe̱n pec.

Q'eqchi Bible

²⁴ “Jo'kan utan, chixjunil li na'ab'ink reheb' li waatin a'in ut naxk'anjela ru, chanchanaq li winq wank xna'leb' li kikab'lak sa' xb'een pek.

San Mateo 7:24 ပူးပေါင်းရင်းမြစ်များ

San Juan 13:17

Ac nequenau chic xya̱lal. Us xak e̱re cui la̱ex te̱ba̱nu li cꞌaꞌru xetzol cuiqꞌuin.

San Lucas 11:28

Li Jesús quichakꞌoc ut quixye: —Kꞌaxal cuiꞌchic us chokꞌ reheb li nequeꞌabin re li ra̱tin li Dios ut nequeꞌxba̱nu li cꞌaꞌru naxye.—

1 Juan 2:3

Cui la̱o nakaba̱nu li cꞌaꞌru naraj li Dios, relic chi ya̱l nak la̱o reho chic li Dios.

Salmos 111:10

Li ani ta̱raj ta̱cua̱nk xnaꞌleb, tento nak tixxucua ru li Dios. Li Ka̱cuaꞌ naxqꞌue xnaꞌlebeb chixjunileb li nequeꞌxba̱nu li cꞌaꞌru naxye lix chakꞌrab. Lokꞌoninbil taxak li Ka̱cuaꞌ chi junelic kꞌe cutan.

Proverbios 10:8

Li ani cuan xnaꞌleb naxcꞌu̱luban lix tijbal. Ut li ani nacuulac chiru a̱tinac chi ma̱cꞌaꞌ rajbal ta̱osokꞌ.

San Juan 14:15

Cui niquine̱ra, cheba̱nuhak joꞌ xexinchakꞌrabi cuiꞌ.

San Juan 15:14

Cui te̱ba̱nu li cꞌaꞌru ninye e̱re, la̱exak li raro̱kex inban.

Li xHu LAJ JOB 28:28

Ut quixye reheb li cristian, “Li ani cuan xnaꞌleb, aꞌan li nacꞌanjelac chicuu chi tzꞌakal. Ut li ani se̱b xchꞌo̱l, aꞌan li naxcanab xba̱nunquil li ma̱usilal,” chan li Dios.—

San Juan 15:10

Cui te̱ba̱nu li cꞌaꞌru ninye e̱re, la̱in texinra junelic. La̱in xinba̱nu li cꞌaꞌru xye cue lin Yucuaꞌ ut aꞌan junelic niquinixra la̱in.

San Mateo 12:50

Chixjunileb li teꞌba̱nu̱nk re li naraj lin Yucuaꞌ li cuan saꞌ choxa, aꞌaneb li cui̱tzꞌin, aꞌaneb li cuanab ut aꞌaneb lin naꞌ, chan.

Salmos 119:99

La̱in chic cuan innaꞌleb chi us chiruheb li nequeꞌtzoloc cue xban nak junelic yo̱quin chixcꞌoxlanquil la̱ chakꞌrab.

Salmos 119:130

La̱ cua̱tin naxcutanobresi li kacꞌaꞌux ut naxqꞌue xnaꞌlebeb li ma̱cꞌaꞌeb xnaꞌleb.

Proverbios 14:8

Li ani se̱b xchꞌo̱l cuan xnaꞌleb chixqꞌuebal retal chanru lix yuꞌam. Abanan li ma̱cꞌaꞌeb xnaꞌleb incꞌaꞌ nequeꞌxnau xqꞌuebal retal chanru lix yuꞌameb. Xjuneseb nequeꞌxbalakꞌi rib.

Proverbios 10:25

Eb li incꞌaꞌ useb xnaꞌleb nequeꞌosoꞌ joꞌ nak nanumeꞌ li ca̱k-sut-ikꞌ. Abanan eb li ti̱queb xchꞌo̱l cua̱nkeb chi junelic.

Proverbios 12:7

Eb li incꞌaꞌ useb xnaꞌleb teꞌsachekꞌ ruheb ut teꞌosokꞌ chi junaj cua. Abanan eb li ti̱queb xchꞌo̱l cua̱nkeb chi junelic, joꞌ eb ajcuiꞌ li ralal xcꞌajol.

San Mateo 7:25

Ut quichal li hab ut quicuan li butꞌi haꞌ, ut quichal li ca̱k-sut-ikꞌ. Coxsacꞌ rib chiru li cab aꞌan, ut incꞌaꞌ quitꞌaneꞌ li cab xban nak yi̱banbil chi us saꞌ xbe̱n pec.

San Mateo 7:26

Ut yalak ani ta̱abi̱nk re li cua̱tin ut incꞌaꞌ tixba̱nu li cꞌaꞌru xinye, li jun aꞌan tinjuntakꞌe̱ta riqꞌuin li cui̱nk li ma̱cꞌaꞌ xnaꞌleb. Incꞌaꞌ quixyi̱b li rochoch chi cha̱bil. Yal saꞌ xbe̱n samaib quixqꞌue.

San Mateo 16:18

Ut la̱in ninye a̱cue nak la̱at laj Pedro. Ut saꞌ xbe̱n li sako̱nac aꞌin la̱in tincabla lin iglesia ut laj tza ma̱cꞌaꞌak xcuanquil saꞌ xbe̱n.

San Mateo 24:45

¿Ani ut laj cꞌanjel cha̱bil ut cuan xnaꞌleb? Aꞌan li quiqꞌueheꞌ xcuanquil xban lix patrón saꞌ xbe̱neb li rech mo̱sil ut aꞌan ta̱qꞌuehok re xtzacae̱mkeb saꞌ x-o̱ril.

San Mateo 25:2

O̱b cuanqueb xnaꞌleb ut li o̱b chic ma̱cꞌaꞌ xnaꞌlebeb.

San Mateo 25:4

Ut li cuanqueb xnaꞌlebeb queꞌxcauresi rib chi us, queꞌxcꞌam lix candil ut queꞌxcꞌam ajcuiꞌ lix yaꞌal.

San Mateo 25:9

Aban li cuanqueb xnaꞌleb queꞌxye: “Incꞌaꞌ naru. Incꞌaꞌ ta̱tzꞌaklok li xyaꞌal li ke cui takaqꞌue e̱re la̱ex. Ayukex riqꞌuineb laj cꞌay. Lokꞌomak chak e̱re,” chanqueb reheb.

Romanos 2:13

Chiru li Dios incꞌaꞌ ti̱c xchꞌo̱l junak yal riqꞌuin xnaubal li chakꞌrab. Aban li nequeꞌba̱nun re li naxye li chakꞌrab ti̱queb xchꞌo̱l chiru li Dios.